RNA_အောက်တိုဘာ၂၁၊၂၀၂၂ခုနှစ်။
စစ်ကိုင်းတိုင်း၊ ယင်းမာပင်မြို့နယ်၊ ရွှေလှံရွာရှိ မုံရွာခရိုင်တပ်ရင်း – ၁၃ (အောင်ဆန်းမျိုးဆက်) ယာယီခေတ္တတည်းခိုရာနေရာကို ယနေ့ နံနက် ၅ နာရီဝန်းကျင်က စစ်ကောင်စီလက်အောက်ခံ (၁၀၀) ဝန်းကျင်က PDF အယောင်ဆောင်ကာ ဝင်စီးသည့်အတွက် ရဲဘော် (၉) ဦး ကျဆုံးခဲ့ရသည်။
” စီးနင်းခံရချိန်တွင် အခြားတိုက်ပွဲမှပြန်လာ၍ ခေတ္တနားနေသော ရဲဘော်များရှိခဲ့ရာ မိမိတို့အောင်ဆန်းမျိုးဆက်မှ ရဲဘော်(၈) ဦးနှင့် ခေတ္တတည်းခိုနေသော ပခုက္ကူခရိုင်တပ်ရင်း(၂)မှ ရဲဘော် (၁)ဦးစုစုပေါင်း(၉)ဦး ကျဆုံးပြီး၊ (၂) ဦး ဒဏ်ရာရရှိကာ (၂)ဦးပျောက်ဆုံးလျက်ရှိပါသည်။ ပျောက်ဆုံး (၂)ဦး၏ သတင်းကို ဆက်လက်စုံစမ်းနေဆဲဖြစ်ပါသည်” ဟု မုံရွာခရိုင်တပ်ရင်း -၁၃ အောင်ဆန်းမျိုးဆက် အဖွဲ့က ယနေ့ညပိုင်းတွင် ထုတ်ပြန်ထားသည်။
စစ်ကောင်စီတပ်သားများသည် ရွှေလှံရွာအတွင်းရှိ အိမ်ထောင်စု (၈)စုကိုလည်း မီးရှို့ဖျက်စီးခဲ့ပြီး၊ အောင်ဆန်းမျိုးဆက်တပ်ဖွဲ့ဝင်များ ခေတ္တတည်းခိုရာနေရာကို မီးရှို့ဖျက်စီးရာတွင် ကျဆုံးရဲဘော်များနှင့် ရွာသား (၁)ဦး စုစုပေါင်း (၁၀)ဦးကိုပါ မီးရှို့သွားခဲ့ကြောင်း၊ ငွေသားနှင့်ပစ္စည်း ပျက်စီးဆုံးရှုံးမှု ခန့်မှန်းတန်ဖိုးအားဖြင့် သိန်းပေါင်း (၆၀၀) ဝန်းကျင်ခန့်ရှိသည်ဟု ထုတ်ပြန်ချက်တွင် ဖော်ပြထားသည်။
Red News Agency