Red News Agency

Tag: ULA/AA

  • ယနေ့ ရခိုင်ပြည်နယ် ၃ မြို့နယ်မှာ တိုက်ပွဲ (၅) နေရာဖြစ်

    ယနေ့ ရခိုင်ပြည်နယ် ၃ မြို့နယ်မှာ တိုက်ပွဲ (၅) နေရာဖြစ်

    RNA_နိုဝင်ဘာ(၁၃)၊၂၀၂၃ ခုနှစ်။

    ရခိုင်ပြည်နယ်၊ ရသေ့တောင်မြို့နယ်၊ မောင်တောမြို့နယ်၊ မင်းပြားမြို့နယ်တို့ရှိ (၅) နေရာတွင် စစ်ကောင်စီတပ်စခန်းနှင့် လက်အောက်ခံ လက်နက်ကိုင်အဖွဲ့များကို ရက္ခိုင့်တပ်တော် -AA က ယနေ့ (နိုဝင်ဘာလ ၁၃ ရက်) တိုက်ခိုက်ခဲ့ကြောင်း သိရသည်။

    စစ်ကောင်စီလက်အောက်ခံများကို ရက္ခိုင့်တပ်တော်က ရသေ့တောင်မြို့နယ်၊ ချိန်ခါလီ၊ ဒုံးပိုက်ရွာအနီးတွင် နံနက် (၅) နာရီ (၃၀) မိနစ်ခန့်မှစတင်၍ လည်းကောင်း၊ အငူမော်ဆိပ်ကမ်းမြောက်ဘက် ၁၁.၅ ကီလိုမီတာအကွာ ဒုံးပိုက်ကျေးရွာအနီးတွင်လည်းကောင်း တိုက်ပွဲများ ဖြစ်ပွါးခဲ့သည်။

    မောင်တောမြို့နယ်၊ မီးတိုက်နှင့် သင်္ဘောလှရွာအနီးလည်းကောင်း၊ မင်းပြားမြို့နယ်၊ ဖားပြို (ချင်း) ကျေးရွာ၏ အရှေ့မြောက်ဖက် (၁၁၀၀) မီတာအကွာ ရန်ကုန်-စစ်တွေ ကားလမ်းမထက်နှင့် ပန်းမြောင်းရွာ၏ အရှေ့မြောက် ၅.၇ ကီလိုမီတာအကွာ မင်းပြား – မြောက်ဦးမြို့နယ်ကြားတို့တွင် ပစ်ခတ်တိုက်ခိုက်ခဲ့သည်ဟု ညီနောင်မဟာမိတ် (၃) ဖွဲ့ – MNDAA + TNLA + AA က “Operation 1027” ၁၀၂၇ စစ်ဆင်ရေး (၁၈) ရက်မြောက်နေ့တိုက်ပွဲသတင်းများအတွင်း ထည့်သွင်း ကြေညာထားသည်။

    (more…)

  • ပြည်သူ့ကျိန်စာမိသွားလေသော စစ်ကောင်စီတပ်

    ပြည်သူ့ကျိန်စာမိသွားလေသော စစ်ကောင်စီတပ်

    “ကွမ်းလုံရက်လေးဆယ်တိုက်ပွဲဟာ ၁၉၇၁ ခုနစ်က ဗမာပြည်ကွန်မြူနစ် ပါတီနဲ့ စစ်တပ်ကြား ဖြစ်ပွားခဲ့တဲ့ တိုက်ပွဲဖြစ်ပြီး ထိုတိုက်ပွဲမှာ စစ်တပ်ဟာအနိုင်ရရှိခဲ့ပါတယ်။ ထိုအနိုင်ရရှိမှုကိုပဲ စစ်တပ်ဟာ အမြဲတစေ ထုတ်ဖော်ပြောကြားလေ့ရှိပြီး မြန်မာစစ်တပ်က မလုပ်နိုင်တာဘာမှမရှိကြောင်းနဲ့ ရှမ်းမြောက်တခွင်ဟာ စစ်တပ်ရဲ့အောင်မြေဖြစ်ကြောင်း အမြဲပြောလေ့ရှိပါတယ်”

    ချမ်းမင်း

    ဒီရက်ပိုင်း တော်လှန်ရေးနဲ့ပတ်သတ်တဲ့ သတင်းကောင်းတွေအတော်များများ လှုပ်လှုပ်ခတ်ခတ်နဲ့ social media ပေါ်မှာ တွေ့လာရပါတယ်။ မြောက်ပိုင်းစစ်ဒေသက အဖွဲ့တွေရဲ့ မြို့သိမ်းတိုက်ပွဲတွေ၊ စခန်းသိမ်းတိုက်ပွဲတွေအကြောင်းတွေ့ရသလို အညာမြေစစ်ကိုင်းဘက်က တော်လှန်ရေးအဖွဲ့တွေရဲ့ အောင်ပွဲတွေအကြောင်းလည်းကြားလာရပါတယ်။

    နောက်တခုက စစ်တပ်ရဲ့ နိုင်ငံခြားငွေအဓိကအားကိုးရာ MOGE ကိုလည်း အမေရိကန်က ထပ်တိုးပြစ်ဒဏ်တွေချမှတ်ပြီး စစ်တပ်ကို ပိုမိုအားနည်းအောင်ဆောင်ရွက်လာနိုင်တာကိုလည်းတွေ့ရပါတယ်။ ကျွန်တော်တို့ရဲ့နွေဦးတော်လှန်ရေးဟာ အစောပိုင်းကာလတုန်းက ဆုံးရှုံးမှုတွေပေးဆပ်မှုတွေများစွာနဲ့ ထိရောက်တဲ့အောင်မြင်မှုတွေမရခဲ့ဘူးဆိုပေမဲ့ ယခုအချိန်မှာတော့ စစ်ကောင်စီကို ကောင်းကောင်းကြီးခြိမ်းခြောက်ထားနိုင်တဲ့ အခြေအနေကိုရောက်နေပြီး အောင်မြင်မှုရဲ့ လက်တစ်ကမ်းကိုရောက်နေပြီလို့လည်း သတ်မှတ်ရမှာဖြစ်ပါတယ်။

    ရှမ်းပြည်နယ်မြောက်ပိုင်းက ညီနောင်မဟာမိတ်သုံးဖွဲ့ရဲ့ ၁၀၂၇ စစ်ဆင်ရေးက စတင်လိုက်တဲ့ တိုက်ပွဲတွေနောက်ပိုင်း နိုင်ငံအနှံ့တော်လှန်ရေးတပ်ဖွဲ့တွေဟာ အရှိန်အဟုန်နဲ့ စစ်တပ်ကိုအရင်ကထက် ပိုမိုဖိအားပေးတိုက်ခိုက်လာတာတွေ့ရပါတယ်။

    (more…)

  • ကွမ်းလုံမြို့အား အပြီးအပိုင်သိမ်းပိုက် ထိန်းချုပ်လိုက်ပြီဟု MNDAA ကြေညာ

    ကွမ်းလုံမြို့အား အပြီးအပိုင်သိမ်းပိုက် ထိန်းချုပ်လိုက်ပြီဟု MNDAA ကြေညာ

    RNA_နိုဝင်ဘာ(၁၂)၊၂၀၂၃ ခုနှစ်။
     
    ၁၀၂၇ စစ်ဆင်ရေးအတွင်း ညီနောင်မဟာမိတ်အဖွဲ့များက စစ်ကောင်စီတပ်စခန်းများကို ထိုးစစ်ဆင်တိုက်ခိုက်ပြီးနောက် ကွမ်းလုံမြို့အား နယ်မြေရှင်းလင်းရေးလုပ်ပြီး အပြီးအပိုင််သိမ်းပိုက်ထိန်းချုပ်လိုက်ပြီဖြစ်ကြောင်း ယနေ့ ကြေညာလိုက်သည်။
    ကွမ်းလုံမြို့ သံလွင်မြစ် အရှေ့ခြမ်းနှင့် အနောက်ခြမ်းရှိ စစ်ကောင်စီ၏ ဗျူးဟာကုန်းများကိုပါ ထိန်းချုပ်လိုက်ပြီဖြစ်ကြောင်း၊ ကွမ်းလုံမြို့သိမ်းတိုက်ပွဲအတွင်းစစ်ကောင်စီတပ်မှ သံချပ်ကာကား၊ တင့်ကားအပါအဝင် လက်နက်ခဲယမ်းများစွာ သိမ်းဆည်းရမိကြောင်း သိရသည်။
    [embedyt] https://www.youtube.com/watch?v=fENJzCIqpzk[/embedyt]
    #RedNewsAgency

  • လောက်ကိုင်မြို့သိမ်းတိုက်ပွဲ ညီနောင်မဟာမိတ်များဆက်လက်ဆင်နွှဲနေ

    လောက်ကိုင်မြို့သိမ်းတိုက်ပွဲ ညီနောင်မဟာမိတ်များဆက်လက်ဆင်နွှဲနေ

    RNA_နိုဝင်ဘာ(၁၀)၊၂၀၂၃ ခုနှစ်။

    ညီနောင်မဟာမိတ် ၃ ဖွဲ့က စစ်ဆင်ရေးပစ်မှတ်ထားထဲက တစ်ခုဖြစ်သည့် လောက်ကိုင်မြို့သိမ်းနိုင်ရေး တိုက်ပွဲဆက်လက်ပြင်းထန်နေကြော်င်း “Operation 1027” ၁၀၂၇ စစ်ဆင်ရေး (၁၄) ရက်မြောက်နေ့ ထုတ်ပြန်ချက်တွင် ဖော်ပြထားသည်။

    Photo: Kokang

    ညီနောင်မဟာမိတ် (၃) ဖွဲ့သည် ၁၀၂၇ စစ်ဆင်ရေးကို ဆက်လက်ဆင်နွှဲလျက်ရှိကြောင်း၊ ယမန်နေ့က “ကွမ်းလုံမြို့” အား သိမ်းပိုက်ရရှိသော်လည်း ကစဥ့်ကလျား ထွက်ပြေးနေကြသော စစ်ကောင်စီလက်အောက်ခံများကို လိုက်လံရှင်းလင်းနေရပြီး “ကွမ်းလုံမြို့” အား အလုံးစုံသိမ်းပိုက်၊ ထိန်းချုပ်ထားနိုင်ရေးတို့အတွက် ညီနောင်မဟာမိတ် (၃) ဖွဲ့မှ အစွမ်းကုန် ကြိုးစားလျက်ရှိကြောင်း သိရသည်။

    (more…)

  • ဟန်ချက်ညီပူးတွဲစစ်ဆင်ရေးများ တစ်နိုင်ငံလုံးအနှံ့ မကြာမီဆင်နွှဲမည်ဟု ညီနောင်မဟာမိတ် (၃) ဖွဲ့ ကြေညာ

    ဟန်ချက်ညီပူးတွဲစစ်ဆင်ရေးများ တစ်နိုင်ငံလုံးအနှံ့ မကြာမီဆင်နွှဲမည်ဟု ညီနောင်မဟာမိတ် (၃) ဖွဲ့ ကြေညာ

    RNA_နိုဝင်ဘာ(၉)၊၂၀၂၃ ခုနှစ်။

    တော်လှန်ရေးလက်နက်ကိုင်အဖွဲ့အစည်းများနှင့် ဟန်ချက်ညီပူးတွဲစစ်ဆေင်ရေးများကိုလည်း တစ်နိုင်ငံလုံးအနှံ့ မကြာမီ ဆင်နွှဲသွားမည်ဟု ညီနောင်မဟာမိတ် (၃) ဖွဲ့ဖြစ်သည့် MNDAA + TNLA + AA တို့က ကြေညာထားသည်။

    ၁၀၂၇ စစ်ဆင်ရေးကို အထောက်အကူဖြစ်စေရန် နိုဝင်ဘာလ (၇) ရက်နေ့တွင် (၁၁၀၇ စစ်ဆင်ရေး) ဟု အမည်ပေးပြီး ကရင်နီပြည်နယ်ထဲ၌ စစ်ဆင်ရေးကိုစတင်လိုက်သော KNDF အပြင် အခြားသော တော်လှန်ရေးအဖွဲ့များနှင့်ပါ တနိုင်ငံလုံးအနှံ့ စစ်ဆင်ရေးများဆင်နွှဲမည်ဖြစ်သည်။

    (more…)

  • ၁၀၂၇ စစ်ဆင်ရေးအတွင်း တပ်မမှူး တဦးသေဆုံးခဲ့ပြီး တပ်စခန်းများ ဆက်တိုက်သိမ်းပိုက်ခံနေရ

    ၁၀၂၇ စစ်ဆင်ရေးအတွင်း တပ်မမှူး တဦးသေဆုံးခဲ့ပြီး တပ်စခန်းများ ဆက်တိုက်သိမ်းပိုက်ခံနေရ

    RNA_နိုဝင်ဘာ(၇)၊၂၀၂၃ ခုနှစ်။

    ညီနောင်မဟာမိတ် (၃) ဖွဲ့ ဆင်နွှဲနေသည့် ၁၀၂၇ စစ်ဆင်ရေးအတွင်း စစ်ကောင်စီတပ် သေဆုံးသူများထဲတွင် တပ်မမှူးတဦးပါရှိပြီး ယနေ့အထိ စစ်ကောင်စီစခန်းများ ဆက်လက်သိမ်းပိုက်ခံနေရကြောင်း၊ နမ့်ခမ်းမြို့ကိုလည်း TNLA က ထိန်းချုပ်ထားနိုင်ပြီဖြစ်ကြောင်း သိရသည်။

    MNDAA၊ AA နှင့် ပူးပေါင်းတပ်ဖွဲ့များ ကိုးကန့်၊ မုံးကိုး နှင့် မူပန်(သိန္နီ) ဒေသများအတွင်း စစ်ကောင်စီတပ်စခန်း ယမန်နေ့က သိမ်းပိုက်မှုအတွင်း စစ်ကောင်စီတပ်မှ တပ်မမှူး လက်နက်ကြီးပေါက်ကွဲမှုအတွင်း သေဆုံးခဲ့ကြောင်း၊ သံလွင်မြစ်အနောက်ဘက်ခြမ်း ကွမ်းလုံဒေသရှိ စစ်ကောင်စီ၏ လက်နက်ကြီးစခန်းနှင့် ဗျူဟာကုန်းများကို ထိုးစစ်တိုက်ခိုက်ခဲ့ကြောင်း ကိုးကန့်သတင်းမှာ ဖော်ပြထားသည်။

    (more…)

  • တော်လှန်ရေးအလှည့်အပြောင်းကြီး လာတော့မလား

    တော်လှန်ရေးအလှည့်အပြောင်းကြီး လာတော့မလား

    “စစ်တပ်ဘက်က တပ်ရင်းတစ်ရင်းလုံး လက်နက်ချအလင်းဝင်ခဲ့တဲ့ ကာမိုင်းဒေသဆိုတာ ၁၉၇၁ ခုနှစ်က စစ်တပ်နဲ့ ဗကပ အဖွဲ့ အကြီးအကျယ်တိုက်ပွဲဖြစ်ပွားခဲ့ စစ်တပ်သမိုင်းတစ်လျှောက် ဂုဏ်အယူရဆုံးတိုက်ပွဲလို့ဆိုနိုင်မဲ့ ကွမ်းလုံရက်၄၀ တိုက်ပွဲဖြစ်ပွားခဲ့ရာဒေသ”

    ချမ်းမင်း

    ကွမ်းလုံမြို့နယ်၊ ကာမိုင်းဒေသရှိ စစ်ကောင်စီ ၏ ခလရ ၁၄၃ တပ်ရင်းတစ်ရင်းလုံးမြောက်ပိုင်းမဟာမိတ် သုံးဖွဲ့ထံ အောက်တိုဘာလ ၃၀ ရက်နေ့က လက်နက်ခဲယမ်း အများအပြားဖြင့် အလင်းဝင်ရောက်ခဲ့တယ်ဆိုတဲ့ သတင်းတစ်ပုဒ်ကိုတွေ့ရပါတယ်။ မြေပြင်သတင်းတွေအရဆိုရင် အောက်တိုဘာလ၂၉ ရက်နေ့ညပိုင်းကတည်းက MNDAA က တာဝန်ရှိသူတွေနဲ့ ခလရ၁၄၃ တပ်ရင်းမှ တာဝန်ရှိသူတွေ နှစ်ဖက်ညှိနှိုင်းကြပြီး အခုလို လက်နက်ချအညံ့ခံခဲ့တယ်လို့ သိရပါတယ်။

    ခလရ ၁၄၃ ရှေ့တန်းစခန်းက လက်နက်ချအလင်းဝင်ခဲ့တဲ့ စစ်ကောင်စီတပ်သားတွေထဲ ဒုတပ်ရင်းမှူး တစ်ဦးအပါအဝင်တပ်ခွဲမှုး၂ ဦးလည်းပါဝင်ပြီး စုစုပေါင်းအင်အား၄၁ ဦးအထိ ပါဝင်တယ်လို့ သိရပါတယ်။ ယခု စစ်တပ်ဘက်က တပ်ရင်းတစ်ရင်းလုံး လက်နက်ချအလင်းဝင်ခဲ့တဲ့ ကာမိုင်းဒေသဆိုတာ ၁၉၇၁ ခုနှစ်က စစ်တပ်နဲ့ ဗကပ အဖွဲ့ အကြီးအကျယ်တိုက်ပွဲဖြစ်ပွားခဲ့ စစ်တပ်သမိုင်းတစ်လျှောက် ဂုဏ်အယူရဆုံးတိုက်ပွဲလို့ဆိုနိုင်မဲ့ ကွမ်းလုံရက်၄၀ တိုက်ပွဲဖြစ်ပွားခဲ့ရာ ဒေသပဲ ဖြစ်ပါတယ်။

    Photo: Kokang – 1027 Operation 

    (more…)

  • “၁၀၂၇ စစ်ဆင်ရေး” စခန်းသိမ်းတိုက်ပွဲများတွင် KNDF ရဲဘော်များ ပူးပေါင်းပါဝင်နေ

    “၁၀၂၇ စစ်ဆင်ရေး” စခန်းသိမ်းတိုက်ပွဲများတွင် KNDF ရဲဘော်များ ပူးပေါင်းပါဝင်နေ

    RNA_နိုဝင်ဘာ(၃)၊၂၀၂၃ ခုနှစ်။

    ညီနောင် မဟာမိတ် (၃) ဖွဲ့ဖြစ်သည့် ကိုးကန့် (MNT JP/ MNDAA)၊ တအောင်း (PSLF / TNLA)၊ ရက္ခိုင် (ULA/ AA) တို့ ဦးဆောင်၍ ရှမ်းပြည်နယ် မြောက်ပိုင်းတွင် ဆောင်ရွက်နေသော “၁၀၂၇ စစ်ဆင်ရေး “တွင် ကရင်နီအမျိုးသားများကာကွယ်ရေးတပ် (KNDF) ၏ တပ်ရင်းအမှတ် (၆၀၆) ရဲဘော်များ စခန်းသိမ်းတိုက်ပွဲများတွင် ပူးပေါင်းပါဝင်နေကြောင်း သိရသည်။

    [embedyt] https://www.youtube.com/watch?v=I4LOMNm3Nx8[/embedyt]

    ညီနောင် မဟာမိတ် (၃)ဖွဲ့မှ ဦးဆောင်၍ အောက်တိုဘာလ (၂၇) ရက်နေ့တွင် စတင်ခဲ့သော Operation 1027 (၁၀၂၇ စစ်ဆင်ရေး) အား KNDF အနေဖြင့်ထောက်ခံကြိုဆိုပြီး လက်ရှိတွင်လည်း စစ်ဆင်ရေးများတွင် ထိထိရောက်ရောက် ပါဝင်ဆောင်ရွက်လျှက်ရှိပြီး စစ်ရေးရည်မှန်းချက်များ အောင်မြင်သည်ထိ ပူးပေါင်း တိုက်ပွဲဝင်သွားမည်ဖြစ်ကြောင်း KNDF ဗဟိုသတင်းနှင့်ပြန်ကြားရေးဌာနက ယနေ့ နံနက်ပိုင်းမှာ ထုတ်ပြန်ထားသည်။

    #RedNewsAgency

  • ချင်းရွှေဟော်၊ ဖောင်းဆိုင်၊ သိန္နီနှင့် ကြူကုတ်(ပန်ဆိုင်း) မြို့များကို အလုံးစုံ ထိန်းချုပ်နိုင်ပြီဖြစ်ကြောင်း မဟာမိတ်အဖွဲ့ကြေညာ

    ချင်းရွှေဟော်၊ ဖောင်းဆိုင်၊ သိန္နီနှင့် ကြူကုတ်(ပန်ဆိုင်း) မြို့များကို အလုံးစုံ ထိန်းချုပ်နိုင်ပြီဖြစ်ကြောင်း မဟာမိတ်အဖွဲ့ကြေညာ

    RNA_နိုဝင်ဘာ(၂)၊၂၀၂၃ ခုနှစ်။
    ၁၀၂၇ စစ်ဆင်ရေး (၇) ရက်တာ ကာလအတွင်း ညီနောင်မဟာမိတ် (၃) ဖွဲ့အနေဖြင့် ချင်းရွှေဟော်၊ ဖောင်းဆိုင်၊ သိန္နီ နှင့် ကြူကုတ် (ပန်ဆိုင်း) မြို့များကို အလုံးစုံ ထိန်းချုပ်နိုင်ပြီဖြစ်ဖြစ်ကြောင်း ညီနောင် မဟာမိတ် (၃) ဖွဲ့က ယနေ့ နေ့လယ် ၂ နာရီ ၃၀ မိနစ်တွင် ထုတ်ပြန်လိုက်သည်။
    ၂၀၂၃ ခုနှစ် အောက်တိုဘာ ၂၇ ရက်နေ့ကစတင်ခဲ့သည့် ညီနောင်မဟာမိတ် (၃)ဖွဲ့ ဦးဆောင်သည့် “Operation 1027” ၁၀၂၇ စစ်ဆင်ရေး (၇) ရက်တာအတွင်း စစ်ကောင်စီတပ်စခန်း အကြီးအသေး စုစုပေါင်း ၉၀ ကျော်နှင့် သံချပ်ကာ (၆) စီး၊ လက်နက်ခဲယမ်းများစွာနှင့် မြို့ ၄ မြို့ကို ထိန်းချုပ်ထားနိုင်ပြီဖြစ်ကြောင်း သိရသည်။

    (more…)

  • ၁၀၂၇ စစ်ဆင်ရေး ၆ ရက်မြောက်နေ့အထိ စစ်ကောင်စီတပ် စခန်း ၈၇ ခုကျော်အား တိုက်ခိုက်သိမ်းပိုက်

    ၁၀၂၇ စစ်ဆင်ရေး ၆ ရက်မြောက်နေ့အထိ စစ်ကောင်စီတပ် စခန်း ၈၇ ခုကျော်အား တိုက်ခိုက်သိမ်းပိုက်

    RNA_နိုတင်ဘာ(၁)၊၂၀၂၃ ခုနှစ်။

    ညီ​နောင်မဟာမိတ် (၃) ဖွဲ့ ဦးဆောင်နေသည့် “Operation 1027” ၁၀၂၇ စစ်ဆင်ရေးသည် ယနေ့ (၆) ရက်မြောက်နေ့အထိ စစ်ကောက်စီတပ်စခန်း (၈၇) ခုကျော်အား သိမ်းဆည်းရမိပြီး ချင်းရွှေဟော်မြို့၊ ဖောင်းဆိုင်မြို့၊ သိန္နိမြို့တို့ကို ထိန်းချုပ်ထားကြောင်း သိရသည်။

    Photo : The Kokang

    ညီနောက်မဟာမိတ် ရဲဘော်များက စစ်ကောင်စီ၏ ကိုးကန့်ခရိုင်၊ တုန်းရှမ်းဒေသရှိ “မန်တုံပတပ်စခန်း”၊ ကွတ်ခိုင်မြို့နယ်၊ မိုင်းယု- နမ့်ဖတ်ကာကြားရှိ“ရင်ကွဲတောင်တပ်စခန်း”၊ မူဆယ်-နမ့်ခမ်းမြို့အဝင်တွင်ရှိသော စစ်ကောင်စီနှင့် ပြည်သူ့စစ် ပူးပေါင်းအခြေစိုက် “မန်ခမ်းတပ်စခန်း” အား ယနေ့ ထပ်မံတိုက်ခိုက် သိမ်းပိုက်ခဲ့ကြောင်း ညီနောင်မဟာမိတ် ၃ ဖွဲ့က ထုတ်ပြန်ထားသည်။

    (more…)