RNA_ဇန်နဝါရီ(၁၈)၊၂၀၂၅ခုနှစ်။
ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ တစ်ပတ်အတွင်း တိုက်ပွဲများတွင် စစ်ကောင်စီတပ်သား (၂၈) ဦးသေဆုံးပြီး (၄၅) ဦးနှင့်အထက် ဒဏ်ရာရရှိခဲ့သည်ဟု တောင်ပိုင်းစစ်ဒေသမှ ယနေ့ ထုတ်ပြန်ထားသည်။
Author: RNA Editor
-
KNDF အမှတ် (၈) ဗျူဟာ အပတ်စဉ် (၆) သင်တန်းဆင်းရဲဘော်များတွင်အမျိုးသမီး (၃၀) ရာခိုင်နှုန်းပါဝင်
RNA_ဇန်နဝါရီ(၁၈)၊၂၀၂၅ ခုနှစ်။
ကရင်နီ အမျိုးသားများကာကွယ်ရေးတပ် (KNDF) အမှတ် (၈) ဗျူဟာမှ ပြုလုပ်သော အပတ်စဉ် (၆) သင်တန်းဆင်းရဲဘော် (၁၀၀) ကျော်ရှိရာတွင် အမျိုးသမီး (၃၀) ရာခိုင်နှုန်းပါဝင်ပြီး အမျိုးသားများနှင့်တန်းတူ သင်တန်းတက်ရောက် အောင်မြင်ခဲ့သည်ဟု သိရသည်။
အမှတ်(၈ )ဗျူဟာ၏ လက်အောက်ခံ တပ်ရင်းအသီးသီးရှိ သင်တန်းသား (၁၀၀) ကျော်တက်အောက်ခဲ့သော အပတ်စဉ် (၆) သင်တန်းဆင်းပွဲကို ကရင်နီပြည်ရှိ လွတ်မြောက်နယ်မြေ တစ်နေရာ၌ ဇန်နဝါရီလ (၁၆) ရက်နေ့ နံနက် (၉) နာရီက ကျင်းပခဲ့ကြောင်း၊ သင်တန်းဆင်း ရဲဘော်များအနေဖြင့် စစ်ရေးအခြေစိုက် ဒေသများတွင် တာဝန်ထမ်းဆောင်ကြမည်ဖြစ်ကြောင်း KNDF Tactical Opreation Command – 8 ကထုတ်ပြန်ထားသည်။
-
NUG စိုးမိုးနယ်မြေအတွင်း အုပ်ချုပ်ရေး လစ်ဟာနေသော ရပ်ကျေး/ အုပ်စု တာဝန်ခံများ ပြန်လည်ရွေးချယ်
RNA_ဇန်နဝါရီ(၁၈)၊၂၀၂၅ ခုနှစ်။
စစ်ကိုင်းတိုင်း၊ မော်လိုက်ခရိုင်၊ ဖောင်းပြင်မြို့နယ်၊ NUG စိုးမိုးနယ်မြေအတွင်းရှိ အုပ်ချုပ်ရေးလစ်ဟာနေသော ကျေးရွာ (၅) ရွာတွင် ရပ်ကျေး/အုပ်စု တာဝန်ခံများ ဇန်နဝါရီလ (၁၇) ရက်နေ့က ပြန်လည်ရွေးချယ်ပေးခဲ့ကြောင်း နွေဦး-ဖောင်းပြင် ထံမှ သိရသည်။
ဖောင်းပြင်မြို့နယ်ပြည်သူ့အုပ်ရေးအဖွဲ့၏ တာဝန်ပေးချက်အရ ဖောင်းပြင်မြို့နယ်တောင်ပိုင်း ပေါင်းစပ်ညှိနှိုင်းစီမံရေးအဖွဲ့ နှင့်ဖောင်းပြင်မြို့နယ် ပြည်သူ့အုပ်ချုပ်ရေး နာယက၊ သက်ဆိုင်ရာတိုက်နယ်အဖွဲ့အစည်းတာဝန်ရှိသူများက ပြည်သူလူထုများနှင့် တွေ့ဆုံပြီး လစ်ဟာနေသော ကျေးရွာ (၅) ရွာတွင် ရပ်ကျေးတာဝန်ခံ (၅) ဦးနှင့် အုပ်စုတာဝန်ခံ (၃) ဦးတို့ကို ရွေးချယ်ပေးခဲ့ခြင်းဖြစ်သည်။ -
ပအိုဝ်းပြည်သူ့စစ် (PNA) အဖွဲ့က လက်နက်ကြီးပစ်ခတ်သည့်အတွက် အသက် (၆) နှစ်အရွယ် စစ်ဘေးရှောင်ကလေးငယ် တစ်ဦးအပါအဝင် (၃) ဦးသေဆုံးပြီး (၁၄) ဦးဒဏ်ရာရ
RNA_ဇန်နဝါရီ(၁၈)၊၂၀၂၅ခုနှစ်။
ရှမ်းပြည်နယ် (အရှေ့ပိုင်း) ညောင်ရွှေမြို့နယ်၊ ရေပူဘုရားတောင်ကျေးရွာအုပ်စု၊ ရေပူးကျေးရွာမှ စစ်ဘေးရှောင်များနေထိုင်ရာ နေရာသို့ ပအိုဝ်းပြည်သူ့စစ် (PNA)တပ်ဖွဲ့ဝင်များက ဇန်နဝါရီလ (၁၇) ရက်နေ့ နေ့လယ် (၁) နာရီ (၂၀) မိနစ်ခန့်က လက်နက်ကြီးပစ်ခတ်သည့်အတွက် အသက် (၆) နှစ်အရွယ် နန်းအေးမြင့်သန်းအပါအဝင် (၃) ဦးသေဆုံးပြီး (၁၄) ဦးအပြင်းအထန် ဒဏ်ရာရရှိသည်ဟု အင်းလေးလူထုလှုပ်ရှားမှုထံမှ သိရသည်။
အသက် (၆) နှစ်အရွယ် အေးဖြင့်သန်းသည် ဦးခေါင်း လက်နက်ကြီးထိမှန်ကာ နေရာတွင် သေဆုံးပြီး၊ ခွန်သိန်းအောင် (အသက်-၂၈ နှစ်)၊ ဦးစိုင်း (အသက် – ၅၅ နှစ်) တို့ ထပ်မံသေဆုံးကာ ၁၄ ဦး အပြင်းအထန် ဒဏ်ရာရရှိသည့်အတွက် စံကားဆေးရုံ၊ နမ့်ပန်ဆေးရုံနှင့် အောင်ပန်းဆေးရုံများသို့ ပို့ဆောင်ထားကြောင်း သိရသည်။
-
နိုင်ငံရေးအကျဉ်းသား ကိုသူရအောင် နှလုံးနှင့်ပတ်သက်သော ရောဂါမရှိသော်လည်း နှလုံးဖောက်သေဆုံးဟု ထောင်အာဏာပိုင်များပြော
RNA_ဇန်နဝါရီ(၁၇)၊၂၀၂၅ ခုနှစ်။
ပဲခူးတိုင်း၊ သာယာဝတီမြို့ရှိ အကျဉ်းထောင်တွင် လက်နက်ပုဒ်မ ၂၃ (က)ဖြင့် စစ်ခုံရုံးမှ ထောင်ဒဏ်(၃)နှစ် အပြစ်ချမှတ်ခံထားရသည့် အသက်(၃၂)နှစ်အရွယ် နိုင်ငံရေးအကျဉ်းသား ကိုသူရအောင် (ခ) ကိုကုလားကြီးသည် နှလုံးနှင့် ပတ်သက်သော ရောဂါမရှိသော်လည်းဇန်နဝါရီလ (၅) ရက်နေ့က ရုတ်တရက်နှလုံးဖောက်ရောဂါကြောင့် ကျဆုံးခဲ့ရသည်ဟု ထောင်အာဏာပိုင်များက ပြောကြားထားသည်ဟု မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)က ယနေ့ ထုတ်ပြန်ထားသည်။
Photo : PPNM -
(၂) ရက် တိုက်ပွဲအတွင်း စစ်ကောင်စီတပ်သား (၁၂) ဦး ဖမ်းဆီးရမိ
RNA_ဇန်နဝါရီ(၁၆)၊၂၀၂၅ ခုနှစ်။
အမ်းမြို့နယ်မှထွက်ပြေးလာသော စစ်ကောင်စီတပ်သားများကို ဇန်နဝါရီလ (၁၃) ရက်နှင့် (၁၄) ရက်နေ့တို့တွင် ငဖဲမြို့နယ် အတွင်းမှ ချင်းကာကွယ်ရေးတပ် – အရှို ရဲဘော်များက ပိတ်ဆို့တိုက်ခိုက်ရာ စစ်ကောင်စီတပ်သား (၁၂) ဦး အရှင်ဖမ်းဆီးရမိကြောင်း သိရသည်။
-
ဖောင်းပြင်မြို့နယ် NUG စိုးမိုးနယ်မြေများတွင် လစ်ဟာနေသော ရပ်ကျေး/ အုပ်စုများ ပြန်လည်ဖွဲ့စည်းမည်
RNA_ဇန်နဝါရီလ(၁၆)၊၂၀၂၅ခုနှစ်။စစ်ကိုင်းတိုင်း၊ မော်လိုက်ခရိုင်၊ ဖောင်းပြင်မြို့နယ်တောင်ပိုင်းရှိ အုပ်ချုပ်ရေး လစ်ဟာနေသော NUG စိုးမိုးနယ်မြေ ကျေးရွာ အုပ်စုများကို မြို့နယ်အုပ်ချုပ်ရေးအဖွဲ့မှ တာဝန်ပေးချက်အရ ဖောင်းပြင်မြို့နယ်တောင်ပိုင်း ပေါင်းစပ်ညှိနှိုင်းစီမံအုပ်ချုပ်ရေးမှ မကြာမီ ပြည်လည်ဖွဲ့စည်းသွားမည်ဖြစ်ကြောင်း နွေဦး-(ဖောင်းပြင်) ထံမှ သိရသည်။NUG စိုးမိုးနယ်မြေအတွင်းမှ လစ်ဟာနေသော ကျေးရွာအုပ်စုများကို လွန်ခဲ့သောလပတ် အစည်းအဝေးများတွင် သက်ဆိုင်ရာတိုက်နယ် တာဝန်ခံများက တင်ပြခဲ့သော်လည်း အချိန်မှီ ဖွဲ့စည်းပေးနိုင်ခြင်းမရှိသေးကြောင်း၊ ယခုလပတ် အလွှာစုံအစည်းအဝေးထိရောက်ရှိခဲ့ပြီပြီး မကြာမီ ဖွဲ့စည်းရန် သဘောတူမှု ရရှိထားပြီဟု ၎င်းထံမှ သိရသည်။ရပ်ကျေးနှင့်အုပ်စုများ လိုအပ်နေသော အုပ်ချုပ်ရေးကို ပြီးခဲ့သည့်လများမှာ မဖွဲ့အစည်းနိုင်သောကြောင့် စစ်ရေးဆိုင်ရာ ထောက်ပို့ကိစ္စများတွင် များစွာလစ်ဟာခဲ့ကြောင်း၊ တပ်ရင်း ထောက်ပို့စီစဥ်ရေး အဖွဲ့က မှတ်ချက်ပြုခဲ့သည့်အတွက် တော်လှန်ရေးကာလ ဖြစ်သောကြောင့် နောက်နောင်ယခုကဲ့သို့ အလားတူ ကိစ္စများမပေါ်လာစေရန်အတွက် အမြန်ဖွဲ့စည်းစေလိုကြောင်း ဖောင်းပြင်မြို့နယ် တောင်ပိုင်းပေါင်းစပ်ညှိ နှိုင်းစီမံအုပ်ချုပ်ရေးအဖွဲ့အား PDF ရဲဘော်များက ထောက်ပြခဲ့သည့်အတွက် မကြာမီ ပြန်လည်ဖွဲ့စည်းတော့မည်ဖြစ်ကြောင်း သိရသည်။#RedNewsAgency #RNA #REDNEWS -
ဖားကန့် ရွှံ့နွံပေါက်ကျမှုအတွင်း (၁၀) နှစ်အောက် ကလေးငယ် (၆) ဦးအပါအဝင် (၃၂) ဦးသေဆုံး
RNA_ဖားကန့်၊ ဇန်နဝါရီ(၁၅)၊ ၂၀၂၅ ခုနှစ်။
ဖားကန့်မြို့နယ်၊ ဆိပ်မူကျေးရွာအုပ်စု၊ စပေါ့ကျေးရွာအနီး ကျောက်စိမ်းတူးဖော်နေသော ရတနာအဓိပတိ (ဒေသအခေါ် ) ကုမ္ပဏီလုပ်ကွက်မှ ရွှံ့နွံကန် ပေါက်ထွက်ပြီး ရပ်ကွက်နေအိမ်များပေါ်ဖုံးလွှမ်းခဲ့သည့်ဖြစ်စဉ်အတွင်း အသက် (၁၀) နှစ်အောက် ကလေးငယ် (၆) ဦးအပါအဝင် (၃၂) ဦးသေဆုံးကြောင်း အတည်ပြုပြီး အလောင်းရှာဖွေမှုများကို ယနေ့ လမ်းဟောင်းပေါ်သွားသည့်အတွက် ရပ်လိုက်ပြီဖြစ်ကြောင်း သိရသည်။
-
ပသုံးလုံး ပြုပြင်ပြောင်းလဲဲရေး အလုပ်ဖြစ်ရုံမျှထက် ပိုသင့်ဟု ယာယီသမ္မတပြော
RNA_ဇန်နဝါရီလ(၁၅၊၂၀၂၅ ခုနှစ်။
ပြည်သူ လူထုနှင့် တိုက်ရိုက်ထိတွေ့နေသော ပြည်သူ့ကာကွယ်ရေး၊ ပြည်သူ့အုပ်ချုပ်ရေးနှင့် ပြည်သူ့လုံခြုံရေးအဖွဲ့ (ပသုံးလုံး) များအနေဖြင့် စွမ်းရည်နှင့် ကျင့်ဝတ်သည် အထူးအရေးကြီးသည့် ကိစ္စဖြစ်သည့်အတွက် ပြုပြင်ပြောင်းလဲရေးသည် အလုပ်ဖြစ်ရုံမျှထက် ပိုသင့်သည်ဟု NUG ယာယီသမ္မတ ဒူဝါလရှီးလ ကပြောကြားထားသည်။
-
မံစီမြို့သိမ်း ရုပ်သံမှတ်တမ်း ABSDF ထုတ်ပြန်
RNA_ဇန်နဝါရီ(၁၄)၊၂၀၂၅ခုနှစ်။ကချင်ပြည်နယ်၊ မံစီမြို့သိမ်း ရုပ်သံမှတ်တမ်းဖြင့် မံစီမြို့သိမ်းတိုက်ပွဲတွင် ထိခိုက်ကျဆုံးသွားသော ရဲဘော်များအား တပ်ဦးနှင့်တပ်မတော်မှ မှတ်တမ်းတင်ဂုဏ်ပြုအပ်ကြောင်း ကျောင်းသားတပ်မတော် – ABSDF က ယနေ့ ထုတ်ပြန်ထားသည်။