RNA_အောက်တိုဘာ(၂၀)၊၂၀၂၃ ခုနှစ်။
မကွေးတိုင်း၊ ပေါက်မြို့နယ်၊ ဝက်ပုတ်ကျေးရွာမှ ထွက်လာသည့် အင်အား ၂၀၀ ခန့်ပါ စစ်ကောင်စီတပ်စစ်ကြောင်းကို ဒေသခံပြည်သူ့ကာကွယ်ရေးတပ်ဖွဲ့များက ခဲပင်အင်းအရှေ့ဘက်အရောက်တွင် စောင့်ကြိုတိုက်ခိုက်ခဲ့ရာမှ စတင်ကာ ဆက်တိုက်ပစ်ခတ်မှုများပြုလုပ်ခဲ့ကြောင်း သိရသည်။
အင်အား ၂၀၀ ခန့်ပါ စစ်ကောင်စီတပ်စစ်ကြောင်းကို မြိုင်ပကဖ၊ ပေါက်ပကဖ၊ ပခုက္ကူမြို့ပြပြောက်ကျားအဖွဲ့နှင့် အခြားပူးပေါင်းတပ်ဖွဲ့များက အောက်တိုဘာလ ၁၇ ရက်နေ့က ခဲပင်အင်းအရှေ့ဘက်မှစတင်တိုက်ခိုက်ခဲ့ကြောင်း၊ ၁၈ ရက်နေ့တွင်လည်း ခဲအင်ပင်းရွာအတွင်း ဝင်ရောက်နေသည့် ယင်းစစ်ကြောင်းကို ထပ်မံတိုက်ခိုက်ခဲ့ကြောင်း၊ ခဲပင်အင်းရွာမှထွက်သွားစဉ် ညောင်ရင်းရွာဘက်အရောက်တွင်လည်း ပစ်ခတ်ခဲ့ကြကြောင်း မြိုင်ပကဖမှ ထုတ်ပြန်ထားသည်။
ပေါက်မြို့နယ်၊ ဝက်ပုတ်ကျေးရွာမှထွက်လာသည့် အင်အား ၂၀၀ ခန့်ပါ စစ်ကောင်စီတပ်စစ်ကြောင်းသည် တလျှောက်လုံး ဒရုန်းဗုံးများ၊ မိုင်းပွိုင့်များအပါအဝင် လက်နက်ကြီး လက်နက်ငယ်များဖြင့်ပါ ပစ်ခတ်ခံရပြီးနောက် ဇီးပြားရဲစခန်းဘက် ဆုတ်ခွါသွားခဲ့ကြောင်း၊ လမ်းလျှောက် စစ်ကောင်စီတပ်မှ သေဆုံးသူ ၈ ဦးဝန်းကျင်ရှိကြောင်း၊ တိုက်ခိုက်ခံရမှုကြောင့် ဇီးပြားရွာရဲစခန်းနှင့် သရော်ကိုင်းရွာမှပျူများ အသံချဲ့စက်များဖြင့် အနီးဝန်းကျင်မှ မီးရှို့မည်ဖြစ်ကြောင်း၊ ပစ်သတ်မည်ဖြစ်ကြောင်းအပါအဝင် အကြားဝံ့မနာသာ စကားလုံးများဖြင့် ဆဲဆိုနေကြသည်ဟု ထုတ်ပြန်ချက်တွင် ပါရှိသည်။
#RedNewsAgency