ရန်ကုန်-ပဲခူး စစ်ဆင်ရေး

RNA_မေ(၉)၊၂၀၂၅ခုနှစ်။ တိုက်ပွဲပြင်းထန်နေသော ပဲခူး-ရန်ကုန် စစ်ဆင်ရေးအတွင်း ရှေ့တန်းတစ်နေရာတွင် Southern Eagle တပ်ရင်းမှ ဆေးမှူး ရဲဘော် Lightning (အသက် ၂၇ နှစ်)သည် မေလ (၈) ရက်နေ့က ကျဆုံးသွားခဲ့ကြောင်း သိရသည်။ ဆေးမှူး ရဲဘော် Lightning ကျဆုံးမှုနှင့်ပတ်သက်ပြီး Southern Eagle PDF မှအသိပေးထားသလို တိုက်ပွဲဝင်ရဲဘော်များနှင့် နီးစပ်သော ရဲဘော်များ မိတ်ဆွေ သူငယ်ချင်းများကလည်း ဝမ်းနည်းကြောင်း ပြောကြားထားကြသည်။ #RedNewsAgency #RNA #REDNEWS

RNA_ဧပြီ(၂၉)၊၂၀၂၅ခုနှစ်။ ရန်ကုန်တိုင်း၊ သန်လျင်မြို့နယ် မဲဆန္ဒနယ် အမှတ် (၁) တိုင်းလွှတ်တော်ကိုယ်စားလှယ် ဦးနေလင်းအောင်သည် မြို့ပြစစ်ဆင်ရေးများတွင် ပါဝင်ခဲ့သလို ပဲခူး-ရန်ကုန် စစ်ဆင်ရေးများတွင်လည်း ပါဝင်ပြီး လှုပ်ရှားနေသူဖြစ်ပြီး ကွယ်လွန်သည်အထိ တော်လှန်ရေးအတွက် ပေးဆပ်သွားသူဖြစ်သည့်အတွက် လေးစားဂုဏ်ယူရသည်ဟု အထူးစစ်ဆင်ရေးတပ်ဖွဲ့ - SOF ခေါင်းဆောင် ကိုအောင်စံရှားက ပြောသည်။ တိုင်းလွှတ်တော်ကိုယ်စားလှယ် ဦးနေလင်းအောင် (အသက် ၄၅ နှစ်)သည် ဧပြီလ (၂၇) ရက်နေ့က ကွယ်လွန်ခဲ့ပြီး ဧပြီလ (၂၈) ရက်နေ့မှာ အမိန့်ပြန်ခြင်း၊ အာဇာနည်အဖြစ် ရဲဘော်များက အလေးပြုခြင်းစသည် အခန်းအနား တို့ကိုပြုလုပ်ကာ မီးသင်္ဂြိုဟ်ခဲ့ကြောင်း သိရသည်။ (more…)