RNA_မေ(၁)၊၂၀၂၅ခုနှစ်။
မကွေးတိုင်း၊ ငဖဲမြို့နယ်၊ စစ်ကောင်စီ၏ နတ်ရေကန် လေကြောင်းရန်ကာကွယ်ရေးတပ်စခန်း၏ ကားကင်းဖြစ်သည့် ပဇီရွာတပ်စခန်းမှ လုံခြုံရေးယူရန်ထွက်လာသော စစ်ကောင်စီတပ်သား (၂၀) ကျော်အား ဧပြီလ (၃၀) ရက်နေ့ နံနက် ၈ နာရီက ချင်းကာကွယ်ရေးတပ် – အရှို ( CDF-Asho)ရဲဘော်များက ကြားဖြတ်တိုက်ခိုက်ရာ စစ်ကောင်စီလက်အောက်ခံ (၉) ဦးသေဆုံးပြီး MA အမျိုးစား လက်နက်ငယ် (၉) လက်နှင့် ခဲယမ်းများ သိမ်းဆည်းရမိခဲ့သည်ဟု CDF-Asho က ထုတ်ပြန်ထားသည်။
RNA_မေ(၁)၊၂၀၂၅ခုနှစ်။
၂၀၂၁ ခုနှစ် စစ်တပ်အာဏာသိမ်းပြီးချိန်မှစပြီး ယနေ့ (၅) နှစ်တာ ကာလအတွင်း စစ်အုပ်စု၏ လူမဆန်စွာ အထွေထွေဖိနှိပ်မှုများကြောင့် အလုပ်သမားထုတစ်ရပ်လုံးမှာ အလုပ်သမားအခွင့်အရေး၊ လူ့အခွင့် အရေးများ ဆိတ်သုဉ်းပျောက်ကွယ်ခဲ့ရသည်ဟု ယနေ့ ထိုင်း-မြန်မာ နယ်စပ်တနေရာမှာ ကျင်းပသော ၁၃၅ ကြိမ်မြောက် မေဒေးနေ့၏ ထုတ်ပြန်ချက်တွင် ဖော်ပြထားသည်။
ကမ္ဘာ့အလုပ်သမားထု၏ သွေးစည်းညီညွတ်မှုကို အရင်းတည်ပြီး အလုပ်သမားတို့၏ အသက်သွေးချွေးတို့ဖြင့် အလုပ်သမားအခွ့်အရေးများကို တိုက်ယူခဲ့ရသော မေးဒေးနေ့ (ကမ္ဘာ့အလုပ်သမားနေ့)တွင် ထိုင်း-မြန်မာနယ်စပ်တနေရာတွင် အလုပ်သမားအဖွဲ့အစည်းများပူးပေါင်းပြီး ယနေ့ ကျင်းပခဲ့ခြင်းဖြစ်သည်။
RNA_ဧပြီ(၂၉)၊၂၀၂၅ခုနှစ်။
ရန်ကုန်တိုင်း၊ သန်လျင်မြို့နယ် မဲဆန္ဒနယ် အမှတ် (၁) တိုင်းလွှတ်တော်ကိုယ်စားလှယ် ဦးနေလင်းအောင်သည် မြို့ပြစစ်ဆင်ရေးများတွင် ပါဝင်ခဲ့သလို ပဲခူး-ရန်ကုန် စစ်ဆင်ရေးများတွင်လည်း ပါဝင်ပြီး လှုပ်ရှားနေသူဖြစ်ပြီး ကွယ်လွန်သည်အထိ တော်လှန်ရေးအတွက် ပေးဆပ်သွားသူဖြစ်သည့်အတွက် လေးစားဂုဏ်ယူရသည်ဟု အထူးစစ်ဆင်ရေးတပ်ဖွဲ့ – SOF ခေါင်းဆောင် ကိုအောင်စံရှားက ပြောသည်။
တိုင်းလွှတ်တော်ကိုယ်စားလှယ် ဦးနေလင်းအောင် (အသက် ၄၅ နှစ်)သည် ဧပြီလ (၂၇) ရက်နေ့က ကွယ်လွန်ခဲ့ပြီး ဧပြီလ (၂၈) ရက်နေ့မှာ အမိန့်ပြန်ခြင်း၊ အာဇာနည်အဖြစ် ရဲဘော်များက အလေးပြုခြင်းစသည် အခန်းအနား တို့ကိုပြုလုပ်ကာ မီးသင်္ဂြိုဟ်ခဲ့ကြောင်း သိရသည်။
RNA_ဧပြီ(၂၉)၊၂၀၂၅ခုနှစ်။
စစ်ကောင်စီတပ်လက်လွှတ်ခဲ့ရသော စစ်ကိုင်းတိုင်း၊ ကလေးမြို့နယ်တောင်ပိုင်း ကြံသာကျေးရွာဘက် စစ်ကြောင်းထိုးတက်လာသည့် စစ်ကြောင်း တိုက်ခိုက်ခံရပြီး အထိနာကာ ပြန်ဆုတ်စဉ် ဒဏ်ရာရစစ်ကောင်စီတပ်သားတစ်ချို့ကို စစ်ကောင်စီတပ်က ပစ်သတ်ပြီး နောက်ပြန်ဆုတ်သွားကြသည်ဟု Chinland Information Center ကအသိပေးထားသည်။
CDF KKG ၏ Major operation အတွင်း ကလေးတောင်ပိုင်း တိုက်ပွဲများအတွင်း လက်လွှတ်လိုက်ရသည့် စခန်း (၅) ခုအနက်မှ ကြံသာရွာစခန်း ပြန်လည်သိမ်းပိုက်နိုင်ရေး စစ်ကောင်စီတပ်စစ်ကြောင်း (၂) ကြောင်းသည် ဧပြီလ ၂၇ ရက်နေ့ နံနက် (၅) နာရီက ထိုးစစ်ဆင်လာသည့်အတွက် တော်လှန်ရေးအင်အားစုများက တိုက်ခိုက်ခဲ့ခြင်းဖြစ်သည်။
RNA_ဧပြီ(၂၈)၊၂၀၂၅ခုနှစ်။
မြန်မာနိုင်ငံတွင် အင်အားပြင်းငလျင်လှုပ်ခတ်ခဲ့ပြီး တစ်လပြည့်ပြီဖြစ်သော်လည်း ငလျင်အသေးစားများ ထပ်မံလှုပ်ခတ်မှုအပြင် အင်းအားပြင်းငလျင်လှုတ်ခတ်ခဲ့သည့်အချိန်က ထိခိုက်ပျက်စီးမှုများ၊ ဆုံးရှုံးမှုများစသည့် ဒုက္ခများသည် ယနေ့အထိ ဆက်လက်ခံစားနေကြရသည်။
၂၀၂၅ ခုနှစ် မတ်လ ၂၈ ရက်နေ့ မြန်မာစံတော်ချိန် မွန်းလွဲ ၁၂ နာရီ ၅၀ မိနစ်ဝန်းကျင်၌ စစ်ကိုင်းမြို့၏ အနောက်မြောက်ဘက် ၁၆ ကီလိုမီတာအကွာတွင် အလွန်အင်အားပြင်း ရစ်ချ်တာစကေး ၇ ဒသမ ၇ ပမာဏရှိ ငလျင် (Major Earthquake) လှုပ်ခတ်ခဲ့သည့်အတွက် ရှေးဟောင်းအမွေအနှစ်များ၊ မန္တလေးတိုင်း၊ စစ်ကိုင်းတိုင်းတို့တွင် လူနေအဆောက်အဦများစွာ ပျက်စီးခဲ့ရပြီး ဧပြီလ ၂၈ ရက်နေ့အထိ သေဆုံးသူ ၄၀၀၀ ဝန်းကျင် ရှိခဲ့သည်။
RNA_ဧပြီ(၂၈)၊၂၀၂၅ခုနှစ်။
လက်နက်ကိုင်တော်လှန်ရေးတပ်ဖွဲ့များကို အားပေးနေပြီး PDF တပ်ဖွဲ့များ တစ်ဖွဲ့နှင့်တစ်ဖွဲ့ စည်းစည်းလုံးလုံးရှိကြရန် နိုင်ငံရေးအကျဉ်းသူများက ပြောကြားလိုက်သည်။
[embedyt] https://www.youtube.com/watch?v=kTv0Ilz9LF8[/embedyt]
RNA_ဧပြီ(၂၇)၊၂၀၂၅ခုနှစ်။
ကျောင်းသားတပ်ဦး/ကျောင်းသားလက်ရုံးတပ်တော် (၄) နှစ်ပြည့် တပ်တော်နေ့ အထိမ်းအမှတ် အခမ်းအနားနှင့် မွမ်းမံသင်တန်းဆင်း လက်နက်တပ်ဆင်ခြင်း အခမ်းအနားကို တပ်တော်၏ ဗဟိုဌာနချုပ်နယ်မြေတွင် ယနေ့ ပြုလုပ်ကျင်းပခဲ့သည်။
ရန်သူနဲ့ညှိသွားခြင်း၊ အသနားခံစာတင်သွားခြင်း၊ အကျိုးစီးပွားရှေ့ရူ့ပြီး ပြောသင့်ပြောထိုက်၊ လုပ်သင့်လုပ်ထိုက်တာများ မလုပ်ခြင်း၊ ရေလိုက်ငါးလိုက် အလုပ်ဖြစ်ရေးမူဖြင့် သွားနေကြခြင်း
ကိုသားကြီး (နိုင်ငံရေးတက်ကြွလှုပ်ရှားသူ)
၂၀၂၁ ခုနှစ်၊ စစ်တပ်အာဏာသိမ်းမှုကို စတင်သပိတ်မှောက်တော်လှန်ခဲ့သည့်အထဲတွင် အလုပ် သမားလူတန်းစားများမှာ ထိပ်ဆုံးမှ ပါဝင်ခဲ့ကြသူများဖြစ်သည်။ အာဏာသိမ်းပြီးနောက်တွင် အလုပ် သမားအရေးအရေးကိစ္စသည် စစ်ရေးသတင်းများ၊ အာဏာရှင်တော်လှန်ရေးဆောင်ရွက်နေမှု သတင်း များအကြားတွင် မှေးမှိန်လာခဲ့သည်။
စစ်တပ်အာဏာသိမ်းမှုကာလများအတွင်း အခြေခံ အလုပ်သမားများအနေဖြင့် လုပ်ခလစာပြဿနာများ၊ အဓမ္မဖိအားပေးခိုင်းစေခြင်းများ၊ ခွင့်ဆိုင်ရာပြဿနာများ၊ အခွင့်အရေးချိုးဖောက်မှု ဆိုင်ရာပြဿနာများအပြင် အမျိုးသမီးများအနေဖြင့် လုပ်ငန်းခွင်အတွင်း လိင်ပိုင်းဆိုင်ရာ ထိပါးနှောက်ယှက်မှုများကို ယခင်ကထက် ပိုမိုဆိုးရွားစွာရင်ဆိုင်နေကြရသည်ကို သတိပြုရန်လိုအပ်သည်။
စစ်ကောင်စီ လက်အောက်တွင် လည်ပတ်နေသည့် ဌာနဆိုင်ရာများနှင့် အကာအကွယ်မဲ့နေသော ဥပဒေများကြားတွင် အလုပ်သမားထုတရပ်လုံးမှာ ခက်ခဲစွာရုန်းကန်နေကြရသည်။ တဖက်တွင်လည်း အလုပ်သမားအရေးကိစ္စများကို ဆောင်ရွက်ရန် အရပ်ဖက်အဖွဲ့အစည်းများ၊ အလုပ် သမားအရေး လှုပ်ရှားသည့် အဖွဲ့အစည်းများကို အကြမ်းဖက်စစ်ကောင်စီမှ နည်းမျိုးစုံဖြင့် ဖိနှိပ်နေသည့်အတွက် အလုပ်သမား အရေးများကို ယခင်ကကဲ့သို့ လွတ်လပ်ပွင့်လင်းစွာဆောင်ရွက်၍ မရတော့ပေ။ ထို့အပြင် အလုပ်သမားအရေး လှုပ်ရှားသူများ၊ သပိတ်ကော်မတီများ၊ အလုပ်သမားသမဂ္ဂများ၊ ဆန္ဒထုတ်ဖော်မှုများကို ဖြိုခွင်းမှုများရှိနေသည့်အတွက် အလုပ်သမားများအနေဖြင့် ကူညီရာမဲ့သည့် အခြေအနေသို့ တဖြည်းဖြည်း ရောက်ရှိနေသည်။
