အလယ်ပိုင်းတိုင်းစစ်ဌာနချုပ်

RNA_မတ်(၁၄)၊၂၀၂၆ခုနှစ်။ အာဏာသိမ်းစစ်တပ်အနေဖြင့် PDF များကို ဘယ်သောအခါမှ အပြုတ်တိုက်နိုင်မည်မဟုတ်သည့်အတွက် ပြန်ဆုတ်ပေးလိုက်သော နယ်မြေများကို မုချပြန်လည်သိမ်းပိုက်မည်ဖြစ်ပြီး ကြားကာလအတွင်း ရန်သူနှင့် ပူးပေါင်းသွားသူများကို တော်လှန်ရေးပြီးဆုံးသည်အထိ ခွင့်လွှတ်မည်မဟုတ်ကြောင်း ပြည်သူ့ကာကွယ်ရေးတပ်မတော် TRI ဗျူဟာမှ အသိပေးထားသည်။ TRI ဗျူဟာမှ စိုးမိုးနယ်မြေတစ်ချို့ ပြန်လည်ဆုတ်ခွါပေးနေချိန် အခက်အခဲများကြားတွင် ကြံ့ကြံ့မခံနိုင်သည့် မိသားစုဝင်အချို့နှင့် ရဲဘော်အချို့ကို အလယ်ပိုင်းတိုင်းစစ်ဌာနချုပ် (မန္တလေး - နန်းတွင်း) မှ နည်းမျိုးစုံဖြင့် သွေးဆောင်ဖြားယောင်းမှုများ ပြုလုပ်ခဲ့ကြောင်း၊ မန္တလေးမြို့ပေါ်တွင် "ဘာမှမလုပ်ပါဘူး၊ တံခါးဖွင့်ပေးထားပါတယ်၊ ပြန်လာခဲ့ပါ" ဟုဆိုကာ မြို့နယ်/ရပ်ကွက်အလိုက် ညွှန်ကြားချက်များထုတ်၍ သတင်းလွှင့်ကာ ပြန်ခေါ်ခဲ့ကြောင်း၊ အခက်အခဲကြားကို မကျော်လွှားနိုင်ဘဲ သာယာမှုကို ရွေးချယ်ကာ တပ်ကို သစ္စာဖောက်၍ နန်းတွင်းထဲသို့…