RNA_နိုဝင်ဘာ(၁၇)၊၂၀၂၃ ခုနှစ်။
မြောက်ပိုင်းညီနောင်မဟာမိတ် (၃) ဖွဲ့၏ ၁၀၂၇ စစ်ဆင်နေရေးဖော်ဆောင်ချိန်တွင်း ထပ်မံပေါ်ပေါက်လာသည့် ကရင်နီပြည် တော်လှန်ရေးအင်အားစုများ၏ ၁၁၁၁ ( တစ်လေးလုံး) စစ်ဆင်ရေးအတွင်း လွိုင်ကော်နှင့် မိုးဗြဲ ဖယ်ခုံတို့တွင် တိုက်ပွဲပြင်းထန်နေပြီး စစ်ကောင်စီတပ်မှ အသေအဆုံးများနေကြောင်း သိရသည်။
လွိုင်ကော်မြို့သိမ်းတိုက်ပွဲ ဆင်နွှဲနေသည့်အတွက် စစ်ကောင်စီဘက်မှလည်း လက်နက်ကြီး လေကြောင်းပစ်ကူများ ပစ်ခတ်နေသည့်အတွင်းမှ တော်လှန်ရေးအင်အားစုများက လွိုင်ကော်တက္ကသိုလ်တိုက်ပွဲ အောင်နိုင်မှုရရှိခဲ့ပြီးစစ်ကောင်စီတပ်မှ ၁၀၀ ကျော်သေဆုံးကာ လက်နက်ချအညံ့ခံမှုများရှိခဲ့သည်။
