Independent Journalism for Justice and Human Rights.
RNA_ဒီဇင်ဘာ ၃၀ ရက်၊ ၂၀၂၁ ခုနှစ်။
နွေဦးတော်လှန်ရေးမှာ ပြည်သူနှင့်အတူ စစ်အာဏာရှင်ဆန့်ကျင်ရေး ပါဝင်ခဲ့သည့် သရုပ်ဆောင် အိန္ဒြာကျော်ဇင်နှင့်ပြေတီဦးကို ယနေ့ အကြမ်းဖက် အာဏာသိမ်း စစ်ကောင်စီလက်အောက်ခံ အင်းစိန်အကျဉ်းထောင် အထူးတရားရုံးက ထောင်ဒဏ် (၃) နှစ်စီ ချမှတ်ခဲ့ကြောင်း သိရသည်။
Red News Agency
RNA_ဒီဇင်ဘာ ၃၀ ရက်၊ ၂၀၂၁ ခုနှစ်။
ပြည်သူ့အစိုးရ မကွေးတိုင်း ဝန်ကြီးချုပ် ဒေါက်တာအောင်မိုးညိုကို အကြမ်းဖက်အာဏာသိမ်းအဖွဲ့က (၁၁) လ ကျော်ကြာ ဖမ်းဆီးချုပ်နှောင်ထားပြီး ယနေ့တွင် အဂတိလိုက်စားမှု (၃) မှုဖြင့် တမှုကို (၆) နှစ် စုစုပေါင်း (၁၈) နှစ် ချမှတ်လိုက်သည်ဟု သိရသည်။
Red News Agency
RNA_ဒီဇင်ဘာ ၃၀ ရက်၊ ၂၀၂၁ ခုနှစ်။
စစ်တပ်အာဏာသိမ်းမှုနှင့်အတူ (၁၁) လကျော်ကြာ အင်းစိန်ထောင်မှာ ဖမ်းဆီးခံထားရသည့် ကိုမင်းသွေးသစ်ကို ယာဉ်အန္တရာယ်ကင်းရှင်းရေးနှင့် မော်တော်ယာဉ်စီမံခန့်ခွဲမှု ဥပဒေပုဒ်မ (၉၅) နှင့် ယနေ့ အင်းစိန်ထောင် အထူးတရားရုံးက ထောင်ဒဏ် (၁)နှစ်အမိန့်ချလိုက်ကြောင်း သိရသည်။
Red News Agency
RNA_ဒီဇင်ဘာ ၃၀ ရက်၊ ၂၀၂၁ ခုနှစ်။
ကျောင်းသားနှင့်ပြည်သူများပူးပေါင်းသည့် စစ်ကိုင်းတိုင်စ၊ ဆားလင်ကြီးမြို့နယ်၊ လက်ပံတောင်းတောင် ပင်မသပိတ်စစ်ကြောင်းက “ရဲမေတို့ရှေ့ထွက် တော်လှန်နှစ်သစ်ခရီးဆက်၊ မုဒိန်းစစ်တပ်အမြစ်ဖြတ်” ဟုဆိုကာ ယနေ့ နံနက်ပိုင်းက ကျေးရွာများအတွင်း လှည့်လည် ဆန္ဒပြခဲ့ကြသည်။
ဓာတ်ပုံ : ပေးပို့ CJ
Red News Agency
“အင်းစိန်ထောင်က ထောင်မှူးမ” အမည်နှင့် HD ထွက်လာသည့်အမျိုးသမီးထောင်မှူး ဝန်ထမ်းရေးရာက စစ်ဆေးနေ
RNA_ဒီဇင်ဘာ ၂၉ ရက်၊ ၂၀၂၁ ခုနှစ်။
စစ်ကောင်စီတပ် ဗိုလ်ကြီးတဦးနှင့် ချစ်ကြိုက်နေသည့် အင်းစိန်ကျဉ်းထောင်က အမျိုးသမီး ထောင်မှူးမနန္ဒာ (အမည်လွှဲ) လူမှုကွန်ယက်မှာ HDထွက်လာသည့်အတွက် ဌာနထိခိုက်သည်ဟုဆိုကာ အကျဉ်းဦးစီးဌာ ဝန်ထမ်းရေးရာက စစ်ဆေးနေကြောင်း စုံစမ်းသိရှိရသည်။
အင်းစိန်အကျဉ်းထောင် ဝန်ထမ်းရေးရာက HD ထွက်လာသည့်အခါ ဌာနဂုဏ်သိက္ခာ ထိခိုက်သည်ဟုဆိုကာ ပြီးခဲ့သည့် (၇) ရက်အတွင်းက စစ်ဆေးခဲ့ကြကြောင်း သိရသည်။
“အင်းစိန်ထောင်က ထောင်မှူးမ” အမည်နှင့် HD ( ဟိုတယ်တခုရင် အတူနေခဲ့သည့်ရုပ်သံ) တခုကို လူမှုကွန်ယက်တွင် ယခင်ချစ်ကြိုက်ခဲ့သူ (ရည်းစားဟောင်း) က ဖြန့်ချိခဲ့ခြင်းဖြစ်ကြောင်း၊ ယခု လက်ရှိ စစ်ကောင်စီတပ်က ဗိုလ်ကြီးနှင့် ချစ်ကြိုက်နေသည်ကို မကျေနပ်သည့်အတွက် လူမှုရေးဖောက်ပြန်သည်ဟုဆိုကာ ရုပ်သံကိုဖြန့်ခဲ့ခြင်းဖြစ်ကြောင်း၊အမျိုးသမီး ထောင်းမှူး မနန္ဒာသည် အင်းစိန်အကျဉ်းထောင် အမျိုးသမီး အချုပ်ဆောင်မှာ တာဝန်ထမ်းဆောင်ကြောင်း သိရသည်။
Red News Agency
RNA_ဒီဇင်ဘာ ၂၉ ရက်၊ ၂၀၂၁ ခုနှစ်။
ကရင်နီပြည်၊ ဖရူဆိုမြို့နယ်၊ မိုဆိုကျေးရွာအနီး အရှင်လတ်လတ် မီးရှို့သတ်ခံရသည့် အမျိုးသမီးနှင့် ကလေးငယ်အပါအဝင် ပြည်သူ (၃၅) ဦး၏ ကျန်ရစ်သည့် အလောင်းများကို ဒေသခံပြည်သူများနှင့် ကရင်နီပြည်သူ့ကာကွယ်ရေတပ် ရဲဘော်များက သင်္ဂြိုဟ်ပေးခဲ့ကြောင်း သိရသည်။
မိုဆိုကျေးရွာအနီး စစ်ဘေးရှောင်ရန် ထွက်ခွါလာသည့် ပြည်သူ (၃၅) ဦးကို စစ်ကောင်စီတပ် တပ်မ (၂၂) လက်အောက်ခံ၊ ခမရ (၁၀၈) တပ်ဖွဲ့အပါအဝင် စစ်ကောင်စီတပ်သားများက ဒီဇင်ဘာလ ၂၄ ရက်နေ့က ကြိုးတုပ် ကားများပေါ်တင်ကာ အရှင်လတ်လတ် မီးရှို့သတ်ခဲ့ကြခြင်း ဖြစ်သည့်အတွက် ဒေသခံအဖွဲ့အစည်းများနှင့် နိုင်ငံတကာ အဖွဲ့အစည်းများက ယင်းဖြစ်ရပ်အတွက် စစ်ကောင်စီတပ်ကို အရေးယူနိုင်ရေး ဆောင်ရွက်နေကြကြောင်း သိရသည်။
စစ်ကောင်စီတပ်၏ ဖရူဆို မြို့နယ်အတွင်းက လူအစုလိုက် အပုံလိုက် သတ်ဖြတ်ခံရသည့် ခိုင်လုံသည့် သတင်းများရထားကြောင်း၊ ဖရူဆိုဖြစ်ရပ်အပါအဝင် တနိုင်ငံလုံးက အရပ်သား ပြည်သူများအပေါ် ပစ်မှတ်ထား ခိုက်ခိုက်မှုတွေကို ရှုတ်ချကြောင်း ကုလသမဂ္ဂ လူသားချင်းစာနာမှုဆိုင်ရာ နှင့် အရေးပေါ်အကူအညီပေးရေးဌာန အကြီးအကဲ မာတင်ဂရစ်ဖစ်ကလည်း ပြောကြားထားသည်။
Photo: CJ
Red News Agency
RNA_ဒီဇင်ဘာ ၂၉ ရက်၊ ၂၀၂၁ ခုနှစ်။
ပြစ်မှုဆိုင်ရာနိုင်ငံတကာ ခုံရုံး (International Criminal Court – ICC) နှင့် အာဂျင်တီးနားတရားရုံးများသို့ တက်ရောက်ရန် မင်းအောင်လှိုင်ဦးဆောင်သည့်အာဏာသိမ်းအဖွဲ့ ကြောက်လန့်နေသည့်အတွက် တရားရုံးများနှင့် တရားစွဲသူများထံမှ အကြောင်းကြားစာရောက်လာပါက လက်မခံကြရန် စစ်ကောင်စီအဖွဲ့က အမိန့်ပေးထားကြောင်း သိရသည်။
” ပြစ်မှုဆိုင်ရာနိုင်ငံတကာ ခုံရုံး (International Criminal Court – ICC) နှင့် အာဂျင်တီးနားတရားရုံးများနှင့် တရားစွဲဆိုသူ များထံမှ ပေးပို့လာသည့်စာဖြစ်စေ၊ ပြည်ပသွားလာခွင့်ကန့်သတ်ခြင်းဆိုင်ရာ ဖမ်းဆီးမိန့်ဖြစ်စေ၊ ဖမ်းဝရမ်း သို့မဟုတ် လာရောက်ရန်သမ္မန်စာဖြစ်စေ ပြည်ပမှဝင်ရောက်လေ့ရှိသည့် DHL အပါအဝင် အမြန်ချောပို့နှင့် အခြားနည်းလမ်းများဖြင့် ပေးပို့လာသည့်စာများကို လက်ခံခြင်းမပြုရန်” စစ်ကောင်စီအဖွဲ့က ဒီဇင်ဘာလ ၂၅ ရက်နေ့က စစ်ကောင်စီလက်အောက်ခံ ပြည်ထောင်စုတရားလွှတ်တော်ချုပ်သို့ ပေးပို့ထားသည်။
စစ်ကောင်စီအမိန့်ပေးတားမြစ်ထားသည့် ပြစ်မှုဆိုင်ရာနိုင်ငံတကာနှင့် အာဂျင်တီးနားနိုင်ငံ၊ ဖက်ဒရယ်တရားရုံးတို့မှ ပေးပို့လာသည့် အကြောင်းကြားစာများအား လက်ခံခြင်းမပြုရန် ဒီဇင်ဘာလ ၂၇ ရက်နေ့ ရက်စွဲဖြင့် ပြည်ထောင်စု တရားသူကြီးချုပ်က စစ်ကောင်စီလက်အောက်ခံဌာနများသို့ ထပ်မံဖြန့်ဝေထားသည်။
မင်းအောဂ်လှိုင်ဦးဆောင်သည့် စစ်တပ်သည် ရခိုင်ပြည်နယ်အတွင်း ရိုဟင်ဂျာကိစ္စအပါအဝင် ၂၀၂၁ ခုနှစ် ဖေဖော်ဝါရီလ (၁) ရက်နေ့နောက်ပိုင်း ပြည်သူများကို ဖမ်းဆီး နှိပ်စက် သတ်ဖြတ်မှု၊ လူမျိုးသုဉ် သတ်ဖြတ်မှု၊ လေကြောင်းအသုံးပြု အရပ်သားပြည်သူများကို သတ်ဖြတ်မှု စသည်တို့ကြောင့်ပြစ်မှုဆိုင်ရာနိုင်ငံတကာ ခုံရုံးမှာ တိုက်ကြားထားခြင်းဖြစ်ကြောင်း သိရသည်။
Red News Agency
RNA_ဒီဇင်ဘာ ၂၉ ရက်၊ ၂၀၂၁ ခုနှစ်။
ချင်းပြည်နယ်၊ ပလက်ဝမြို့နယ် ခလရ၂၈၉ တပ်ရင်း၊တပ်နယ်အတွင်းမှာ အလံဖြူထောင်ထားတာ မြင်တွေ့ရသည်ဟု ရခိုင်အခြေစိုက်၊သတင်းဌာနတစ်ခုသို့ ဒီဇင်ဘာလ ၂၈ ရက်နေ့က ဖြေကြားခဲ့သည့် ကျန်းမာရေးဝန်ထမ်း ကိုတင်ထွန်းအောင်နှင့် ပညာရေးဝန်ထမ်း ကိုတင်ဦးတို့ ဖမ်းဆီးခံရကြောင်း သိရသည်။
နေပြည်တော်၊ကုတင် ၃၀၀ ဆေးရုံးမှာ ဓာတ်မှန်ကျွမ်း ကျင်အနေဖြင့် တာဝန်ထမ်းဆောင်နေစဉ် မိခင်ကျန်းမာရေးကြောင့် ပြန်ရောက်လာသည့် ကိုတင်ထွန်းအောင်ကို ဒီဇင်ဘာလ ၂၈ ရက်နေ့ ည (၇) နာရီဝန်းကျင်က ၂၈၉ တပ်ရင်းမှ စစ်သားများကဖမ်းဆီးသွားကြောင်း၊ ဝိသုဒါရုံစစ်ဘေးရှောင်စခန်းမှာတာဝန်ခံလုပ်နေသည့် မီးလက်ဝကျေးရွာ စာသင်ကျောင်း အထွေထွေလုပ်သားတစ်ဦးဖြစ်သည့် ကိုတင်ဦးကို ဝိသုဒါရုံစစ်ရှောင်စခန်းဝင်ပြီး ရဲတွေ ဖမ်းသွားကြောင်း ဒေသခံ သတင်းရင်းမြစ်ထံမှ သိရသည်။
ရခိုင်ပြည်နယ် အခြေစိုက် Western News သတင်းဌာနမှာ ဒီဇင်ဘာလ ၂၈ ရက်နေ့က တင်ပြထားရာတွင် ကိုတင်ထွန်းအောင်က ” ပထမသူတို့ထောင်ထားတဲ့နေရာက ဒီဖက်ကအမြင်ရှင်းတယ်။ နောက်တစ်ရက်နှစ်ရက်ကျတော့ နောက်ဆုတ်ပြီး ပြန်ထောင်ထားတယ်။ ကျနော် အဲ့ဒီအလံဖြူကို စတွေ့တာကတော့ ဒီဇင်ဘာ ၂၃ ရက်နေ့ကစတွေ့တာ။ အခုလည်း ရှိနေတုန်းပဲ။ အဲ့ဒီအလံထောင်ထားတဲ့ နယ်က အန်ခိုဝက် ဘက်နဲ့နီးတယ်။ ပြီးတော့ ဆီးဖလောင်းရွာဘက်တွေနဲ့ နီးတယ်။ အလံဖြူထောင်ထားတာကတော့ အဲ့မှာရှိတဲ့ ၂၈၉ တပ်ရင်းနယ်နိမိတ်ကျတယ်” ဟုပြောကြားထားပြီး၊ အလံဖြူထောင်ထားကြောင်း ဦးတင်ဦးကလည်း “ အဲ့ဒီတပ်ရင်းရှိတဲ့နေရာမှာ အလံဖြူထောင်ထားတာတွေ့ပါတယ်။ ဘယ်အချိန်လောက်ကစထောင်ထားလဲဆိုတာ တော့ကျနော်လည်းသေချာသတိမထားမိလိုက်ဘူး။ ခုချိန်ထိတော့ ထောင်ထားတုန်းပဲ။” ဟုပြောကြားထားသည်ကို တွေ့ရသည်။
ပလက်ဝမြို့သည် ရခိုင်ပြည်နယ်အစပ် ချင်းပြည်နယ်အတွင်း ပါဝင်နေပြီး ရက္ခိုင့်တပ်တော် (AA)နှင့် မင်းအောင်လှိုင်ဦးဆောင်သည့် စစ်တပ်တို့ တိုက်ပွဲပြင်းပြင်းထန်ထန် ဖြစ်ပွားခဲ့ပြီး ယခုအထိ စစ်ဘေးရှောင်စခန်းတွေ ရှိနေသေးကြောင်း သိရသည်။
Photo : ပလက်ဝမြို့ မြင်ကွင်း – Wikipedia
Red News Agency
RNA_ဒီဇင်ဘာ ၂၇ ရက်၊ ၂၀၂၁ ခုနှစ်။
စစ်ကောင်စီတပ်သားများ စခန်းအနီး တက်လာစဉ် ရဲဘော်များကို ဆုတ်ခိုင်းပြီး ကတုတ်ကျင်းထဲကနေ ခံပစ်နေရာမှ ကျဆုံးခဲ့ရသည့် PDF သူရဲကောင်း ကိုဝေလင်း အလောင်း ယနေ့ တွေ့ရှိပြီ ဖြစ်ကြောင်း သိရသည်။
ဧရာဝတီတိုင်းက PDF သူရဲကောင်း ကိုဝေလင်းသည် ဒီဇင်ဘာလ ၂၅ ရက်နေ့က ကရဂ်ပြည်နယ်၊ မြမတီမြို့နယ်၊ ထီးမယ်ဝါးခီးကျေးရွာအနီး တိုက်ပွဲမှာ ကျဆုံးခဲ့ရခြင်း ဖြစ်ပြီး၊ ယင်းနေ့ တိုက်ပွဲအတွင်း သတင်းစာဆရာ တဦးအပါအဝင် PDF တချို့ စစ်ကောင်စီတပ်၏ လေကြောင်း ပစ်ခတ်မှု၊ လက်နက်ကြီး ပစ်ခတ်မှု စသည်တို့ကြောင့် ကျဆုံးခဲ့ရပြီး၊ ဖမ်းဆီးခံခဲ့ရသူများ ရှိကြောင်း သိရသည်။
” ကိုဝေလင်း ကျတာက ပြီးခဲ့တဲ့ရက်ကပါ အလောင်းက ဒီနေ့မှတွေ့တာပါ။ သူ့နောက်ဆုံး ရိုက်ခဲ့တဲ့ ဓာတ်ပုံတော့ရှိတယ် ပေးလို့ရတယ်။ သူက အဲဒီပုံကို ပန်းချီဆွဲစေချင်ခဲ့တာ၊ ရဲဘော်တွေကို ကာကွယ်ရင်း ကျသွားရတာ ကျနော်တြိ့မှာ လက်နက်မရှိဘူး၊ ရှိတာလေးနဲ့ ခံပစ်ရင် ကျခဲ့ရတာ” ဟု ကိုဝေလင်း၏ သူငယ်ချင်း ဖြစ်သူ တဦးက ပြောသည်။
စစ်ကောင်စီတပ်က လေကြောင်းပစ်ခတ်မှု၊လက်နက်ကြီး ပစ်ခတ်မှုများ၊ အင်အားအများအပြား ထိုးစစ်ဆင်မှုတို့ကြောင့် KNLA နှင့် PDF တို့ ပူးပေါင်းတိုက်ပွဲပြင်းထန်ခဲ့ပြီး၊ စစ်ကောင်စီဘက်ကလည်း အသေ အပျောက်များကြောင်း၊ မယ်ဝါးခီး ဒေသခံပြည်သူများထွက်ပြေးတိမ်းရှောင်နေကြရသည်။
Red News Agency
RNA_ဒီဇင်ဘာ ၂၈ ရက်၊ ၂၀၂၁ ခုနှစ်။
ကရင်အမျိုးသားလွတ်မြောက်ရေးတပ်မတော် (KNLA) အမှတ် (၅) လက်အောက်ရှိ တပ်ရင်း၊ တပ်ခွဲများထံ ဒီဇင်ဘာလအထိ အာဏာသိမ်းစစ်ကောင်စီတပ်က လက်နက်များနှင့်အတူ (၅၀) နီးပါး အလင်းဝင်လာသည့်ကိစ္စနှင့် ပတ်သက်ပြီး အမြင်မှန်ရပြီး လက်နက်ချ အလင်းဝင်သူများကို ကြိုဆိုကြောင်း KNLA တပ်မဟာ (၅) တပ်မဟာမှူး ဗိုလ်မှူးချုပ် စောမူဟဲက ပြောကြားထားသည်။
” ဒီလိုအမြင်မှန်ရပြီး လက်နက်ချ အလင်းဝင်လာသူ အကြမ်းဖက် စစ်ကောင်စီတပ်သားတွေကို ကျွန်တော်တို့ဖက်ကတော့ လှိုက်လဲပျူငှါစွာနဲ့ လက်ခံကြိုဆိုပါတယ်။ ရှေ့လျှောက်အနာဂတ် ဘာလုပ်ချင်၊ ဘာဖြစ်ချင်တာကတော့ သူတို့အပေါ်မှာပဲ မူတည်တယ်။ ကျွန်တော်တို့နဲ့ နေသွားချင်လည်း လက်ခံတယ်။ သူတို့အိမ်ပြန်ချင်တယ်ဆိုရင်လည်း အတက်နိုင်ဆုံး စီစဥ်ပေးပါတယ်” ဟု ဗိုလ်မှူးချုပ် စောမူဟဲက ပြောထားကြောင်း KNU မူတြော်သတင်းစဉ်က ယနေ့ ထုတ်ပြန်ထားသည်။
မင်းအောင်လှိုင်ဦးဆောင်သည့် စစ်တပ် ၂၀၂၁ ခုနှစ် ဖေဖော်ဝါရီလ (၁) ရက်နေ့က ပြည်သူ့အစိုးရထံမှ အာဏာသိမ်းပြီးနောက် စစ်တပ်နှင့်ရဲအဖွဲ့က ပြည်သူ့ရင်ခွင်ခိုလှုံကာ စစ်ကောင်စီတပ်ကို ဆန့်ကျင်နေကြောင်း၊ လက်နက်ကိုင်ပြီး စစ်ကောင်စီတပ်ကို ပြန်လည်တိုက်ခိုက်နေသူများရှိကြောင်း သိရသည်။
Red News Agency