Red News Agency

Tag: PDF

  • စစ်ကောင်စီတပ် ခလရ (၁၄၇) တပ်ရင်းမှူး ဒုတိယဗိုလ်မှူးကြီး မြတ်မင်းထွန်း သေဆုံး 

    စစ်ကောင်စီတပ် ခလရ (၁၄၇) တပ်ရင်းမှူး ဒုတိယဗိုလ်မှူးကြီး မြတ်မင်းထွန်း သေဆုံး 

    RNA_ဧပြီ( ၂၃)၊၂၀၂၃ ခုနှစ်။

    ရှမ်းပြည်နယ်မြောက်ပိုင်း နောင်ချိုမြို့နယ်နှင့် ပြင်ဦးလွင်မြို့နယ် နယ်စပ်ဒေသရှိ ခလရ (၁၄၇) စခန်းကုန်းကို ဧပြီလ (၂၂) ရက်နေ့ နံနက် (၃)နာရီခန့်တွင် မန္တလေး PDF ရဲဘော်များ တိုက်ခိုက်မှုအပြီး တပ်ရင်းမှူး ဒုတိယဗိုလ်မှူးကြီး မြတ်မင်းထွန်းရောက်ရှိလာချိန် ကားရပ်မပေးသည့်အတွက် ပစ်ခတ်ရာ သေဆုံးသွားကြောင်း သိရသည်။

     

    “မိမိတို့တပ်ဖွဲ့များ အခြေပြုနေရာ ယူထားရာ နေရာသို့ အိမ်စီးကား(၂) စီး ရောက်ရှိလာရာ အိမ်စီးကားပေါ်တွင် ရန်သူ့တပ် ယူနီဖောင်းဝတ်တဦး ပါလာသဖြင့် တားမြစ်စစ်ဆေးရာ မရပ်ပေးသဖြင့် ပစ်ခတ်ဖမ်းဆီးခဲ့သည်။ Toyota Corolla အိမ်စီးကားတစီး ရပ်တန့်သွားပြီး ကားပေါ်မှ ခလရ(၁၄၇) တပ်ရင်းမှူး ဒုတိယဗိုလ်မှူးကြီး မြတ်မင်းထွန်းအား သက်သေ ခံပစ္စည်းများ နှင့်တကွ အသေဖမ်းဆီးရရှိခဲ့သည်” ဟု NUG ကာကွယ်ရေး ဝန်ကြီးဌာနက ထုတ်ပြန်ထားသည်။

    (more…)

  • ခရမ်း PDF ရဲဘော် (၆) ဦး ဖမ်းဆီးခံရပြီးနောက် ကွင်းဆက်များ သတိထားရန် အထူးသတိပေး

    ခရမ်း PDF ရဲဘော် (၆) ဦး ဖမ်းဆီးခံရပြီးနောက် ကွင်းဆက်များ သတိထားရန် အထူးသတိပေး

    RNA_ဧပြီ(၂၃)၊၂၀၂၃ ခုနှစ်။

    ရန်ကုန်တိုင်း၊ ခရမ်းမြို့နယ် ပြည်သူ့ကာကွယ်ရေးတပ်ဖွဲ့ (PDF – Khayan) ရဲဘော် (၆) ဦး ဧပြီလ (၂၂) ရက်နေ့က စစ်ကောင်စီတပ်၏ ဖမ်းဆီးခြင်းခံရပြီးနောက် ကွင်းဆက်များလိုက်ကာ ဖမ်းဆီးရန် လုပ်ဆောင်နေကြောင်း သိရသည်။

    “ရဲဘော်ခြောက်ဦးသည် (၂၂.၄.၂၀၂၃) ရက်နေ့တွင် မတော်တဆ အကြမ်းဖက်စစ်ကောင်စီလက်သို့ ဖမ်းဆီးခံခဲ့ရပါသည်။ စစ်ကောင်စီသည် ၎င်းတို့ကို ဖမ်းဆီးနှိပ်စက်၍ ကွင်းဆက်များကိုလိုက်ဖမ်းဆီးမှုများ၊ မြို့နေပြည်သူများကို ဖမ်းဆီးခြင်းများ ဆက်တိုက်ပြုလုပ်လျက်ရှိပါသည်။ ရဲဘော်များ၏ဖုန်းများဖြင့် ဆက်သွယ်ခြင်းများကိုလည်း ပြုလုပ်လျက်ရှိပါသည်” ဟု PDF – Khayan မှ ယနေ့ အရေးပေါ် ထုတ်ပြန်ကြေညာထားသည်။

    (more…)

  • မိုင်းဘုန်းဆရာတော် မိုင်းလုံမြို့သို့သွားစဉ် PDF (မန္တလေး) မှ လုံခြုံရေးယူပေးခဲ့ 

    မိုင်းဘုန်းဆရာတော် မိုင်းလုံမြို့သို့သွားစဉ် PDF (မန္တလေး) မှ လုံခြုံရေးယူပေးခဲ့ 

    RNA_ဧပြီ(၂၂)၊၂၀၂၃ ခုနှစ်။

    မိုင်းဘုန်းဆရာတော်ဘုရားကြီးသည် မိုင်းလုံမြို့သို့ ကြွရောက်စဉ် တိုက်ပွဲဖြစ်ပွားနေသည့် နယ်မြေမအတွင်း ဖြတ်သန်းစဉ် ပြည်သူ့ကာကွယ်ရေးတပ်မတော် (မန္တလေး) ရဲဘော်များက လုံခြုံရေး ယူပေးခဲ့ကြောင်း သိရသည်။

    [embedyt] https://www.youtube.com/watch?v=_hr07clMQV8[/embedyt]

    စစ်ကောင်စီတပ်နှင့် ပြည်သူ့ကာကွယ်ရေးတပ်မတော် (မန္တလေး)တို့ တိုက်ပွဲဖြစ်ပွားနေသည့် နယ်မြေအတွင် ဧပြီလ (၁၁) ရက်နေ့က မိုင်းဘုန်းဆရာတော်၏ ယာဉ်တန်း ဖြတ်သန်းသွားလာခဲ့ခြင်း ဖြစ်သည်။

    (more…)

  • ခင်ဦးမှာ စစ်ကြောင်းထိုးလာသည့်အတွက် တိုက်ပွဲဖြစ် PDF (၅) ဦးကျ၊ ဒေသခံပြည်သူ (၅) ဦးဖမ်းဆီးခံရ

    ခင်ဦးမှာ စစ်ကြောင်းထိုးလာသည့်အတွက် တိုက်ပွဲဖြစ် PDF (၅) ဦးကျ၊ ဒေသခံပြည်သူ (၅) ဦးဖမ်းဆီးခံရ

    RNA_ဧပြီ(၁၉)၊၂၀၂၃ ခုနှစ်။
     
    စစ်ကိုင်းတိုင်း၊ ခင်ဦးမြို့နယ်၊ ခင်ဦး-မုံရွာရထားသံလမ်းဘေးရှိ မြကန်ကျေးရွာအတွင်းသို့ ယနေ့ နံနက် (၆) နာရီဝန်းကျင်က စစ်ကောင်စီတပ် စစ်ကြောင်းထိုးလာသည့်အတွက် ဒေသခံပြည်သူ့ကာကွယ်ရေးရဲဘော်များနှင့် တိုက်ပွဲဖြစ်ပွားပြီး PDF ရဲဘော် (၅) ဦးကျဆုံးပြီး၊ ပြည်သူ (၅) ဦးဖမ်းဆီးခံရကာ ဒေသခံ ပြည်သူ အများအပြား စစ်ဘေးရှောင်နေကြရကြောင်း သိရသည်။
     
    “မြကန်ကျေးရွာအတွင်းသို့ လက်နက်ကြီးငယ် ပစ်ခတ်ဝင်ရောက်ခဲ့ပြီး ဒေသခံကာကွယ်ရေးများနှင့် အပြန် အလှန်ပစ်ခတ်မှုဖြစ်ခဲ့ကာ မိုင်းခွဲ၍ ပြန်အဆုတ်တွင် ပိတ်မိကာ ကာကွယ်ရေးရဲဘော်များဖြစ်သော ( ၁) ရဲဘော်တရုတ်ကြီး(၂)ရဲဘော်မိုးဟိန်း(၃)ရဲဘောဖိုးကျော် (၄) ရဲဘော်ကိုနောင် (၅) ရဲဘော်ကျော်နိုင်တို့ ကျဆုံးခဲ့ရသလို ဒေသခံ အမျိုးသားပြည်သူ (၅) ဦး ဖမ်းဆီးခံရပြီး ဓားစာခံအဖြစ် ဖမ်းဆီးခေါ်ဆောင်သွားကြောင်း သိရပါတယ်” ဟု ခင်ဦးမြို့နယ် သတင်းပြန်ကြားရေးအဖွဲ့က ထုတ်ပြန်ထားသည်။

    (more…)

  • PDF (၃) ဖွဲ့ ပူးပေါင်း တင်ဆက်ထားသည့် တော်လှန်သင်္ကြန်သံချပ်

    PDF (၃) ဖွဲ့ ပူးပေါင်း တင်ဆက်ထားသည့် တော်လှန်သင်္ကြန်သံချပ်

    RNA_ဧပြီ(၁၇)၊၂၀၂၃ ခုနှစ်။ စစ်ကိုင်းတိုင်းအတွင်း၊ စစ်ကောင်စီတပ်ကို လက်နက်ကိုင်တော်လှန်နေသည့် ညီနောင် မဟာမိတ် PDF (၃) ဖွဲ့ ဖြစ်သည့် Golden Eagle Defence Force – GEDF၊ Myin Mu Defence Force – MMDF၊ Just Fighter Force ရဲဘော်များ ပူးပေါင်းတင်ဆက်ထားသည့် တော်လှန်သင်္ကြန်သံချပ်ကို ပြည်သူများအတွက် တင်ပြလိုက်ပါသည်။

    [embedyt] https://www.youtube.com/watch?v=-KAkVplHWK0[/embedyt]

    #RedNewsAgency

  • သဲဖြူကျေးရွာ အထိုင်ချနေသည့် စစ်ကောင်စီတပ် တိုက်ပွဲအတွင်း (၂၀) ကျော်သေဆုံးနိုင်ဟု ခန့်မှန်း 

    သဲဖြူကျေးရွာ အထိုင်ချနေသည့် စစ်ကောင်စီတပ် တိုက်ပွဲအတွင်း (၂၀) ကျော်သေဆုံးနိုင်ဟု ခန့်မှန်း 

    RNA_ဧပြီ(၁၄)၊၂၀၂၃ ခုနှစ်။

    တနင်္သာရီတိုင်း၊ တနင်္သာရီမြို့နယ်၊ သဲဖြူကျေးရွာသို့ စစ်ကြောင်းထိုးလာသည့် စစ်ကောင်စီတပ်နှင့် ဒေသခံ ပြည်သူ့ကာကွယ်ရေးတပ်ဖွဲ့တို့ ဖြစ်ပွားခဲ့သည့် တိုက်ပွဲအတွင်း စစ်ကောင်စီတပ်မှ (၂၀) ကျော်သေဆုံးနိုင်ကြောင်း People Defense Wrganization – Tanintharyi Division က ခန့်မှန်းထားသည်။

    စစ်ကောင်စီတပ်သည် သဲဖြူကျေးရွာသို့မတ်လ (၂၈) ရက်နေ့က စတင်ပြီး စစ်ကြောင်းထိုးရောက်ရှိကာ ယာယီတပ်စွဲနေထိုင်ခဲ့ကြောင်း၊ ပြည်သူ့ကာကွယ်ရေးတပ်ဖွဲ့ ပူးပေါင်း မဟာမိတ်တပ်များနှင့် တိုက်ပွဲပြင်းထန်ခဲ့ကြောင်း၊ ဧပြီလ (၁၂)ရက်နေ့တွင် စစ်ကောင်စီတပ်သားများ ပြန်လည်ဆုတ်ခွါသွားကြောင်း၊ နယ်မြေရှင်းလင်းစဥ် စစ်ကောင်စီတပ်မှ လက်နက်ခဲယမ်းတချို့နှင့် အသုံးအဆောင်ပစ္စည်းများ သိမ်းဆည်းရမိကြောင်း သိရသည်။

    (more…)

  • တိုက်ပွဲအတွင်း စစ်ကောင်စီတပ်သားများ ထွက်ပြေးသည့်အတွက် ကျည်အနည်းငယ်သာ သိမ်းဆည်းရမိ

    တိုက်ပွဲအတွင်း စစ်ကောင်စီတပ်သားများ ထွက်ပြေးသည့်အတွက် ကျည်အနည်းငယ်သာ သိမ်းဆည်းရမိ

    RNA_ဧပြီ(၉)၊၂၀၂၃ ခုနှစ်။

    မန္တလေးတိုင်း၊ မိုးကုတ်မြို့နယ်၊ မိုးကုတ်- မိုင်းလုံ ဆက်သွယ်ရေးလမ်းမပေါ်ရှိ (၁၈) မိုင် ဘုန်းကြီးကျောင်းအတွင်း တပ်စွဲထားသည့် စစ်ကောင်စီတပ်ကို KIA နှင့်ပူးပေါင်းတပ်ဖွဲ့က သွားရောက်တိုက်ခိုက်ရာ စစ်ကောင်စီတပ်သားများ ထွက်ပြေးသည့်အတွက် လက်နက်ကြီးကျည်အနည်းငယ်သာ သိမ်းဆည်းရမိကြောင်း သိရသည်။

    [embedyt] https://www.youtube.com/watch?v=ROJAPMkG5M8[/embedyt]

    မိုးကုတ်- မိုင်းလုံ ဆက်သွယ်ရေးလမ်းမပေါ်ရှိ (၁၈) မိုင်ဘုန်းကြီးကျောင်းအတွင်း တပ်စွဲထားသည့် စစ်ကောင်စီတပ် တမ်မ (၈၈) လက်အောက်ခံများကို KIA၊ K- PDF (Kachin – Region )၊ PDF (NUG )၊ ကျောင်းသားတပ်မတော်( A.B.S.D.F -ရှမ်းမြောက်ဒေသ)အပါအဝင် မဟာမိတ်တပ်ပေါင်းစုတို့မှ ပူးပေါင်းစစ်ဆင်ရေးအဖြစ် ဧပြီလ (၇) ရက်နေ့က တိုက်ခိုက်ခဲ့ခြင်း ဖြစ်ကြောင်း ရုပ်သံနှင့်တကွ မိုးမိတ်ခရိုင် KPDF တပ်ရင်းမှ ယနေ့ ထုတ်ပြန်ထားသည်။

    #RedNewsAgency

  • လက်နက်ကြီးများထုတ်လုပ်ကာ မဟာမိတ်များနှင့် မျှဝေပြီး တိုက်ပွဲဝင်နေသည့် Golden Eagle Defence Force 

    လက်နက်ကြီးများထုတ်လုပ်ကာ မဟာမိတ်များနှင့် မျှဝေပြီး တိုက်ပွဲဝင်နေသည့် Golden Eagle Defence Force 

    RNA_ဧပြီ(၇)၊၂၀၂၃ ခုနှစ်။
     
    သေနတ်အစစ်များရှားပါးနေသည့် စစ်ကိုင်းတိုင်းအတွင်းမှ ပြည်သူ့ကာကွယ်ရေးတပ်ဖွဲ့များသည် လက်လုပ် လက်နက်ကြီးများကို အားကိုးအားထားပြုတိုက်ခိုက်နေရသည့်အတွက် လက်နက်ကြီးများ ထုတ်လုပ်နေသည့် Golden Eagle Defence Force ခေါင်းဆောင် ကိုသိမ်းငှက်ကို Red News Agency က မေးမြန်းထားသည်။
     
    စစ်ကိုင်းတိုင်းအခြေစိုက် တော်လှန်ရေးတပ်ဖွဲ့တစ်ခုဖြစ်သည့် Golden Eagle Defence Force တပ်ဖွဲ့သည် လက်နက်ကြီးများ ထုတ်လုပ်ကာ စစ်ကောင်စီတပ်ကို မဟာမိတ်များနှင့်ပူးပေါင်းပြီး တိုက်ခိုက်နေကြကြောင်း၊ မဟာမိတ်များနှင့်အတူ တိုက်ပွဲများတွင် အနီးကပ် ပစ်ခတ်မှုများထက် မိုင်းဆွဲခြင်း၊ လက်လုပ်နက်ကြီးများဖြင့် ပစ်ခတ်ခြင်းများကိုသာ အဓိကထားတိုက်ခိုက်နေရကြောင်း၊ လက်နက်အစစ်များလည်း လိုအပ်နေကြောင်း သိရသည်။
    [embedyt] https://www.youtube.com/watch?v=f41bLHgSzlM[/embedyt]

    (more…)

  • ဆယ်ဇင်း‌ကျေးရွာအနီးတိုက်ပွဲတွင် PDF ရဲဘော် ၁ ဦးနှင့် KIAရဲဘော် ၂ ဦးကျဆုံး

    ဆယ်ဇင်း‌ကျေးရွာအနီးတိုက်ပွဲတွင် PDF ရဲဘော် ၁ ဦးနှင့် KIAရဲဘော် ၂ ဦးကျဆုံး

    RNA_ဖားကန့်၊ဧပြီ(၇)၊၂၀၂၃ ခုနှစ်။

    ကချင်ပြည်နယ်၊ ဖားကန့်မြို့နယ်၊ ဆယ်ဇင်းကျေးရွာနှင့် စစ်ကိုင်းတိုင်းဒေသကြီး၊ မြေမြင့်ရွာအနီး အကြမ်းဖက် စစ်ကောင်စီတပ်နှင့် တိုက်ပွဲအတွင်း PDF ရဲဘော် ၁ ဦးနှင့် KIA ရဲဘော် ၂ ဦးကျဆုံးခဲ့ရကြောင်း သိရသည်။

    ဆယ်ဇင်းကျေးရွာနှင့် မြေမြင့်ကျေးရွာအနီးတွင် စစ်ကောင်စီတပ်နှင့် လက်အောက်ခံများကို KIA နှင့် PDF တို့ ပူးပေါင်းပြီး ဧပြီလ (၆) ရက်နေ့က တိုက်ပွဲပြင်းထန်ခဲ့ကြောင်း၊ ကျဆုံးခဲ့ရသည့် PDF ရဲဘော် (ကိုရဲ) သည် ဖားကန့်၌ နွေဦးတော်လှန်ရေးအတွက် လက်နက်ကိုင်လမ်းစဉ်ကို စတင်ရာတွင် အစောဆုံးအုပ်စုထဲတွင် တက်ကြွစွာပါဝင်ခဲ့သူတစ်ဦးဖြစ်ကြောင်း တော်လှန်ရေးသတင်းရင်းမြစ်မျာထံမှ သိရသည်။

    (more…)

  • ပုလဲမြို့နယ်မှ M7 PDF စခန်း စီးနင်းခံရပြီး ရဲဘော် (၇) ဦးပျောက်ဆုံးနေ

    ပုလဲမြို့နယ်မှ M7 PDF စခန်း စီးနင်းခံရပြီး ရဲဘော် (၇) ဦးပျောက်ဆုံးနေ

    RNA_ဧပြီ(၆)၊၂၀၂၃ ခုနှစ်။
     
    စစ်ကိုင်းတိုင်း၊ ပုလဲမြို့နယ်ရှိ M7 People’s Defense Force – M7 PDF တပ်ဖွဲ့စခန်းတခုကို ယမန်နေ့ နံနက် ၁၀ နာရီအကျော်က စစ်ကောင်စီတပ်မှ လေကြောင်းအသုံးပြုပစ်ခတ် စီးနင်းခဲ့သည့်အတွက် စခန်းရှိရဲဘော် (၇) ဦးကျပျောက်ဆုံးနေပြီး (၄) ဦးကျဆုံးထားကြောင်း သိရသည်။
    ဓာတ်ပုံ – M7 PDF ရဲဘော်များနှင့်မဟာမိတ်များ စစ်ရေးလှုပ်ရှားမှုမြင်ကွင်း။
     
    “၁၀ နာရီဝန်းကျင်လောက်မှာ Mi 35 တစ်စီး အရင်တက်လာပြီး​တော့ စခန်းကိုပစ်တယ်၊ ဗိုက်ပူ (Mi 17) နှစ်စီးက လူချတယ် နောက်တခါထပ်သွားသယ်ပြီးတော့ လူထပ်ချတယ် နှစ်စီး နှစ်ခေါက်ဆိုတော့ လေးစီးစာဖြစ်တာပေါ့။ စခန်းမှာလည်း ခွဲတစ်က လူအင်အား ၇၀ ခန့်နဲ့ ခွဲနှစ်မှာလည်း ၇၀ လောက်ရှိတယ်၊ ခွဲ ၂ ကိုလည်း ဗိုက်ပူတွေက စက်သေနတ်နဲ့ ရမ်းသွားသေးတယ်၊ ခွဲ ၂ ကတော့ သိပ်ပြီးအထိအခိုက်မရှိဘူး၊ ခွဲ ၁ မှာကတော့ Mi 35 ကလည်း ဆက်တိုက် ၄၅ မိနစ် ၁ နာရီခန့် လောက်ပစ်ပြီးတော့ လူချတာ ညာဘက်ထောင့်ကနေ တက်လာတော့ ကြားထဲမှာ ဒဏ်ရာရ ၄ ယောက်နဲ့ အစောင့်အရှောက် ၂ ယောက်က ပိတ်မိသွားတယ်။ ၁ ယောက်ကတော့ စခန်းရဲ့ အနောက်တောင်ကိုပြေးတယ် အခုချိန်ထိ အဲကလေးကတော့ ဆက်သွယ်လို့ မရသေးဘူး။ ၇ ယောက်ပျောက်နေတယ်ပေါ့ဗျာ” ဟု M7 PDF တာဝန်ရှိသူက ပြောကြားထားသည်။
    ဓာတ်ပုံ – M7 PDF ရဲဘော်များနှင့်မဟာမိတ်များ စစ်ရေးလှုပ်ရှားမှုမြင်ကွင်း။

    (more…)