RNA_ဇန်နဝါရီ(၃)၊၂၀၂၅ခုနှစ်။
ချင်းပြည်နယ်၊ မင်းတပ်မြို့သိမ်းတိုက်ပွဲတွင် ချင်းညီနောင်နှင့် အခြားသောမဟာမိတ်များနှင့်အတူ တိုက်ပွဲဝင်ပြီး ပြန်လာခဲ့သော စစ်ကိုင်းတိုင်း၊ မုံရွာခရိုင်အမှတ် (၃) တပ်ရင်းမှ အောင်ပွဲရ ရဲဘော်များကို ဒေသခံတော်လှန်ပြည်သူများက ဝမ်းသာအားရ အောင်သပြေများဖြင့် ကြိုဆိုခဲ့ကြကြောင်း ရုပ်သံမှတ်တမ်းကို ယနေ့ မုံရွာခရိုင် အမှတ် (၃) တပ်ရင်းက ထုတ်ပြန်ထားသည်။
RNA_ဇန်နဝါရီ(၂)၊၂၀၂၅ခုနှစ်။
အမျိုးသားညီညွတ်ရေးအစိုးရ၊ နိုင်ငံတော်တသမ္ဓ၏ ပြစ်ဒဏ်လွတ်ငြိမ်းသက်သာခွင့်အတွင်း စစ်ကိုင်းတိုင်း၊ ဖောင်းပြင်မြို့နယ်မှ အကျဉ်းသား (၃) ဦးလွတ်မြောက်ခဲ့သည်ဟု သိရသည်။
ဖောင်းပြင်မြို့နယ်တွင် အမျိုးသားညီညွတ်ရေးအစိုးရ၊ ပြည်ထဲရေးနှင့်လူဝင်မှူကြီးကြပ်ရေး ဝန်ကြီးဌာန နိုင်ငံတော်သမ္ဓ၏ လွတ်ငြိမ်းချမ်းသာ ခွင့်ပေးခြင်းအခမ်းအနားကို ဖောင်းပြင်မြို့နယ် ပြည်သူ့လုံခြုံရေးအဖွဲ့မှ ဇန်နဝါရီ လ ၁ ရက်နေ့က လွတ်မြေက် ဒေသတစ်နေရာတွင် ပြုလုပ်ခဲ့ပြီး၊ မူးစိတ်၁၆ (ဂ) ၁ ဦး၊ ရာဇသတ် -၃၀၄(က) ၂ ဦး၊ စုစုပေါင်း (၃) ဦးလွတ်ငြိမ်းချမ်းသာခွင့်ရခဲ့သည်ဟု သိရသည်။
RNA_ဒီဇင်ဘာ(၂၇)၊၂၀၂၄ခုနှစ်။
ချင်းပြည်နယ်၊ မင်းတပ်မြို့သိမ်းတိုက်ပွဲတွင် ချင်းညီနောင်နှင့်အတူ တိုက်ပွဲဝင်ခဲ့သော စစ်ကိုင်းတိုင်း၊ မုံရွာခရိုင် အမှတ် (၃) တပ်ရင်းမှ ရဲဘော် (၇) ကျဆုံးခဲ့ရပြီး၊ ပြင်ထန်းစွာ ဒဏ်ရာရရှိခဲ့သူ ရဲဘော် (၃) ဦး၊ ထိုက်ခိုက်ဒဏ်ရာရရှိသူ ရဲဘော် (၉) ဦး၊ ကိုယ်အင်္ဂါပြတ်တောက်ခဲ့သူ ရဲဘော် (၂) ဦးရှိကြောင်း မုံရွာခရိုင် အမှတ်(၃) တပ်ရင်းက ယနေ့ ထုတ်ပြန်ထားသည်။
မင်းတပ်မြို့သိမ်းတိုက်ပွဲကို ချင်းညီနောင်နှင့်အတူ ယောဒေသတော်လှန်ရေးတပ်၊ Yaw Army နှင့် မုံရွာခရိုင် အမှတ် (၃) တပ်ရင်းရဲဘော်များ ပူးပေါင်းပြီး အာရက္ခတပ်တော်၏ စစ်ရေး၊ စစ်လက်နက်စသည့် အကူအညီများဖြင့် ၂၀၂၄ ခုနှစ် နိုဝင်ဘာ (၉) ရက်မှ စတင်တိုက်ခိုက်ကာ ဒီဇင်ဘာ ၂၁ ရက်နေ့တွင် မင်းတပ်မြို့ရှိစစ်ကောင်စီလက်အောက်ခံများအားလုံးကို တိုက်ထုတ်နိုင်ပြီး မြို့သိမ်းပိုက်နိုင်ခဲ့သည်။
RNA_ဒီဇင်ဘာ(၂၆)၊၂၀၂၄ခုနှစ်။
စစ်ကိုင်းတိုင်း၊ မုံရွာမြို့ မြို့မရဲစခန်းအချုပ်တွင် နိုင်ငံရေးအကျဉ်းသား LGBT ဘုံဘုံ ဆေးရုံတက်ကုသခွင့်မရသည့်အတွက် ရောဂါပြင်းထန်စွာဖြင့် ဒီဇင်ဘာ ၂၅ ရက်နေ့က ကျဆုံးသွားကြောင်း သိရသည်။
နိုင်ငံရေးအကျဉ်းသား ဘုံဘုံသည် ကျောက်ကပ်ရောဂါနှင့် အတွင်းအကြောတက်ခြင်းဝေဒနာကို ပြင်းထန်စွာခံစားခဲ့ရပြီး နိုဝင်ဘာလ ဒုတိယအပတ်မှစ၍ ကျောက်ကပ်ရောဂါ ဝေဒနာဆိုးရွားလာခဲ့ပြီး ဆေးဝါးကုသခွင့်ရရန် မြို့မရဲစခန်းတာဝန်ရှိသူများအား တင်ပြခဲ့သော်လည်း ဆေးရုံတက်ခွင့်မရရှိခဲ့သည်အတွက် ကျန်းမာရေးဆိုးရွားလာပြီး ကျဆုံးခဲ့ရသည်ဟု မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက် (PPNM) က ယနေ့ ထုတ်ပြန်ထားသည်။
RNA_နိုဝင်ဘာ(၁၇)၊၂၀၂၄ခုနှစ်။
ဗမာအမျိုးသားတော်လှန်ရေးတပ်မတော် (BNRA)နှင့် မဟာမိတ် တပ်ဖွဲ့များက စစ်ကိုင်းတိုင်း၊ ပုလဲမြို့ကို သိမ်းပိုက်နိုင်ခဲ့သော်လည်း စစ်ကောင်စီ၏လေကြောင်းတိုက်မှုကြောင့် ဆုတ်ပေးခဲ့ရပေမဲ့ လက်နက်ခဲယမ်းများနှင့်အတူ စစ်သုံ့ပန်း (၂၅) ဦးဖမ်းဆီးရမိကြောင်း သိရသည်။
ပုလဲမြို့သိမ်း တိုက်ပွဲကို ၂၀၂၄ ခုနှစ် နိုဝင်ဘာလ ၁၁ ရက် နံနက် ၄ နာရီ ၃၀ မိနစ်ခန့်က စတင်ပြီး ၄၈ နာရီ ခန့်အကြာတွင် လေကြောင်းတိုက်ခိုက်မှုများကြားမှ ပုလဲမြို့ပေါ်ရှိ စစ်ကောင်စီနောက်ဆုံးခံတပ်ဖြစ်သော မြို့နယ်ထွေအုပ်ရုံးနှင့် မြို့မရဲစခန်းတို့ကို ထိန်းချုပ်နိုင်ခဲ့ပြီး ပုလဲမြို့အား သိမ်းပိုက်နိုင်ခဲ့ကြောင်း၊ စစ်ဆင်ရေးအတွင်း BNRA မှ ရဲဘော် ၉ ဥဦး ကျဆုံးခဲ့ရပြီး၊ ထိခိုက်ဒဏ်ရာရ BNRA ရဲဘော် ၁၀ ဦး၊ GZA မှ ၁ ဦး ရှိခဲ့ကြောင်း ထုတ်ပြန်ထားသည်။
RNA_နိုဝင်ဘာ(၁၆)၊၂၀၂၄ခုနှစ်။
စစ်ကောင်စီတပ်များသည် အညာဒေသအတွင်း ကျေးရွာများကို မီးရှို့မှုများအပြင် ပြည်သူများကို သတ်ဖြတ်ခြင်း၊ အမျိုးသမီးများကို အဓမ္မပြုကျင့်မှုများ အပါအဝင် လေကြောင်းတိုက်ခိုက်မှုများကို ဆက်တိုက်ပြုလုပ်နေသော်လည်း တော်လှန်ရေးအားကောင်းနေမှုနှင့် ဒေသတွင်းအခြေအနေများကို စစ်ကိုင်းခရိုင် အမှတ် (၄) တပ်ရင်းမှ ဆေးတပ်သား (၂) ဦးက ပြောပြထားခြင်းဖြစ်သည်။
[embedyt] https://www.youtube.com/watch?v=Kho2ZTmf1Ho[/embedyt]
RNA_နိုဝင်ဘာ(၈)၊၂၀၂၄ခုနှစ်။
စစ်ကိုင်းတိုင်း၊ တန့်ဆည်မြို့နယ်အတွင်း ပြည်သူများနေထိုင်သော ကျေးရွာများ၊ သုဿာန်များနှင့် လူစုလူဝေးပြုလုပ်သည့် နေရာများကို ဒရုန်းဖြင့်ထောက်လှမ်းကာ ဒရုန်းဗုံးသီးများကြဲချ တိုက်ခိုက်နေကြောင်း သိရသည်။
“အခုရက်ပိုင်း ပျူရွာတွေကနေပြီး စစ်ကောင်စီလက်အောက်ခံတွေက ဒရုန်းနဲ့ ကင်းထောက်တယ် ပြီးတော့ ဒရုန်းဗုံးလာကြဲတယ်။ သူတို့ဒရုန်းတွေက လေးနာရီလောက်ပျံနိုင်တယ်လို့လည်း ကြားရတယ်။ ဒီနေ့ဆို သုဿာန်ကိုတောင် ဗုံးကြဲသွားတယ်လို့ ကြားရတယ်။ ရွာတွေကိုလည်း ကြဲလို့ ပြည်သူတွေ ထိတယ်လို့ ကြားတယ်”ဟု တန့်ဆည်မြို့နယ်၊ ကျေးရွာတရွာတွင်နေထိုင်သော ဒေသခံတဦးထံမှ သိရသည်။