ဖားကန့် – Red News Agency

29 Oct

၂၈ ရက်ကြာ ဖမ်းဆီးချုပ်နှောင်စစ်ဆေးပြီးနောက် ဖားကန့်သတင်းထောက်(၂) ဦးကို KIA ပြန်လွှတ်

RNA Editorကြေငြာချက်, ရုပ်သံ, သတင်းKIA, KIA/KIO, ကချင်ပြည်နယ်, ကိုတာလင်းမောင်, ကိုနောင်ရိုး, ချုပ်နှောင်ခံရ, စစ်ကြောရေး, ဖားကန့်, ဖားကန့်သတင်းထောက်, သတင်းထောက်

RNA_အောက်တိုဘာ(၂၉)၊၂၀၂၄ခုနှစ်။ ကချင်ပြည်နယ်၊ ဖားကန့်သတင်းထောက်များဖြစ်သော ကိုတာလင်းမောင် (Red News Agency) နှင့် အလွတ်တန်းသတင်းထောက် ကိုနောင်ရိုးတို့ကို ကချင်လွတ်လပ်ရေးတပ်မတော် (KIA) ဖားကန့်တိုက်နယ် ထောက်လှမ်းရေးအဖွဲ့က ၂၀၂၄ ခုနှစ် စက်တင်ဘာ ၂၉ ရက်နေ့က သတင်းကိစ္စနှင့်ပတ်သက်ပြီး ဖမ်းဆီးချုပ်နှောင်စစ်ဆေးပြီးနောက် (၂၈) ရက်အကြာ အောက်တိုဘာလ (၂၇) ရက်နေတွင် ပြန်လွှတ်ပေးခဲ့သည်။ ဖားကန့်သတင်းထောက် (၂) ဦးပြန်လည်လွတ်မြောက်ရေးအတွက် ဝိုင်းဝန်းတောင်းဆိုခဲ့ကြသော ဒေသတွင်း တော်လှန်ရေးအဖွဲ့အစည်းများ၊ ပုဂ္ဂိုလ်များနှင့် ပြည်တွင်း ပြည်ပ သတင်းမီဒီယာအဖွဲ့အစည်းများ၊ သတင်းဌာနများ၊ သတင်းသမားများစသည်တို့ကို ကိုတာလင်းမောင်နှင့် ကိုနောင်ရိုးတို့က ကျေးဇူးတင်ရှိကြောင်း ပြောကြားထားသည်။ Red News Agency

23 Oct

ဖားကန့် သတင်းထောက် ဖမ်းဆီးခံထားရမှုနှင့် ပတ်သက်ပြီး သတင်းထုတ်ပြန်ချက်

RNA EditorUncategorizedKIA, ကချင်ပြည်နယ်, ကိုတာလင်းမောင်, ကိုနောင်ရိုး, ဖားကန့်, ဖားကန့်သတင်းထောက်

နေ့စွဲ - ၂၃၊ ၁၀၊ ၂၀၂၄ ခုနှစ်။ Red News Agency ၏ ဖားကန့်သတင်းထောက် ကိုတာလင်းမောင်သည် ၂၀၂၄ ခုနှစ် စက်တင်ဘာလ ၂၉ ရက်နေ့တွင် ကချင်လွတ်လပ်ရေးတပ်မတော် - KIA ဖားကန့်တိုက်နယ် တပ်ဖွဲ့ဝင်များက လာရောက်ဖမ်းဆီးခေါ်ဆောင်သွားခဲ့သည်။ (more…)

28 Sep

အရပ်ဝတ်ဖြင့် နယ်မြေသတင်းယူရန် လာသော ရဲတပ်ဖွဲ့ဝင် ၄ ဦးကို KPDF ရဲဘော်များ ပစ်ခတ်ဖမ်းဆီး

Editorသတင်းKIA/KPDF, KPDF, ကချင်ပြည်နယ်, ဖားကန့်, လုံးခင်းကျေးရွာ

RNA_ဖားကန့်၊ စက်တင်ဘာ(၂၈)၊၂၀၂၄ ခုနှစ်။ ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာ၊ အမှတ် (၁) ရပ်ကွက်အတွင်း၊ နယ်မြေသတင်းရယူရန် IPsum ကားပေါ်တွင် အရပ်ဝတ်ဖြင့် စက်တင်ဘာ ၂၇ ရက်နေ့က လှည့်လည်နေစဉ် KPDF ရဲဘော်များက ပစ်ခတ်ဖမ်းဆီးရာ ရဲ (၄)ဦး ဖမ်းဆီးခံခဲ့ရသည်ဟု သိရသည်။ အရပ်ဝတ်ဖြင့် နယ်မြေသတင်းရယူရန် ရောက်လာသူများထဲမှ KPDF ရဲဘော်များ၏ ဖမ်းဆီးခံခဲ့ရသော် ရဲ (၄) ဦးမှာ ဒုရဲအုပ် နိုင်ထူး၊ ဒုရဲအုပ် သူရမိုး၊ ဒုတပ်ကြပ် အောင်မြင့်ကျော်၊ တပ်သား တင်ထွန်းဝေတို့ဖြစ်ကြောင်း Red News Agency သတင်းရင်းမြစ်က ပြောကြားထားသည်။ #RedNewsAgency #RNA

26 Sep

တာမခံ ခမရ(၁၁၉) စခန်းသိမ်း တိုက်ပွဲဝင် KPDF ရဲဘော်တစ်ဦး၏ အတွေ့အကြုံ (အပိုင်း-၂)

Editorဆောင်းပါး, သဘောထားအမြင်KIA/KPDF, ကချင်ပြည်နယ်, စခန်းသိမ်းတိုက်ပွဲ, တာမခံ ခမရ(၁၁၉) စခန်းသိမ်း တိုက်ပွဲ, တာမခံစခန်း, တာမခံစခန်းသိမ်းတိုက်ပွဲ, တိုက်ပွဲအတွေ့အကြုံ, ဖားကန့်, ဖားကန့် KPDF

"ကျနော့်ဘေးက ရဲဘော်က ပွဲချင်းပြီး ကျသွားတယ်။ ခြံစည်းရိုး အတွင်းထိဖောက်ဝင်သွားတဲ့အထဲက ရဲဘော်တချို့က လေယာဉ်လာကြဲတော့ ကားအောက်ကို ဝင်ဝပ်လိုက်ကြတယ်။ အဲ့မှာ ထောင်ထားတဲ့ မိုင်းထိပြီး ဒဏ်ရာအပြင်းထန်ရကုန်ကြတယ် ကျနော်အပါဝင် ၅ ယောက်ပေါ့။ ငါ့ ခါးပြတ်သွားပြီ ငါတော့သေတော့မယ်လို့ အတွေးများနေတုန်း" **************************** Ernesto Ba Chan တိုက်ပွဲစဖြစ်တဲ့ရက်ကတည်းကစလို့ တရက်မပြတ် အသားဟင်းကို အမျိုးစားမထပ်အောင် ‌စားခဲ့ရတယ်။ ရိက္ခာပို့ပေးတဲ့ အရပ်သားလူငယ်တွေဟာ ကျနော်တို့ ပစ်နေတဲ့ ဧရိယာထဲအထိ ရိက္ခာထုပ်ထမ်းပို့ပေးတယ်၊ ကျည်တွေဗုံးတွေကြားလူနာတွေ DB တွေလာထမ်းကြတယ်၊ ချက်ပြုတ်တဲ့လူတွေက ချက်ပြုတ် ထောက်ပံ့တဲ့ လူထောက်ပံ့ ပို့ဆောင်သူပို့ဆောင်နဲ့ တကယ်ကို နိုင်ရာနေရာကနေ အစွမ်းကုန်ပါဝင်ကြတာပါပဲ။ တစ်ကိုယ်စာ ကတုပ်ကျင်းထဲမှာ ဆေးလိပ်ရှိတယ်…

24 Sep

တာမခံ ခမရ(၁၁၉) စခန်းသိမ်း တိုက်ပွဲဝင် KPDF ရဲဘော်တစ်ဦး၏ အတွေ့အကြုံ

Editorဆောင်းပါး, သဘောထားအမြင်KIA/KPDF, စခန်းသိမ်းတိုက်ပွဲ, တာမခံစခန်း, နွေဦးတော်လှန်ရေး, ဖားကန့်, ဖားကန့် KPDF

"ဗိုလ်လေးကို ထမ်းထုတ်ခဲ့တဲ့ ရဲဘော်သုံးယောက်အခုသူတို့ကိုပြန်ထမ်းထုတ်နေရပြီ။ ကျနော်တို့အကုန်မှိုင်တွေကုန်ကြတယ်၊ သွေးတွေကအိုင်လို့ အသားစတွေက ပြန့်ကျဲ နေရာတစ်ခုလုံးလုံးဝအနိဌာရုံတွေပါပဲ" တာမခန် ၁၂ ရက် (အပိုင်း - ၁) ၂၆ ၂ ၂၀၂၄ ။ နေ့လည် ၂ နာရီခန့် တပ်ပေါင်းစုစစ်ကြောင်းဟာ တာမခန်နဲ့မနီးမဝေးတစ်နေရာမှာ တပ်ဖျောက်ပြီးနားနေပါတယ်။ ဟန်းကောကိုယ်စီနဲ့ ထမင်းချက်စားတဲ့အဖွဲ့ကချက်စား စကားပြောတဲ့သူကပြောနဲ့ မကြာခင် တိုက်ပွဲဝင်ရတော့မယ်ဆိုတဲ့အသိက ကျနော်တို့အားလုံးကို တက်ကြွနေစေတယ်။ ကျနော်တို့တပ်စိတ်ရဲ့ ကွန်မန်ဒါဖြစ်တဲ့ ဗိုလ်ကြီးက ခဲလုံးလေးတွေဟိုရွေ့သည်ရွေ့လုပ်ရင်း နေရာယူရမယ့်ပုံစံကိုရှင်းပြနေတယ်။ "အဖွဲ့လေးဖွဲ့နဲ့ ဝိုင်းမယ် ငါတို့က ညာဖက်အစွန်ဆုံးက ကုန်းမှာနေရာယူမယ် ငါတို့ရဲ့ ဘယ်ဖက်မှာ လက်နက်ကြီးအဖွဲ့ရှိလိမ့်မယ်" မြေပုံတဖက်ကိုင်ထားပြီး ခဲလုံးလေးတွေတဖက်ကရွေ့ရင်း ဗိုလ်ကြီးကရှင်းပြတယ်။ အတော်လေးကြာတဲ့အချိန်ကျမှ "ရွာသားတွေမရှိတော့ဘူး အကုန်ရှောင်သွားပြီ"…

19 Sep

ဆိပ်မူတိုက်ပွဲတွင် KPDF ရဲဘော် စိုင်းအောင်အောင် ကျဆုံးခဲ့ရ

RNA Editorသတင်းKPDF, ကချင်ပြည်နယ်, နွေဦးတော်လှန်ရေး, ဖားကန့်, ဖားကန့် KPDF, ရဲဘော်စိုင်းအောင်အောင်

RNA_စက်တင်ဘာ(၁၉)၊၂၀၂၄ ခုနှစ်။ ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအတွင်း စက်တင်ဘာ (၁၂) ရက်နေ့ တိုက်ပွဲအတွင်း ဖားကန့် KPDF ရဲဘော် စိုင်းအောင်အောင် (အသက် ၂၁ နှစ်)သည် မြင့်မြတ်စွာကျဆုံးခဲ့ရသည်ဟု သိရသည်။ #RedNewsAgency #RNA

09 Sep

တိုက်ပွဲမဖြစ်ပွားရေး ဝင်ရောက်ညှိနှိုင်းပေးသည့် ငြိမ်းချမ်းရေးအကျိုးတော်ဆောင် ကျည်ထိ

Editorသတင်းKIA/KPDF, Lucky Man Hotel & KTV, ကချင်ပြည်နယ်, ငြိမ်းချမ်းရေး, ငြိမ်းချမ်းရေးအကျိုးတော်ဆောင်, စစ်ကောင်စီတပ်, ဆိပ်မူ, ဆိပ်မူကျေးရွာ, ဖားကန့်, ဦးယွပ်ဇော်ခေါင်

RNA_ဖားကန့်၊ စက်တင်ဘာ (၉)၊ ၂၀၂၄ ခုနှစ်။ ဖားကန့်မြို့နယ်၊ ဆိပ်မူကျေးရွာအတွင်း ပိတ်မိနေသော စစ်ကောင်စီတပ်သားများ ထွက်ခွင့်ရရေးနှင့် KIA/KPDF တိုက်ပွဲမဖြစ်ပွားရေးအတွက် ယနေ့ ညှိနှိုင်းမှု သွားရောက်ပြုလုပ်သည့် ကချင်ပြည်နယ် ငြိမ်းချမ်းရေးအကျိုးတော်ဆောင် ဦးယွပ်ဇော်ခေါင် ပေါင်တွင် သေနတ်ကျည်ထိကာ ညှိနှိုင်းမှု အဆင်မပြေခဲ့ဟု သိရသည်။ စက်တင်ဘာ (၆) ရက်နေ့ည (၁၂)နာရီ‌‌ခန့်တွင် စစ်ကောင်စီတပ် စစ်ကြောင်းက လက်နက်ကြီး လက်နက်ငယ်များပစ်ခတ်ကာ ဆိပ်မူကျေးရွာအတွင်း ဝင်ရောက်ခဲ့ပြီး Lucky Man Hotel & KTV ကို ဝင်စီးခဲ့ရာ ဟိုတယ်အတွင်းမှ KIA/KPDF အချို့ ပစ်ခတ်ဖမ်းဆီးခံခဲ့ရသည့် အတွက် တိုက်ပွဲဖြစ်ပွားခဲ့ကြောင်း၊ ဖမ်းဆီးခံထားရသည့် KIA/KPDF အချို့ကို လွတ်ပေးပြီးနောက်…

19 Jul

အာဇာနည်နေ့ အထိမ်းအမှတ် အကြမ်းဖက် စစ်ခေါင်းဆောင်၏ ပုံကို ခြေဖြင့်နင်းပြီး ဆန္ဒပြ

Editorသတင်းကချင်ပြည်နယ်, နွေဦးတော်လှန်ရေး, ဖားကန့်, သပိတ်စစ်ကြောင်း, အာဇာနည်နေ့

RNA_ဖားကန့် ဇူလိုင်လ ၁၉ ရက်၊ ၂၀၂၄ ခုနှစ်။ ကချင်ပြည်နယ်၊ ဖားကန့်မြို့၌ ဖားကန့်မှော်လှည့်သပိတ် ပြည်သူများက မှော်ကျေးရွာ အချို့တွင် အာဏာသိမ်း အကြမ်းဖက် စစ်ကောင်စီ ခေါင်းဆောင် မင်းအောင်လှိုင်၏ ပုံကို ခြေဖြင့်နင်းကာ “လူထုအားဖြင့် အာဏာရှင်စနစ် အဆုံးသတ်ရမည်” ၊ “အဆုံးသတ်တိုက်ပွဲကို အာဇာနည်သွေးနဲ့ ရေးထိုးကြ” စသည့် စာသားများ ကိုင်ဆောင်ကာ စစ်အာဏာရှင်ကျဆုံးရေး ယနေ့နံနက်ပိုင်းက လှည့်လည်ဆန္ဒပြခဲ့ကြသည်။ ယနေ့ နံနက် ဆန္ဒပြပွဲတွင် ကျဆုံးခဲ့လေသော အာဇာနည်ခေါင်းဆောင်ကြီးများအား အလေးပြုခြင်း၊ နွေဦးတော်လှန်ရေးနှင့် တော်လှန်ရေးသမိုင်းတစ်လျောက် ကျဆုံးခဲ့ရသော အာဇာနည်များအား အလေးပြုခြင်းများ ဆောင်ရွက်ခဲ့ကြသည်။ (more…)

02 Jul

ချောင်းရေတိုက်စားမှုကြောင့် နေအိမ်များ မျောပါပျက်စီး

Editorရုပ်သံ, သတင်းကချင်ပြည်နယ်, ကျောက်စိမ်းတူးဖော်မှု, ချောင်းရေကြီး, ဆန်ခါကျေးရွာ, ဖားကန့်, မိုးရေကြီး, ရေကြီးမှု

RNA_ဖားကန့်၊ ဇူလိုင် (၂)၊ ၂၀၂၄ ခုနှစ်။ ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာအုပ်စု၊ ဆန်ခါကျေးရွာရှိ ဥရုချောင်းအတွင်း စီးဝင်သည့် ဆန်ခါချောင်းလက်တက်သည် ယမန်နေ့မှစကာ မိုးသည်းထန်စွာရွာသွန်းမှုကြောင့် ဆန်ခါချောင်း အနီးရှိနေအိမ် (၁၂)လုံးအား တိုက်စားသွားခဲ့ပြီး ပါဂျဲရိုးကားတစ်စီးပါ မျောပါခဲ့ကြောင်း သိရသည်။ “ဆန်ခါချောင်းက ရေတိုက်စားပြီး ဆန်ခါရွာဘေးတူနေတဲ့ နေမင်းကမ္ဘာ၊ တစ်သုံးလုံး ကျောက်လုပ်ကွက်ထဲလည်း ရေဝင်တိုက်စားတယ်၊ နေအိမ်တွေလည်း ပါကုန်တယ်၊ ဆန်ခါရော ကပ်လျက် ဆိုင်းရာရွာသစ်ရော ကျောက်တူးထားတဲ့ကမ်းပါးတွေပြိုကုန်တယ်၊ နေအိမ်တွေ ရေနစ်ကုန်တယ်” ဟု ဆန်ခါကျေးရွာ ဒေသခံက ပြောသည်။ ဆန်ခါချောင်းရေတိုက်စားမှုကြောင့် ဆန်ခါရွာဘေးတူးဖော်နေသည့် လုပ်ကွက်များ မြေပြိုကျမှုများဖြစ်ပေါ်ခဲ့ပြီး လူထိခိုက်သေဆုံးမှုတော့ မရှိဟုမသိရသေးကြောင်း၊ ဖားကန့်၌…

26 Jun

ဆိပ်မူကျေးရွာ၌ စစ်ကောင်စီတပ်နှင့် KIA/KPDF ပူးပေါင်းအဖွဲ့တို့ တိုက်ပွဲဖြစ် အထိနာသည့်စစ်ကောင်စီက အရပ်သားပြည်သူများကို ပစ်ခတ်

Editorသတင်းKIA/PDF, စစ်ကောင်စီတပ်, ဆိပ်မူ, နွေဦးတော်လှန်ရေး, ဖားကန့်, ဖားကန့်ဗျူဟာကုန်း, ဗျူဟာကုန်း

RNA_ဖားကန့်၊ ဇွန် ၂၆ ရက်၊ ၂၀၂၄ ခုနှစ်။ ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာ၌ ယနေ့မနက်ပိုင်းက စစ်ကောင်စီ၏ လှုပ်ရှားလာသည့် တပ်နှင့် နယ်မြေစိုးမိုးမှုယူထားသည့် KIA/KPDF ပူးပေါင်းတပ်တို့အကြား ထိတွေ့တိုက်ပွဲဖြစ်ပွားခဲ့ပြီး အထိနာသည့် စစ်ကောင်စီက ဖားကန့်ဗျူဟာကုန်းမှ လက်နက်ကြီးဖြင့် အရပ်သားပြည်သူများကို ရည်ရွယ်ပစ်ခတ်ခဲ့ပြီး အရပ်သားပြည်သူများ သေဆုံးသူအချို့နှင့် ထိခိုက်ဒဏ်ရာရရှိသူအများအပြား ရှိခဲ့သည်။ လက်ရှိနှစ်ဖက်စစ်ရေးတင်းမာနေသည့် ဆိပ်မူမြေပြင်အခြေအနေအရ အရပ်သား ပြည်သူများ၏ ထိခိုက်သေဆုံးမှုအတိအကျ မသိရှိရသေးသော်လည်း ဆိပ်မူ စိန်မြသုခကျောင်း အနောက်ဘက်တွင် တစ်လုံး၊ ဖူဆယ်ကွင်းဘေးတွင် တစ်လုံး၊ မှော်ရှန်ရပ်ကွက်လမ်းဘေးတွင် နှစ်လုံးကျရောက်ပေါက်ကွဲခဲ့ပြီး ပြည်သူ(၂၀)ဦးထက်မနည်း ထိခိုက်ဒဏ်ရာရရှိထားပြီး ထိခိုက်လဲကျ သေဆုံးနေသူတစ်ဦးကိုလည်းတွေ့ရှိထားကြောင်း ဆိပ်မူဒေသခံအချို့ထံမှ သိရသည်။ (more…)