RNA_မတ်(၄)၊၂၀၂၆ခုနှစ်။
အာဏာသိမ်းစစ်တပ်၏ ၂၀၂၆ ခုနှစ် မတ်လ (၂) ရက်နေ့တွင် အကျဉ်းထောင်အသီးသီးမှ နိုင်ငံရေးအကျဉ်းသူ/သားများကို လွတ်ငြိမ်းခွင့်ပြုခဲ့ရာတွင် မတ်လ (၄) ရက်နေ့အထိ အကျဉ်းထောင် (၃၉) ခုမှ နိုင်ငံရေး အကျဉ်းသူ/သား (၄၄၀၃) ဦး လွတ်မြောက်ခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက် (PPNM) ကထုတ်ပြန်သည်။
RNA_ဇွန်(၃၀)၊၂၀၂၅ခုနှစ်။
ရန်ကုန်မြို့၊ အင်းစိန်းမြို့နယ်ရှိ၊ အင်းစိန်အကျဉ်းထောင်တွင် အကျဉ်းသားအား လွတ်အောင် လုပ်ပေးမည်ဟုဆိုကာ အကျဉ်းသားမိသာစုထံမှ အကျဉ်းဦးစီးဝန်ထမ်း (၃) ဦး၊ စစ်ကောင်စီတပ်သား (၁) ဦး၊ ရဲ (၁) တစ်ဦးတို့က ငွေကျပ်သိန်း (၇၀၀) တောင်းသည့် လိမ်လည်မှု ယခု တစ်ပတ်အတွင်း ဖြစ်ပွားနေကြောင်း အင်းစိန်ထောင်နှင့်နီးစပ်သူများထံမှ သိရသည်။
” အကစကသုံးယောက် ရဲတစ်ယောက် စစ်တပ်ကတစ်ယောက်ပေါင်းပြီးတော့လုပ်တာပေါ့။ ငွေတော့ယူလိုက်တယ် အကျဉ်းသားကိုလွတ်အောင်လုပ်မပေးနိုင်တော့ အခုအတိုင်ခံထားရတယ်။ စစ်ကြောရေးမှာ စစ်နေတယ်လို့ကြားတယ်။ တောင်းတာက သိန်း ခုနှစ်ရာ ဘာမှလုပ်မပေးတော့ အကျဉ်းသားမိသားစုက တိုင်တာပေါ့” ဟု အင်းစိန်ထောင်နှင့်နီးစပ်သူတစ်ဦးက ပြောပြသည်။
“ဗိုလ်ပြုတ်ပြည့်တန်ဆာခေါင်းက မယားနှစ်ယောက်ယူထားရုံနဲ့ အားမရသေးဘူး။ ရောက်လာသမျှ မိန်းကလေး နုနုထွတ်ထွတ်လေးတွေကို ပန်းဦးဆွတ်ပါတယ်။ သူ့ဖာခန်းတွေမှာ ထောင်ထွက်လိုလို လူမိုက်လိုလိုကောင်တွေကို ဧည့်ခေါ်၊ မိန်းမထိန်း ခန့်ထားပါတယ်”
(မှတ်ချက် – ငရဲခန်းမှ လွတ်မြောက်လာသူ မိန်းကလေးတစ်ဦး၏ ဖွင့်ဟဝန်ခံချက်အပေါ်အခြေခံပြီး စုံစမ်းရေးသားသည်။)
—-Red News Agency —–
၁၉၉၀ ပြည့်နှစ်ကာလများတုန်းက ကိုတင်နွယ်လို့သိကြတဲ့ နာမည်ကျော် ပြည့်တန်ဆာခေါင်းတစ်ယောက် ရန်ကုန်မြို့မှာရှိခဲ့ပါတယ်။ ကိုတင်နွယ် နာမည်ကြီးရတဲ့အကြောင်းရင်းက နံပါတ်တစ် သူ့ဖာခန်း ဧည့်ကြိုနံရံမှာချိတ်ဆွဲထားတဲ့ ဓာတ်ပုံတစ်ပုံရယ်၊ နံပါတ်နှစ်ကတော့ ထိပ်ထိပ်ကြဲ လူကုံထံရပ်ကွက်မှာ အခန်းဖွင့်နိုင်ခြင်းဆိုတဲ့ အချက်နှစ်ချက်ကြောင့် ဖြစ်ပါတယ်။ န.ဝ.တ လက်ထက် တီဗီမှာ အစီအစဉ်တစ်ခုအနေနဲ့ နေ့စဉ်နဲ့အမျှ ထုတ်လွှင့်ခဲ့တဲ့ “အလှူဒါနပြုကြသူငှာ”မှာ ကိုတင်နွယ်က လှူဒါန်းမှုတစ်ခုပြုလုပ်ခဲ့ပါတယ်။
ထုံးစံအတိုင်း နဝတ အတွင်းရေးမှူး (၁) ဗိုလ်ချုပ်ကြီးခင်ညွန့်ထံမှ ဂုဏ်ပြုလက်မှတ်ယူ၊ လက်ဆွဲနှုတ်ဆက်၊ မှတ်တမ်းဓာတ်ပုံရိုက်သည်ပေါ့။ အဲဒီဓာတ်ပုံကို ကိုတင်နွယ်က ရွှေတောင်ကြားမှာဖွင့်တဲ့ သူ့ဖာခန်းနံရံမှာ ဂုဏ်ယူဝင့်ကြွားစွာနဲ့ ချိတ်ဆွဲထားခဲ့တာပါ။ သူ့ဆီဝင်ထွက်နေသူတွေပါးစပ်ဖျားမှာ ဒီဓာတ်ပုံအကြောင်း၊ ကိုတင်နွယ် ဘယ်လောက်ပိုင်ကြောင်းတွေ တဖွဖွပြောဆိုကြတော့ တဆင့်စကား တဆင့်နား သတင်းကြီးနေခဲ့တာပေါ့။ နောက်ဆုံးတော့ ကိုတင်နွယ်လည်း အဲဒီဓာတ်ပုံကြောင့်ပဲ ဖမ်းဆီးအရေးယူခံရပြီး သူ့အသက်မွေးဝမ်းကြောင်းလုပ်ငန်းလည်း တခန်းရပ်သွားခဲ့ပါတယ်။ ဒါကတော့ ၉၀ ပြည့်နှစ်များ နှောင်းပိုင်းကာလက ဖြစ်ရပ်တခုပါ။
အဲဒီကနေ နှစ်ပေါင်းအစိတ်လောက်ကြာလာပြီးတဲ့နောက် မဟာရန်ကုန်မြို့မှာ ကိုတင်နွယ်ထက် လက်စောင်းထက်တဲ့ ပြည့်တန်ဆာခေါင်း လူကုန်ကူးကျားဖြန့်ဂိုဏ်းချုပ်တစ်ယောက် ထပ်မံပေါ်ထွက်လာပါတယ်။ ခေတ်ပျက်ကြီးထဲမှာ တောကြောင်တွေ လက်ခမောင်းခတ်ကြတာ မဆန်းပေမယ့် ဒီ တပ်ထွက်ဗိုလ်ပြုတ်ရဲ့ လုပ်ရပ်ကတော့ ဖာခေါင်းလောကမှာ အောချရလောက်ပါပေတယ်။ ဘဝပေါင်းများစွာကို ချနင်းပြီး ကုတ်သွေးစုပ်အမြတ်ထုတ်နေချက်က ရက်စက်မှုအပေါင်း သရဖူဆောင်းပါတယ်။
RNA_ဩဂုတ်(၁၃)၊၂၀၂၄ ခုနှစ်။
ရန်ကုန်မြို့၊ အင်းစိန်အကျဉ်းထောင်တွင် နိုင်ငံရေးအကျဉ်းသားများအပေါ် ရိုက်နှက် တိုက်ပိတ်ဖိနှိပ်ရာများတွင် စိတ်အားတက်ကြွစွာပါဝင်ပြီး အကျဉ်းသားများအကြား နာမည်ဆိုးဖြင့်ကျော်ကြားနေသော အင်းစိန်ထောင်ဝန်ထမ်း ထိန်လင်းဦး အသုဘ ယနေ့ နေ့လယ် ၁၂ နာရီတွင် ထိန်ပင်သုဿာန်၌ ပြုလုပ်မည်ဖြစ်ကြောင်း သိရသည်။
နာမည်ဆိုးဖြင့်ကျော်ကြားနေသော အင်းစိန်ထောင်ဝန်ထမ်း ထိန်လင်းဦးသည် လေဖြတ်ပြီး သတိပြန်လည်မရရှိတော့သည့် အခြေအနေဖြင့် ဩဂုတ်လ ၁၁ ရက်နေ့က ဝိတိုရိယဆေးရုံတွင် သေဆုံးခဲ့ခြင်းဖြစ်သည်။
RNA_ဇူလိုင်(၂၇)၊ ၂၀၂၄ ခုနှစ်။
မွန်ပြည်နယ်၊ ကျိုက်ထိုမြို့နယ်၊ သိမ်ဇရပ်မြို့၊ ကျောက်တန်းလေးကျေးရွာအနီးတိုက်ပွဲတွင် ပူးပေါင်းမဟာမိတ်တပ်များထဲက ရန်ကုန်တိုင်း ပြည်သူ့ကာကွယ်ရေးတပ်ဖွဲ့ – တပ်ဖွဲ့ (၁) မှ ရဲဘော် လရောင်နှင့် ရဲဘော်သာဒင်တို့ ကျဆုံးခဲ့ရသည်ဟု ရန်ကုန်ပြည်သူ့ကာကွယ်ရေးတပ်ဖွဲ့ – တပ်ဖွဲ့ (၁) ထံမှ သိရသည်။
ကျောက်တန်းလေးကျေးရွာအနီးတွင် စစ်ကောင်စီတပ်စစ်ကြောင်းကို KNLA နှင့် ရန်ကုန်တိုင်း ပြည်သူ့ကာကွယ်ရေးတပ်ဖွဲ့ – တပ်ဖွဲ့ (၁) တို့က ဇူလိုင် ၂၃ ရက်နေ့တွင် စောင့်ကြိုတိုက်ခိုက်ခဲ့ရာ စစ်ကောင်စီတပ်မှ ၈ ဦးထက်မနည်း သေဆုံးမှုရှိကြောင်း၊ တိုက်ပွဲကြာချိန် ၄၅ မိနစ်အတွင်း စစ်ကောင်စီ၏ သိမ်ဇရပ် ၂၀၇ လက်နက်ကြီးကုန်မှ ၁၂၀ မမဖြင့် ရမ်းသန်းပစ်ခတ်ခဲ့သည့်အတွက် အနီးအနား ကျေးရွာများအတွင်း ကျရောက်ပေါက်ကွဲပြီး ပြည်သူများလည်း ထိခိုက်သေဆုံးမှုရှိသည်ဟု သိရသည်။
RNA_မေ(၂၂)၊၂၀၂၄ ခုနှစ်။
စစ်မှုထမ်းဥပဒေအလိုမရှိကြောင်းနှင့် လူထု၏ အထွေထွေကြပ်တည်းမှုများနှင့် မတရားဖိနှိပ်ခံရမှုများကြောင့် ယနေ့ ကဆုန်လပြည့်နေ့ ညပိုင်းတွင် စစ်အာဏာရှင်ဆန့်ကျင်ရေး လူထုသပိတ်လှုပ်ရှားမှု ဆန္ဒပြခဲ့ကြကြောင်း သိရသည်။
“လျှပ်စစ်မီးများ ဆိုးရွားစွာ ပြတ်တောက်နေသည့်အခြေအနေများ၊ စစ်ကောင်စီ၏ မတရားစစ်မှုထမ်းဥပဒေကို ကန့်ကွက်ရှုံ့ချဆန့်ကျင်ကြောင်းနှင့် စစ်ခေါင်းဆောင် မင်းအောင်လှိုင်ကို ဆန့်ကျင်ကြောင်း စသည်တို့ကို ကြွေးကြော်ခဲ့ကြပြီး အောင်မြင် စွာလှုပ်ရှားဆောင်ရွက်နိုင်ခဲ့သည်” ဟု လှုပ်ရှားမှုတွင် ပါဝင်ခဲ့သည့် ရဲဘော်တဦးက ပြောကြားထားသည်။
[embedyt] https://www.youtube.com/watch?v=mo9DHVEqIvQ[/embedyt]
“အသံကြားမှာစိုးလို့ မရုန်းထပဲ နေရင်းကနေ ရင်ဘတ်ကနေ လည်ပင်းထိနစ်မြုပ်လာခဲ့တယ် ကြောက်ကြောက်နဲ့ အသံကြားမှာစိုးလို့ ခြေကုပ်လက်ကုပ်ရင်းကနေ အိမ်သာဂွေအဆင့်ဆင့်ထပ်ထားတဲ့ အပေါ်ဆုံးက ရွံ့နဲ့မိလ္လာဖုံးနေတဲ့ အစပ်ကိုကိုင်မိပြီး ပြန်ရုန်းထရင်းကနေ ခေါင်းလေးဖော် အသံနားစွင့်ရင်း မကြာခင်မှာ ပြန်ပြီးထလာမိတယ်”
Dark Shadow UG အဖွဲ့က ရဲဘော်အရိပ် (ပန်ဒါလေး) ရေးသားသည်။
လွန်ခဲ့တဲ့ ၂ နှစ်လောက်က ကြည့်မြင်တိုင်တစ်ဖက်ကမ်းမှာ UG ၁၄ ယောက်ပစ်ခတ်ဖမ်းဆီးခံလိုက်ရတယ်ဆိုပြီး မီဒီယာမှာ ရေးသားဖော်ပြခံခဲ့ရပြီးပြည်သူလူထုရော စိတ်မကောင်းဖြစ် ဘေးကင်းဖို့ ဆုတောင်းစာတွေနဲ့အတူ Dark Shadow UG အဖွဲ့က ရဲဘော်တစ်ချို့ဖမ်းဆီးခံရပြီး ကျန်ရဲဘော်တွေ အိမ်တွင်း ဝင်ရောက်ဖမ်းဆီး ပစ်ခတ်မှု အသက်ဘေးကနေ လွတ်မြောက်ခဲ့တဲ့အမှတ်တရနေ့လေး ဖြစ်ခဲ့ရတယ်။
၂၇.၄.၂၀၂၂ အဲ့နေ့က Mission တစ်ခုကဖို့ စီစဥ်ထားရာကနေ အဖွဲ့ကညီကိုတစ်ယောက်ရဲ့အသိ နေခန့်နိုင် (ခေါ်) မာဖလာ မျက်မှန်ဝတ် ငရုတ်သီးထောင်းနေတဲ့ကောင်လေး သတင်းပေးမှုကြောင့် အတွင်းစည်းပေါက်ပြီး ကြိုစောင့်ဖမ်းခံခဲ့ရတယ်ပေါ့ဗျာ။ အဲ့ကနေ Under Control ဖြစ်ပြီး ဆက်စပ်ရာကနေ ကြည့်မြင်တိုင်တစ်ဖက်ကမ်း အလတ်ချောင်းကိုဝင်စီးခံရဖို့ ဖြစ်လာခဲ့တယ်။ အဲ့နေ့က အဖွဲ့ကညီကိုတစ်ချို့အဆက်သွယ်မရလို့ စိတ်ပူ အိမ်မှာစောင့်နေရင်း တစ်ချို့သတင်းတွေကြောင့် လူစုခွဲရင်း ပစ္စည်းခွေးစာ အထုပ်ကြီးမရွေ့နေရင်း ကိုက် ၅၀ အကွာကနေ အမေနဲ့ကိုင်ဆဲခံရတဲ့ အသံတွေနဲ့ အတူတူ အင်အားအလုံးအရင်း ပစ်ခတ်ဖမ်းဆီးရာကနေ အထုတ်တွေချ ဖိနပ်ပါချွတ်ပြီးငယ်သံပါအောင် ကိုနိုင်ရယ်နဲ့ကျနော် ကြည့်မြင်တိုင်တစ်ဖက်ကမ်းအလတ်ချောင်းကျေးရွာထဲမှာ လိုက်လံဖမ်းဆီးခြင်း ခံခဲ့ရတယ်။
တစ်ကယ့်ကို ကိုက်၅၀ အကွာကနေ လိုက်ပစ်ခတ်ဖမ်းရင်း ကျနော်ရယ် ကိုနိုင်ရယ် လယ်ကွင်းလမ်းကြိုလမ်းကြားထဲ လူစုကွဲသွားခဲ့ရတယ်။ ကိုနိုင်ကတော့ လမ်းတစ်ဖက်တစ်ချက် လယ်ကွင်းတွေဆီပြေးရင်းလွှားရင်း အခက်ခဲပေါင်းစုံနဲ့ နောက်ဆုံး ရန်ကုန်တစ်ဖက်ကမ်းကို အရင်ရောက်ခဲ့ရတယ်။ ကျနော်ကတော့ S I G သေနတ်အတိုတစ်လက်နဲ့အတူတူ အိမ်ကြားတွေ လမ်းကြားတွေကို ပြေးနေမိတယ်။
RNA_မတ်(၉)၊၂၀၂၄ ခုနှစ်။
ရန်ကုန်တိုင်း၊ မြောက်ဥက္ကလာပမြို့နယ်၊ ကန်သာယာပြည်သူ့ ပန်းခြံအတွင်းရှိ ရှစ်လေးလုံး (၈၈၈၈) ပြည်သူ့အရေးတော်ပုံ အထိမ်းအမှတ် ကျောက်တိုင်ကို အကြမ်းဖက်စစ်ကောင်စီလက်အောက်ခံများက မတ်လ (၈) ရက်နေ့ ည (၁၁) နာရီဝန်းကျင်က ဖြိုချဖျက်ဆီးသွားကြောင်း သိရသည်။
“ညက အဖြိုခံရတာ အခုမနက်တော့ စခတွေ အများကြီး အပေါ်ပိုင်းက ပျက်စီးသွားပြီ အောက်ပိုင်းကျန်သေးတယ်၊ အခု ကန်ကို ပိတ်ထားတယ်” ဟု မြောက်ဥက္ကလာပမြို့နယ်နေ ပြည်သူတဦးက ပြောသည်။
ဓာတ်ပုံ : ၈၈ မျိုးဆက် ကိုမင်းကိုနိုင်နှင့် ကိုဂျင်မီတို့ ၃၂ နှစ်မြောက် ရှစ်လေးလုံး ပြည်သူ့အရေးတော်ပုံနေ့က ရှစ်လေးလုံး ပြည်သူ့အရေးတော်ပုံအထိမ်းအမှတ် ကျောက်တိုင်ကို ဂါရဝပြုခဲ့စဉ် တွေ့ရသည့် မြင်ကွင်း။
#RedNewsAgency