ရုပ်သံ – Page 26

25 Aug

ဗိုလ်နဂါး၏ စစ်ရေးနိုင်ငံရေးရည်ရွယ်ချက်

Editorရုပ်သံ, သဘောထားအမြင်စစ်ကိုင်းတိုင်း, စစ်ရေး, နိုင်ငံရေး, နွေဦးတော်လှန်ရေး, ဗိုလ်နဂါး

RNA_ဩဂုတ်(၂၅)။၂၀၂၃ ခုနှစ်။ စစ်ဗိုလ်ချုပ်များနှင့် နောက်လိုက်အပေါင်းအပါများ အားလုံး ဒူးထောက်လက်မြှောက်ပြီး ပြည်သူ့ရှေ့မှောက်မှာ လက်နက်ချ အညံ့ခံပြီး၊ ပြည်သူလိုချင်သမျှ ပြည်သူဆန္ဒကို လိုက်လျောရသည်အထိ စစ်ရေးရည်မှန်းချက်ရှိသည်ဟု ဗိုလ်နဂါး၏ စစ်ရေး၊နိုင်ငံရေး ရည်မှန်းချက်များကို Facebook Live တွင် ထည့်သွင်းပြောကြားထားမှုကို ကောက်နုတ်တင်ပြအပ်ပါသည်။ #RedNewsAgency

23 Aug

နိုင်ငံရေးလုပ်ရင်း စီးပွားဖြစ်သွားကြသည့် လူမျိုးတွေဆိုတာ

Editorရုပ်သံ, သဘောထားအမြင်စစ်ကိုင်းတိုင်း, စစ်ရေး, တော်လှန်ရေး, နွေဦးတော်လှန်ရေး, ပုလဲမြို့နယ်, ဗိုလ်နဂါး, လူမှုရေး

RNA_ဩဂုတ်(၂၃)၊၂၀၂၃ ခုနှစ်။ နိုင်ငံ့အကျိုးထက် မိသားစုအကျိုး၊ နိုင်ငံရေးလုပ်ရင်း စီးပွားဖြစ်သွားကြသည့် လူမျိုးတွေဆိုတာ မင်းအောင်လှိုင်တို့အုပ်စု၏ လုပ်ရပ်များ ဖြစ်သည်ဟု ဗိုလ်နဂါး၏ သဘောထားအမြင်များကို ယမန်နေ့ညကပြောသည့် Facebook Live တွင် ထည့်သွင်းပြောကြားသွားသည်။ “ပြည်သူကို သူတို့ဘာတွေလုပ်ပေးနေပါတယ်၊ ဘာတွေတိုးတက်အောင်လုပ်ပေးနေပါတယ်ဆိုပြီး စကားလုံးတွေနဲ့ပဲပြောပြီးတော့ ပြည်သူ့အကျိုးစီးပွားထက် သူတို့အကျိုးစီးပွားပဲလုပ်သွားကြတဲ့ အုပ်စု၊ နိုင်ငံရေးတပိုင်းလုပ်ပြရင်းနဲ့ မိမိမိသားစုအကျိုးစီးပွားကို များများလုပ်နေတဲ့အုပ်စု အဲဒါမင်းအောင်လှိုင်တို့အုပ်စု” စသဖြင့် ဗိုလ်နဂါးက နိုင်ငံရေးမှာ အကျိုးစီးပွားလုပ်နေသူများကိစ္စနှင့် ပတ်သက်ပြီးသဘောထား အမြင်များ ပြောကြားထားမှုကို ကောက်နုတ်တင်ပြလိုက်ပါသည်။ (more…)

22 Aug

မဲဆောက်မြို့က ” ထမင်းတနပ် ၁၅ ဘတ်”

Editorရုပ်သံ, သတင်းစစ်ဘေးရှောင်, ထမင်းတနပ်၁၅ဘတ်, ထိုင်း-မြန်မာ နယ်စပ်, ထိုင်းနိုင်ငံ, မဲဆောက်မြို့, အလုပ်သမား

RNA_ဩဂုတ်(၂၁)၊၂၀၂၃ ခုနှစ်။ ထိုင်းနိုင်ငံ၊ မဲဆောက်မြို့တွင် နေထိုင်သည့် မြန်မာစစ်အာဏာရှင်ဘေးကြောင့် ထွက်ပြေးတိမ်းရှောင်လာရသူများနှင့် အလုပ်သမားများအတွက် ရည်ရွယ်ပြီး ထမင်းတနပ် ၁၅ ဘတ်ဖြင့် အလှူပြုလုပ် ရောင်းချနေသည်ဟု ကိုမင်းသွေးသစ်က ပြောသည်။ တပတ်ကို ဗုဒ္ဓဟူးနေ့နှင့် တနင်္ဂနွေနေ့တို့တွင် ထမင်းတနပ် ၁၅ ဘတ် Facebook Page = https://www.facebook.com/profile.php?id=100095368187674 တွင် မှာယူနိုင်ကြောင်း၊ အလှူရှင်တို့ရှိပါက ထမင်းတနပ် ၁၅ ဘတ်ကို မတက်နိုင်ပါက အိမ်အရောက် လာရောက်လှူဒါန်းမှုများလည်းရှိကြောင်း သိရသည်။ Red News Agency

22 Aug

ပွိုင့် 5 တလက်နှင့် လက်နက်အချို့ယူကာ သစ္စာဖောက်ခံရသည်ဟု ဗိုလ်နဂါးပြော

Editorရုပ်သံ, သတင်းMyanmar Royal Dragon Army(MRDA), စစ်ကိုင်းတိုင်း, နွေဦးတော်လှန်ရေး, ပုလဲ, ဗိုလ်နဂါး, သစ္စာဖောက်မှု

RNA_ဩဂုတ်(၂၂)၊၂၀၂၃ ခုနှစ်။ အဖွဲ့အစည်းအတွင်း တပ်ရင်းမှူး တဦးက ပွိုင့် 5 တလက်နှင့် လက်နက်အချို့ယူကာ ဖမ်းဆီးမည်အထိ လုပ်ဆောင်သည့် သစ္စာဖောက် ခံခဲ့ရသည်ဟု ဗိုလ်နဂါးက ယမန့်နေ့ညက ပြုလုပ်သည့် Facebook Live တွင် ထည့်သွင်းပြောကြားသွားသည်။ NUG-MOD နှင့် ဆက်ဆံရေးကောင်းရှိနေပြီး တပ်ရင်းမှူးတဦးက ဒုစစ်ဦးစီးချုပ်အထိတောင်းသည်ကို မပေးသည့်အတွက် ဒေသတွင်းအဖွဲ့တချို့နှင့်ပေါင်းကာ သစ္စာဖောက်ခံခဲ့ရကြောင်း၊ သစ္စာဖောက်သွားသည့် ရင်းမှူးကို ထုတ်ပယ်လိုက်ပြီ စသည့် အဖွဲ့အစည်းတွင်းအခြေအနေများကို ပြောကြာားထားသည်။ Red News Agency

21 Aug

သိမ်ဇရပ်မြို့အနီးမှာ တော်လှန်ရေးတပ်ဖွဲ့များ နယ်မြေစိုးမိုးရေးလုပ်ဆောင်

Editorရုပ်သံ, သတင်းABSDF, Kawa PDF, KNU/KNLA, KRF, ကျိုက်ထို, နွေဦးတော်လှန်ရေး, သိမ်ဇရပ်မြို့

RNA_ဩဂုတ်(၂၁)၊၂၀၂၃ ခုနှစ်။ မွန်ပြည်နယ်၊ သိမ်ဇရပ်မြို့အနီးထိ KNU/KNLA၊ KRF၊ ABSDF၊ ဝံပုလွေနက်စစ်ကြောင်း၊ ကျိုက်ထို ပကဖ၊ Kawa PDF နှင့် တော်လှန်ရေးရဲဘော်များက ဩဂုတ်လ (၁၈)၊ နံနက် (၇)နာရီမှ (၁၁) နာရီအထိ နယ်မြေစိုးမိုးရေးနှင့် စစ်ဆေးရေးလုပ်ငန်းများ လုပ်ဆောင်ခဲ့ကြောင်း သိရသည်။ သိမ်ဇရပ်မြို့အနီးရှိ ကမ်းနီတိုးဂိတ်၊ ပုဂံဘုရား၊ သထုံစု၊ ကျောက်ကလပ်၊ ပေရှစ်ဆယ်၊ သိမ်ဇရပ်မြို့အဝင်တို့၌ နယ်မြေစိုးမိုးရေးနှင့် စစ်ဆေး‌ရေးလုပ်ငန်းများလုပ်ဆောင်ခဲ့ကြောင်း၊ လမ်းသွားလမ်းလာ ပြည်သူများက စစ်ဆေးမှုများကို တက်ကြွပျော်ရွှင်စွာ ပူးပေါင်းပါဝင်ပေးခဲ့ပြီး အစားအသောက်ပစ္စည်း အများအပြား လှူဒါန်းပေးခဲ့ကြသည့်အတွက် ပူးပေါင်းပါဝင်ပေးကြသော မိဘပြည်သူများအား ကျေးဇူးအထူးတင်ရှိပါသည်ဟု Kawa PDF ကထုတ်ပြန်ထားသည်။ …

17 Aug

ကရင်နီစစ်ရေးအခြေအနေကြောင့် နေပြည်တော်စိုးရိမ်နေရပြီလား

EditorPolitics, ဆောင်းပါး, ရုပ်သံ, သဘောထားအမြင်ကရင်နီပြည်, စစ်ကောင်စီတပ်ကျဆုံး, နေပြည်တော်, နွေဦးတော်လှန်ရေး, မယ်စဲ့, လွိုင်ကော်, အာဏာသိမ်းစစ်တပ်

RNA_ဩဂုတ်(၁၇)၊၂၀၂၃ ခုနှစ်။ စစ်ကောင်စီအနေဖြင့် ကရင်နီပြည်၏ နယ်မြေတော်တော်များများကို လက်လွတ်ထားရသည့်အပြင် စစ်ကြောင်းပေါင်းများစွာနှင့်လေကြောင်းများပါ အသုံးပြုနေသော်လည်း မရှုမလှရှုံးနေသည့်အတွက် နေပြည်တော်အထိ ခြိမ်းခြောက်လာနိုင်သလား၊ စိုးရိမ်နေရပြီလားဆိုတာကို တင်ပြထားခြင်းဖြစ်သည်။ #RedNewsAgency

17 Aug

နေပြည်တော်ကောင်စီနယ်မြေကို ခြိမ်းခြောက်လာသည့် ဘို့မသံတောင် စခန်းသိမ်းတိုက်ပွဲ

Editorရုပ်သံ, သတင်းစခန်းသိမ်းတိုက်ပွဲ, နေပြည်တော်, ပျဉ်းမနားမြို့နယ်, ဘို့မသံတောင်, သံတောင်အထူးဒေသ, အလယ်ပိုင်းတိုင်း

RNA_ဩဂုတ်(၁၇)၊၂၀၂၃ ခုနှစ်။ နေပြည်တော်ကောင်စီနယ်မြေ၊ ပျဉ်းမနားမြို့နယ်၊ ဘို့မသံတောင်စခန်းသိမ်းတိုက်ပွဲနှင့်အတူ ၃ ရက်အတွင်း တိုက်ပွဲ ၇ ကြိမ်မှာ စစ်ကောင်စီတပ်သား အများအပြားသေဆုံးခဲ့ပြီး၊ လက်နက်ခဲယမ်းတချို့ရရှိခဲ့သည့်အကြောင်းကို တင်ဆက်ထားခြင်းဖြစ်သည်။ #RedNewsAgency

15 Aug

ဖားကန့် မြေပြိုမှု သေဆုံးသွားသူ ရုပ်အလောင်း ၂၅ လောင်း ရှာဖွေတွေ့ရှိ

Editorရုပ်သံ, သတင်းကျောက်စိမ်းလုပ်ကွက်, ဖားကန့်, ဖားကန့်မြေပြိုမှု, ရေမဆေးကျောက်ရှာဖွေ, လူ ၃၀ ဝန်းကျင်သေဆုံးမှု

RNA_ ဩဂုတ်(၁၅)၊၂၀၂၃ ခုနှစ်။ ကချင်ပြည်နယ်၊ ဖားကန့်မြို့၊ မနကျေးရွာအနီးရှိ ကျောက်စိမ်းသစ်ရွက်ကုမ္ပဏီလုပ်ကွက်ရေကန်အတွင်း မြေပြိုမှုကြောင့် ပျောက်ဆုံးနေသူ ၃၇ ဦးထဲက သေဆုံးရုပ်အလောင်း ၂၅ လောင်း ယနေ့ လူမှုကယ်ဆယ်ရေးအသင်းများက ဆယ်ယူရမိကြောင်း သိရသည်။ ဩဂုတ်လ ၁၃ ရက်နေ့ ညနေ (၃)နာရီခန့်က ကမ်းပါးပြိုပြီး ရေလိုင်းရိုက်ခတ်မှုကြောင့် ရေကန်ဘေး လက်ကျင်းကျောက်တူးနေသူ ရေမဆေးကျောက်ရှာဖွေနေသူများအပါအဝင် ကုမ္ပဏီဝန်ထမ်းတချို့နှင့် ရေမဆေးကျောက်ရှာဖွေသူ ၃၇ ဦး ပျောက်ဆုံးနေခြင်းဖြစ်‌ကြောင်း၊ ဆယ်ယူရသည့် အလောင်း (၂၅) လောင်းထဲက (၆) ဦးမှာ ပိုင်ရှင်မပေါ်သေးကြောင်း သိရသည်။ (more…)

15 Aug

ဖားကန့် မြေပြိုမှု သေဆုံးသွားသူ ရုပ်အလောင်း ၁၇ လောင်းတွေ့ရှိ

Editorရုပ်သံ, သတင်းကျောက်စိမ်းကုမ္ပဏီ, ကျောက်စိမ်းတူးဖော်မှု, ကျောက်စိမ်းမြေ, ဖားကန့်, ဖားကန့်မြေပြိုမှု, ရေမဆေးကျောက်ရှာဖွေ

RNA_ ဩဂုတ်(၁၅)၊၂၀၂၃ ခုနှစ်။ ကချင်ပြည်နယ်၊ ဖားကန့်မြို့၊ မနကျေးရွာအနီးရှိ ကျောက်စိမ်းသစ်ရွက်ကုမ္ပဏီလုပ်ကွက်ရေကန်အတွင်း မြေပြိုမှုကြောင့် ပျောက်ဆုံးနေသည့် ၃၇ ဦးထဲက ၁၇ ဦး၏ ရုပ်အလောင်းများကို ယနေ့ လူမှုကယ်ဆယ်ရေးအသင်းများက ဆယ်ယူရမိကြောင်း သိရသည်။ ဩဂုတ်လ ၁၃ ရက်နေ့ ညနေ (၃)နာရီခန့်က ကမ်းပါးပြိုပြီး ရေလိုင်းရိုက်ခတ်မှုကြောင့် ရေကန်ဘေး လက်ကျင်းကျောက်တူးနေသူ ရေမဆေးကျောက်ရှာဖွေနေသူများနဲ့ ကုမ္ပဏီဝန်ထမ်း ၃၇ ဦး ပျောက်ဆုံးနေခြင်းဖြစ်ကာ ဆယ်ယူရသည့် အလောင်း (၁၇) လောင်းထဲက (၆) ဦးမှာ ပိုင်ရှင်မပေါ်သေးကြောင်း သိရသည်။ #RedNewsAgency

14 Aug

ရေမဆေးကျောက်ရှာဖွေသူများအပါအဝင် (၃၆) ဦးဝန်းကျင်ကို ရှာဖွေမှု မြင်ကွင်း

Editorရုပ်သံ, သတင်းကျောက်စိမ်းကုမ္ပဏီ, ကျောက်စိမ်းမြေ, ကျောက်စိမ်းလုပ်ကွက်, ဖားကန့်, ဖားကန့်မြေပြိုမှု, ရေမဆေးကျောက်, လူသေမှု

RNA_ဩဂုတ်(၁၄)၊၂၀၂၃ ခုနှစ်။ ဖားကန့်က၊ ကျောက်စိမ်းရှာဖွေနေသူများ၊ မြေပြိုမှုကြောင့် နွံအတွင်းပျောက်ဆုံးသွားသည့် (၃၆) ဦးဝန်းကျင်ကို ယနေ့ နေ့လည်ပိုင်းအထိ ဒေသခံ လူမှုကယ်ဆယ်ရေးအသင်းအဖွဲ့များက ဆက်လက်ရှာဖွေခဲ့ကြကြောင်း သိရသည်။ ကချင်ပြည်နယ်၊ ဖားကန့်မြို့နယ်၊ မနကျေးရွာအနီးရှိ ကျောက်စိမ်းသစ်ရွက်ကုမ္ပဏီလုပ်ကွက်ရေကန်အတွင်း ဩဂုတ်လ ၁၃ ရက်နေ့ ညနေ (၃)နာရီခန့်က ကမ်းပါးပြိုပြီး ရေလိုင်းရိုက်ခတ်မှုကြောင့် ရေကန်ဘေး လက်ကျင်းကျောက်တူးနေသူ (၃၆)ဦး ရေကန်နွံအတွင်းနစ်‌မြှုပ်ပျောက်ဆုံးသွားခဲ့ခြင်းဖြစ်သည်။ (more…)