Red News Agency

Independent Journalism for Justice and Human Rights.

Category: သတင်း

  • ပထမဆုံး လုပ်ဆောင်ခဲ့သည့် ကမ္ဘာကျော် သံပုံးတီးကမ်ပိန်း

    ပထမဆုံး လုပ်ဆောင်ခဲ့သည့် ကမ္ဘာကျော် သံပုံးတီးကမ်ပိန်း

    RNA_ဖေဖော်ဝါရီ ၂ ရက်၊ ၂၀၂၂ ခုနှစ်။

    ပြည်သူ့အစိုးရထံက စစ်တပ်အာဏာသိမ်းပြီး ပထမဆုံးလက်တွေ့ ဆန့်ကျင်ဆန္ဒပြခဲ့သည်မှာ ၂၀၂၁ ခုနှစ် ဖေဖော်ဝါရီလ ၂ ရက်နေ့ ည ၈ နာရီ သံပုံးတီးကမ်ပိန်း ဖြစ်သည်။

    စစ်အာဏာရှင်စနစ် အလိုမရှိကြောင်း၊ ဒီမိုကရေစီရေး တိုက်ပွဲဝင်ခဲ့ကြသည့် သံပုံးတီးကမ်ပိန်းသည် ကမ္ဘာကျော်ခဲ့ပြီး၊ ယခုရုပ်သံသည် ရန်ကုန်မြို့ မြောက်ဥက္လာပမြို့နယ်၊ ရပ်ကွက်တခုအတွင်းက ၂၀၂၁ ခုနှစ်၊ ဖေဖော်ဝါရီလ ၂ ရက်နေ့ ည ၈ နာရီမှာ ပြုလုပ်သည့် စစ်အာဏာရှင် ဆန့်ကျင်ရေး သံပုံးတီးမှု မြင်ကွင်း ဖြစ်သည်။

    [embedyt] https://www.youtube.com/watch?v=59I51zc-Zmc[/embedyt]

    ယနေ့သည် စစ်အာဏာရှင်ဆန့်ကျင်ရေး သံပုံးတီးကမ်ပိန်းကစပြီး လက်နက်ကိုင်တော်လှန်ရခရီးကို လျှောက်လှမ်းနေကြသည့် အချိန်ဖြစ်ပြီး၊ စစ်တပ်အာဏာသိမ်းမှုသည် တနှစ်ကြာသည်အထိ အောင်မြင်မှုမရှိကြောင်း၊ လက်နက်ကိုင်တော်လှန်ရေး အောင်မြင်နေသည့် တိုင်းနှင့်ပြည်နယ်တချို့ပါရှိလာပြီး အရှိန်အဟုန်မြှင့် ဆောင်ရွက်နေကြကြောင်း သိရသည်။

    Red News Agency

  • စစ်တပ်အာဏာသိမ်းခဲ့သည့် ၁ နှစ်အတွင်း လူ့အခွင့်အရေးချိုးဖောက်မှုများနှင့် ဆိုးရွားသော ထိခိုက် ကျဆင်းမှုများ

    စစ်တပ်အာဏာသိမ်းခဲ့သည့် ၁ နှစ်အတွင်း လူ့အခွင့်အရေးချိုးဖောက်မှုများနှင့် ဆိုးရွားသော ထိခိုက် ကျဆင်းမှုများ

    ၂၀၂၂ ခုနှစ်၊ ဖေဖော်ဝါရီလ (၁) ရက်။

    အကြမ်းဖက်စစ်ကောင်စီ အာဏာသိမ်းခဲ့သည့် ၁ နှစ်အတွင်းလူ့အခွင့်အရေးချိုးဖောက်မှုများနှင့် ဆိုးရွား သော ထိခိုက် ကျဆင်းမှုများအဖြစ် အမျိုးသားဒီမိုကရေစီအဖွဲ့ချုပ်၊ဗဟိုအလုပ်ကော်မတီက ကြေညာချက်တစ်စောင် ယနေ့ ထုတ်ပြန်ခဲ့သည်။

    အာဏာသိမ်းစစ်ကောင်စီသည် အာဏာသိမ်းခဲ့သည့် တစ်နှစ်တာကာလအတွင်း ရဟန်း၊ ရှင်လူ၊တိုင်းရင်းသား၊ ကျောင်းသား၊ ပြည်သူများ၊ CDM များနှင့်အတူ နိုင်ငံတော်သမ္မတ ဦးဝင်းမြင့်၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် ပါတီခေါင်းဆောင်များ၊ ရွေးကောက်တင်မြှောက်ခံလွှတ်တော် ကိုယ်စားလှယ်များ၊ အစိုးရအဖွဲ့ဝင်များ၊ ပါတီဝင်များကို အဓမ္မဖမ်းဆီးအကျဉ်းချမှုများ၊ ညှဉ်းဆဲသတ်ဖြတ်မှု များစွာလုပ်ဆောင်ခဲ့သည်။

    အမျိုးသားဒီမိုကရေစီအဖွဲ့ချုပ် မှတ်တမ်းကောက်ယူရေးအဖွဲ့၏ ကောက်ယူရရှိသော စာရင်းများအရ အဖွဲ့ချုပ်အဖွဲ့ဝင်များထဲမှလည်း ဖမ်းဆီးအကျဉ်းချခံရသူစုစုပေါင်း (၆၈၆)ဦးတွင် လွှတ်တော်ကိုယ်စားလှယ် (၁၀၇)ဦးပါဝင်ပြီး၊ ညှင်းပမ်းနှိပ်စက်မှုများနှင့် အကျဉ်းထောင်အတွင်း ကျန်းမာရေးစောင့်ရှောက်မှု မလုံလောက်မှုများကြောင့် ကွယ်လွန်သူ လွှတ်တော်ကိုယ်စားလှယ်(၁)ဦး အပါအဝင်စုစုပေါင်း (၁၄)ဦးရှိခဲ့ကြောင်း ထိုကြေညာချက်တွင် ဖော်ပြထားသည်။ (more…)

  • အကြမ်းဖက်စစ်တပ်က ရမ်းကားပစ်ခတ်မူကြောင့် သန်လျင်မှာ အပြစ်မဲ့ပြည်သူတစ်ဦးသေဆုံး

    အကြမ်းဖက်စစ်တပ်က ရမ်းကားပစ်ခတ်မူကြောင့် သန်လျင်မှာ အပြစ်မဲ့ပြည်သူတစ်ဦးသေဆုံး

    RNA_ဖေဖော်ဝါရီ ၁ ရက်၊၂၀၂၂ခုနှစ်။

    ယနေ့ည ၈နာရီ၁၀မိနစ်ခန့်တွင် သန်လျင်မြို့ဗဟိုကျောင်းအရှေ့တွင် အကြမ်းဖက်စစ်တပ်က ရမ်းကားပစ်ခတ်မူကြောင့် အပြစ်မဲ့ပြည်သူတစ်ဦးသေဆုံးသွား​ကြောင်း သိရသည်။

    သိမ်ကျောင်းလမ်း၊ ဗဟိုကျောင်း ရှေ့အနီးမှစစ်ဆေးနေသော အကြမ်းဖက်စစ်တပ်မှ သန်လျင်စျေးနာရီစင်ကနေ တစ်ဦးတည်းဆိုင်ကယ်မောင်း နှင်းလာသော ဟံသာဝတီလမ်းနေ အပြစ်မဲ့ပြည်သူ ကိုဇော်နိုင်ကို အကြမ်းဖက်စစ်တပ်မှ သေနတ်ဖြင့် ၇ချက်ခန့်ပစ်ခတ်ခဲ့သည့်အတွက် ကိုဇော်နိုင်မှာ ဗိုက်တစ်ချက်၊နားထင်ကိုတစ်ချက်ထိမှန်ပြီး အခင်းဖြစ်ပွားသည့်နေရာတွင် သေဆုံးခဲ့ကြောင်း ???????? ???????????? ကသတင်း ထုတ်ပြန်ထားသည်။

    ထိုပစ်ခတ်မူမတိုင်မီ အကြမ်းဖက်စစ်တပ်သည် ရေတပ်ကစစ်သားများဖြစ်ပြီး ဟံသာဝတီလမ်းထိပ်အနီးတွင် စစ်ဆေးနေကြောင်း၊ ထိုရေတပ် စစ်သားများ အရက်အလွန်အကျွံမူးနေကြောင်း၊ တချို့ဆိုင်ကယ်စီးလာသူများအား အင်္ကျီ ချွတ်ခိုင်းကာ စစ်သည်အထိပင် ပြုလုပ်နေကြောင်း ဖြစ်စဥ်ကိုမြင်တွေခဲ့ရသူတစ်ဦးပြောသည်။ (more…)

  • စစ်ကောင်စီတပ် ရမ်းသမ်းပစ်ခတ်သည့်အတွက် အိမ်ထဲနေသည့် (၇) အရွယ်ကလေးငယ် သေနတ်မှန်သေဆုံး

    စစ်ကောင်စီတပ် ရမ်းသမ်းပစ်ခတ်သည့်အတွက် အိမ်ထဲနေသည့် (၇) အရွယ်ကလေးငယ် သေနတ်မှန်သေဆုံး

    RNA_ဖေဖော်ဝါရီ ၁ ရက်၊ ၂၀၂၂ ခုနှစ်။

    ကချင်ပြည်နယ်၊ မြစ်ကြီးနားမြို့၊ လယ်ကုန်းရပ်ကွက် ရဲတပ်ရင်းအနီး ဗုံးပေါက်ကွဲရာ စစ်ကောင်စီတပ်သားရဲများက ရမ်းသမ်းပစ်ခတ်သည့်အတွက် အိမ်ထဲတွင် ဂိမ်းဆော့နေသည့် (၇) နှစ်အရွယ် အစ္စလာမ်ဘာသာဝင် ကလေးငယ် မိုဟမ္မဒ်ဆိုင်ဖွလ္လဟ် (ခ) မောင်ဘုန်းခန့်ထည် ရင်ဘတ် သေနတ်မှန်ကာ သေဆုံးခဲ့ကြောင်း သိရသည်။

    Photo: Credit

    Red News Agency

  • စစ်ကောင်စီတပ်က ဖမ်းဆီးသွားသည့် ပြည်သူ ၇ ဦးတွင် ၂ ဦးသေ၊ ၄ ဦးပျောက်နေပြီး ၁ ဦးသာလွှတ်မြောက်

    စစ်ကောင်စီတပ်က ဖမ်းဆီးသွားသည့် ပြည်သူ ၇ ဦးတွင် ၂ ဦးသေ၊ ၄ ဦးပျောက်နေပြီး ၁ ဦးသာလွှတ်မြောက်

    RNA_ဖေဖော်ဝါရီ ၁ ရက်၊ ၂၀၂၂ ခုနှစ်။

    စစ်ကိုင်းတိုင်း၊ ကနီမြို့နယ်၊ ကင်းကျေးရွာမှ ပြည်သူ (၇) ဦးကို စစ်ကောင်စီတပ် စစ်ကြောင်းက ဖမ်းဆီးခဲ့ရာတွင် ၂ ဦးသေဆုံးပြီး ၄ ဦးပျောက်ဆုံးနေကာ ၁ ဦးသာ လွတ်မြောက်ခဲ့ကြောင်း သိရသည်။

    ချင်းတွင်းမြစ်ကြောင်းတိုင်း ဆန်တက်လာသည့် စစ်ကောင်စီတပ်ရေယာဉ်အုပ်စုမှ စစ်ကြောင်းသည် ဇန်နဝါရီလ ၂၉ ရက်နေ့က ကင်းကျေးရွာရောက်ရှိပြီး ပြည်သူ (၇) ဦးကို ဖမ်းဆီးခဲ့ကြောင်း၊ အသက် ၃၆ နှစ်အရွယ် အမျိုးသားသည် ညှပ်ရိုးနှစ်ဖက်အောက် ထိုးသွင်းမွှေဓားဒဏ်ရာ၊ ကြောထိုးသွင်းမွှေဓားဒဏ်ရာဖြင့် ၁ ဦးသာ ထွက်ပြေးလွတ်မြောက်လာသည်ဟု ကနီ ပြည်သူ့ကာကွယ်ရေးတပ်ဖွဲ့က ‌ယနေ့ထုတ်ပြန်ထားသည်။

    အသက် ၅၈ နှစ်အရွယ်အမျိုးသား လည်ပင်း၊ ဘယ်ဘက်ရင်အုံ ဓားထိုးသွင်းမွှေဒဏ်ရာ ၊ နဖူးမျက်ခုံးပြတ်ရှဒဏ်ရာဖြင့်သေဆုံးနေပြီး၊ အသက် ၂၅ နှစ်အရွယ် အမျိုးသားမှာလည်း လည်ပင်း ဓားဒဏ်ရာဖြင့်သေဆုံးနေကြောင်း၊ အသက် ၅၃ နှစ်၊ အသက် ၃၈ နှစ်၊ အသက် ၃၅ နှစ်အရွယ် အမျိုးသား ၃ ဦးနှင့် အသက် ၃၇ နှစ်အရွယ် အမျိုးသမီး ယခုတိုင် ပျောက်နေဖြစ်ကြောင်း ထုတ်ပြန်ချက်တွင် ဖော်ပြထားသည်။

    ကင်းကျေးရွာမှ ပြည်သူ သေဆုံးနှင့် ပျောက်ဆုံး (၆) ယောက်အပြင် စစ်ကောင်စီစစ်ကြောင်းရောက်ရှိစဉ် ထွက်ပြေးတိမ်းရှောင်နေရပြီး စစ်ကြောင်းထွက်သွားမှ အိမ်ပြန်လာသည့် ကလေးသုံးယောက်၏ မိခင်တစ်ဦးမှာလည်း စစ်ကောင်စီတပ်က မီးဖိုချောင် ကြောင်အိမ်အတွင်း မိုင်းထောင်ထားရာမှ ပေါက်ကွဲပြီး ယနေ့ နံနက်က သေဆုံးသွားကြောင်း သိရသည်။

    Red News Agency

  • စစ်အာဏာရှင်လက်အောက် မနေလို၍ မိမိကိုယ်ကို မီးရှို့ ဆန္ဒပြသူ သေဆုံး

    စစ်အာဏာရှင်လက်အောက် မနေလို၍ မိမိကိုယ်ကို မီးရှို့ ဆန္ဒပြသူ သေဆုံး

    RNA_ဖေဖော်ဝါရီ ၁ ရက်၊ ၂၀၂၂ ခုနှစ်။

    စစ်တပ်အာဏာသိမ်း နှစ်ပတ်လည်နေ့တွင် စစ်အာဏာ ရှင်လက်အောက် မနေလို၍ စစ်အာဏာရှင်ကို အလိုမရှိ ဆန့်ကျင်ကြောင်း မိမိကိုယ်ကို မီးရှို့ ဆန္ဒပြခဲ့သူ မန္တလေးတိုင်း၊ ကျောက်ပန်းတောင်းမြို့က ကိုအောင်အောင် သေဆုံးသွားပြီဖြစ်ကြောင်း သိရသည်။

    ကိုအောင်အောင်သည် စစ်အာဏာရှင်ခေတ် ၂၀၀၁ နှင့် ၂၀၀၂ ခုနှစ်ကို ပြန်မသွားလိုဟုဆိုကာ မိမိကိုယ်မိမိ မီးရှို့ကာ စစ်အာဏာရှင်စနစ် အလိုမရှိကြောင်း ယနေ့ နေ့လည်ပိုင်းက ကျောက်ပန်းတောင်းမြို့ EPC ရုံးအနီးတွင် မိမိကိုယ်သက်သေကာ ဆန္ဒပြခဲ့ခြင်းဖြစ်ပြီး ၂၄ နာရီလုံး အများပြည်သူများ (မူးရင်း များကို + ဟုရေးထား)သာ မီးလင်းပါစေဟု ဆန္ဒပြု စာရွက်ကို ရေးသားခဲ့ကြောင်း သိရသည်။

    စစ်တပ်အာဏာသိမ်းပြီး တနှစ်အတွင်း ပြည်သူ ၁၅၀၀ ကျော်အသတ်ခံထားရပြီး၊ ထောင်ချီပြီး အကျဉ်းထောင်များတွင် ဖမ်းဆီးထားကြောင်း၊ ပြည်သူများ၏ ကျန်းမာရေး စီးပွားရေး အားလုံး ကျဆင်းနေပြီး အာဏာသိမ်း စစ်တပ်သည် ပြည်တွင်းစစ်ကြီးကို ဖော်ဆောင်နေပြီး သိန်းချီသည့် စစ်ဘေးဒုက္ခသည်များ ရှိနေသလို မြို့လုံးကျွတ်နီးပါး အပါအဝင် ရွာလုံး ကျွတ်မီးရှို့ခံနေကြရပြီး ပြည်သူများ မီးရှို့အသတ်ခံရမှုများပါ ရှိနေခြင်း ဖြစ်ကြောင်း သိရသည်။

    Red News Agency

  • အသံတိတ် သပိတ်ပြုလုပ်နေစဉ် စစ်တပ်ထောက်ခံပွဲ ဗုံးပေါက်ကာ သေဆုံးသူများရှိ

    အသံတိတ် သပိတ်ပြုလုပ်နေစဉ် စစ်တပ်ထောက်ခံပွဲ ဗုံးပေါက်ကာ သေဆုံးသူများရှိ

    RNA_ဖေဖော်ဝါရီ ၁ ရက်၊ ၂၀၂၂ ခုနှစ်။

    ဓာတ်ပုံ: ဒေသခံ

    ယနေ့ ကျရောက်သည့် စစ်တပ်အာဏာသိမ်း နှစ်ပတ် လည်နေ့ အများပြည်သူများ အသံတိတ်သပိတ် (Silent Strike) ပြုလုပ်နေကြစဉ် လမ်းပေါ်ထွက်လာသည့် တာချီလိတ်မြို့ အာဏာသိမ်းစစ်တပ်ထောက်ခံသူများ ဗုံးကွဲကွာ အနည်းဆုံးနှစ်ဦး သေဆုံးမှုရှိခဲ့ကြောင်း သိသည်။ (more…)

  • ကရင်နီပြည်မှာ စစ်တပ်အာဏာသိမ်းပြီး ၁ နှစ်အတွင်း စစ်ကောင်စီ အုပ်ချုပ်ရေး ၉၀ ရာခိုင်နှုန်း ရပ်တန့်

    ကရင်နီပြည်မှာ စစ်တပ်အာဏာသိမ်းပြီး ၁ နှစ်အတွင်း စစ်ကောင်စီ အုပ်ချုပ်ရေး ၉၀ ရာခိုင်နှုန်း ရပ်တန့်

    RNA_ဖေဖော်ဝါရီ ၁ ရက်၊ ၂၀၂၂ ခုနှစ်။

    ကရင်နီ (ကယား)ပြည်နယ်၌ စစ်တပ်အာဏာသိမ်းပြီး ၁ နှစ်အတွင်း စစ်ကောင်စီအုပ်ချုပ်ရေး ၉၀ ရာခိုင်နှုန်းအထိ ရပ်တန့်သွားပြီဖ့စ်ကြောင်း ယနေ့တွင် ကရင်နီ အမျိုးသားကာကွယ်ရေးတပ် -KNDF က ထုတ်ပြန်ထားသည်။

    ကရင်နီပြည်နယ် အဝင် အထွက် လမ်းကြောင်းအားလုံးနီးပါးကို ပြည်သူ့ကာကွယ်ရေးတပ်ဖွဲ့များက ထိန်းချုပ်ထားသည့်အတွက် စစ်ကောင်စီတပ်အတွက်လက်နက်နှင့် ရိက္ခာကို ထောက်ပို့လေယာဉ် အသုံးပြုနေရကြောင်း၊ တပြည်နယ်လုံးရှိ ကျေးရွာ (၇၀၀) ကျော်တွင် ရွာလုံးကျွတ် စစ်ဘေးရှောင်ရွာမှအပ ကျေးရွာပေါင်း (၄၀၀) ခန်းတွင် စာသင်ကျောင်း၊ ဆေးပေးခန်းများကို ပြည်သူများက ကိုယ်ထူကိုယ်ထ စီမံအုပ်ချုပ်မှုဖြင့် လည်ပတ်နိုင်ပြီဖြစ်ကြောင်း သိရသည်။

    Red News Agency

  • ပုလဲ မြို့နယ် ပန်းကျေးရွာ နေအိမ်၂၀၀ ဝန်းကျင်ကို စစ်ကောင်စီတပ် မီးရှို့

    ပုလဲ မြို့နယ် ပန်းကျေးရွာ နေအိမ်၂၀၀ ဝန်းကျင်ကို စစ်ကောင်စီတပ် မီးရှို့

    RNA_ဖေဖော်ဝါရီ ၁ ရက်၊ ၂၀၂၂ ခုနှစ်။

    စစ်ကိုင်းတိုင်း၊ ယင်းမာပင်ခရိုင်၊ ပုလဲမြို့နယ် ပန်းကျေးရွာက နေအိမ် ၂၀၀ ဝန်းကျင်ကို စစ်ကောင်စီတပ် စစ်ကြောင်းက ပြီးခဲ့သည့်ည ( ဇန်နဝါရီလ ၃၁ ရက်) က မီးရှို့သွားကြောင်း သိရသည်။

    ” အခုအဲဒီစစ်ကြောင်းက ရွာတွေကို မီးပတ်ရှို့နေတာ ပြည်သူတွေပြေးရတာပေါ့၊ ပထမ မွေ့တုံရွာကိုရှို့တယ် ဘုန်းကြီးကျောင်းပါ မီးထဲပါသွားတာ ပြီးတော့ ပန်းရွာထပ်ရှို့တယ်၊ ပန်းရွာက အိမ်ခြေပိုများတယ်၊ မကွေးတိုင်း မြိုင်ဘက်က ကူးလာတဲ့ စစ်ကြောင်းလို့ ပြောတယ်၊ ရွာသားတွေက ‌စစ်ကြောင်းလာတာနဲ့ပြေးလွှားနေရပြီ ရွာထဲရောက်တော့ မိုက်တိုက်တော့တာပဲ” ဟု ပုလဲမြို့နယ် ဒေသခံ တဦးက ပြောသည်။

    စစ်ကောင်စီတပ်သည် စစ်ကိုင်းတိုင်းအတွင်းက ကျေးရွာများကို ရောက်ရှိလာပါက အငြိုးအတေးနှင့် မီးရှို့နေခြင်းဖြစ်ကြောင်း၊ မွေ့တုံကျေးရွာနှင့် ပန်းကျေးရွာအနီးတို့တွင် တိုက်ပွဲဖြစ်ပွားခြင်းမရှိကြောင်း ဒေသခံများထံက သိရသည်။

    Red News Agency

  • PDF များ၏ ဝန်းရံမှုဖြင့် ပြည်သူများ၏ အာရုဏ်ဦးသပိတ်

    PDF များ၏ ဝန်းရံမှုဖြင့် ပြည်သူများ၏ အာရုဏ်ဦးသပိတ်

    RNA_ဖေဖော်ဝါရီ ၁ ရက်၊ ၂၀၂၂ ခုနှစ်။

    Photo: CJ ပေးပို့

    စစ်ကိုင်းတိုင်း၊ ဆားလင်းကြီးမြို့နယ်တွင် မုံရွာတက္ကသိုလ် ကျောင်းသားများသမဂ္ဂနှင့် လက်ပံတောင်းတောင်ပင်မသပိတ်စစ်ကြောင်းတို့ ပူးပေါင်း၍ ယနေ့ နံနက်စောစော အာရုဏ်ဦးသပိတ်စစ်ကြောင်းဖြင့် စစ်အာဏာရှင်ဆန့်ကျင်ရေး ဆန္ဒပြခဲ့ကြရာ ဆားလင်းကြီး PDFများမှ ဝန်းရံအားဖြည့်ပေးခဲ့ကြောင်း သိရသည်။

    Red News Agency