RNA_မတ်(၃)၊၂၀၂၅ခုနှစ်။
အညာဒေသက တိုက်ပွဲဝင်ရဲဘော်များအတွက် အသက်အန္တရာယ်ကာကွယ်ရေး လုပ်ဆောင်နေသော သတင်း၊ စစ်ကောင်စီ၏ လေကြောင်းတိုက်ခိုက်မှုကြောင့် ပြည်သူ (၁၂) ဦးသေဆုံးခဲ့သော သတင်း၊ ကျားဖြန့်အတွင်း လူကုန်ကူးခံရသူတွေ ပြန်ခေါ်ရန် BGF ထုတ်ပြန်သည့်သတင်းနှင့် မြောက်ဥက္ကလာမှာ ပြည်သူ (၇) ဦးကျဆုံးသည့် (၄) နှစ်ပြည့် သတင်းတွေကို တင်ဆက်ထားခြင်းဖြစ်သည်။
#RedNewsAgency #RedNews #RNA
RNA_ဇူလိုင်(၁၀)၊၂၀၂၄ ခုနှစ်။
မကွေးတိုင်း၊ ပေါက်မြို့နယ်၊ တရော်ကိုင်းနှင့် ဇီးပြား (ပျူ) ကျေးရွာတို့ကို တော်လှန်ရေး အင်အားစုများ ပိတ်ဆို့ထားသည်မှာ (၃) နှစ်ကျော်လာပြီး ယခုအချိန်တွင် ဆန်၊ ဆီ၊ ဆား ဝယ်ယူ၍မရတော့သည့်အပြင် စားတော်ပဲများနှင့် ရောကာချက်စားနေရပြီး ထမင်းကို နပ်မှန်အောင် မစားရသည့်အပြင် စစ်ကောင်စီတပ်သားများနှင့် လက်နက်ကိုင်ပျူများ၏ ဖိနှိမ်မှုမျိုးစုံ ခံနေကြရကြောင်း သိရသည်။
RNA_နိုဝင်ဘာ(၁၆)၊၂၀၂၃ ခုနှစ်။
မကွေးတိုင်း၊ ပေါက်မြို့နယ်၊ ဇီးပြားရွာ ရဲစခန်းနှင့် ပျူရွာကို ဒေသခံတော်လှန်ရေး အင်အားစုများ (၅) ရက်တာတိုက်ပွဲတွင် စစ်ကောင်စီလက်အောက်ခံ ရဲနှင့် ပျူ ၃၀ ကျော်သေပြီး၊ ပြည်သူ့ကာကွယ်ရေးရဲဘော် ၂၁ ဦး ကျဆုံးခဲ့ရကြောင်း သိရသည်။
ဇီးပြားရွာတိုက်ပွဲကို မြိုင် ပကဖ တပ်ရင်း ၁၊ ၂ နှင့် ပေါက်ကျေးရွာ ပကဖ တပ်ဖွဲ့များ၊ YRF ( ပေါက်)၊ Earthquake Defence Force၊ တောင်ညိုနဂါးတပ်ဖွဲ့၊ Royal 7တပ်ဖွဲ့တို့ ပူးပေါင်းပြီး စခန်းသိမ်းတိုက်ပွဲ ဖော်ဆောင်ခဲ့ခြင်းဖြစ်သည်။
[embedyt] https://www.youtube.com/watch?v=YZc0ViPB3Q4[/embedyt]
နိုဝင်ဘာ ၁၀ ရက်နေ့မှ ၁၅ ရက်နေ့အထိ ဇီးပြားရွာ ရဲစခန်းနှင့်ဇီးပြား(ပျူ)ရွာ တိုက်ပွဲတွင် ဒေသခံ ပြည်သူ့ကာကွယ်ရေးတပ်ဖွဲ့များက ပစ်ခတ်တိုက်ခိုက်ဝင်စီးပြီး ဇီးပြားရွာအတွင်းရှိ ဘန်ကာများ၊ ဘူတာရုံရှိ ဘန်ကာများအားလုံး သိမ်းဆည်းနိုင်ခဲ့ပြီး စခန်းပြုနေသော အဆောက်အဦများကိုလည်း မီးရှို့ဖျက်စီးခဲ့သည်ဟု မြိုင်မြို့နယ် ပြည်သူ့ကာကွယ်ရေးတပ်ဖွဲ့က ယနေ့ ထုတ်ပြန်ထားသည်။
RNA_မေ(၁၇)၊၂၀၂၃ခုနှစ်။
မကွေးတိုင်း၊ ပေါက်မြို့နယ်အတွင်း မိုခါဆိုင်ကလုန်းမုန်တိုင်းကြောင့် ပျက်စီးသွားရသည့် ပြည်သူများ၏ နေအိမ် အဆောက်အဦပျက်စီးထိခိုက်မှုများ အပါအဝင် နိုင်ရာတာဝန်များကို ပြည်သူ့တော်လှန်ရေးတပ်ဦး-PRF ရဲဘော်များက ကူညီမှုများပေးခဲ့ကြောင်းသိရသည်။
“ မိုခါမုန်တိုင်းရဲ့ရိုက်ခတ်မှုဒဏ်ကြောင့်လည်း စစ်ဘေးရှောင်ရာ ယာယီနေအိမ်တဲတိုက်များစွာ ပြိုလဲပျက်စီးခဲ့ကြရပါတယ်။ အဲ့ဒီရိုက်ခတ်မှုဒဏ်ကြောင့် အလုပ်သမားလယ်သမားများ အားကိုးအားထားပြုရတဲ့ ဒေသထွက်စိုက်ပျိုးသီးနှံများအပါဝင် သိုလှောင်ရိက္ခာတချို့နဲ့အသုံးအဆောင်ပစ္စည်းများစွာ ထပ်မံဆုံးရှုံးခဲ့ရပြန်ပါတယ်။ ထိုသို့ စစ်ဘေးရေဘေးသင့်ပြီး စိတ်အားကိုယ်အားဖြင့် ဒုက္ခအတိရောက်ရှိနေကြတဲ့ ပြည်သူလူထုကို ကျနော်တို့ ပြည်သူ့တော်လှန်ရေးတပ်ဦး ရဲဘော်များက ပြိုလဲပျက်စီးသွားခဲ့တဲ့ပြည်သူ့နေအိမ်များကို ဝိုင်းဝန်းရှင်းလင်းပေးခဲ့ကြပြီး စိတ်အားကိုယ်အားပင်ပန်းနွမ်းနယ်နေကြတဲ့ပြည်သူလူထုကိုလည်း ပြည်သူ့ဒုက္ခကိုယ့်ဒုက္ခလို့မှတ်ယူကာ အခုလို နိုင်ရာဝန်ကိုထမ်းပြီး ဝိုင်းဝန်းအားပေးကူညီခဲ့ကြတာဖြစ်ပါတယ်” ဟု ပြည်သူ့တော်လှန်ရေးတပ်ဦး-PRF ကထုတ်ပြန်ပြောကြားထားသည်။
RNA_မတ်(၂၀)၊၂၀၂၃ ခုနှစ်။
စစ်ကြောင်းထိုးလာသည့် စစ်ကောင်စီတပ်ကို မကွေးတိုင်း၊ ပေါက်မြို့နယ်၊ တောင်ပိုင်း ပြည်သူ့ကာကွယ်ရေးတပ်ဖွဲ့များသည် လက်လုပ်သေနတ် အများစုဖြင့်သာ ကာကွယ်နေရကြောင်း ဒေသခံ ပြည်သူ့ကာကွယ်ရေး ရဲဘော်တို့ထံမှ သိရသည်။
“ ဒေသခံ ပြည်သူ့ကာကွယ်ရေး တပ်ဖွဲ့တော်တော်များများက လက်နက်အစစ်ရှားပါသေးတယ်၊ မိုင်းခွဲမယ်၊ အဝေးပြစ်တွေနဲ့ ပစ်မယ်၊ ကြားဖြတ်တိုက်မယ်ဆိုရင်တော် မဟာမိတ်တွေနဲ့ စုလုပ်ရပါတယ်။ ရဲဘော်တွေအနေနဲ့ သူပစ် ကိုယ်ပစ်ကြားမှာ အချိန်မရွေးထိခိုက်နိုင်တာပေါ့ အဲဒီအချိန်ဆို စိတ်ထိမ်းနိုင်ဖို့ခက်တယ်၊ ဒီစခတွေကို တော်တော်မုန်းနေကြတာဗျ၊ လူသတ်မီးရှို့ ဖျက်ဆီးနေတာကို အမျိုးမျိုးလည်း ကြိမ်ဆဲကြတာပေါ့၊ ပစ်စရာရှိ ပစ် ပြေးစရာရှိ ပြေးရတာပဲ၊ နယ်မြေစိုးမိုးမှု ဒီကောင်တွေမရအောင် ခုခံနေကြရတာပါ” ဟု တိုက်ပွဲဝင် ရဲဘော်တဦးက ပြောသည်။
[embedyt] https://www.youtube.com/watch?v=2A2GYxsJN6k[/embedyt]
ယခုတပတ် ပေါက်တောင်ပိုင်းဒေသအတွင်း စစ်ကြောင်းထိုးလာသည့် စစ်ကောင်စီတပ်ကို ဒေသခံပြည်သူ့ကာကွယ်ရေးတပ်ဖွဲ့များဖြစ်သည့် ပခုက္ကူခရိုင် အမှတ် (၁၈)တပ်ရင်း (ပေါက်တောင်ပိုင်းပြောက်ကျားတပ်)၊ Daewah Yatkha Team တပ်ဖွဲ့နှင့် Rocket Fighter တပ်ဖွဲ့ စသည်တို့ ပူးပေါင်းကာ ခုခံကာကွယ်ခဲ့ကြကြောင်း သိရသည်။
Red News Agency
RNA_မတ်(၄)၊၂၀၂၃ ခုနှစ်။
မကွေးတိုင်း၊ ပေါက်မြို့နယ် (တောင်ပိုင်း)၊ ကင်းမကျေးရွာမှနေအိမ် (၁၄) လုံးနှင့် ကင်းမရွာစစ်ဘေးရှောင်ပြည်သူများ၏ ဖောကားတစ်စီး၊ ဆန်၊ ပဲ၊ အခြားစားသောက်ကုန်စသည်တို့ကို စစ်ကောင်စီတပ်က မီးရှို့ဖျက်ဆီးသွားကြောင်း သိရသည်။
ပေါက်မြို့မှ စစ်ကြောင်းထိုးလာသည့် စစ်ကောင်စီတပ်သည် မတ်လ (၂) ရက်နေ့တွင် ကင်းမရွာဘက်ရောက်ရှိလာပြီး စစ်ဘေးရှောင်များ၏ ကာလတန်ကြေး သိန်း (၆၀၀) ခန့်ရှိ ပစ္စည်းများ၊ ကင်းမကျေးရွာ နေအိမ်များနှင့် PDF စခန်းတခုတို့ကို မီးရှို့ဖျက်ဆီးသွားသည်ဟုပခုက္ကူခရိုင် အမှတ် (၁၈)တပ်ရင်း ( ပေါက်တောင်ပိုင်း ပြောက်ကျားတပ်) မှ ထုတ်ပြန်ထားသည်။
RNA_ဖေဖော်ဝါရီ(၂၃)၊၂၀၂၃ ခုနှစ်။
မကွေးတိုင်း၊ ပေါက်မြို့နယ်၊ ကုက္ကိုစုမှ စစ်ကောင်စီတပ် လက်အောက်ခံ ပျူစောထီးများကို တိုက်ခိုက်ပြီးအပြန် PDF ရဲဘော်များကို ပြည်သူများက ကြိုဆိုခဲ့ကြကြောင်း သိရသည်။
[embedyt] https://www.youtube.com/watch?v=XihG37YvjpQ[/embedyt]
PDF မဟာမိတ်တပ်ဖွဲ့ (၃၄)ဖွဲ့မှ ရဲဘော်များလက်နက်ကြီး၊ လပ်နက်ငယ်များဖြင့် ဖေဖော်ဝါရီလ (၂၂) ရက်နေ့က ပျူစောထီးများကို တိုက်ခိုက်ရာ စီးနင်းမှု အောင်မြင်ခါနီးအချိန် စစ်ကောင်စီတပ်မှ လေကြောင်းပစ်ကူများရောက်ရှိလာသည့်အတွက် ဆုတ်ခွါခဲ့ရကြောင်း၊ ပစ်ခတ်မှုအတွင်း စစ်ကောင်စီတပ်လက်အောက်ခံ ( ၆) ဦးသေဆုံးပြီး၊ PDF များဘက်မှ ရဲဘော် (၂) ဦးဒဏ်ရာရရှိကြောင်း မှ Myaing Underground Defence Force-MUGDF ထုတ်ပြန်ထားသည်။
#RedNewsAgency