RNA Editor

19 Dec

ရေဦး ပလဖ အချုပ်ထောင် လေကြောင်းတိုက်ခိုက်ခံရပြီး တာဝန်ခံအပါအဝင် (၃) ဦးကျဆုံး

RNA Editorသတင်းNUG, စစ်ကိုင်းတိုင်း, ပလဖ, ရေဦး, လေကြောင်းတိုက်ခိုက်မှု, အချုပ်ထောင်

RNA_ဒီဇင်ဘာ(၁၉)၊၂၀၂၅ခုနှစ်။ အမျိုးသားညီညွတ်ရေးအစိုးရ၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန၊ စစ်ကိုင်းတိုင်း၊ ရေဦးမြို့နယ်၊ ပြည်သူ့လုံခြုံရေးတပ်ဖွဲ့ (ပလဖ) အချုပ်ထောင် ဒီဇင်ဘာ ၁၈ ရက်နေ့ ညနေပိုင်းက လေကြောင်းတိုက်ခိုက်ခံရသည့်အတွက် အချုပ်ထောင် တာဝန်ခံ အပါအဝင် (၃) ဦးကျဆုံးခဲ့ရကြောင်း သိရသည်။ ရေဦးမြို့နယ် ပလဖ အချုပ်ထောင် တာဝန်ခံနှင့် ရဲဘော် (၂) ဦးကျဆုံးခဲ့ရကြောင်း၊ ထိခိုက်ဒဏ်ရာရရှိသူများရှိသော်လည်း အတိအကျမသိရှိရသေးကြောင်း၊ မင်းကင်း ပလဖ ၏ ဖမ်းဆီးခြင်းခံထားရသော CDM ဆရာဝန် ဒေါက်တာဒေါ်ခင်သူသူလွင်ကိုလည်း ရေဦးမြို့နယ် တရားရုံးတွင် ပြောင်းရွေ့စစ်ဆေးနေသည့်အတွက် ရေဦး ပလဖ အချုပ်ထောင်တွင် ချုပ်နှောင်ထားသည်ဟု ယူဆရကြောင်း ဒေသခံထံက သိရသည်။ (more…)

18 Dec

ဆုကြေးထုတ်ခံထားရသော သပိတ်ခေါင်းဆောင် ဖမ်းဆီးခံရပြီး အသက်အန္တရာယ်စိုးရိမ်ရ

RNA Editorသတင်းAFCC-MDY, GSCB, Yadanabon University Students' Union, ကိုထက်မြတ်အောင်, လူထုသပိတ်လှုပ်ရှားမှု

RNA_ဒီဇင်ဘာ(၁၈)၊၂၀၂၅ခုနှစ်။ အာဏာသိမ်းစစ်တပ်က ဖမ်းဆီးနိုင်ရေး ဆုကြေးထုတ်ပြီး ဝရမ်းထုတ်ခံထားရသော လူထုသပိတ်လှုပ်ရှားမှု ခေါင်းဆောင်ကိုထက်မြတ်အောင် ဖမ်းဆီးခံလိုက်ရပြီးနောက် အသက်အန္တရာယ်စိုးရိမ်နေရသည်ဟု ရတနာပုံတက္ကသိုလ်ကျောင်းသားများသမဂ္ဂ (Yadanabon University Students' Union) က ဒီဇင်ဘာ ၁၇ ရက်နေ့က ထုတ်ပြန်ထားသည်။ အသက် ၂၄ နှစ်အရွယ် ကိုထက်မြတ်အောင်သည် ဒီဇင်ဘာ ၁၄ ရက်နေ့ကတည်းက အဆက်အသွယ်ပျက်နေပြီး ဖမ်းဆီးသွားပြီဖြစ်ပြီး၊ ဖမ်းဆီးခံရချိန် ပြင်းထန်သည့် ရိုက်နှက်ခံရမှုများရှိသည့်အတွက် အသက်အန္တရာယ်အတွက် စိုးရိမ်ရသည့် အခြေအနေဖြစ်သည်ဟု ထုတ်ပြန်ထားကြသည်။ (more…)

17 Dec

ပုလောမြို့နယ် ပညာရေးဘုတ်အဖွဲ့ခေါင်းဆောင် ဆရာမကြီးတို့ ဇနီးမောင်နှံ လုပ်ကြံသတ်ဖြတ်ခံရ

RNA Editorသတင်းဆရာမကြီးဒေါ်အေသီအောင်, တနင်္သာရီတိုင်း, ပညာရေးဘုတ်အဖွဲ့, ပလောမြို့နယ်, လုပ်ကြံခံရ

RNA_ဒီဇင်ဘာ(၁၇)၊၂၀၂၅ခုနှစ်။ တနင်္သာရီတိုင်း၊ ပုလောမြို့နယ်၊ ပညာရေးဘုတ်အဖွဲ့ခေါင်းဆောင် ဆရာမကြီး ဒေါ်အေသီအောင်နှင့် ခင်ပွန်းဖြစ်သူတို့ ဒီဇင်ဘာ (၁၆) ရက်နေ့ နံနက် (၁) နာရီကျော်တွင် ဆားခဲကျေးရွာတွင် လုပ်ကြံသတ်ဖြတ်ခံခဲ့ရကြောင်း သိရသည်။ ဆရာမကြီး ဒေါ်အေသီအောင်နှင့် ခင်ပွန်းဖြစ်သူတို့ လုပ်ကြံသတ်ဖြတ်ခံရမှုသည် အာဏာသိမ်းစစ်အုပ်စု စိုးမိုးနယ်မြေမဟုတ်သည့်ဒေသတွင် ဖြစ်ပွားခဲ့ခြင်းဖြစ်ကြောင်း၊ ဆရာမကြီးတို့နေအိမ်ပေါ်ထိ တက်ရောက်ကာ ဓားတ်ဖြင့် လုပ်ကြံသတ်ဖြတ်သွားခြင်းဖြစ်ကြောင်း၊ မြို့နယ် ပညာရေးဘုတ်အဖွဲ့ခေါင်းဆောင်ကို လုပ်ကြံသတ်ဖြတ်ခြင်းသည် မြို့နယ်ပညာရေးအဖွဲ့အလုံးစုံပျက်စီးအောင် လုပ်ဆောင်ခြင်းဖြစ်နိုင်ပြီး လုံခြုံရေးအထပ်ထပ်ရှိနေသည့် နယ်မြေအတွင်း ဖြစ်ပွားခဲ့သည့်အတွက် သာမာန်အရပ်သားများ လုပ်ကြံနိုင်မည်မဟုတ်ဟုလည်း ဖြစ်စဉ်သိသူတစ်ဦးက ပြောပြထားသည်။ (more…)

17 Dec

ကုလသမဂ္ဂအဖွဲ့ကြီးရဲ့နားရွက်ကို တံတွေးဆွတ်လိုက်တဲ့ မြန်မာ့စစ်အုပ်စု

RNA Editorဆောင်းပါး, သဘောထားအမြင်AA, ICC, IHL, NUG, Tom Fletcher, UN, UNOCHA, Volker Truk, WHO, ကုလသမဂ္ဂ (UN), စစ်အာဏာရှင်, ဆေးရုံ, မင်းအောင်လှိုင်, မြောက်ဦး, ရခိုင်ပြည်, လေကြောင်းတိုက်ခိုက်ခံရမှု, အတုအယောင်ရွေးကောက်ပွဲ

"ပြည်သူတွေအပေါ် ရက်ရက်စက်စက်ဗုံးကြဲနေတဲ့ မြန်မာစစ်တပ်ရဲ့မြောက်ဦးဆေးရုံအပေါ် ဗုံးကြဲတိုက်ခိုက်ခဲ့တဲ့ သတင်းကသာမန်သတင်းထက်ပိုတဲ့ သတင်းတခုအဖြစ်တော့ ကမ္ဘာ့နိုင်ငံအဖွဲ့အစည်း အသီးသီးကတုန်လှုပ်သွားကြပါလိမ့်မယ်။ ကမ္ဘာ့လုံးဆိုင်ရာလူ့အခွင့်ရေးနေ့မှာ လူ့အခွင့်ရေးဆိုတာဘာလဲ လို့ မြန်မာနိုင်ငံစစ်အုပ်စုက ‘ကမ္ဘာ့ကုလသမဂ္ဂအဖွဲ့ကြီးကို နားရွက်တံတွေဆွတ်လိုက်တဲ့ သဘောပဲ’။ သို့ပေမယ့်လည်း အားကောင်းလာတဲ့အာဏာရှင်တွေရဲ့ အင်အားကို ဒီမိုကရေစီနိုင်ငံတွေကိုယ်တိုင်ကိုယ်တိုင် မနည်းတွန်းလှန်နေရတာကလည်း အမှန်တရားတခုပါပဲ" ရန်နိုင် နေ့စဉ်ပေါ်လိုက်ပျောက်လိုက်ဖြစ်နေတဲ့ သတင်းတွေထဲက ကမ္ဘာ့အင်အားကြီးအုပ်ချုပ်ရေးစနစ် နှစ်ခုဖြစ်တဲ့ အာဏာရှင်စနစ်အုပ်ချုပ်ရေးနဲ့ ဒီမိုကရေစီစနစ်အုပ်ချုပ်ရေးတိုရဲ့ အားပြိုင်မှုကြားက သတင်းတခုကို လေ့လာကြည့်ရအောင်ပါ။‘လူတယောက်ရဲ့ အခြေခံရပိုင်ခွင့်လို့ ခမ်းခမ်းနားနားကိုင်ဆွဲထားတဲ့’ ဒီမိုကရေစီဘက်တော်သားတွေက ‘လူတစ်ဦးတယောက်ရဲ့အခွင့်ရေးကို ဂရုစိုက်လေ့မရှိတဲ့’ အာဏာရှင်ဘက်တော်သားတွေရဲ့ ဆန့်ကျင်ဘက်ဆန်တဲ့ တုန့်ပြန်မှုတွေနဲ့တခါတခါ ကြုံရလေ့ရှိတယ်။ ဒုတိယ ကမ္ဘာစစ်ကြီးပြီးတော့ လူမျိုးတုန်းသတ်ဖြတ်မှု၊ စစ်ရာဇဝတ်မှု၊ အကျဉ်းသား နှိပ်စက်မှုတွေက လူ့ဂုဏ်သိက္ခာကို ပြင်းပြင်းထန်ထန်ချိုးဖောက်ခံရတယ်လို့ ကမ္ဘာတဝှမ်းကလက်ခံခဲ့ကြတယ်။ ဒါကြောင့်…

16 Dec

KNDF၊ PIA၊ BPLA၊ CB၊ SAF၊ 96 Soldiers – PDF တို့ပါဝင်သည့် တော်လှန်ရေးတပ် (၁၉) ဖွဲ့ တပ်ပေါင်းစုဖွဲ့စည်း

RNA Editorသတင်း96 Soldiers -PDF, Bamar People's Liberation Army - BPLA, BPLA, KNDF, People's Liberation Army - PLA, Spring Revolution Alliance - SRA, SRA, တပ်ပေါင်းစု, မဟာမိတ်

RNA_ဒီဇင်ဘာ(၁၆)၊၂၀၂၅ခုနှစ်။ နွေဦးတော်လှန်ရေး မဟာမိတ်တပ်ပေါင်းစုအဖြစ် KNDF၊ PIA၊ BPLA၊ CB၊ SAF၊ 96 Soldiers - PDF တို့ပါဝင်သည့် တော်လှန်ရေးတပ် (၁၉) ဖွဲ့ဖြင့် တပ်ပေါင်းစု (Spring Revolution Alliance - SRA) ဖွဲ့စည်းလိုက်သည်ဟု ဒီဇင်ဘာ (၁၅) ရက်နေ့မှာ အသိပေးထားသည်။ မဟာမိတ်တပ်ပေါင်းစုတွင် ကရင်နီအမျိုးသားများကာကွယ်ရေးတပ်(KNDF)၊ ပြည်သူ့လွတ်လပ်ရေးတပ်တော် (PIA)၊ ဗမာပြည်သူ့လွတ်မြောက်ရေးတပ်တော်(BPLA)၊ ချင်းညီနောင်(CB)၊ ကျောင်းသားလက်ရုံးတပ်တော်(SAF)၊ 96 Soldiers PDF၊ ဗမာ့တပ်မတော် (BA)၊ ဗမာလွတ်မြောက်ရေးဒီမိုကရက်တစ်တပ်ဦး(BLDF)၊ ဓနုပြည်သူ့လွတ်မြောက်ရေးတပ်တော်(DPLF)၊ Force For Federal Democracy(FFD)၊ Generation Z Army (GZA)၊ ကလေးဒေသ…

13 Dec

ထိုင်းနဲ့ကမ္ဘောဒီးယား နယ်စပ်ပြဿနာနောက်ကွယ်

RNA Editorဆောင်းပါး, သဘောထားအမြင်Ben Smith, Chen Zhi, ICJ, Kok An, MOU 2544, Natthaphong, Panitan Wattanayagorn, Yim Leak, ထိုင်း-ကမ္ဘောဒီးယား, ထိုင်းနယ်စပ်, ထိုင်းလွှတ်တော်, ထိုင်းအစိုးရ, နယ်စပ်ပြဿနာ

"နယ်စပ်ပဋိပက္ခသည် သမိုင်းဝင် အငြင်းပွားမှုများမှ စတင်ခဲ့သော်လည်း စစ်ရေးအခြေနေထိ ရောက်စေသည့် အရှိန်မြှင့်တင်မှုသည် အဓိကအားဖြင့် အထက်တန်းလွှာများအကြား ငွေကြေးနှင့် နိုင်ငံရေးဆိုင်ရာ ထိန်းချုပ်မှုများအပေါ် အခြေခံသည်။ ကမ္ဘောဒီးယားနယ်စပ်တစ်လျှောက်ရှိ "ကျားဖြန့် ကွန်ရက်များ" ကို ထိန်းချုပ်ခြင်းနှင့် ၎င်းတို့ကို နှိမ်နင်းခြင်းတို့နှင့် ဆက်စပ်နေသည်" ရန်ုနိုင် ထိုင်းနှင့်ကမ္ဘောဒီးယား နယ်စပ်တစ်လျှောက် ရှေးဟောင်းဘုရားကျောင်းများအနီး ဖြစ်ပွားနေသော ပဋိပက္ခသည် နှစ်ပေါင်းများစွာ ကြာမြင့်ခဲ့ပါပြီ။ သမိုင်းဝင်နယ်မြေ ပိုင်ဆိုင်မှုအငြင်းပွားခြင်းအဖြစ် မကြာခဏရှုမြင်လေ့ရှိကြသည်။ သို့သော် သက်ဆိုင်ရာနိုင်ငံရေးပညာရှင်များ၏ လေ့လာသုံးသပ်ချက်များအရ ဤပဋိပက္ခ၏ အဓိကလှုံ့ဆော်မှုများမှာ နယ်မြေ (သို့မဟုတ်) ယဉ်ကျေးမှုအမွေအနှစ် ထိန်းသိမ်းရေးထက်ပိုသော နှစ်နိုင်ငံခေါင်းဆောင်များ၏ ပြည်တွင်းနိုင်ငံရေးအာဏာနှင့်အကျိုးစီးပွားကာကွယ်လိုသည့် အကြောင်းအရင်းများကို တွေ့ခဲ့ရသည်။ ထိုင်းနှင့် ကမ္ဘောဒီးယား နှစ်နိုင်ငံရှိ အထက်တန်းလွှာအုပ်စုများသည် နိုင်ငံရေး…

08 Dec

ဖားကန့်ဗျူဟာကုန်းရှိ အာဏာသိမ်းစစ်တပ်လက်ချက်ကြောင့် မိသားစုဝင် (၅) ဦးမှ (၃) ဦးသေဆုံး

RNA Editorသတင်းဒရုန်းဗုံး, ပြည်သူ, ဖားကန့်, လက်နက်ကြီး, သေဆုံးမှု, အာဏာသိမ်းစစ်တပ်

RNA_ဒီဇင်ဘာ(၈)၊၂၀၂၅ခုနှစ်။ ကချင်ပြည်နယ်၊ ဖားကန့်မြို့၊ ဗျူဟာကုန်ရှိ အာဏာသိမ်းစစ်တပ်၏ လက်နက်ကြီးနှင့် ဒရုန်းဗုံးတို့ကြောင့် ယနေ့ (ဒီဇင်ဘာ ၈ ရက်) နံနက် ၄ နာရီနှင့် ၅ နာရီအကြား မှော်စီစာအုပ်စု၊ မလောင်ကျေးရွာအတွင်းက နေအိမ်ပေါ်ကျရောက်ကာ မိသားစုဝင် (၅) ဦးမှ (၃) ဦးသေဆုံးသွားကာ (၇) အရွယ် လေးငယ်နှင့် ၁၆ နှစ်အရွယ်တို့သာ အသက်ရှင်ကျန်ရစ်ခဲ့ရကြောင်း သိရသည်။ အာဏာသိမ်းစစ်တပ်၏ လက်ချက်ကြောင့် ဖခင်ဖြစ်သူ ဦးဇော်လွင်ဦး ( အသက် ၃၇ နှစ်)၊ မိခင်ဖြစ်သူ ဒေါ်တင်မိုးလှိုင် (အသက် ၃၈ နှစ်)၊ သားဖြစ်သူ မောင်ဖြိုးဝေထွန် (အသက် ၁၃ နှစ်)တို့ သေဆုံးခဲ့ရခြင်းဖြစ်သည်။…

08 Dec

NUG လူဟောင်းများဖြင့် ထပ်မံ ပြင်ဆင်ဖွဲ့စည်း

RNA Editorသတင်းCRPH, NLD, NUG, နွေဦးတော်လှန်ရေး, လူဟောင်းများ, အပြောင်းအလဲ, အသစ်ထပ်မံဖွဲ့စည်း

RNA_ဒီဇင်ဘာ(၈)၊၂၀၂၅ခုနှစ်။ အမျိုးသားညီညွတ်ရေးအစိုးရအဖွဲ့ (NUG)အား လူဟောင်းများဖြင့်သာ ထပ်မံပြင်ဆင်ဖွဲ့စည်းလိုက်ကြောင်း ပြည်ထောင်စုလွှတ်တော်ကိုယ်စားပြုကော်မတီက ယနေ့ (ဒီဇင်ဘာ ၈ ရက်) တွင် ထုတ်ပြန်ကြေညာလိုက်သည်။ ပြည်ထောင်စုလွှတ်တော်ကိုယ်စားပြုကော်မတီသည် ၂၀၂၀ ခုနှစ်၊ ပါတီစုံဒီမိုကရေစီ အထွေထွေရွေးကောက်ပွဲတွင် ပြည်သူလူထုက ဒီမိုကရေစီနည်းကျအပ်နှင်းလိုက်သည့် အာဏာကို ကျင့်သုံးလျက် ဖက်ဒရယ်ဒီမိုကရေစီပဋိညာဉ်အရ “အမျိုးသားညီညွတ်ရေးအစိုးရအဖွဲ့” အား ပြင်ဆင်ဖွဲ့စည်းတာဝန်ပေးအပ်လိုက်သည်ဟုဆိုကာ အစိုးရအဖွဲ့ ပြင်ဆင်ဖွဲ့စည်းခြင်းဆိုပြီး ထုတ်ပြန်လိုက်သည်။ (more…)

04 Dec

ဒီဇင်ဘာ ၁ ရက်နေ့မှာ နိုင်ငံရေးအကျဉ်းသား ၂၇၂ ဦးလွတ်မြောက်ခဲ့

RNA Editorသတင်းနိုင်ငံရေးအကျဉ်းသူ/သား, နွေဦးတော်လှန်ရေး, လွတ်ငြိမ်းသက်သာ, အင်းစိန်ထောင်

RNA_ဒီဇင်ဘာ(၄)၊၂၀၂၅ခုနှစ်။ အာဏာသိမ်းစစ်တပ်က မတရားဖမ်းဆီးထားသူများထဲကနေ ဒီဇင်ဘာ ၁ ရက်နေ့က အကျဉ်းထောင်အသီးသီမှ နိုင်ငံရေးအကျဉ်းသား ၂၇၂ ဦးကို လွှတ်ပေးခဲ့သည်ဟု မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်(PPNM)က ယနေ့ ( ဒီဇင်ဘာ ၄ ရက်) တွင် အသိပေးထားသည်။ ဒီဇင်ဘာ ၁ ရက်နေ့လွှတ်ပေးလိုက်သူများထဲတွင် သာယာဝတီထောင်မှ (၈၃) ဦး၊ ဒိုက်ဦးထောင်မှ (၅၀) ဦး၊ အိုးဘိုထောင်မှ (၄၆)ဦး၊ အင်းစိန်ထောင်မှ (၃၂) ဦး၊ မြင်းခြံထောင်မှ (၂၄) ဦး၊ ကလေးထောင်မှ (၁၁) ဦးအပါအဝင် စုစုပေါင်း (၂၇၂) ဦးဖြစ်ကြောင်း၊ နိုဝင်ဘာ ၂၆ ရက်နေ့က ထုတ်ပြန်သည့် လွတ်ငြိမ်းနှင့်ပတ်သက်ပြီး ၅၀၅-က ပုဒ်မဖြင့်…

25 Nov

မြဝတီမြို့နယ်အတွင်းက တရုတ်များ ဖားအံအရောက် တစ်ယောက် (၅) သိန်းစျေးပေါက်

RNA Editorသတင်းBGF, DKBA, KNU/KNLA, KNU/KNLA (PC), Scam Operation, ကရင်ပြည်နယ်, ကျားဖြန့်, မြဝတီ, ရွှေကုက္ကို

RNA_နိုဝင်ဘာ(၂၅)၊၂၀၂၅ခုနှစ်။ ကရင်ပြည်နယ်၊ မြဝတီမြို့နယ်အတွင်း အွန်လိုင်းငွေလိမ်ဂိုဏ်း (ကျားဖြန့်) များကို နှိမ်နင်းနေသလို လုပ်ပြနေသည့်အတွက် တစ်ချို့သော ငွေလိမ်ဂိုဏ်းနှင့် ပတ်သက်သူများသည် ရွှေကုက္ကိုအပါအဝင် ကျားဖြန့်လုပ်ငန်းများမှ ရှောင်ပြေးချင်သည့်အတွက် မြဝတီမြို့နယ်မှ ဖားအံအရောက် တစ်ဦးကို ကျပ် (၅) သိန်းစျေးဖြင့် လက်နက်ကိုင်များက တာဝန်ယူ ပို့နေကြောင်း သိရသည်။ ကရင်ပြည်နယ်အတွင်း Red News Agency ၏ သတင်းရင်းမြစ်က " မြဝတီ-ဖားအံ တစ်ဦး ၅ သိန်းယူပြီးတော့ DKBA/BGF/PC တွေက ပို့ပေးနေတယ်။ ထီလုံ၊ နဘူး၊ ဖားအံတောင် ကလေးဂိတ်က စကစ၊ လဝကတွေက ငွေပေးနိုင်ရင်လွှတ်ပေးနေတယ်"ဟု နိုဝင်ဘာ ၂၂ ရက်နေ့က ပြောထားသည်။ (more…)