RNA Editor

13 Jan

ပုသိမ်-မုံရွာကားလမ်းအပိုင်း PDF ရဲဘော်များ လုံခြုံရေးစစ်ဆေးမှုများ

RNA Editorသတင်းနွေဦးတော်လှန်ရေး, မကွေးတိုင်, လမ်းပိုင်းစစ်ဆေးမှု, အထက်မင်းလှ, အထက်မင်းလှပြည်သူ့ကာကွယ်ရေးတပ်ဖွဲ့ (အထက်မင်းလှ ပ.က.ဖ)

RNA_ဇန်နဝါရီ(၁၃)၊၂၀၂၅ ခုနှစ်။ မကွေးတိုင်း၊ အထက်မင်းလှမြို့နယ်အတွင်းရှိ ပုသိမ်-မုံရွာလမ်းပိုင်းတွင် အထက်မင်းလှမြို့နယ် ပြည်သူ့ကာကွယ်ရေးအဖွဲ့ (ပကဖ) ရဲဘော်များက ယာဉ်သွားယာဉ်လာ စစ်ဆေးခြင်းနှင့် လမ်းပိုင်းလုံခြုံရေးစစ်ဆေးမှုများကို ဇန်နဝါရီလ (၁၂) ရက်နေ့က ပြုလုပ်ခဲ့ကြောင်း သိရသည်။ #RedNewsAgency #REDNEWS #RNA

11 Jan

ကျောက်နီမော်ကျေးရွာ လေကြောင်းတိုက်ခိိုက်ခံရမှုအတွင်း ကလေးငယ်များပါ မီးလောင်သေဆုံး

RNA Editorသတင်းULA/AA, ကျောက်နီမော်ကျေးရွာ, မင်းအောင်လှိုင်, မီးလောင်သေဆုံး, ရခိုင်ပြည်နယ်, ရမ်းဗြဲမြို့, လေကြောင်းတိုက်ခိုက်မှု, အကြမ်းဖက်စစ်ကောင်စီ, အာရက္ခတပ်တော်

RNA_ဇန်နဝါရီ(၁၁)၊၂၀၂၅ခုနှစ်။ ပြည်သူများကို ရည်ရွယ်ချက်ရှိရှိ ပစ်မှတ်ထားကာ စစ်ကောင်စီက လေကြောင်းတိုက်ခိုက်ခဲ့သည့် ရခိုင်ပြည်နယ်၊ ရမ်းဗြဲမြို့နယ်၊ ကျောက်နီမော်ကျေးရွာတွင် ကလေးငယ်များအပါအဝင် မီးလောင်သေဆုံးခဲ့ရသည့်ပြည်သူ အနည်းဆုံး (၂၆) ဦးရှိကြောင်း သိရသည်။ ကျောက်နီမော်ကျေးရွာကို စစ်ကောင်စီက ဇန်နဝါရီလ (၈) ရက်နေ့၊ နေ့လယ် (၁) နာရီ (၂၀) မိနစ်တွင် ဂျက်ဖိုက်တာဖြင့် ဗုံးကြဲတိုက်ခိုက်ခဲ့သည့်အတွက် ရွာတောင်ပိုင်းရပ်ကွက်၊ ရွာအလယ်ပိုင်းရပ်ကွက်နှင့် မြောက်ပိုင်းရပ်ကွက်တို့ကို မီးအပြင်းအထန်လောင်ကျွမ်းခဲ့ပြီး နေအိမ် (၃၉၈) လုံး မီးလောင်ကျွမ်းခဲ့ရပြီး သက်ကြီးရွယ်အိုများနှင့် ကလေးငယ်အများအပြား မီးထဲပါသွားခဲ့သည်ဟု AA ကထုတ်ပြန်ထားသည်။ (more…)

11 Jan

လှဂွန်းပျိုတပ်စခန်းမှ ဗိုလ်မှူး (၁) ဦးအပါအဝင် (၁၆) ဦး လက်နက်ချအလင်းဝင်

RNA Editorသတင်းကရင်ပြည်နယ်, တောင်ပိုင်းစစ်ဒေသ, ဖာပွန်, ဘီးလင်း, လက်နက်ချအညံ့ခံ, လှဂွန်းပျိုတပ်စခန်း, အမှတ် (၂) စစ်ဒေသခွဲ, အလင်းဝင်

RNA_ဇန်နဝါရီ(၁၁)၊၂၀၂၅ခုနှစ်။ ကရင်ပြည်နယ်၊ ဖာပွန် - ဘီးလင်း ကားလမ်းမအနီးရှိ စစ်ကောင်စီ၏ လှဂွန်းပျိုတပ်စခန်းမှ ဗိုလ်မှူး (၁)ဦး အပါအဝင် တပ်ဖွဲ့ဝင် (၁၆)ဦးသည် တောင်ပိုင်းစစ်ဒေသ၊ အမှတ်(၂) စစ်ဒေသခွဲ၊ PDF အမှတ်(၂၇) ဗျူဟာတာဝန်ခံနှင့် ချိတ်ဆက်ကာ မဟာမိတ် တော်လှန်ရေးပူးပေါင်းတပ်ဖွဲ့များထံသို့ ဇန်နဝါရီလ (၇)ရက်နေ့က လက်နက်ချ အလင်းဝင်ရောက်ခဲ့သည်။ (more…)

10 Jan

စစ်ကောင်စီသည် သမိုင်းတွင်သည့် ကျဆုံးမှုများနှင့် ဆက်တိုက်ကြုံတွေ့နေရဟု PSLF/TNLA သုံးသပ်

RNA Editorသတင်းPSLF/TNLA, TNLA, စစ်ကောင်စီ, နွေဦးတော်လှန်ရေး, နှစ်ပတ်လည်အစည်းအဝေး, ပလောင်ပြည်နယ်လွတ်မြောက်ရေးတပ်ဦး, မင်းအောင်လှိုင်

RNA_ဇန်နဝါရီ(၁၀)၊၂၀၂၅ခုနှစ်။ မင်းအောင်လှိုင်ဦးဆောင်နေသော မြန်မာစစ်ကောင်စီသည် သမိုင်းတွင်သည့် ကျဆုံးမှုများနှင့် ဆက်တိုက်ကြုံတွေ့နေရသည်ဟု ပလောင်ပြည်နယ်လွတ်မြောက်ရေးတပ်ဦး - PSLF/ TNLA နှစ်ပတ်လည် အစည်းအဝေးက ရှုမြင်သုံးသပ်ထားသည်။ ပလောင်ပြည်နယ်လွတ်မြောက်ရေးတပ်ဦး - PSLF/ TNLA နှစ်ပတ်လည် အစည်းအဝေးကို ဗဟိုကော်မတီဝင်များ၊ အရံဗဟိုကော်မတီများ၊ လုပ်ငန်းဌာနမှူးများ၊ တပ်မှူးများ၊ ခရိုင်မှူးများနှင့် ဖိတ်ကြားထားသော အရာရှိ အရာခံများပါအဝင် (၁၇၃) ဦးဖြင့် ဇန်နဝါရီလ ၃ ရက်မှ ၇ ရက်နေ့အထိ တအာင်းပြည်ရှိ PSLF ယာယီဌာနချုပ်တွင် ပြုလုပ်ခဲ့သည်။ (more…)

10 Jan

မံစီမြို့ပါအဝင် ကချင်ပြည်နယ်တွင် (၁၄) မြို့ကို KIA သိမ်းပိုက်ထိန်းချုပ်ထား

RNA Editorသတင်းBNI, တော်လှန်ရေးအင်အားစု, နွေဦးတော်လှန်ရေး, မြို့သိမ်းတိုက်ပွဲများ

RNA_ဇန်နဝါရီ(၁၀)၊၂၀၂၅ ခုနှစ်။ ကချင်ပြည်နယ်တွင် KIA နှင့် တော်လှန်ရေးအင်အားစုများ၏ တိုက်ခိုက်သိမ်းပိုက်ခဲ့သည့်အတွက် မံစီမြို့အပါအဝင် ဆွမ်ပရာဘွမ်၊ ချီဖွေ၊ ဆဒုံး၊ မြို့လှ၊ ကံပိုင်တည်၊ ဆော့လော်၊ အင်ဂျန်းယန်၊ ဆင်ဘို၊ မိုးမောက်၊ ပန်ဝါ စသည့် (၁၄) မြို့ကို ကချင်လွတ်လပ်ရေး တပ်မတော် (KIA)က ထိန်းချုပ်ထားနိုင်ပြီဖြစ်ကြောင်း BNI ၏ Issue 16, Bi-Weekly News Review တွင် ဖော်ပြထားသည်။ (more…)

10 Jan

ငြိမ်းချမ်းရေးဖော်ဆောင်ရာတွင် တွေ့ဆုံဆွေးနွေးမှသာ အောင်မြင်မည်ဟု မင်းအောင်လှိုင်ပြော

RNA Editorရုပ်သံ, သတင်းငြိမ်းချမ်းရေး, စစ်ကောင်စီ, စစ်ရာဇဝတ်မှု, တင်အောင်ဆန်း, တွေ့ဆုံဆွေးနွေးရေး, မင်းအောင်လှိုင်, အကြမ်းဖက်စစ်ကောင်စီ

RNA_ဇန်နဝါရီ(၁၀)၊၂၀၂၅ ခုနှစ်။ အကြမ်းဖက်အာဏာသိမ်းစစ်တပ်ခေါင်းဆောင် မင်းအောင်လှိုင်က ငြိမ်းချမ်းရေးဖော်ဆောင်ရာတွင် တွေ့ဆုံဆွေးနွေးမှသာ အောင်မြင်မည်ဖြစ်ကြောင်း (၇၇) နှစ်မြောက် ကချင်ပြည်နယ်နေ့ အခမ်းအနားသို့ ပေးပို့သော သဝဏ်လွှာတွင် ထည့်သွင်း ပြောကြားထားသည်။ မင်းအောင်လှိုင်ဦးဆောင်သော စစ်ကောင်စီသည် ငြိမ်းချမ်းရေးစကား၊ တွေ့ဆုံဆွေးနွေးရေးစကားများ ပြောကြားနေသော်လည်း ပြည်သူများကို ပစ်မှတ်ထားကာ တိုက်ပွဲမဖြစ်ပွားသော မြန်မာနိုင်ငံအတွင်းက ဒေသများကိုပင် လေကြောင်းဗုံးကြဲတိုက်ခိုက်မှုများကို နေ့စဉ်နီးပါး ပြုလုပ်နေခြင်း၊ စစ်ကောင်စီစိုးမိုးထိန်းချုပ်ထားသော နေရာများတွင် လူငယ် လူရွယ်များကို အဓမ္မဖမ်းဆီးကာ စစ်မှုထမ်းစေခြင်း၊ မစိုးမိုးနိုင်သော ဒေသများတွင် စစ်ကြောင်းထိုးကာ ကျေးရွာများကို မီးရှို့ဖျက်ဆီးခြင်းနှင့် ပြည်သူများကို သတ်ဖြတ်ခြင်း၊ လူသားဒိုင်းအဖြစ် ပြုလုပ်ခြင်းစစ်သည့် စစ်ရာဇဝတ်မှုများကို ကျူးလွန်နေခြင်းဖြစ်ကြောင်း သိရသည်။ (more…)

10 Jan

စစ်ကိုင်းတိုင်းအတွက် တပ်မဟာ အသစ်ဖွဲ့စည်းမည့် မန္တလေး PDF အပတ်စဉ် (၁၅) သင်တန်းဆင်းပွဲကျင်းပ

RNA Editorရုပ်သံ, သတင်းMDY-PDF, စစ်ကိုင်းတိုင်း, မန္တလေးတိုင်း, ရှမ်းမြောက်, အခြေခံစစ်ပညာသင်တန်း

RNA_ဇန်နဝါရီ(၁၀)၊၂၀၂၅ခုနှစ်။ ရှမ်းမြောက်နှင့် မန္တလေးတိုင်းအတွင်း တိုက်ပွဲဝင်နေသော ပြည်သူ့ကာကွယ်ရေးတပ်မတော် (မန္တလေး) အနေဖြင့် ၂၀၂၅ ခုနှစ်အတွင်း စစ်ကိုင်းတိုင်းအတွက် တပ်မဟာသစ်တစ်ခုဖွဲ့စည်းမည်ဟု ပြောကြားပြီးနောက် ယနေ့ အပတ်စဉ် (၁၅) အခြေခံစစ်ပညာသင်တန်း ဆင်းပွဲ မှတ်တမ်းကို ယနေ့ အသိပေးထားသည်။ #RedNewsAgency

09 Jan

အမျိုးသားရေးခေါင်းပေါင်း နှင့် စစ်ခေါင်းဆောင်၏ မအောင်မြင်သည့် နှစ်တနှစ်

RNA EditorPolitics, ဆောင်းပါး, သဘောထားအမြင်စစ်ခေါင်းဆောင်, စစ်ပွဲ, တိုင်းရင်းသား, နွေဦးတော်လှန်ရေး, ဘာသာရေး, မင်းအောင်လှိုင်, လူမျိုးရေး, ဝါဒဖြန့်ချိရေး, အကြမ်းဖက်စစ်ကောင်စီ, အမျိုးသားရေး

“မျိုးချစ်စိတ်နိုင်ငံချစ်စိတ်ဆိုတဲ့စကား အသုံးနှုန်းကတော့ တပ်ထဲမှာ အမြဲပြောလေ့ရှိပါတယ်။ တကယ်က နိုင်ငံနဲ့လူမျိုးကိုချစ်တယ် ဆိုတာကတော့ ခုအချိန်မှာ စကားအဖြစ်ပဲရှိတာလေ” ရေးသားသူ-စိုးဦး “အမျိုးသားစည်းကမ်းအစ စာသင်ကျောင်းက” ဆိုသည့် ဆောင်ပုဒ်ကို ကိုင်ဆွဲကာ (၁၀၄) နှစ်မြောက် အမျိုးသားအောင်ပွဲနေ့ အထိမ်းအမှတ်အဖြစ် “ဇာတိမာန်” သီချင်းသံများသည် အခြေခံပညာအထက်တန်းကျောင်း အများအပြား၌ ဆူဆူညံညံထွက်ပေါ်လာခဲ့သည်။ ထိုအခမ်းအနားများကို စစ်ကောင်စီစိုးမိုးထားရာ ပဲခူးတိုင်းနှင့် မြို့ကြီးအချို့ရှိ အခြေခံပညာအထက်ကျောင်းများတွင်ပြုလုပ်ခဲ့ပြီး စစ်ယူနီဖောင်းဝတ်များနှင့် အုပ်ချုပ်ရေးအကြီးပိုင်းများက ကမကထ လုပ်ကာ ပါဝင်ကျင်းပခဲ့သည်။ "တကျော့ပြန် အမျိုးသားရေးဝါဒ နှင့် စာသင်ကျောင်းများ" အမျိုးသားနေ့ အထိမ်းအမှတ် အခမ်းအနားများကို မြို့နယ်၊ ခရိုင်အဆင့် အုပ်ချုပ်ရေးမှူးများ ဦးဆောင်ကာ အခြေခံပညာကျောင်းအထက်တန်း ကျောင်းများတွင် ကျင်းပပြီး စစ်ခေါင်းဆောင်မင်းအောင်လှိုင်၏ သဝဏ်လွှာမိန့်ခွန်းကို…

08 Jan

မြိုင်မြို့နယ်အတွင်း တိုက်ပွဲတွင် စစ်ကောင်စီလက်အောက်ခံ (၁၅) ဦးထက်မနည်းသေဆုံး

RNA Editorရုပ်သံ, သတင်းMOD-PDF, ကမ္မတပ်ပေါင်းစု, ပခုက္ကူမြို့နယ်, ပေါက် ပကဖ, မကွေးတိုင်, မြစ်ခြေမြို့နယ်, မြိုင် ပကဖ, မြိုင်မြိုနယ်, အောင်သာပျူရွာ

RNA_ဇန်နဝါရီ(၈)၊ ၂၀၂၅ ခုနှစ်။ မကွေးတိုင်း၊ ပခုက္ကူခရိုင်၊ မြိုင်မြို့နယ်အတွင်း ဒီဇင်ဘာ (၇) ရက်နေ့က တိုက်ပွဲ (၂) ကြိမ်ဖြစ်ပွားမှုအတွင်း စစ်ကောင်စီလက်အောက်ခံ (၁၅) ဦးထက်မနည်းသေဆုံးနိုင်ကြောင်း မြိုင် ပကဖ ထံမှ သိရသည်။ ပခုက္ကူ -မြစ်ခြေလမ်းခွဲ အရှေ့ဖက် ကောင်းစက်ဝိုင်ဆီဆိုင်အနီးတွင် ယမန့်နေ့ နံနက် ၉ နာရီခန့်က အောင်သာပျူရွာမှ ပခုက္ကူ တပ်မ ၁၀၁ သို့ အစည်းအဝေးသွားသော အင်အား (၁၁) ဦးပါ ယာဉ်ကို အသင့်စောင်းဆိုင်းပြီး တိုက်ခိုက်ရာ အောင်သာရွာပျူ ဒုခေါင်းဆာင် နိုင်ဝင်းနှင့် ၁၀၁ စစ်ခွေးပျူသင်တန်းဆရာအပါအဝင် (၈) ဦးသေဆုံးပြီး ယာဉ်တိမ်းမှောက်သွားသော်လည်း စစ်ကူများရောက်လာခြင်းနှင့်…

08 Jan

မဲချောင်းစခန်းကုန်နှင့် စစ်ဆေးရေးဂိတ် တိုက်ပွဲတွင် စကစတပ်သား (၅) ဦးထက်မနည်းသေဆုံးပြီး ရဲဘော် (၃) ဦးကျဆုံး

RNA Editorရုပ်သံ, သတင်းD.E.F-PDF, DNLA, YPPDF, စစ်ဆေးရေးဂိတ်, တနင်္သာရီတိုင်း, ထားဝယ်မြို့နယ်, ဒူရကစစ်ကြောင်း, မဲချောင်း

RNA_ဇန်နဝါရီ(၈)၊၂၀၂၄ခုနှစ်။ တနင်္သာရီတိုင်း၊ ထားဝယ်မြို့နယ်၊ မဲချောင်း (ရှစ်မိုင်) စခန်းကုန်းနှင့် စစ်ဆေးရေးဂိတ်တိုက်ပွဲတွင် စစ်ကောင်စီတပ်သား (၅) ဦးထက်မနည်းသေဆုံး လက်နက်ခဲယမ်းများနှင့် ဂိတ်ကို သိမ်းပိုက်နိုင်ခဲ့သော်လည်း တော်လှန်ရေးရဲဘော် (၃) ဦးကျဆုံးခဲ့ကြောင်း သိရသည်။ (more…)