RNA_မတ်(၁၃)၊၂၀၂၅ခုနှစ်။
PDF ပကဖနှင့် မဟာမိတ်တော်လှန်ရေးအဖွဲ့အားလုံး လက်တွဲပါဝင်ပြီး စစ်မျက်နှာအလိုက် ထောင်သောင်းချီအင်အားနှင့် အထွေထွေထိုးစစ်ကြီး တစ်ရပ်ကို တစ်နိုင်ငံလုံးအတိုင်းအတာဖြင့် ဆင်နွှဲကြဖို့ ဖြစ်လိမ့်မည်ဟု NUG ကာကွယ်ရေးဝန်ကြီး ဦးရည်မွန်က ပြောကြားထားသည်။
တော်လှန်ရေး အစောပိုင်းကာလများတွင် တပ်တည်ဆောက်ရင်း တစ်နိုင်ငံလုးအတိုင်းအတာဖြင့် စစ်ရေးလှုပ်ရှားနိုင်အောင် ပထမအဆင့် ကြိုးစားခဲ့ကြောင်း၊ ဒုတိယအဆင့်အနေဖြင့် လူထုအင်အားစုစည်း၊ မဟာဗျူဟာထိုင်းစစ်ဆင်ဆင်ရင်း မြို့သိမ်းစခန်းသိမ်းတိုက်ပွဲများဆင်နွှဲကာ အတွေ့အကြုံများ ရယူနိုင်ခဲ့ပြီဖြစ်ကြောင်း၊ တတိယအဆင့်အနေဖြင့် အထွေထွေ ထိုးစစ်ကြီး ဆင်နွှဲ့ကြရန်ဖြစ်ပြီး ယင်းထိုးစစ်ကြီးက စစ်အာဏာသိမ်းမှုကို အဆက်သတ်ပေးလိ့မ်ဟု ယုံကြည်သည်ဟု အမှတ် (၁) စစ်ဒေသတွင် ပြုလုပ်သော တပ်မှူးသင်တန်းဆင်းပွဲတွင် ပေးပို့သော သဝဏ်လွှာတွင် ဦးရည်မွန်က ထည့်သွင်းပြောကြားထားသည်။
NUG/MOD ပြည်သူ့ကာကွယ်ရေးတပ်မတော် (PDF)၏ ၁/၂၀၂၄ တပ်မှူးသင်တန်းကို အမှတ် (၁) စစ်ဒေသတွင် ကျင်းပပြုလုပ်ခဲ့ရာ စစ်ကိုင်းတိုင်း၊ မကွေးတိုင်း၊ မန္တလေးတိုင်းတို့မှ သင်တန်းသား (၁၁၅) ဦး တက်ရောက်အောင်မြင်ခဲ့ကြောင်း၊ ယင်းသင်တန်းဖြစ်မြောက်ရေးအတွက် ကူညီစီစဉ်ပေးသော အမှတ် (၁) စစ်ဒေသမှူးနှင့်တကွ မဟာမိတ် ကချင်လွတ်လပ်ရေးတပ်မတော် (KIA) သင်တန်းဆရာ အရာရှိများကိုလည်း PDF စစ်ရုံးချုပ်အနေဖြင့် ကျေးဇူးမှတ်တမ်းတင်ရမည်ဟု သဝဏ်လွှာတွင် ဖော်ပြထားသည်။
#RedNewsAgency #REDNEWS #RNA