Red News Agency

Tag: KIA/KPDF

  • ဖားကန့် ညောင်ပင်ကုန်းစခန်း ပြန်ရရေးတိုက်ပွဲတွင် KPDF ရဲဘော်တစ်ဦး ကျဆုံး

    ဖားကန့် ညောင်ပင်ကုန်းစခန်း ပြန်ရရေးတိုက်ပွဲတွင် KPDF ရဲဘော်တစ်ဦး ကျဆုံး

    RNA_ဩဂုတ်(၅)၊၂၀၂၅ခုနှစ်။

    ကချင်ပြည်နယ်၊ ရှရော်ခကျေးရွာအနီး၊ ညောင်ပင်ကုန်းတပ်စခန်း ပြည်လည်သိမ်းပိုက်နိုင်ရေးတိုက်ပွဲတွင် KPDF ရဲဘော်တစ်ဦးကျဆုံးခဲ့ရပြီး ညောင်ပင်ကုန်းစခန်းကို KIA/KPDF ရဲဘော်များက ပြန်လည်ထိန်းချုပ်နိုင်ပြီဖြစ်ကြောင်း သိရသည်။

    ညောင်ပင်ကုန်းစခန်းကို KIA/KPDF များက ထိန်းချုပ်ထားနိုင်ခဲ့သော်လည်း စစ်ကောင်စီတပ်၏ထိုးစစ်ကြောင့် ဩဂုတ်လ ၂ ရက်နေ့က လက်လွှတ်ခဲ့ရခြင်းဖြစ်ကြောင်း၊ KIA/KPDF ရဲဘော်များက ထိုးစစ်ဆင်တိုက်ခိုက်ခဲ့သည့်အတွက် စခန်းကို ပြန်လည်ထိန်းချုပ်နိုင်ခဲ့ပြီး ယမန်နေ့က ကျဆုံးရဲဘော်အလောင်းကို ယနေ့မှသာ ပြန်ရခဲ့ခြင်းဖြစ်သည်ဟု သတင်းရင်းမြစ်တစ်ဦးက ပြောပြသည်။

    ဖားကန့်ရှိစစ်ကောင်စီတပ်သည် ဖားကန့်ဗျူဟာ မကျဆုံးရေးအတွက် အနီးအနားတစ်ဝိုက်ရှိ ကျေးရွာ ရပ်ကွက်များကို လက်နက်ကြီးများဖြင့် ပစ်ခတ်မှုများပြုလုပ်နေသည့်အတွက်လည်း ကလေးငယ်များအပါအဝင် သေဆုံးမှုများရှိကြောင်း၊ စစ်ကောင်စီတပ်အားလည်း KIA/KPDF ရဲဘော်များက တိုက်ခိုက်မှုများလည်း ပြုလုပ်နေကြောင်း သိရသည်။

    #RedNewsAgency #RedNews

  • စစ်ရိပ်သန်းလာသည့် ဖားကန့်တွင် ကျောက်စိမ်းကုမ္ပဏီတစ်ချို့ ရပ်နား

    စစ်ရိပ်သန်းလာသည့် ဖားကန့်တွင် ကျောက်စိမ်းကုမ္ပဏီတစ်ချို့ ရပ်နား

    RNA_မေ(၂၈)၊၂၀၂၅ခုနှစ်။

    ကချင်ပြည်နယ်၊ ဖားကန့်မြို့နယ်တွင် တိုက်ပွဲဖြစ်ပွားလာနိုင်သည့်အတွက် စစ်တပ်အာဏာသိမ်းပြီးချိန်မှစ၍ ရပ်နားခြင်းမရှိခဲ့သော ကျောက်စိမ်းတူးဖော်နေသည့် ကုမ္ပဏီတစ်ချို့ မေလ ၂၆ ရက်နေ့ ဝန်းကျင်မှစတင်ကာ ရပ်နားသွားသည်ကို တွေ့ရှိရသည်။

    ဖားကန်းမြို့တွင် ကျောက်စိမ်းတူးဖော်နေသော ကုမ္ပဏီကြီးတစ်ခုဖြစ်သည့် မြဥယဉ် ကုမ္ပဏီနှင့် အခြား ကုမ္ပဏီအသေးတစ်ချို့ မေလ ၂၆ ရက်နေ့က နားသွားပြီဖြစ်ကြောင်း၊ ဖားကန့်ကိုတက်လာသည့် စစ်ကောင်စီတပ်စစ်ကြောင်း အင်အား ၁၀၀ ခန့်ကလည်း မေလ ၂၇ ရက်နေ့က ရောက်ရှိလာပြီဖြစ်သည်။

    (more…)

  • စစ်ကောင်စီတပ်နှင့် ရှမ်းနီတပ်တို့ပေါင်းပြီး အင်အား (၇၀၀) ကျော်ဖြင့် KIA/KPDF ထိန်းချုပ်နယ်မြေဘက် စစ်ကြောင်းထိုး

    စစ်ကောင်စီတပ်နှင့် ရှမ်းနီတပ်တို့ပေါင်းပြီး အင်အား (၇၀၀) ကျော်ဖြင့် KIA/KPDF ထိန်းချုပ်နယ်မြေဘက် စစ်ကြောင်းထိုး

    RNA_ဧပြီ(၂၄)၊၂၀၂၅ခုနှစ်။

    ကချင်ပြည်နယ်၊ ဖားကန့်-မိုးကောင်း-မြစ်ကြီးနားလမ်းနှင့် တနိုင်း-မိုးကောင်း-မြစ်ကြီးနားလမ်းဆုံတို့ဖြစ်သော လဝါးကျေးရွာမှ စစ်ကောင်စီတပ်နှင့် လက်အောက်ခံ ပြည်သူ့စစ်၊ ရှမ်းနီအမျိုးသားများတပ် (SNA)တို့ ပူးပေါင်းထားသော အင်အား (၇၀၀) ကျော်ဖြင့် KIA/KPDF ထိန်းချုပ်ထားသော ဖားကန့်-မိုးကောင်းလမ်းကြောဖြစ်သည့် နမ့်ယားဘက်ကို စစ်ကြောင်းထိုးလာသည်ဟု ယနေ့ ဒေသခံများက ပြောကြားထားသည်။


    ဖားကန့်လာသည့် ခရီးသွားပြည်သူများ၏ အတက်အဆင်းလမ်းများကို ပိတ်ထားကြောင်း၊ ဖားကန့်မှ ဟိုပင် – မိုးညှင်းထွက်သည့် အင်းတော်ကြီးဒေသတွင်လည်း စစ်ကောင်စီနှင့်ရှမ်းနီတပ်တို့ ပူးပေါင်းပြီး အလုံးအရင်းဖြင့် ထိုးစစ်ဆင်နေကြောင်း၊ စစ်ကောင်စီသည် ဖားကန့်ဝင်များကို ပြန်ယူရန် ကြိုးစားနေခြင်းဖြစ်သည်ဟု ဖားကန့်ဒေသခံတစ်ဦးက ပြောသည်။

    (more…)

  • အင်အား ၂၀၀ ကျော်ပါ စစ်ကောင်စီတပ်စစ်ကြောင်း ကြားဖြတ်တိုက်ခိုက်ခံရပြီး (၃၃) ဦးသေဆုံးကာ (၃၁) ဦးဖမ်းဆီးခံရ

    အင်အား ၂၀၀ ကျော်ပါ စစ်ကောင်စီတပ်စစ်ကြောင်း ကြားဖြတ်တိုက်ခိုက်ခံရပြီး (၃၃) ဦးသေဆုံးကာ (၃၁) ဦးဖမ်းဆီးခံရ

    RNA_မတ်(၂၁)၊၂၀၂၅ခုနှစ်။

    စစ်ကိုင်းတိုင်း၊ အင်းတော်မြို့နယ်အစပ် ကသာမြို့နယ်၊ ပင်လွတ်ရွာအနီး ပန်းတောင်ကြီး၊ ပန်းတောင်းလေးတောင်၌ ဗိုလ်မှူး လင်းထက် ဦးစီးလာသော အင်အား (၂၀၀) ကျော်ဖြင့် စစ်ကြောင်း (၂) ကြောင်းခွဲကာ ချီတက်လာစဉ် ကြားဖြတ်တိုက်ခိုက်ခံရပြီး စစ်ကောင်စီလက်အောက်ခံ (၃၃) ဦးသေဆုံးကာ (၃၁) ဦးဖမ်းဆီးခံလိုက်ရကြောင်း သိရသည်။

    ကသာမြို့ ခမရ-၃၀၉ မှထွက်လာသော ဗိုလ်မှူး လင်းထက် ဦးစီးပြီး ခမရ (၁၀၆၊ ၃၀၉)၊ ခလရ-၆ ပူးပေါင်းစစ်ကြောင်းအား EAOs(KIA)၊ KPDF၊ ကသာခရိုင် တပ်ရင်း-၁၊ မိုးတားတိုက်နယ် ပကဖ နှင့် ကသာမြို့နယ် ပကဖ ပူးပေါင်းအဖွဲ့တို့မှ မတ်လ (၁၅) ရက်နေ့က တိုက်ခိုက်ခဲ့ခြင်းဖြစ်ကြောင်း၊ စစ်ကောင်စီလက်အောက်ခံများကို အရှင်ဖမ်းဆီးရရှိမှုအပြင် လက်နက် (၅၄) လက်ပါ သိမ်းဆည်းရမိသည်ဟု အမှတ် (၁) စစ်ဒေသက ယနေ့ ထုတ်ပြန်ထားသည်။

    (more…)

  • အင်းတော်ရှိ စစ်ကောင်စီတပ်၏ ကြာအင်းကုန်းစခန်းကို တော်လှန်ရေးအင်အားစုများသိမ်းပိုက်

    အင်းတော်ရှိ စစ်ကောင်စီတပ်၏ ကြာအင်းကုန်းစခန်းကို တော်လှန်ရေးအင်အားစုများသိမ်းပိုက်

    RNA_ဖေဖော်ဝါရီ(၅)၊၂၀၂၅ ခုနှစ်။

    စစ်ကိုင်းတိုင်း၊ ကသာခရိုင်၊ အင်းတော်မြို့နယ်ရှိ စစ်ကောင်စီတပ်စခန်းများကို KIA၊ ABSDF၊ KPDF နှင့် အင်းတော်အထူးတိုက်ခိုက်ရေးတပ်များက ပိတ်ဆို့တိုက်ခိုက်ထားမှုအတွင်း စစ်ကောင်စီတပ်စွဲထားသည့် ဂျပန်လှိုက်ဂူ၏ ကာကင်းတစ်ခုဖြစ်သည့် ကြာအင်းကုန်းစခန်းကို တော်လှန်ရေးအင်အားစုများက သိမ်းပိုက်ရရှိခဲ့ကြောင်း သိရသည်။

    အင်းတော်‌ဒေသရှိ စစ်ကောင်စီ တပ်စခန်းများကို KIA ဦးဆောင်သည့် တော်လှန်ရေးအင်အားစုများက ၂၀၂၅ ခုနှစ် ဇန်နဝါရီလ ၂၇ ရက်ကစတင်ပြီး အပြင်းအထန် တစ်ကျော့ပြန် ထိုးစစ်ဆင်ခဲ့ပြီးပြီး နောက်နေ့မှာပင် ကြာအင်းကုန်းစခန်းကို တော်လှန်ရေးအင်အားစုများက သိမ်းပိုက်ရခဲ့သည်ဟု စစ်ရေးသတင်းရင်းမြစ်ထံမှ သိရသည်။

    (more…)

  • တိုက်ပွဲပြန် အောင်ပွဲရ KIA၊ KPDF၊ NPDF ရဲဘော်များကို ဖားကန့်ပြည်သူများ အောင်သပြေဖြင့် ကြိုဆို

    တိုက်ပွဲပြန် အောင်ပွဲရ KIA၊ KPDF၊ NPDF ရဲဘော်များကို ဖားကန့်ပြည်သူများ အောင်သပြေဖြင့် ကြိုဆို

    RNA_ဒီဇင်ဘာ(၁၃)၊၂၀၂၄ခုနှစ်။
    စစ်ကိုင်းတိုင်း၊ ဟုမ္မလင်းမြို့နယ်၊ ပန်ချယ်၊ ရွှေတွင်းလမ်းဆုံ၊ ရာလားတီးကျေးရွာများတွင် အထိုင်ချတပ်စွဲထားသော စစ်ကောင်စီ နှင့် SNA ပူးပေါင်းတပ်များကို တိုက်တုတ်ပြီး အောင်ပွဲဖြင့်ပြန်လာကြသော KIA၊ KPDF၊ NPDF ပူးပေါင်းအဖွဲ့အား ဖားကန့်ပြည်သူလူထုမှ အောင်သပြေပန်းများဖြင့် ဒီဇင်ဘာလ ၁၂ ရက်နေ့က ကြိုဆိုခဲ့ကြောင်း နွေဦးရောင်နီအဖွဲ့ထံမှ သိရသည်။

    (more…)

  • တာမခံ ခမရ(၁၁၉) စခန်းသိမ်းတိုက်ပွဲဝင် KPDF ရဲဘော်တစ်ဦး၏ အတွေ့အကြုံ

    တာမခံ ခမရ(၁၁၉) စခန်းသိမ်းတိုက်ပွဲဝင် KPDF ရဲဘော်တစ်ဦး၏ အတွေ့အကြုံ

    “အင်အားမမျှတဲ့ ရန်သူကို နောက်ပြန်မဆုတ်ပဲ ခုခံသွားကြတာ။ တိုက်ပွဲက နာရီပိုင်းလောက်ပဲကြာလိုက်မယ်ထင်တယ် တဖက်ရန်သူက ဝိုင်းမိသွားပြီ ရဲဘော် ၈ ယောက် လုံး ထိခိုက်ဒဏ်ရာရကုန်တယ်”

    Ernesto Ba Chan – တာမခံ (၁၂) ရက် အပိုင်း (၃) ဇာတ်သိမ်း။

    အကြာကြီးသတိမလစ်သွားဘူး စက္ကန့်ပိုင်းပဲ မျှောသွားတယ်လို့ပြောရမလားပဲ တစ်ယောက်ယောက်က ခေါ်စရာမလို ကိုယ့်ဘာသာ သတိပြန်ပြန်လည်လာတယ် သတိပြန်လည်လာတိုင်း ငါမသေသေးဘူးပဲဆိုပြီး တွေးမိတယ်၊ ဖြစ်နိုင်ရင် ဆေးရုံရောက်မှပဲ သတိပြန်ရချင်တယ်
    ကျနော်ဒါဆို မနာရတော့ဘူးပေါ့။

    အဲ့အချိန် ကျနော် မော်ဖင်း တောင်းတယ် ဆေးဆရာတောင်မရှိတာ မော်ဖင်းဆိုပိုဝေးသေး။ တဖက်မျက်နှာစာမှာ ဆေးမှူး ရဲဘော်တွေက ဒဏ်ရာရတဲ့လူတွေကို ဆွဲထုတ်နေတာ ကျနော်တို့ဖက်မှာ ဆေးမှူးမပါလာဘူး။ ဒါကို ကျနော်သိတယ် လူက နာကျင်တဲ့ဒဏ်ကို မခံနိုင်တော့ ဖြစ်ချင်တာကို ထုတ်ပြောတော့တာ။

    ၉ နာရီလောက်ကျ ဆေးခန်းကိုရောက်ပြီ အဲ့အချိန် လူကသွေးထွက်လွန်ပြီး တည်လို့‌မရတော့ဘူး သေရင်လည်း သေတော့ ဆိုပြီး စိတ်ကိုလျှော့ထားတယ်။ သတိပြန်လည်လာတိုင်း ငါအသက်ရှင်နိုင်သေးတယ်လို့ တခါတွေးမိပြန်တယ်။ ကျနော်တို့ ၅ ယောက်ပေါ့ ဒဏ်ရာအပြင်းထန်နဲ့ ရောက်ခဲ့တာ။

    (more…)

  • အရပ်ဝတ်ဖြင့် နယ်မြေသတင်းယူရန် လာသော ရဲတပ်ဖွဲ့ဝင် ၄ ဦးကို KPDF ရဲဘော်များ ပစ်ခတ်ဖမ်းဆီး

    အရပ်ဝတ်ဖြင့် နယ်မြေသတင်းယူရန် လာသော ရဲတပ်ဖွဲ့ဝင် ၄ ဦးကို KPDF ရဲဘော်များ ပစ်ခတ်ဖမ်းဆီး

    RNA_ဖားကန့်၊ စက်တင်ဘာ(၂၈)၊၂၀၂၄ ခုနှစ်။

    ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာ၊ အမှတ် (၁) ရပ်ကွက်အတွင်း၊ နယ်မြေသတင်းရယူရန် IPsum ကားပေါ်တွင် အရပ်ဝတ်ဖြင့် စက်တင်ဘာ ၂၇ ရက်နေ့က လှည့်လည်နေစဉ် KPDF ရဲဘော်များက ပစ်ခတ်ဖမ်းဆီးရာ ရဲ (၄)ဦး ဖမ်းဆီးခံခဲ့ရသည်ဟု သိရသည်။

    အရပ်ဝတ်ဖြင့် နယ်မြေသတင်းရယူရန် ရောက်လာသူများထဲမှ KPDF ရဲဘော်များ၏ ဖမ်းဆီးခံခဲ့ရသော် ရဲ (၄) ဦးမှာ ဒုရဲအုပ် နိုင်ထူး၊ ဒုရဲအုပ် သူရမိုး၊ ဒုတပ်ကြပ် အောင်မြင့်ကျော်၊ တပ်သား တင်ထွန်းဝေတို့ဖြစ်ကြောင်း Red News Agency သတင်းရင်းမြစ်က ပြောကြားထားသည်။

    #RedNewsAgency #RNA

  • တာမခံ ခမရ(၁၁၉) စခန်းသိမ်း တိုက်ပွဲဝင် KPDF ရဲဘော်တစ်ဦး၏ အတွေ့အကြုံ (အပိုင်း-၂)

    တာမခံ ခမရ(၁၁၉) စခန်းသိမ်း တိုက်ပွဲဝင် KPDF ရဲဘော်တစ်ဦး၏ အတွေ့အကြုံ (အပိုင်း-၂)

    “ကျနော့်ဘေးက ရဲဘော်က ပွဲချင်းပြီး ကျသွားတယ်။ ခြံစည်းရိုး အတွင်းထိဖောက်ဝင်သွားတဲ့အထဲက ရဲဘော်တချို့က လေယာဉ်လာကြဲတော့ ကားအောက်ကို ဝင်ဝပ်လိုက်ကြတယ်။ အဲ့မှာ ထောင်ထားတဲ့ မိုင်းထိပြီး ဒဏ်ရာအပြင်းထန်ရကုန်ကြတယ် ကျနော်အပါဝင် ၅ ယောက်ပေါ့။ ငါ့ ခါးပြတ်သွားပြီ ငါတော့သေတော့မယ်လို့ အတွေးများနေတုန်း”
    ****************************

    Ernesto Ba Chan

    တိုက်ပွဲစဖြစ်တဲ့ရက်ကတည်းကစလို့ တရက်မပြတ် အသားဟင်းကို အမျိုးစားမထပ်အောင် ‌စားခဲ့ရတယ်။ ရိက္ခာပို့ပေးတဲ့ အရပ်သားလူငယ်တွေဟာ ကျနော်တို့ ပစ်နေတဲ့ ဧရိယာထဲအထိ ရိက္ခာထုပ်ထမ်းပို့ပေးတယ်၊ ကျည်တွေဗုံးတွေကြားလူနာတွေ DB တွေလာထမ်းကြတယ်၊ ချက်ပြုတ်တဲ့လူတွေက ချက်ပြုတ် ထောက်ပံ့တဲ့ လူထောက်ပံ့ ပို့ဆောင်သူပို့ဆောင်နဲ့
    တကယ်ကို နိုင်ရာနေရာကနေ အစွမ်းကုန်ပါဝင်ကြတာပါပဲ။

    တစ်ကိုယ်စာ ကတုပ်ကျင်းထဲမှာ ဆေးလိပ်ရှိတယ် ဖက်ကြမ်းရော အဖြူရော၊ လစ်ပိုကဒ်ရှိမယ် ကွမ်းယာထုပ်ရှိမယ်၊ တခြားစားစရာတွေရှိမယ် ပစ်တာက တစ်ရက်လုံး တညလုံးပါပဲ နားလိုက် ပစ်လိုက်ပေါ့။

    မနက်မိုးလင်းတာနဲ့ ရေသန့်နဲ့ မျက်နှာသစ်တယ် ရေသန့်ဗူးဆိုတာ ကဒ်လိုက် ကဒ်လိုက် ပြီးတာနဲ့ ပစ်ကြတာပါပဲ မောတဲ့လူက နောက်ပြန်ဆုတ် ဆေးလိပ်လေးဘာလေးသောက် စကားလေးဘာလေးပြော လေယာဉ်လာကြဲရင် ဝပ်ကြပေါ့။ ကျနော်တို့ဆို စခန်းထဲကို လစ်ပိုဗူးတွေနဲ့ ကောက်ထုပြီး သောက်ဖူးလား ခွေးတွေဆိုပြီး အော်ပေးကြတာ။

    (more…)

  • တာမခံ ခမရ(၁၁၉) စခန်းသိမ်း တိုက်ပွဲဝင် KPDF ရဲဘော်တစ်ဦး၏ အတွေ့အကြုံ

    တာမခံ ခမရ(၁၁၉) စခန်းသိမ်း တိုက်ပွဲဝင် KPDF ရဲဘော်တစ်ဦး၏ အတွေ့အကြုံ

    “ဗိုလ်လေးကို ထမ်းထုတ်ခဲ့တဲ့ ရဲဘော်သုံးယောက်အခုသူတို့ကိုပြန်ထမ်းထုတ်နေရပြီ။ ကျနော်တို့အကုန်မှိုင်တွေကုန်ကြတယ်၊ သွေးတွေကအိုင်လို့ အသားစတွေက ပြန့်ကျဲ နေရာတစ်ခုလုံးလုံးဝအနိဌာရုံတွေပါပဲ”

    တာမခန် ၁၂ ရက် (အပိုင်း – ၁)

    ၂၆ ၂ ၂၀၂၄ ။ နေ့လည် ၂ နာရီခန့် တပ်ပေါင်းစုစစ်ကြောင်းဟာ တာမခန်နဲ့မနီးမဝေးတစ်နေရာမှာ တပ်ဖျောက်ပြီးနားနေပါတယ်။ ဟန်းကောကိုယ်စီနဲ့ ထမင်းချက်စားတဲ့အဖွဲ့ကချက်စား စကားပြောတဲ့သူကပြောနဲ့ မကြာခင် တိုက်ပွဲဝင်ရတော့မယ်ဆိုတဲ့အသိက ကျနော်တို့အားလုံးကို တက်ကြွနေစေတယ်။

    ကျနော်တို့တပ်စိတ်ရဲ့ ကွန်မန်ဒါဖြစ်တဲ့ ဗိုလ်ကြီးက ခဲလုံးလေးတွေဟိုရွေ့သည်ရွေ့လုပ်ရင်း နေရာယူရမယ့်ပုံစံကိုရှင်းပြနေတယ်။

    “အဖွဲ့လေးဖွဲ့နဲ့ ဝိုင်းမယ် ငါတို့က ညာဖက်အစွန်ဆုံးက ကုန်းမှာနေရာယူမယ် ငါတို့ရဲ့ ဘယ်ဖက်မှာ လက်နက်ကြီးအဖွဲ့ရှိလိမ့်မယ်” မြေပုံတဖက်ကိုင်ထားပြီး ခဲလုံးလေးတွေတဖက်ကရွေ့ရင်း ဗိုလ်ကြီးကရှင်းပြတယ်။

    အတော်လေးကြာတဲ့အချိန်ကျမှ “ရွာသားတွေမရှိတော့ဘူး အကုန်ရှောင်သွားပြီ” ဆိုတဲ့သတင်းရောက်လာတယ်။ အဲ့နောက်မှ တပ်ပေါင်းစု စစ်ကြောင်းက ဆက်လက်ချီတက်ခဲ့တယ်။ ရန်သူက ပြင်ဆင်ပြီးစောင့်နေလောက်ရောပေါ့။

    (more…)