RNA_ဇူလိုင်၃၀၊၂၀၂၂ခုနှစ်။
နောင်ချိုမြို့နယ်နှင့် ပြင်ဦးလွင်မြို့နယ်အတွင်း စစ်ကောင်စီတပ်နှင့် မန္တလေး ပြည်သူ့ကာကွယ်ရေးတပ်မတော်တို့ တိုက်ပွဲဖြစ်ပွားပြီး စစ်ကောင်စီတပ်သားများ သေဆုံးမှုရှိပြီး ကျန်တပ်သားများ ကစဉ့်ကလျား ထွက်ပြေး သွားခဲ့သည်ဟု သိရသည်။
မန္တလေး ပြည်သူ့ကာကွယ်ရေးတပ်မတော်နှင့် စစ်ကောင်စီတပ်တို့ ဇူလိုင် (၂၂)ရက်နေ့မှစ၍ (၂၄)ရက်နေ့တွင် တစ်ကြိမ် ၊ ဇူလိုင် (၂၈)ရက်နေ့တွင်တစ်ကြိမ် နောင်ချိုမြို့နယ်နှင့် ပြင်ဦးလွင်မြို့နယ်အတွင်း ထိတွေ့တိုက်ပွဲများဖြစ်ပွါးခဲ့သည်။
RNA_ဇူလိုင်၃၀၊၂၀၂၂ခုနှစ်။
ပွင့်ဖြူမြို့နယ်အခြေစိုက် ပြည်သူ့ကာကွယ်ရေးတပ်ဖွဲ့ ( ပွင့်ဖြူ PDF ) က လက်နက်မဲ့ အဖွဲ့အစည်းများကို တိုက်ခိုက်သွားမည်မဟုတ်ကြောင်း ယနေ့ ထုတ်ပြန်ထားသည်။
ယခုရက်ပိုင်းအတွင်း ပွင့်ဖြူမြို့နယ် စိုက်ပျိုးရေးသိပ္ပံကျောင်းကို ကျောင်းပိတ်ပြီး အမြန်ဆုံး ပြောင်းရွှေ့ကြရန်စသည့် သတိပေးမှုများထွက်ပေါ်နေကြောင်း၊ ပွင့်ဖြူမြို့နယ်အတွင်း စာသင်ကျောင်းများ၊ အသက်မွေး ဝမ်းကျောင်းများကို ကာကွယ်ရေးတပ်ဖွဲ့ (PDF)အမည်အသုံးပြုကာဖုန်းဆက်ခြိမ်းခြောက်သတိပေးခြင်းများပြုလုပ်လာပါက People Defence Force-Pwintbyu အနေဖြင့် လုပ်ဆောင်ခြင်းမရှိကြောင်း သိရသည်။
မြို့ပြစစ်ဆင်ရေးတွေမှာ ဘာအခက်အခဲတွေ ရှိခဲ့လဲ၊ မြို့ပြစစ်ဆင်ရေးဘာကြောင့် စွန့်ခွါခဲ့ရလဲ၊ နယ်မြေသိမ်းတိုက်ပွဲတွေနှင့် မြို့သိမ်းတိုက်ပွဲတွေအတွက် ပြင်ဆင်နေသည်ဟု မြေပြင်အခြေအနေများကို တပ်ခွဲမှူးကိုဝေလင်းက ပြောပြထားသည်။
” ကျွန်တော်တို့အားလုံး အတူတူစခဲ့ကြတယ် ဒီဟာက၊ ကျွန်တော်တို့ တဖွဲ့တည်းက စခဲ့တာလည်းမဟုတ်ဘူး၊ ကျွန်တော်တို့ သမဂ္ဂကတဖွဲ့တည်းက စခဲ့လို့ ဖြစ်တာလည်း မဟုတ်ဘူး၊ ဘယ်သူစခဲ့လို့ ဖြစ်ခဲ့တာလည်းမဟုတ်ဘူး၊ အားလုံးက ဒီလမ်းကို မတရားမှုကို တွန်းလှန်မယ်ဆိုပြီး ရွေးချယ်ခဲ့ကြတဲ့ လမ်းဖြစ်တယ်၊ စခဲ့ပြီးမှတော့ အားလုံးအဆုံးထိ ပါဝင်စေချင်ပါတယ်” ဟု NPRF တပ်ခွဲမှူး ကိုဝေလင်းက ပြည်သူများကို အမှာစကားပါးထားသည်။
[embedyt] https://www.youtube.com/watch?v=1jIEtmGrA6U[/embedyt]
” ကျွန်တော်တို့အနေနဲ့ စွန့်လွှတ်ခဲ့တယ်၊ ကျွန်တော်တို့ရဲ့ အလုပ်တွေ ကျွန်တော်တို့ရဲ့ ကျောင်းတွေ ဒါတွေကို စွန့်လွှတ်ခဲ့တယ်၊ ဒီကိစ္စတွေကို ငါစွန့်လွှတ်ခဲ့ရတာကွ ဆိုတဲ့ စိတ်တော့ မဝင်စေချင်ဘူး။ ငါတို့ စွန့်လွှတ်ခဲ့ရလို့ ငါတို့ ပိုလုပ်ရလို့ အနစ်နာခံခဲ့ရလို့ ဆိုတဲ့ စိတ်တွေဝင်ခဲ့ရင် ကျွန်တော်တို့အားလုံးဟာ တဖြည်းဖြည်း တဖြည်းဖြည်းနဲ့ ခွေးမသား မင်းအောင်လှိုင်နဲ့ တူလာလိမ့်မယ်” NPRF တပ်ခွဲမှူး ကိုဝေလင်းက PDF တွေကိုလည်း ပြောထားသည်။
Red News Agency အနေဖြင့် မုံရွာခရိုင်အခြေစိုက် မုံရွာခရိုင် တပ်ရင်း (၂)၊ တပ်ခွဲ (၃) အနောက်မြောက်လွင်ပြင် တော်လှန်ရေးအင်အားစု NPRF-တပ်ခွဲမှူး ကိုဝေလင်းကို မြေပြင်အခြေအနေတွေ ကြုံတွေ့နေရတာတွေနှင့် ပတ်သက်ပြီး ဆက်သွယ်မေးမြန်းထားတာဖြစ်ပါတယ်။
Red News Agency
RNA_ဇူလိုင်၂၁၊၂၀၂၂ခုနှစ်။
စစ်ကိုင်းတိုင်း၊ကလေးမြို့နယ်၊ ကျောက္ကာကျေးရွာ၊ နန်းသိုင်းရေနံမှော်ဘက်မှသွားသော စစ်ကောင်စီတပ် စစ်ကြောင်း (၁၀၀)ခန့်နှင့် ပြည်သူ့ကာကွယ်ရေးအဖွဲ့(ကလေး) တပ်ရင်း(၆)တို့ ယနေ့ နံနက် ၁၀ နာရီ ၃၀ မိနစ်ဝန်းကျင်ကစတင်ကာ တိုက်ပွဲပြင်းထန်ခဲ့ပြီး စစ်ကောင်စီဘက်က စစ်ကြောင်းမှူးဗိုလ်ကြီးအပါအဝင် (၃) ဦးသေဆုံးခဲ့ကြောင်း သိရသည်။
” တိုက်ပွဲအတွင်းရောက်ရှိနေသော စစ်ဘေးရှောင်ပြည်သူများကို ပြည်သူ့ကာကွယ်ရေးတပ်သားများက ဘေးလွတ်ရာပို့ဆောင်ပေးရင်း စကစများကို တိုက်ခိုက်ခဲ့ရာ နေ့လယ်(၁:၃၀) အချိန်ခန့်တွင် စကစစစ်ကြောင်းမှူး ဗိုလ်ကြီး (ဗိုလ်မူးကော်မရှင်စား) (၁) ဦး၊ စက်လက်ပစ်ခတ်သူ (၁) ဦးနှင့်တပ်သား (၁) ဦးတို့ သေဆုံးအောင် တိုက်ခိုက်နိုင်ခဲ့ပြီး စကစတပ်သားအများအပြား မိုင်းထိကာ သေဆုံးဒဏ်ရာရခဲ့သည်”ဟု NUG ကာကွယ်ရေးဝန်ကြီးဌာနက ထုတ်ပြန်ထားသည်။
Red News Agency
RNA_ဇူလိုင်၁၉၊၂၀၂၂ ခုနှစ်။
ကျဆုံးသွားသော အာဇာနည်ကိုးဦးနှင့်တကွခေတ်အဆက်ဆက် ဒီမိုကရေစီ အရေးနှင့် နွေဦးတော်လှန်ရေးတွင် ကျဆုံးသွားသော အာဇာနည်များအား ဦးညွှတ် အလေးပြုခြင်းနှင့် ၇၅ နှစ်မြောက်အာဇာနည်နေ့အခမ်းအနားကို စစ်အာဏာရှင်ကို လက်နက်ကိုင်တိုက်ခိုက်နေသည့် ကရင်ပြည်နယ်အတွင်းရှိ ကျားဖြူတပ်ခွဲ (၂) တွင် ယနေ့ ကျင်းပပြုလုပ်ခဲ့သည်။
[embedyt] https://www.youtube.com/watch?v=56WDmn0Htqw[/embedyt]
Red News Agency
RNA_ဇူလိုင် ၁၆၊၂၀၂၂ခုနှစ်။
စစ်ကောင်စီတပ်ကို လက်နက်ကိုင် တိုက်ခိုက်နေသည့် ဒေသခံပြည်သူ့ကာကွယ်ရေး တပ်ဖွဲ့ တော်တော်များများအနေဖြင့် လက်နက်မလုံလောက်သည့်အတွက် လက်လုပ်မိုင်း၊ လက်လုပ်သေနတ်၊လက်လုပ် လက်နက်ကြီးများ ထုတ်လုပ်ရာတွင် ထိခိုက်ဒဏ်ရာအမျိုးမျိုးအပြင် အသက်သေဆုံးမှုများပါ ရှိနေသည်။
[embedyt] https://www.youtube.com/watch?v=u-XdR2zrWIw[/embedyt]
ခေတ်မှီလက်နက်များ မရှိသည့်အတွက် အန္တရာယ်များသော်လည်း လက်လုပ် လက်နက်များထုတ်လုပ်နေရသည့်အတွက် ဇူလိုင် ၁၅ ရက်နေ့က The Youth Force -Saw&Kyaukhtu မှအားထားရသော ရဲဘော် (၂) ဦး ဒဏ်ရာရရှိခဲ့ကြောင်း သိရသည်။
#RedNewsAgency
RNA_ဇူလိုင် ၁၅၊၂၀၂၂ခုနှစ်။
ဖယ်ခုံမြို့နယ် ၊ ပိန္နဲကုန်းရွာနှင့်မခေခမ်းရွာတို့တွင် တပ်စွဲထားသော စစ်ကောင်စီတပ် ဆက်သွယ်ရေးစက်အထိုင်ချထားသည့်နေရာနှင့်ရိက္ခာဂိုဒေါင်များကို ဇူလိုင်လ ၁၄ ရက်နေ့က အလယ်ပိုင်းတိုင်းအထူးစစ်ဆင်ရေးအဖွဲ့၊ ဖယ်ခုံ PDF တပ်ရင်း ( ၂ )၊ အင်း PDF ၊ နေပြည်တော် PDF ပူးပေါင်းအဖွဲ့တို့မှ RPG နှင့်ပစ်ခတ်တိုက်ခိုက်ခဲ့ကြောင်း သိရသည်။
” ပူးပေါင်းအဖွဲ့များမှ ရန်သူတို့၏ ဆက်သွယ်ရေးစက်အထိုင်ချထားသည့်နေရာနှင့်ရိက္ခာဂိုဒေါင်များကို RPG နှင့်ပစ်ခတ်တိုက်ခိုက်ခဲ့ပါသည်၊ ပူးပေါင်းအဖွဲ့များ၏ တိုက်ခိုက်မှုကြောင့် ရန်သူစကစ ( ၁၁ ) ဦးထက်မနည်းသေဆုံးခဲ့ပါသည်” ဟု အလယ်ပိုင်းတိုင်းအထူးစစ်ဆင်ရေးအဖွဲ့က ယနေ့ ထုတ်ပြန်ထားသည်။
စစ်ကောင်စီတပ် စစ်ကြောင်းများ၊ ကင်းစခန်းများကို ရှမ်း-ကယား အစပ်တွင် နေ့စဉ်နီးပါးတိုက်ခိုက်ခံနေရကြောင်း၊ ကရင်နီပြည် ဒေသခံကာကွယ်ရေး တပ်ဖွဲ့များကလည်း နေစဉ်နီးပါးတိုက်ခိုက်နေကြောင်း သိရသည်။
Red News Agency
၃ ရက်တာ တိုက်ပွဲအတွင်း စစ်ကောင်စီဘက်က (၄၀) ကျော်သေဆုံး
RNA_ဇူလိုင်၁၄၊၂၀၂၂ခုနှစ်။
စစ်ကိုင်းတိုင်း၊ ကလေးမြို့နယ်တောင်ပိုင်းတွင် ရန်ကြီးအောင်ဘက်မှ စစ်ကြောင်းထိုးလာသော စစ်ကောင်စီအင်အား(၁၂ဝ)ခန့်နှင့် ဒေသခံပြည်သူ့ကာကွယ်ရေး မဟာမိတ်တပ်များ (၃) ရက်တာ တိုက်ပွဲအတွင်း စစ်ကောင်စီတပ်ဘက်က (၄၀) ကျော်သေဆုံးသည်ဟု ဇူလိုင် ၁၃ ရက်နေ့က ချင်းအမျိုးသားအဖွဲ့ချုပ် သတင်းပြန်ကြားရေးနှင့် ပြည်သူ့ဆက်ဆံရေးဌာနက ထုတ်ပြန်ထားသည်။
[embedyt] https://www.youtube.com/watch?v=XWQ8E8lJynU[/embedyt]
၂၀၂၂ ခုနှစ် ဇူလိုင်(၁၁)ရက်မှစတင်ပြီး ကလေးတောင်ပိုင်းတွင် အကြမ်းဖက်စစ်ကောင်စီတပ်နှင့် CNDF ၊ PDF kalay ၊ CDF-KKG ၊ RKDF ၊ UGF Kalay နှင့် ပ.က.ဖ ကာကွယ်ရေးပူးပေါင်းတပ်တို့အကြား (၃)ရက်ဆက်တိုက် တိုက်ပွဲပြင်းထန်ခဲ့ကြောင်း၊ PDF-Kalay မှ ရဲဘော်တစ်ဦးနှင့် CNDF မှ ရဲဘော်တဦးတို့ကျဆုံးခဲ့ကြောင်း၊ အရပ်သားအမျိုးသမီးတစ်ဦး ထိခိုက်ဒဏ်ရာရှိခဲ့ကြောင်း သိရသည်။
ဒေသခံ ပြည်သူ့ကာ ကွယ်ရေး တပ်များနှင့် စစ်ကောင်စီတပ်တို့ ဇူလိုင် (၁၁)ရက် နံနက်တွင် ရန်ကြီးအောင်ဘက်မှ စစ်ကြောင်းထိုးလာသော စစ်ကောင်စီအင်အား (၁၂ဝ) ခန့်သည် ခွေးခါးတောင်မှဆင်းကာ ဟားခါးလေးရွာအတွင်းသို့ဝင်ရောက်ချိန် နေ့ခင်း ၁၂ နာရီအကျော်တွင် တိုက်ပွဲဖြစ်ပွားခဲ့ကြောင်း၊ ဇူလိုင်(၁၂) ရက်နေ့က ဟားခါးလေးရွာတောင်ခြေဘက်မှ မြောက်ဘက်စည်သာရွာဘက်သို့ ဦးတည်ထွက်ခွာသွားခဲ့ပြီး စည်သာရွာတောင်ခြေဘက်ရှိ ဘိုးဘွားရိပ်သာအကြားတွင် တိုက်ပွဲဖြစ်ပွားခဲ့ကြောင်း၊ ဇူလိုင်လ (၁၃)ရက်နေ့တွင် စည်သာရွာအနောက်ဘက် ဘိုးဘွားရိပ်သာတွင် တစ်ညတပ်စွဲထားသော စစ်ကောင်စီတပ်သည် ထောက်ကြန့်ကျေးရွာအရောက်တွင် ထပ်မံတိုက်ပွဲဖြစ်ပွားခဲ့ကြောင်း သိရသည်။
Red News Agency
RNA_ဇူလိုင်၁၂၊၂၀၂၂ ခုနှစ်။
ကရင်ပြည်နယ်၊ KNU တပ်မဟာ (၆) နယ်မြေ၊ မြဝတီ – ဝေါ်လေ ကားလမ်းမပေါ်ရှိ သုံးထပ်ကွေ့နှင့် သရက်တစ်ပင်ရွာကြား နေရာတစ်ခုတွင် စစ်ကောင်စီတပ် တပ်မ (၄၄) လက်အောက်ခံ ခလရ (၈) စစ်ကြောင်းနှင့် ကော်ဘရာ စစ်ကြောင်းတို့ ယနေ့တိုက်ပွဲဖြစ်ခဲ့ရာ စစ်ကောင်စီတပ်စစ်ကြောင်းက တပ်ရင်းဖွဲ့စည်းပုံပျက်လောက်သည်အထိ တပ်ရင်းမှူး၊ ဒုတပ်ရင်းမှူး အပါအဝင် အရာရှိများ၊ တပ်သားအများအပြားသေဆုံးကြောင်း ကော်ဘရာစစ်ကြောင်းက ယနေ့ညပိုင်းတွင် ထုတ်ပြန်ထားသည်။
ယနေ့ တိုက်ပွဲတွင် ကော်ဘရာစစ်သည် (၃)ဦးသာ ” ပွန်းပဲ့ဒဏ်ရာ ” ရရှိခဲ့ကြောင်း၊ စစ်ကောင်စီတပ် ခလရ (၈)မှ တပ်ရင်းမှူးအပါအဝင် အများအပြားသေဆုံးပြီး RPG အသီး -၂၆ လုံး၊ RPG ပို့ယမ်း – ၂၁ တောင့်၊ ရှေ့ထွက်မိုင်း – ၁လုံး၊ နင်းမိုင်း – ၂၁ လုံး၊ လက်ပစ်ဗုံး – ၁၇ လုံး၊ စကုတ် – ၂ ခု၊ မိုင်းရှာစက် – ၁ ခု၊ ၄၀ မမ – ၃၁ လုံး၊ အမျိုးအမည်မသိ ၇၉ – ၃ လုံး၊ မိတ်ကပ် – ၂ ဗူး၊ ဖြိုခွင်းရေး ယမ်းမဲ – ၇ချောင်း၊ ၆၀ မမ -၂၉ လုံး၊ အီနာဂါ – ၂၂လုံး၊ ကီးပတ်ဖုန်း – ၇လုံး၊ Touch screen ဖုန်း – ၄လုံး၊ ငွေ – သိန်း၂၀ ၊ ၅.၅၆ ကျည် – ၅၀၀၀၊ စက်လတ်ကျည် – ၃၀၀၀၊ MA – 1 – ၁လက်၊ ဂျန်ဘာစက် – ၁ခု ၊ ဓား၊ ပေါက်တူး၊ ပေါက်ပြား၊ ဂေါ်ပြားများ၊ စစ်အသုံးအဆောင် ပစ္စည်းများပြားစွာ သိမ်းဆည်းရမိခဲ့သည်ဟု ထုတ်ပြန်ထားသည်။
Red News Agency
RNA_ဇူလိုင်၁၂၊၂၀၂၂ခုနှစ်။
စစ်ကိုင်းတိုင်း၊ ကနီမြို့နယ်အခြေစိုက် စစ်ကောင်စီတပ်ကို တိုက်ခိုက်နေသည့် ပြည့်သူ့ကာကွယ်ရေး တပ်ဖွဲ့တခုဖြစ်သည့် Kani Guerrilla Force (KGF) အဖွဲ့ရဲဘော်များ၏ တီထွင်ကြံဆမှုကြောင့် တာဝေးပစ် လက်နက်ကြီး ထုတ်လုပ်အောင်မြင်ပြီဟု ယနေ့ ပြည်သူများကို အသိပေးထားသည်။
[embedyt] https://www.youtube.com/watch?v=c0ch–5w5Qc[/embedyt]
ဒေသခံ ပြည်သူ့ကာကွယ်ရေးတပ်ဖွဲ့များသည် လက်နက်လုံလောက်မှု မရှိသည့်အတွက် လက်လုပ်မိုင်းများ၊ လက်လုပ်သေနတ်များ၊ လက်လုပ် လက်နက်ကြီးများ ထုတ်လုပ်ကာ စစ်ကောင်စီတပ်ကို တိုက်ခိုက်နေကြရကြောင်း၊ အလှူရှင်များ၏ ငွေများဖြင့် လက်နက်ထုတ်လုပ်နေကြသူများရှိကြောင်း သိရသည်။
အမျိုးသား ညီညွတ်ရေး အစိုးရ -NUG ကာကွယ်ရေး ဝန်ကြီးဌာနအနေဖြင့် ၂၀၂၂ ခုနှစ်မေလအထိ နေရာအသီးသီးမှ ရှာဖွေရရှိသည့် အလှူငွေ အမေရိကန်ဒေါ်လာ (၄၄) သန်းကျော် ခွဲဝေသုံးစွဲမှုရာ လက်နက်ထုတ်လုပ်မှုတွင် ၂၂.၄၉ ရာခိုင်နှုန်း အသုံးပြုထားကြောင်း သိရသည်။
Red News Agency