RNA_ဧပြီ(၁၉)၊၂၀၂၅ခုနှစ်။
မွန်ပြည်နယ်၊ ကျိုက်ထိုမြို့နယ်၊ ကျိုက်ထီးရိုးတောင်ခြေရှိ ကင်မွန်းချောင်းကျေးရွာ ကဒက်ချောင်းရေတံခွန်မှာ ဧပြီလ ၁၅ ရက်နေ့က ဖမ်းဆီးရမိခဲ့သော ပျူများသည် ရက်ရက်စက်စက်ကျူးလွန်သော ပြစ်မှုများစွာ ပြုလုပ်ထားသည့်အတွက် အရေးယူမည်ဟု အမှတ် (၂၇) စစ်ဗျူဟာ တာဝန်ခံက ပြည့်ပြည့်စုံစုံပြောပြထားသည်။
#RedNewsAgency #REDNEWS #REDNEWS
RNA_ဒီဇင်ဘာ(၂၃)၊၂၀၂၄ခုနှစ်။
မန္တလေးတိုင်း၊ ဝမ်းတွင်းမြို့နယ်၊ တမာကန်ကျေးရွာမှာ စစ်ကောင်စီလက်အောက်ခံတွင် တာဝန်ထမ်းဆောင်နေသော အုပ်ချုပ်ရေးမှူး မောင်လွင်သည် ၃ ကြိမ်မြောက် လုပ်ကြံခံရပြီး သေဆုံးသွားပြီဖြစ်ကြောင်း သိရသည်။
တမာကန်ကျေးရွာအုပ်ချုပ်ရေးမှူးသည် ယခင်က (၂) ကြိမ်လုပ်ကြံခံခဲ့ရကြောင်း၊ သေနတ်ပစ်ခံထားရသည့်အတွက် ဝမ်းအတွင်း (ဗိုက်) မှ ကျည်ဆံမထုတ်ရသေးခင် ဒီဇင်ဘာ ၂၂ ရက်နေ့က ထပ်မံလုပ်ကြံခံရသည့်အတွက် ဇနီးနှင့်သားတို့ပါ အတူတကွ သေဆုံးသွားပြီဖြစ်ကြောင်း၊ ဝမ်းတွင်းမြို့နယ်အခြေစိုက် Wundwin Township Revolution Force (WTRF) ရဲဘော်များက ရှင်းလင်းသွားသည်ဟု ဒေသခံများထံမှ သိရသည်။
“ရှမ်းမြောက်က တစ်ကျော့ပြန်စစ်ပွဲတွေအတွင်း အသုံးပြုရန်အတွက် အခုမှ သင်တန်းဆင်းခါစ စစ်မှုထမ်းအပတ်စဥ် ၁ အဖွဲ့တွေနဲ့ ပျူစောထီးအင်အားထောင်ချီကို လားရှိုး၊ ပြင်ဦးလွင်ဘက်သို့ပို့ဆောင်ထားတယ်လို့သိရပါတယ်”
ချမ်းမင်း
ဒီရက်ပိုင်း ရှမ်းမြောက်ကစစ်ပွဲတွေနဲ့ ပတ်သတ်ပြီး အကြမ်းဖက်စစ်တပ်အနေနဲ့ အတော်လေး ရတက်မအေးတဲ့ခံစားချက်မျိုး ခံစားနေရတာကို တွေ့လာရပါတယ်။ အထူးသဖြင့် စစ်တပ်ဘက်က အစဥ်တစိုက်ရပ်တည်ခဲ့ပြီး လော်ဘီလုပ်ပေးနေတဲ့ သဇင်ဦး၊ ကျော်မျိုးမင်းနဲ့ ကျော်စိုးဦးတို့လို စစ်တပ်လော်ဘီတွေကိုယ်တိုင်တောင် ယခုတစ်ကြိမ်မှာတော့ ၁၀၂၇ စစ်ဆင်ရေးတုန်းကလို စကားကို အကုန်မပြောတော့ဘဲ စစ်တပ်က အရေးနိမ့်နေကြောင်းတွေ၊ အနီးစပ်ဆုံး နောင်ချိုမြို့တိုက်ပွဲမှာဆိုရင်လည်း မြို့ကျဖို့အတော်လေးနီးစပ်နေကြောင်းတွေကို သူတို့ကိုယ်တိုင်ပင်ထုတ်ပြောလာပြီး မင်းအောင်လှိုင်တို့အုပ်စုရဲ့ လုပ်ရည်ကိုင်ရည်ကို မသိမသာဖြင့်မေးခွန်းထုတ်ပြောဆိုမှုတွေပြုလုပ်ခဲ့တယ်ဆိုတာကိုလည်း သတိထားမိပါတယ်။
၂၀၂၁ ခုနှစ်နွေဦးတော်လှန်ရေးအစမှသည် ၁၀၂၇ စစ်ဆင်ရေးမတိုင်မီအထိ ပြည်သူတွေနဲ့ တော်လှန်ရေးရဲဘော်တွေကို စစ်တပ်လော်ဘီတွေမှအစဥ်အဆက်ပင် ခုထိဘယ်နှစ်မြို့သိမ်းပြီးပြီလည်း၊ အရေးကြီးတဲ့တပ်စခန်း၊ ဗျူဟာမြောက်စခန်းဘယ်နှစ်ခုကို သိမ်းပြီးပြီမို့လဲ ဆိုတဲ့မေးခွန်းတွေထုတ်ကာ လှောင်ပြောင်မှုတွေပြုလုပ်ခဲ့ပါတယ်။ ဒါပေမဲ့ မြောက်ပိုင်းညီနောင်သုံးဖွဲ့ရဲ့ ဗျူဟာမြောက်ထိုးစစ်စတင်ခဲ့တဲ့ ၁၀၂၇ စစ်ဆင်ရေး အတွင်းမှာတော့ စစ်တပ်ရဲ့ဗျူဟာမြောက်စခန်းတွေ ရာနဲ့ချီ၊ ကုန်သွယ် ရေး၊ စစ်ရေးအရအရေးပါတဲ့မြို့တွေ ဆယ်ဂဏာန်းထပ်မနည်း သိမ်းပိုက်ပြနိုင်ခဲ့တဲ့အပြင် အဆစ်အနေဖြင့် စစ်တပ်ရဲ့တိုက်ခိုက်ရေး တပ်မမှူး၊ တပ်ရင်းမှူး၊ ဗျူဟာမှူးတွေကိုပါ အရှင်ဖမ်းဆီးတာတွေ၊ စစ်မြေပြင်အတွင်း ရှင်းလင်းတာတွေပြုလုပ်နိုင်ခဲ့တာအားလုံးအသိပါ။
RNA_စက်တင်ဘာ(၁၇)၊၂၀၂၃ ခုနှစ်။
မကွေးတိုင်း၊ ဂန့်ဂေါမြို့နယ်မှာ စက်တင်ဘာလ ၁၆ ရက်နေ့ ညပိုင်းက စစ်ကောင်စီတပ် ပစ်ခတ်သည့် လက်နက်ကြီး မြင်သားရွာအတွင်း ကျရောက်ပေါက်ကွဲကာ စစ်ဘေးရှောင် ဇနီးမောင်နှံတို့ သေဆုံးခဲ့ရပြီး ဒေသခံ ၇ ဦး ဒဏ်ရာရရှိခဲ့ကြောင်း သိရသည်။
မြောက်ခင်ရန်းကျေးရွာမှ စစ်ကောင်စီတပ်နှင့် ပျူစောထီးများက ၁၂၀ မမ လက်နက်ကြီးဖြင့် ၂ ကြိမ်ပစ်ခတ်ခဲ့ကြောင်း၊ သေဆုံးခဲ့သည့် ဇနီးမောင်နှံမှာ တောင်ခင်ရမ်းကျေးရွာမှ စစ်ဘေးရှောင်ရန် ရောက်ရှိနေသူများဖြစ်ကြောင်း သိရသည်။
RNA_ဖားကန့်၊ဇူလိုင်၂၆ ရက်၊၂၀၂၃ ခုနှစ်။
ဖားကန့်မြို့နယ်၊ ဆိပ်မူကျေးရွာအုပ်စုအတွင်း ပစ်ခတ်ရေးအဖွဲ့ကဟုဆိုကာ စားသောက်ဆိုင်များ၊ လက္ဖက်ရည်ဆိုင်များ၊ ကုန်မာဆိုင်၊ ဆေးဆိုင်၊ ကိတ်မုန့်လုပ်ငန်းဆိုင်နှင့် အလှပြင်ပစ္စည်းဆိုင်များပါမကျန် ခြိမ်းခြောက်ငွေညစ်မှုများ ဇူလိုင်လအတွင်း ထပ်မံဖြစ်ပေါ်နေသည့်အတွက် ဖားကန့် PDF က ဖော်ထုတ်အရေးယူမည်ဖြစ်ကြောင်း သိရသည်။
ယခင်က ပျူစောထီးအဖွဲ့မှ ဗိုလ်စောမောင်ဆိုသူ ဇွန်လအတွင်း စတင်ပေါ်ပေါက်လာပြီး ခြိမ်းခြောက်ငွေညစ်တောင်းသော်လည်း ယခုအခါ ပစ်ခတ်ရေးအဖွဲ့ကဟုဆိုကာ ထပ်မံ ခြိမ်းခြောက် တောင်းဆိုမှုများ ပေါ်ပေါက်လာခြင်းဖြစ်သည်။
ပြည်သူများအပေါ် တောင်းတဲ့ငွေပေးရင်ပေး မပေးပါက တစ်မိသားစုလုံးသတ်ပစ်မည်ဟု ခြိမ်းခြောက်ငွေညစ်နေသည့် ပျူစောထီးနာမည်ခံထားသည့် အဖွဲ့နှင့် ပစ်ခတ်ရေးနာမည်ခံထားသည့်အဖွဲ့တို့အား ဖော်ထုတ်ဖမ်းဆီးရမိရေး ဆောင်ရွက်နေကြောင်း ဖားကန့်ပြည်သူ့ကာကွယ်ရေးတပ်ဖွဲ့ ရဲဘော်တစ်ဦးက ပြောသည်။
RNA_ဇူလိုင်(၂၀)၊၂၀၂၃ ခုနှစ်။
မကွေးတိုင်း၊ မြိုင်မြို့နယ်၊ ဝက်ပုတ်ကျေးရွာရှိ စစ်ကောင်စီလက်အောက်ခံ ပျူစခန်းကို ဒေသခံပြည်သူ့ကာကွယ်ရေးတပ်ဖွဲ့များပူးပေါင်းကာ အာဇာနည်နေ့အထိမ်အမှတ်အဖြစ် ဇူလိုင် ၁၉ ရက်နေ့က ၆၀ မမ၊ ၁၂၀ မမ များဖြင့် အချက်ရေ ၁၅၀ ကျော်ပစ်ခတ်တိုက်ခိုက်ခဲ့ကြောင်း သိရသည်။
စစ်ကောင်စီလက်အောက်ခံများ သေဆုံးနှင့်ထိခိုက်ဒဏ်ရာရစာရင်းကို အတိအကျမသိရှိရသေးကြောင်း၊ အာဇာနည်နေ့တွင် ဗိုလ်ချုပ်အောင်ဆန်းနှင့်တကွ ကျဆုံးသွားသော အာဇာနည်ခေါင်းဆောင်ကြီးများ၊ တော်လှန်ရး အဆက်ဆက်တွင် အသက်ပေးသွားကြသော အာဇာနည်အပေါင်းအား အောက်မေ့ ဂုဏ်ပြုသောအားဖြင့် တိုက်ပွဲဖော်ဆောင်ခဲ့ခြင်းဖြစ်ကြောင်း Myaing Underground Defence Force – MUGDF က ထုတ်ပြန်ထားသည်။
“ကျူးဘားနိုင်ငံ တော်လှန်ရေးတွင်လည်း ပျူစောထီးကဲ့သို့ သတင်းပေးဒလန်များကို ခရီးလမ်းတလျှောက် အရေးယူ ရှင်းလင်းပြီးမှသာ ပြည်သူ့ရဲဘော်များက နယ်မြေစိုးမိုးမှု အပြည့်အဝ ရယူနိုင်ခဲ့”
မေဇော်
စစ်ကိုင်းတိုင်းသည် ဒေသခံလူထု၏ လက်နက်ကိုင်တော်လှန်ရေး အင်အားကောင်းရာ နယ်မြေဖြစ်သဖြင့် စစ်ကောင်စီတပ်၏ အထူးမျက်စိကျရာဒေသဖြစ်သည်။နေ့စဉ်နီးပါး ဆိုသလိုပင် စစ်ကိုင်းတိုင်းအတွင်းရှိ ကျေးရွာများတွင် နေထိုင်သူ ပြည်သူများမှာ အသက်လုကာ အိုးအိမ်စွန့်ပြီး ထွက်ပြေးနေရသည်။ ယခင်ကဆိုလျှင် တရွာပြေးလျှင် နောက်တရွာက ကူညီ ခေါ်ယူကျွေးမွေးထားနိုင်သည့် အခြေအနေ၊ သို့သော် ယခုအခါ ရွာအားလုံးနီးပါး စစ်ကောင်စီ၊ ပျူစောထီးနှင့် ပြည်သူ့စစ်များ လက်ချက်ကြောင့် ပြာပုံနီးနီး ဖြစ်ခဲ့ရပြီ ။
ယခုအခါလည်း စစ်ကိုင်းတိုင်း၊ ခင်ဦးမြို့နယ် အနောက်ခြမ်းမှ ချမ်းသာကြီးနှင့် မြကန်ကျေးရွာ အနီးတဝိုက် ကျေးရွာများရှိ ပြည်သူ ၆၀၀၀ ဝန်းကျင်သည် စစ်ဘေးရှောင်နေကြရပြန်သည်။ အကြောင်းမှာ ပျူစောထီးများက ရွာများထဲသို့ ဝင်ရောက်သောင်းကျန်းနေကြခြင်းဖြစ်၏။ နေအိမ်များကို မီးရှို့ပြီး လယ်စိုက်နေကြသည့် ပြည်သူများကို ပါသတ်ဖြတ်ခဲ့သည်။ စစ်ကောင်စီ ထောက်တိုင် ပျူစောထီးများမှာ ရိက္ခာပြတ်လတ်မှုကို ကြုံတွေ့နေရပြီး ပြည်သူများ၏ ပစ္စည်းများ စားသောက်ကုန်များ ဝင်ရောက်လုယက်ကြခြင်းဖြစ်သည်။
စစ်ကောင်စီ၏ နယ်ခံဒလန်များ ဖြစ်ကြသည့် ပျူစောထီးများသည် ဒေသခံလူထုသေကြေပျက်စီးရသည့် အဓိက တရားခံပင်ဖြစ်သည်။ စစ်ကောင်စီတပ်များမှာ တာဝန်ကျရာ နေရာသို့ ရွှေ့ပြောင်းထမ်းဆောင်ရသည့်အတွက် နယ်မြေမကျွမ်းကျင်ကြ။ ထိုအတွက် စစ်ကြောင်းထိုးပါက ဒေသခံဒလန်များဖြစ်သည့် ပျူစောထီးများ၊ ပြည်သူ့ စစ်များနှင့် ပူးပေါင်းလှုပ်ရှားလေ့ရှိသည်။ ပျူများမှာ စစ်ကောင်စီ စစ်ကြောင်းများ လာရောက်ပါက တအိမ်တက်တအိမ်ဆင်း လက်ညှိုးထိုးကာ လမ်းပြခေါ်ဆောင်လေ့ရှိသည်။ ပျူများ၏ သတင်းပေးမှုကြောင့် သတ်ဖြတ်ခံခဲ့ရသော လူငယ်၊ လူကြီး၊ ကလေး အရွယ်စုံရှိခဲ့သည်။
RNA_ဖားကန့်၊ ဇွန်လ ၂၀ ရက်၊ ၂၀၂၃ ခုနှစ်။
ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအုပ်စု၊ မမုံကျေးရွာမှ နေခြည်ဆည်းဆာ လက္ဖက်ရည်ဆိုင်ပိုင်ရှင်အား ပျူစောထီးအဖွဲ့ကဟုဆိုကာ ဖုန်းဆက်ခြိမ်းခြောက်ပြီး ငွေဆယ်သိန်းတောင်းခံကြောင်း သိရသည်။
ဇွန်လ ၁၇ ရက် စနေနေ့ မနက် ၁၀ နာရီ ၄၀ အထိ ဖုန်းခြောက်ကြိမ်ခေါ်ထားသည့်အတွက် ၁၂ နာရီဝန်းကျင်ခန့်တွင် ဖုန်းပြန်ခေါ်ရာ “ငါက ပျူစောထီးအဖွဲ့က ဗိုလ်စောမောင်ပဲ၊ မင်းအခွန်ဆောင်ရမယ်၊ ငွေဆယ်သိန်းကို မင်းကိုယ်တိုင်လာပေးရမယ်၊ မပေးရင် မင်းအသက်လာယူမယ်”ဟု ခြိမ်းခြောက်ခဲ့ကြောင်း လက္ဖက်ရည်ဆိုင်ပိုင်ရှင် ကိုဇော်ကြီးက ပြောသည်။
ငွေကို ဖားပြင်ကျေးရွာအနီးစခန်းကို လာပေးရမည်ဟုပြောပြီး လူကိုယ်တိုင်မလာရဲပါက Wave Money ဖြင့် ခုနှစ်သိန်းလွှဲပေးရမည်ဟု နောက်တစ်ကြိမ် ထပ်မံဖုန်းဆက်ခဲ့ကြောင်း သိရသည်။
RNA_ဖေဖော်ဝါရီ(၂၃)၊၂၀၂၃ ခုနှစ်။
ရန်ကုန်တိုင်း၊ လှည်းကူးမြို့နယ်၊ ရိပ်သာရပ်ကွက်အတွင်း (၃) နှစ်အရွယ် ကလေးငယ်အပါအဝင် (၅) ဦးသတ်ခံရမှုတွင် ကျူးလွန်သူများကို စုံစမ်းဖော်ထုတ်ပြီး ထိရောက်စွာ အရေးယူမည်ဟု လှည်းကူးမြို့နယ် ပြည်သူ့ကာကွယ်ရေးတပ်ဖွဲ့က ယနေ့ ထုတ်ပြန်ထားသည်။
လှည်းကူးမြို့၊ ရိပ်သာရပ်ကွက်၊ ၁/န (၄) လမ်းသွယ်တွင် နေထိုင်သည့် ငါးခြောက်၊ ပုစွန်ခြောက် ရောင်းဝယ်ရေး လုပ်ကိုင်သူများဖြစ်သည့် ဒေါ်စန်းနွဲ့၊ ကိုမောင်မောင်၊ မဝင်းနွယ်၊ မဝင်းနွယ်၏ အသက် (၃) နှစ်အရွယ်သားနှင့် ဧည့်သည်ဖြစ်သည့် အသက် (၈၅) နှစ်အရွယ် အမျိုးသား (၁) ဦးတို့ ဖေဖော်ဝါရီလ ၂၂ ရက်နေ့ ည (၈) နာရီဝန်းကျင်က လူတစုရောက်ရှိလာပြီး ပစ်ခတ်သတ်ဖြတ်သွားခြင်း ဖြစ်သည်။