ဒီပဲယင်း – Red News Agency

08 Oct

ဒီပဲယင်းနှင့် ချောင်းဦးကို စစ်အုပ်စုဗုံးကြဲတိုက်ခိုက်၊ မိသားစုဝင် (၄) ဦး သေဆုံးပြီး သံဃာအပါအဝင် (၆) ဦး ထိခိုက်ဒဏ်ရာရ

RNA EditorNewsRed News Agency, ချောင်းဦး, စစ်ကိုင်းတိုင်း, စစ်ကောင်စီတပ်, ဒီပဲယင်း, လေကြောင်းတိုက်ခိုက်

RNA_အောက်တိုဘာ(၈)၊၂၀၂၆ခုနှစ်။ စစ်ကိုင်းတိုင်း ဒီပဲယင်းနှင့် ချောင်းဦးမြို့နယ်တို့ကို စစ်အုပ်စုက လေကြောင်းတိုက်ခိုက်မှု လုပ်ဆောင်ခဲ့ခြင်းကြောင့် မိသားစုဝင် (၄) ဦး သေဆုံးကာ သံဃာ (၂) ပါးအပါအဝင် (၆) ဦး ထိခိုက်ဒဏ်ရာရရှိခဲ့ကြောင်း သိရသည်။ မုံရွာမြို့အခြေစိုက် စစ်အုပ်စု အနောက်မြောက်တိုင်းစစ်ဌာနချုပ်မှ ပါရာမော်တာ (၁) စီးသည် နေ့လည် (၁) နာရီဝန်းကျင်က ဒီပဲယင်းအရှေ့ခြမ်း မူးကမ်းကြီးရွာရှိ အရပ်သားပြည်သူများရှိနေရာကို ပစ်မှတ်ထား ဗုံးကြဲတိုက်ခိုက်ခဲ့ခြင်းဖြစ်ကြောင်း သိရသည်။ “မူးကမ်းကြီးဘက်မှာ နမခက တက်လာတဲ့ ပါရာမော်တာနဲ့ ဗုံးကြဲသွားတာ။ (၈) ဦးမှာ (၄) ဦးက နေရာမှာတင် သေဆုံးသွားတယ်၊ ကျန် (၄) ဦးက ထိခိုက်ဒဏ်ရာရတယ်။ အနီးနားဝန်းကျင်မှာ တိုက်ပွဲမရှိဘဲ…

07 Oct

လက်နက်ဖိုးအကြွေးတောင်းပြီး ပြန်လာသည့် ပကဖရဲဘော် (၂) ဦး လုပ်ကြံပစ်သတ်ခံရ

RNA EditorNewsRed News Agency, စစ်ကိုင်းတိုင်း, ဒီပဲယင်း, နွေဦးတော်လှန်ရေး, ပကဖ, ဘုတလင်, ရွှေဘို

RNA_အောက်တိုဘာ(၇)၊၂၀၂၆ခုနှစ်။ စစ်ကိုင်းတိုင်း ဒီပဲယင်းမြို့နယ်နှင့် အရာတော်မြို့နယ်ကြား အုတ်ရှစ်ကြီးရွာအနီး၌ ဘုတလင်မြို့နယ် ပြည်သူ့ကာကွယ်ရေးအဖွဲ့ (ပကဖ) ရဲဘော် (၂) ဦး လုပ်ကြံပစ်သတ်ခံရကြောင်း ဒီပဲယင်းဒေသခံတစ်ဦးထံက သိရသည်။ ယခုလ အောက်တိုဘာ (၄) ရက်က ရွှေဘိုမြို့နယ် ပေါက်ချိုင်ကျေးရွာ၌ လက်နက်ဖိုး အကြွေးသွားတောင်းသည့် ဘုတလင် ပကဖအဖွဲ့မှ ရဲဘော် (၂) ဦးသည် ငွေကျပ် သိန်း (၂၀၀) ကျော်နှင့်အတူ ပေါက်ချိုင်ရွာမှ ပြန်လာချိန် အရာတော်မြို့နယ် အုတ်ရှစ်ရွာအနီးတွင် ပစ်သတ်ခံခဲ့ရခြင်းဖြစ်ကြောင်း သိရသည်။ “ပေါက်ချိုင်ဘက်ကို ကြွေးသွားတောင်းပြီးအပြန်မှာ ဖြစ်တာ။ သူတို့ ရောင်းထားတဲ့ (လက်နက်ဖိုး) ပစ္စည်းအတွက် အကြွေးသွားတောင်းပြီး အပြန်မှာ ဖြစ်တာ။ အချင်းချင်းကြား ငွေကြေးကိစ္စ အရှုပ်အရှင်းဖြစ်ပြီး…

13 May

စာသင်ကျောင်းဗုံးကြဲတိုက်ခိုက်သူများကို ပြစ်ဒဏ်ကင်းလွတ်ခွင့်မရှိစေရဟု NUG ပညာရေးဝန်ကြီးဌာန ထုတ်ပြန်

RNA EditorNewsစစ်ကိုင်းတိုင်း, စာသင်ကျောင်းဗုံးကြဲခံရ, ဒီပဲယင်း, လေကြောင်းတိုက်ခိုက်ခံရမှု, အညာဒေသ, အိုးတိန်တွင်းကျေးရွာ

RNA_မေ(၁၃)၊၂၀၂၅ခုနှစ်။ စစ်ကိုင်းတိုင်း၊ ဒီပဲယင်းမြို့နယ်၊ အိုးတိန်တွင်း ကျေးရွာစာသင်ကျောင်း လေကြောင်းတိုက်ခိုက်မှုအတွင်း အမိန့်ပေးသူများ၊ ပြစ်မှုကို ကာယကံ မြောက် ကျူးလွန်သူများ၊ ပူးပေါင်းပါဝင်သူများအားလုံးကို ထိုက်ထိုက် တန်တန် အရေးယူအပြစ်ပေးသွားမည်ဖြစ်ကြောင်း NUG ပညာရေးဝန်ကြီးဌာနက ယနေ့ ထုတ်ပြန်သည်။ အပြစ်မဲ့သော ကလေးသူငယ် ကျောင်းသား၊ ကျောင်းသူများ၊ ဆရာ၊ ဆရာမများကို လေကြောင်းမှ တိုက်ခိုက်ရန် အမိန့်ပေးသူများ၊ ပြစ်မှုကို ကာယကံမြောက် ကျူးလွန်သူများ၊ ပူးပေါင်းပါဝင်သူများအားလုံး မည်သည့်အကြောင်းကြောင်းကြောင့်မှ ပြစ်ဒဏ်ကင်းလွတ်ခွင့် မရှိစေရေး ကမ္ဘာကြေသော်လည်း ဥဒါန်းကျေမည်မဟုတ်ဘဲ ပြင်းထန်စွာ အပြစ်ပေး အရေးယူနိုင်ရေး စုံစမ်းရှာဖွေ ဖော်ထုတ်သွားမည်ဟု ဆိုသည်။ (more…)

12 May

စာသင်ကျောင်း လေကြောင်းတိုက်ခိုက်ခံရမှုအပြီး မြင်ကွင်း

RNA EditorNews, Videoကျောင်းသူကျောင်းသား, စစ်ကိုင်းတိုင်း, စာသင်ကျောင်းဗုံးကြဲခံရ, ဒီပဲယင်း, ဒီပဲယင်းမြို့နယ်, အိုးတိန်တွင်းကျေးရွာ

RNA_မေ(၁၂)၊၂၀၂၅ခုနှစ်။ စစ်ကိုင်းတိုင်း၊ ဒီပဲယင်းမြို့နယ်၊ အိုးတိန်တွင်းကျေးရွာ စာသင်ကျောင်းကို ယနေ့ နံနက် ၁၀ နာရီခန့်တွင် စစ်ကောင်စီတပ်က လေကြောင်းတိုက်ခိုက်သွားသည့်အတွက် ကျောင်းသား (၂၀) ဦးနှင့် ဆရာမ (၂) ဦး သေဆုံးခဲ့ပြီး (၄၀) ခန့် ဒဏ်ရာရပြီးနောက် မြင်တွေ့ရသည့် လေကြောင်းတိုက်ခိုက်ခံရမှုအပြီး မြင်ကွင်းဖြစ်သည်။ စစ်ကိုင်းငလျင်ဘေးကူညီရန် ရောက်ရှိနေသော ကလေးခရိုင်သက်မွေးပညာကော်မတီ တာဝန်ခံ၊ CDM ကထိက ဆရာမ ဒေါ်ရတီအုန်းက လေကြောင်းတိုက်ခိုက်ခံရမှုအပြီး အရောက်သွားခဲ့ကာ စစ်ကောင်စီ၏ စစ်ရာဇဝတ်မှုကျူးလွန်မှုမှုအား မှတ်တမ်းတင်ထားခြင်း ဖြစ်သည်။ (more…)

12 May

လေကြောင်းတိုက်ခိုက်ခံရမှုအတွင်း ကျောင်းသား (၂၀) နှင့် ဆရာမ (၂) ဦးတို့ သေဆုံး

RNA EditorNewsကလေးငယ်, စစ်ကိုင်းတိုင်း, စာသင်ကျောင်း, စာသင်ကျောင်းဗုံးကြဲခံရ, ဆရာမ, ဒီပဲယင်း, လူအစုလိုက်အပြုံလိုက်သတ်ဖြတ်မှု, လေကြောင်းတိုက်ခိုက်ခံရမှု, အိုးတိန်တွင်းကျေးရွာ

RNA_မေ(၁၂)၊၂၀၂၅ခုနှစ်။ စစ်ကိုင်းတိုင်း၊ ဒီပဲယင်းမြို့နယ်၊ အိုးတိန်တွင်းကျေးရွာ စာသင်ကြောင်းကို ယနေ့ နံနက် ၁၀ နာရီခန့်တွင် စစ်ကောင်စီတပ်က လေကြောင်းတိုက်ခိုက်သွားသည့်အတွက် ကျောင်းသား (၂၀) ဦးနှင့် ဆရာမ (၂) ဦးသေဆုံးခဲ့ပြီး (၄၀) ခန့် ဒဏ်ရာရရိခဲ့သည်ဟု သိရသည်။ လေကြောင်းတိုက်ခိုက်မှုအတွင်း သေဆုံးခဲ့ရသော ကျောင်းသူ ကျောင်းသားများမှာ မသက်ထားဝေ (G-11)၊ မမို့မို့ဝင်း (G-10)၊ မောင်မြတ်နိုးမောင်မောင် (G-9)၊ မလှအုံးမယ် (G-7)၊ မမို့မြင့်ဟန် (G-7)၊ မမြတ်နိုးဦး (G-7)၊ မောင်ဇေယျာဖြိုး (G-5)၊ မောင်ချမ်းမြေ့အောင် (G-4)၊ မထက်ရတီထွန်း (G-4)၊ မမွန်မီမီအောင် (G-4)၊ မမိုးဟေကျော် (G-4)၊ မောင်ဖိုးမိုးသွန်း (G-3)၊ မအေးခြင်းစံ…

26 Feb

ဖမ်းဆီးခံထားရသော တပ်ရင်းမှူးပြန်လည်လွှတ်မြောက်ရေး ပြည်သူများဆန္ဒပြ

RNA EditorNews, VideoMOD-PDF, NUG, စစ်ကိုင်းတိုင်း, တပ်ရင်းမှူး, ဒီပဲယင်း, ရွှေဘိုခရိုင်, အမှတ် (၂၁) တပ်ရင်း

RNA_ဖေဖော်ဝါရီ(၂၆)၊၂၀၂၅ခုနှစ်။ စစ်ကိုင်းတိုင်း၊ ရွှေဘိုခရိုင် အမှတ် (၂၁) တပ်ရင်းမှ တပ်ရင်းမှူး ဦးတင်မောင်မျိုးဖမ်းဆီးခံထားရသည့်အတွက် တပ်ရင်းမှူးရွာမှ ရွာသူ ရွာသားများက ပြန်လွှတ်ပေးရန် ဖေဖော်ဝါရီလ ၂၄ ရက်နေ့က ကျေးရွာအတွင်း လှည့်လည်ကာ ငြိမ်းချမ်းစွာ ဆန္ဒပြတောင်းဆိုခဲ့ကြောင်း သိရသည်။ ရွှေဘိုခရိုင် အမှတ် (၂၁) မှ တပ်ရင်းမှူး ဦးတင်မောင်မျိုးအား NUG/MOD ရွှေဘိုခရိုင်မှ ၂၀၂၄ခုနှစ် နိုဝင်ဘာလ ၁၆ ရက်နေ့ကတည်းက ဖမ်းဆီးထားခြင်းဖြစ်ကြောင်း၊ ယနေ့ ဖေဖော်ဝါရီ (၂၆) ရက်နေ့အထိ အဆက်အသွယ်မရကြောင်း၊ ခရိုင်မှ ဆင့်ခေါ်သည့်အတွက် သွားရောက်ချိန်တွင် ဖမ်းဆီးထားလိုက်ခြင်း ဖြစ်ကြောင်း တပ်ရင်းမှူးဦး၏ ညီမဖြစ်သူထံမှ သိရသည်။ (more…)

07 Oct

96 Soldiers – PDF အနေဖြင့် (၃) နှစ်အတွင်း မြို့သိမ်းတိုက်ပွဲအပါအဝင် တိုက်ပွဲပေါင်း (၄၇) ပွဲ ဆင်နွှဲခဲ့

RNA EditorUncategorized96 Soldiers -PDF, ကော့ကရိတ်, စခန်းသိမ်းတိုက်ပွဲ, တောင်ပိုင်းစစ်ဒေသ, ဒီပဲယင်း, နွေဦးတော်လှန်ရေး, မြဝတီ, မြို့သိမ်းတိုက်ပွဲ, လက်နက်ကိုင်တော်လှန်ရေး, အညာစစ်ဒေသ, အညာဒေသ

RNA_အောက်တိုဘာ(၇)၊၂၀၂၄ခုနှစ်။ 96 Soldiers - PDF အနေဖြင့် တည်ထောင်ခဲ့သည့် (၃) နှစ်အတွင်း ဒီပဲယင်းမြို့၊ ကော့ကရိတ်မြို့၊ မြဝတီမြို့ မြို့သိမ်းတိုက်ပွဲနှင့် ပျောက်ကြားတိုက်ပွဲ၊ ထိတွေ့တိုက်ပွဲစသည့် တိုက်ပွဲပေါင်း (၄၇) ပွဲ မဟာမိတ်များဖြင့် ပူးပေါ်င်း ဆင်နွှဲခဲ့သည်ဟု သိရသည်။ 96 Soldiers - PDF သည် ၂၀၂၄ ခုနှစ် အောက်တိုဘာ (၆) ရက်နေ့သည် တပ်ဖွဲ့ (၃) နှစ်ပြည့်မြောက်ပြီဖြစ်ကြောင်း၊ တပ်ဖွဲ့အနေဖြင့် တောင်ပိုင်းဒေသနှင့် အညာဒေသဆိုပြီး ဒေသ၂ ခုခွဲပြီး တိုက်ပွဲဝင်နေကြောင်း၊ (၃) နှစ်အတွင်း ရဲဘော် (၈) ဦးကျဆုံးခဲ့ရကြောင်း 96 Soldiers - PDF…

21 Aug

ဒီပဲယင်းမြို့တိုက်ပွဲတွင် အချုပ်သား (၂၀) ဦးနှင့် ပြည်သူ ၇၀ ကျော်ကို ကယ်ထုတ်နိုင်ခဲ့

EditorNewsစစ်ကိုင်းတိုင်း, ဒီပဲယင်း, မြို့သိမ်းတိုက်ပွဲ, ရွှေဘိုခရိုင်

RNA_ဩဂုတ်(၂၁)၊၂၀၂၄ ခုနှစ်။ စစ်ကိုင်းတိုင်း၊ ဒီပဲယင်းမြို့တွင်း တိုက်ပွဲအတွင်း စစ်ကောင်စီဘက်က ၁၈ ဦးသေဆုံးပြီး ပြည်သူ့ကာကွယ်ရေး ရဲဘော် (၄) ဦးကျဆုံးခဲ့ရကာ အချုပ်သား (၂၀) ဦးနှင့် ပြည်သူ ၇၀ ကျော်ကိုယ် ကယ်ထုတ်နိုင်ခဲ့သည်ဟု အမှတ် (၁) စစ်ဒေသက ထုတ်ပြန်ထားသည်။ ဩဂုတ်လ ၁၈ ရက်နေ့က ဒီပဲယင်းမြို့တွင်းရှိ စစ်ကောင်စီတပ်သားများ တပ်စွဲထားသော ရဲစခန်း၊ ထွေအုပ်ရုံး၊ ဝန်ထမ်းအိမ်ရာ၊ ရွှေဇာလီဘုရား၊ စာရင်းစစ်ရုံး၊ ဇွဲစားသောက်ဆိုင်နှင့် အထက ကျောင်းတို့အား တိုက်ခိုက် သိမ်းပိုက်ခြင်းဖြစ်ပြီးနောက် မြို့တွင်းပိတ်မိနေသည့် ပြည်သူများနှင့် ဖမ်းဆီးခံထားရသည့် အချုပ်သားများကို ကယ်ထုတ်နိုင်ခဲ့ခြင်းဖြစ်သည်ဟု သိရသည်။ (more…)

18 Aug

ဒီပဲယင်းမြို့သိမ်းခံရပြီးနောက် စစ်ကောင်စီတပ် အင်အားအလုံးအရင်းဖြင့် ထိုးစစ်ပြန်ဆင်နေ

RNA EditorNewsစစ်ကိုင်းတိုင်း, ဒီပဲယင်း, နွေဦးတော်လှန်ရေး, မြို့သိမ်းတိုက်ပွဲ

RNA_ဩဂုတ်(၁၈)၊၂၀၂၄ ခုနှစ်။ စစ်ကိုင်းတိုင်း၊ ဒီပဲယင်းမြို့ကို ယနေ့ နံနက်ပိုင်းတွင် တော်လှန်ရေးအင်အားစုများက တိုက်ခိူက်သိမ်းပိုက်နိုင်ခဲ့သော်လည်း ညနေပိုင်းတွင် စစ်ကောင်စီတပ်မှ လေကြောင်းအသုံးပြုပြီး အင်အားအလုံးအရင်းဖြင့် ထိုးစစ်ဆင်နေသည့်အတွက် ယနေ့ည မြန်မာစံတော်ချိန် (၆) နာရီ (၃၀) မိိစ်ခန့်အထိ တိုက်ပွဲပြင်းထန်နေကြောင်း Anyar Defense Force ထံမှ သိရသည်။ ယမန်နေ့ နံနက်ပိုင်းတွင် တော်လှန်ရေးအင်အားစုများက ဒီပဲရင်းမြို့ရှိ စစ်ကောင်စီတပ်စွဲထားသော ရဲစခန်း၊ ထွေအုပ်ရုံး၊ တရားရုံးနှင့် ဝန်ထမ်းအိမ်ယာစသည်တို့ကို သိမ်းပိုက်နိုင်ခဲ့ကြောင်း၊ စစ်ကောင်စီတပ် အင်အားအလုံးအရင်းဖြင့် ဝင်ရောက်လာနေသည့်အတိုက် မြို့မပျက်စီးရေးအတွက် တော်လှန်ရေးအင်အားများ ယာယီပြန်ဆုတ်ရနိုင်သည့် အခြေအနေ ဖြစ်ပေါ်နေသည်ဟု တိုက်ပွဲဝင် ရဲဘော်တချို့ထံမှ သိရသည်။ #RedNewsAgency #RNA

26 Jan

ဒီပဲယင်းမြို့နယ်ညောင်လှကျေးရွာ တတိယအကြိမ်မီးရှို့ခံရမှု မြင်ကွင်း

EditorNews, VideoRed News Agency, ကျေးရွာမီးရှို့ခံရ, စစ်ကိုင်းတိုင်း, စစ်ကောင်စီတပ်, ညောင်လှကျေးရွာ, ဒီပဲယင်း

RNA_ဇန်နဝါရီ(၂၆)၊၂၀၂၃ ခုနှစ်။ စစ်ကိုင်းတိုင်း၊ ဒီပဲယင်းမြို့နယ်၊ ညောင်လှကျေးရွာကို အာဏာသိမ်းစစ်ကောင်စီတပ်က ဇန်နဝါရီလ ၂၄ ရက် (၂၅) ရက်နေ့တို့က တတိယအကြိမ်အဖြစ် တရွာလုံးနီးပါးကို မီးရှို့ဖျက်ဆိးခဲ့ကြောင်း မှတ်တမ်းနှင့်တကွ ဒီပဲယင်းမြို့နယ် စစ်ရှောင် ထောက်ပံ့ရေးအဖွဲ့က တင်ပြထားသည်။ [embedyt] https://www.youtube.com/watch?v=b6j5MY0T_CM[/embedyt] Red News Agency