RNA_စက်တင်ဘာ(၆)၊၂၀၂၄ ခုနှစ်။
ရခိုင်ပြည်နယ်၊ သံတွဲမြို့နယ်အတွင်းမှ စစ်ကောင်စီ၏ လက်ကျန်စခန်းကြီးတစ်ခုဖြစ်သော ရေတပ် ပင်မရေငုပ်နှင့်ဆယ်ယူရေးတပ်စခန်း (တပ်မတော်-ရေ) Central Naval Diving And Salvage Deport (Myanmar Navy) CNDSD စခန်းနှင့် ၎င်းပတ်ဝန်းကျင်မှ အဆင့်ဆင့်ခုခံကြသော ရန်သူ့စစ်ကြောင်းများအား အပြီးသတ်ချေမှုန်းပြီးနောက် စက်တင်ဘာလ (၅) ရက်နေ့တွင် အပြီးသတ်သိမ်းပိုက်နိုင်ခဲ့သည်ဟု သိရသည်။
RNA_ဇူလိုင်(၇)၊၂၀၂၄ ခုနှစ်။
အာရက္ခတပ်တော် -AA ၏ သံတွဲမြို့သိမ်းတိုက်ပွဲအတွင်း စစ်ကောင်စီတပ်မှ (၄၀၀) ကျော်သေဆုံးပြီး၊ မောက်တော်မြို့နယ် နခခ (၂)၊ နယ်ခြားစောင့်တပ်စခန်းသိမ်း တိုက်ပွဲတွင် စစ်ကောင်စီလက်အောက်ခံ (၃၅၀) ကျော်သေဆုံးကြောင်း AA က ယနေ့ ထုတ်ပြန်ထားသည်။
သံတွဲအခြေစိုက် ခမရ (၅၆၆) တပ်ရင်းအား ဇွန်လ (၂၇) ရက်၊ ညနေ (၅) နာရီ (၃၀) မိနစ်တွင် သိမ်းပိုက်ရရှိခဲ့ပြီး၊ အခြားသော တပ်စခန်းအချို့တို့ကိုလည်း သိမ်းပိုက်ရရှိထားပြီးဖြစ်သည့်အတွက် သံတွဲ၊ လေဆိပ်အတွင်း၊ လေဆိပ်အနီးအဆောက်အအုံများ၊ နာမည်ကြီးဟော်တယ်ကြီးများနှင့် ဇီးဖြူကုန်းရှိ သုံးထပ်တိုက် တစ်တိုက်စသည်တို့ကို ဇူလိုင်လ (၆) ရက်၊ နံနက်(၁၁) နာရီခန့်တွင် အပြီးသိမ်းပိုက်နိုင်ခဲ့ကြောင်း၊ ငပလီ(မဇင်) လေဆိပ်အနီး လေဆိပ်အဆောက်အအုံနှင့် ၎င်းအနီးပတ်ဝန်းကျင်များ ဇူလိုင်လ (၅) ရက်၊ နံနက် (၆) နာရီ အချိန်တွင်လည်းကောင်း အပြီးသတ် သိမ်းပိုက်ပြီး ငပလီ (မဇင်) လေဆိပ်အား ထိန်းချုပ်ထားသည်ဟု သိရသည်။
“လက်နက်ကိုင်တော်လှန်ရေးဟာ ၃ နှစ်ကျော်ကာလအကြာမှာပဲ သမိုင်းအဆက်ဆက် သက်ဆိုးရှည်နေတဲ့ စစ်အာဏာရှင်တွေကို ထိခိုက်ကျရှုံးလောက်အောင်၊ ပုံပျက်ယိုင်နဲ့ပြီး ပြိုကျလာအောင်အထိ စွမ်းဆောင်ပြနိုင်လာခဲ့ပါပြီ”
ကေဂျီ – Wiper
၂၀၂၄ ခုနှစ် ဇန်နဝါရီလ ၁၁ ရက်နေ့မှာ တရုတ်အစိုးရရဲ့ ကြားဝင်ညှိနှိုင်းပေးမှုနဲ့ ဟိုင်ဂင်အပစ်ရပ်စဲရေး သဘောတူစာချုပ်ကို ချုပ်ဆိုခဲ့ချိန်မှာတော့ ရှမ်းမြောက်မှာ ညီနောင်မဟာမိတ် ၃ ဖွဲ့က မြို့ပေါင်း ၁၇ မြို့ကို သိမ်းပိုက်ရရှိထားပြီးဖြစ်ပါတယ်။ ဒါကြောင့် ရှမ်းမြောက်မှာ စစ်ကောင်စီထိန်းချုပ်ထားနိုင်တော့တာဆိုလို့ နောင်ချို၊ ကျောက်မဲ၊ သီပေါ၊ လားရှိုးနဲ့ မှုဆယ် ၅ မြို့ သာကျန်ရှိပါတော့တယ်။ အပစ်အခတ်ရပ်စဲပြီး ၅ လ ကျော်လာချိန်မှာတော့ စစ်ကောင်စီနဲ့ ညီနောင် ၃ ဖော်တို့ရဲ့ အသီးသီး စစ်ရေးပြင်ဆင်လာမှုတွေကို တွေ့မြင်လာရပြီး ဘယ်အချိန် ထပေါက်ကွဲမယ်မသိရတဲ့ ဖျက်အားပြင်း ဗုံးတလုံးလို အနေအထားကို ပြန်လည်ရောက်ရှိလာခဲ့ပြီ ဖြစ်ပါတယ်။
စစ်ကောင်စီဟာ ဇွန်လ ၁၂ရက်နေ့ လောက်ကစပြီး လားရှိုး– မူဆယ် လမ်းပေါ်က ကောင်းဟုန်၊ နမ့်ဖ၊ မန်နားရွာအနီးက လမ်းများနဲ့ နမ္မတူ– သီပေါ လမ်းပိုင်းနေရာတချို့ကို မြေတူးစက်နဲ့ တူးပြီးဖျက်ဆီးကာ သွားလာလို့ မရနိုင်အောင် လုပ်ဆောင်လာခဲ့ပါတယ်။ လားရှိုးမြို့ပေါ်မှာလည်း စစ်ကောင်စီဟာ လက်နက်ကြီးတွေ၊ တရုတ်ထုတ်နဲ့ ရုရှားထုတ် ဒရုန်းတွေကို ပြင်ဆင်ထားပြီး မြို့အပြင်မှာရှိတဲ့ စစ်စခန်းတွေကိုလည်း အင်အားဖြည့်တင်းနေပါတယ်။ စစ်ကောင်စီဟာ ဟိုင်ဂင်သဘောတူညီချက်များကို သွေဖီပြီး ကိုးကန့်နဲ့ တအာင်းဒေသတွေကို လက်နက်ကြီး ပစ်တာတွေ၊ လေယာဉ်ဗုံးကြဲတိုက်ခိုက်တာတွေကို ပြုလုပ်ခဲ့ပါတယ်။
“ဗိုလ်ချုပ်ထွန်းမြတ်နိုင်ဦးဆောင်တဲ့ အာရက္ခတပ်တော် AA ကတော့ စစ်ရေးအရ စစ်ကောင်စီကို အဖက်ဖက်က ဖိထားနိုင်သလို စစ်အင်အားအတွက်လည်း အင်အားကောင်းတဲ့ မြောက်ပိုင်းညီနောင် သုံးဖွဲ့အဖြစ် MNDAA, TNLA တို့နဲ့ မဟာမိတ်ဖွဲ့ထားနိုင်သလို ၁၀၂၇ စစ်ဆင်ရေးကြီးကိုဆင်နွှဲပြီး အကြမ်းဖက်စစ်တပ်ကို ကောင်းကောင်း ဦးနှိမ်ထားနိုင်ခဲ့တယ်”
ရန်နိုင်
တနိုင်ငံလုံးမှာ စစ်ရုံးနေတဲ့ စစ်ကောင်စီအတွက် ရခိုင်ပြည်နယ်ကို ကြည်း၊ ရေ၊ လေ အင်အားအကုန်သုံးပြီး ကာကွယ်နေသလို ရဲခွေး၊ စစ်ခွေးတွေကိုလည်း ဘုရင့်နောင်ဖောင်ဖျက်တဲ့ စစ်ဗျူဟာနဲ့ အသေခံတိုက်ခိုင်းနေ ပေမယ့်လည်း ရှက်ဖို့ကောင်းတဲ့စစ်ရေးအရှုံးတွေပဲ ကြုံနေတယ်။ လက်နက်ကိုင်အချင်းချင်းမနိုင်တော့လို့ အရပ်သားတွေကို တိုက်ခိုက်နေပေမယ့်လည်း စစ်ကောင်စီရဲ့စစ်ရာဇဝတ်ကျူးလွန်တာတွေပဲ အဖတ်တင်ခဲ့တယ်။
ရခိုင်ပြည်နယ်မှာ စစ်ကောင်စီတပ်ဖွဲ့ဝင်တွေအတွက် အောင်မြင်မှုဆိုတာက အာရက္ခတပ်တော် AA ရဲ့ အဖမ်းမခံရပဲ၊ တိုက်ပွဲမှာမကျဆုံးပဲ ထွက်ပြေးနိုင်ခြင်းက အမြင့်ဆုံးအောင်မြင်မှုပဲဖြစ်နေတယ်။ ရခိုင်ပြည်နယ်မှာ စစ်တွေမြို့နဲ့ မောင်တောခရိုင်ထဲက ဗူးသီးတောင်မြို့ကို အပြီးသတ်သိမ်းပိုက်ပြီးရင် ရခိုင်ပြည်နယ် မြောက်ပိုင်းတခုလုံးက စစ်တပ်ကင်းစင်မြေဖြစ်သွားပြီ။
အိန္ဒိယနိုင်ငံ နယ်စပ်ကိုသာမကပဲ ဘင်္ဂလားဒေ့ရှ် နိုင်ငံရဲ့နယ်စပ်ကုန်သွယ်မှုကိုပါ ထိန်းချုပ်နိုင်တော့မှာဖြစ်တယ်။ အာရက္ခတပ်တော် AA က ၁၀၂၇ စစ်ဆင်ရေးနဲ့အတူ ၂၀၂၃ နိုဝင်ဘာလကတည်းက နေ့စဉ်စစ်ကောင်စီတပ်စခန်းကိုတွေကို သိမ်းပိုက်နေပြီး ရခိုင်ပြည်နယ်မြောက်ပိုင်း ဆိုရင် ဗူးသီးတောင် မြို့တခုပဲ စစ်ကောင်စီတပ်ဖွဲ့ဝင်တွေ ရှိနေနိုင်တော့တယ်။ ဗူးသီးတောင်မြို့မှာလည်း ကျန်နေတဲ့ စစ်ကောင်စီတပ်ဖွဲ့ဝင်တွေကို စစ်တိုက်ရင်း အသေမခံပဲ လက်နက်ချဖို့ နောက်ဆုံးအဆင့်အဖြစ် အသိပေးကြေညာနေပြီဖြစ်တယ်။
RNA_ဇွန်(၁၅)၊၂၀၂၄ ခုနှစ်။
ရခိုင်ပြည်နယ်၊ မောင်တောမြို့နယ်အတွင်းရှိ စစ်ကောင်စီ၏ နခခ (၄) တပ်ရင်းဌာနချုပ်၊ အလယ်သံကျော်စခန်း၊ မောရဝတီဗျူဟာ၊ နခေါင်းတိုစခန်းတို့ကို ဇွန်လ ဒုတိယပတ်အတွင်း ထပ်မံသိမ်းပိုက်နိုင်ခဲ့သည်ဟု အာရက္ခတပ်တော်-AA က ယမန်နေ့ညပိုင်းက ထပ်မံကြေညာခဲ့သည်။
စစ်ကောင်စီစခန်းသိမ်းတိုက်ပွဲအတွင်း မောရဝတီဗျူဟာမှူး ဗိုလ်မှူးကြီး- တေဇာဌေးအပါအဝင် စစ်ကောင်စီတပ်ဖွဲ့ဝင် (၂၀၀) ကျော် သေဆုံးခဲ့ကြောင်း၊ နခခ (၄) တပ်ရင်းဌာနချုပ် အား ဇွန်လ (၁၀) ရက်၊ နံနက် (၇) နာရီအချိန်တွင်လည်းကောင်း၊ အလယ်သံကျော်စခန်း အား ဇွန်လ (၁၀) ရက်၊ နံနက် (၇) နာရီ (၄၆) မိနစ် အချိန်တွင်လည်းကောင်း၊ မောရဝတီဗျူဟာ အား ဇွန်လ (၁၃) ရက်၊ နံနက် (၇) နာရီအချိန်တွင်လည်းကောင်း၊ နခေါင်းတိုစခန်း အား ဇွန်လ (၁၃) ရက်၊ ညနေ (၆) နာရီအချိန်တွင်လည်းကောင်း သိမ်းဆည်းရမိခဲ့သည်ဟု သိရသည်။
ရခိုင်ပြည်နယ်အတွင်း စစ်ကောင်စီတပ်စခန်းများကျန်ရှိနေသေးသည့် မောင်တောမြို့နယ်၊ အမ်းမြို့နယ်၊ သံတွဲမြို့နယ်တို့တွင် တိုက်ပွဲဖြစ်ပွားနေကြောင်း၊ ဇွန်လ ပထမအပတ်အတွင်း၌ မောင်တောမြို့ရှိ တာဝါတိုင်စခန်း၊ ကျောက်ပန္ဒူစခန်း၊ ခွဆုံပြင်စခန်း၊ မြင်းလွှတ်စခန်း၊ အင်းဒင်စခန်း (သို့) နခခ (၆) စခန်း နှင့် နခခ (၉) စခန်းတို့အား အပြီးသတ်သိမ်းပိုက်နိုင်ခဲ့ပြီး ဒုတိယပတ်အတွင်း ထပ်မံသိမ်းပိုက်နိုင်ခဲ့ကြောင်း၊ စခန်းသိမ်းတိုက်ပွဲများတွင်လည်း စစ်ကောင်စီီီီီတပ်မှ လက်နက်ခဲယမ်းများသိမ်းဆည်းရမိထားပြီး၊ ထွက်ပြေးနေသော စစ်ကောင်စီတပ်သားများလည်း ရှိနေသေးကြောင်း ထုတ်ပြန်ချက်တွင်ဖော်ပြထားသည်။
#RedNewsAgency
“အခုအခြေအနေဟာ ပြည်သူတရပ်လုံး တော်လှန်ရေးဘက်မှာ ရှိနေတဲ့အတွက် အကြမ်းဖက်စစ်ကောင်စီအတွက်တော့ နေ့တိုင်း ကျဆုံးနေရပြီး တော်လှန်ရေးအင်အားစုတွေက နေ့တိုင်းနီးပါး အနိုင်ရနေတာပါ။ စစ်ကောင်စီအကြမ်းဖက်လုပ်ရပ်တွေကလည်း တော်လှန်ရေးအောင်မြင်မှုနဲ့အတူ မကြာခင်နိဂုံးချုပ်သွားတော့မှာ ဖြစ်ပါတယ်”
[embedyt] https://www.youtube.com/watch?v=ItbjRKuHJbE[/embedyt]
#RNA #RedNewsAgency
RNA_ဇွန်(၈)၊၂၀၂၄ ခုနှစ်။
ရခိုင်ပြည်နယ်၊ ဘူသီးတောင်နှင့်နယ်မြေချင်းကပ်လျက်ရှိသော မောင်တောမြို့ရှိ စစ်ကောင်စီတပ်စခန်း (၆) ခုကို အနည်းဆုံးသိမ်းပိုက်နိုင်ခဲ့ပြီး သံတွဲမြို့နယ်နှင့် အမ်းမြို့နယ်တို့တွင် တိုက်ပွဲပြင်းထန်ကာ ဇွန်လ ပထမ ပတ်အတွင်း စစ်ကောင်စီတပ်မှ (၄၀၀) ကျော်သေဆုံးခဲ့ကြောင်း သိရသည်။
မောင်တောမြို့နယ်က တာဝါတိုင်စခန်း၊ ကျောက်ပန္ဒူစခန်း၊ ခွဆုံပြင်စခန်း၊ မြင်းလွှတ်စခန်း၊ အင်းဒင်စခန်း၊ နခခ စခန်းတိို့ကို ဇွန်လ ၂ ရက်နေ့မှ ဇွန်လ ၇ ရက်နေ့အတွင်း သိမ်းပိုက်ရရှိခဲ့ပြီး၊ မောင်တောမြို့နယ် မကျည်းပင်ကုန်းကျေးရွာ၏ အရှေ့မြောက်ဘက်ရှိ တောင်ကုန်းနှစ်ကုန်းရှိ စစ်ကောင်စီတပ်စခန်း ၂ ခုကိုလည်း ဇွန်လ ၇ ရက်နေ့က တိုက်ခိုက်သိမ်းပိုက်နိုင်ခဲ့သည်ဟု AA ၏ ယမန်နေ့ည ထုတ်ပြန်ချက်တွင် ဖော်ပြထားသည်။
“ရခိုင်ပြည်နယ်ရဲ့အတိတ်သမိုင်းမှာ ရိုဟင်ဂျာလူမျိုးနဲ့ ရခိုင်လူမျိုးတို့ ငြိမ်းချမ်းတဲ့လမ်းကြောင်း တခုပေါ် ရောက်ခဲ့ဖူးတယ်ဆိုတဲ့ သက်သေတွေပဲ။ သို့ပေမယ့် နိုင်ငံတော်အာဏာကို မတရားသိမ်းယူလိုက်တဲ့ အာဏာရှင်နေဝင်း လက်ထက်မှာတော့ သွေးခွဲအုပ်ချုပ်ဖို့ နည်းလမ်းတွေ ဖန်တီးခဲ့တယ်။ တည်ငြိမ်နေတဲ့ ရခိုင်ပြည်နယ်မှာ ရိုဟင်ဂျာကိုတွေ ခိုးဝင်လူမျိုးတွေလိုပုံဖော်ခဲ့သလို၊ ရခိုင်လူမျိုးတွေကို ကာကွယ်ပေးတော့မလိုနဲ့ ရိုဟင်ဂျာတွေကို နှိပ်စက် အနိုင်ကျင့်ခဲ့တယ်။ ရိုဟင်ဂျာ ရွာတွေမှာ တိရိစ္ဆာန်သန်းခေါင်းစာရင်းအထိ ကောက်ယူခဲ့တယ်”
ရန်နိုင် – Wiper
စစ်ခေါင်းဆောင်တွေထဲမှာ လက်ရှိမင်းအောင်လှိုင်ခေါင်းဆောင်တဲ့ မျိုးဆက်က အညံ့ဆုံးမျိုးဆက်ဖြစ်ပြီး လက်ရှိအရေးအခင်းကို စစ်တပ်သုံးနိုင်သမျှနည်းလမ်းအစုံ သုံးပြီးပြီ ရှုံးနေဆဲပဲ။ တော်လှန်ရေးသမားအချင်းချင်း သွေးခွဲနည်း၊ ဗမာတော်လှန်ရေးသမားနဲ့ လူမျိုးစုတော်လှန်ရေးသမားသွေးခွဲနည်း၊ နိုင်ငံတကာ အင်အားစုတွေနဲ့ တော်လှန်ရေးအဖွဲ့တွေကို တည်ပေးခြင်း၊ နိုင်ငံခြား အကူအညီရှာဖွေတဲ့နည်း စတဲ့နည်းတွေ စုံနေပြီ အလုပ်မဖြစ်သေးဘူး။ ဒါ့ကြောင့် လူမျိုးရေးပဋိပက္ခကို ဖန်တီးတဲ့နည်းလမ်းဖြစ်တဲ့ ရိုဟင်ဂျာဆိုတဲ့ ဝှက်ဖဲကို သုံးလာခြင်းဖြစ်တယ်။
လွတ်လပ်ရေးမရခင် ၁၉၄၂ က ဒေသတွင်း နယ်မြေလုမှုတွေရှိပြီး သိပ်အစေးမကပ်တဲ့ လူမျိုးစု (၂)ခုက အစိုးရက ဖွဲ့စည်းပေးလိုက်တဲ့ နယ်စပ်စောင့်တပ် BTF မှာ လူများစုတွေဖြစ်တဲ့ ရခိုင်လူမျိုးတွေက ရိုဟင်ဂျာလူမျိုးတွေကို အနိုင်ကျင့်မှုတွေရှိခဲ့တယ်။ နောက်ပိုင်းမှာ ရိုဟင်ဂျာစစ်သည် (မူဂျာဟစ်) တွေက လက်နက်ကိုင်ကြတော့ ဒေသတွင်း ပဋိပက္ခတွေဖြစ်ပွားခဲ့တယ်။ ဒေသတွင်းပဋိပက္ခတွေကို စစ်ရေးနဲ့ နှိမ်နင်းပေမယ့် အမြစ်မပြတ်ခဲ့တာကြောင့် ၁၉၄၉ ဇူလိုင်လ(၃၀)ရက်နေ့မှာ ဝန်ကြီးချုပ် ဦးနုက (၂)ဖက် အမျိုးသားတွေပါတဲ့ စုံစမ်းရေးကော်မရှင်ကိုဖွဲ့ပြီး ပြသနာရဲ့ ဇစ်မြစ်ကိုရှာဖွေခဲ့တယ်။ တိုင်းရင်းသား အချင်းချင်း တန်းတူအခွင့်အရေး မျှတမှုမရှိခြင်းဆိုတဲ့ ပြဿနာရဲ့ဇစ်မြစ်ကိုရှာဖွေတွေ့ ရှိခဲ့တယ်။
၁၉၅၄ ခုနှစ်၊ စက်တင်ဘာ (၂၅) ရက်နေ့ ညနေ (၈)နာရီမှာ နိုင်ငံတော်အသံလွှင့်ဌာနကတဆင့် စစ်တွေခရိုင်အတွင်း နေထိုင်ကြတဲ့ ပြည်ထောင်စုတိုင်းရင်းသားအများစုက ရိုဟင်ဂျာအမျိုးသား ဖြစ်ကြတယ်လို့ ကြေငြာခဲ့တယ်။ ၁၉၆၁ ခု၊ မေလ(၁)ရက်နေ့မှာ အစိုးရကတ်ဘိနက်ရဲ့ တညီတညွတ် ဆုံးဖြတ်ချက်အရ ရိုဟင်ဂျာအများစု နေထိုင်တဲ့ မယုဒေသကို ဗဟိုအစိုးရကတိုက်ရိုက် အုပ်ချုပ်တဲ့ မေယုနယ်ခြားခရိုင်အဖြစ် သတ်မှတ်ပေးခဲ့တယ်။ တိုင်းရင်းသားတွေ တန်းတူရပိုင်ခွင့်တွေကို ပြည့်ပြည့်စုံစုံ ဖြည့်ဆည်းပေးခဲ့ပြီး ကျောင်းသုံးစာအုပ်မှာ ဖော်ပြခြင်း၊ စွယ်စုံကျမ်းမှာ ဖော်ပြခြင်း၊ ၁၉၆၁ ခုနှစ်မှာ ရိုဟင်ဂျာဘာသာ စကားနဲ့ ဗမာအသံကနေ ရေဒီယိုအသံလွှင့်ခြင်း၊ အစိုးရ လက်နက်ကိုင် အဖွဲ့အစည်းတွေမှာ တန်းတူညီမျှအလုပ်ခန့် ခြင်း၊ ပြည်ထောင်စုနေ့အခမ်းအနားတွေမှာ တက်ရောက်ခွင့်ပေးခြင်း၊ ရိုဟင်ဂျာရိုးရာ ယဉ်ကျေးမှုတွေကို အမြတ်တနိုးပြသခွင့်ပေးခြင်းစတဲ့ အခွင့်ရေးတွေကို ကန့်ကွက်မှုတမတ်တစေ့မှ မရှိပဲ တညီတညွတ်တည်း ဖော်ဆောင်ပေးခဲ့ကြတယ်။
“စစ်ကောင်စီရဲ့တပ်ရင်းတွေကို တိုက်တော့မယ်ဆိုရင် ရာဇသံပေးတာ AA ပဲတွေးဖူးပါသေးတယ်။ မတိုက်ခင် ဒေသခံတွေ ရှောင်ခိုင်းတယ်။ ပြီးမှ တိုက်မယ့်တပ်ရင်းတွေကို စားနပ်ရိက္ခာပိတ်ဆို့ဖြတ်တောက်တယ်။ အင်အားနည်းနေပြီလို့ထင်မှ သာလွန်အင်အားနဲ့ ဝင်လုံးပါတယ်။ နောက်ပြီးတော့ AA တပ်တော်က “အမာကိုရှောင်ပြီး အပျော့ကိုတိုက်တဲ့ ” ဗျူဟာကိုသုံးတယ်”
ရခိုင်ပြည်နယ်မှာ AA သိမ်းပြီးတဲ့မြို့တွေက ပလက်ဝ၊ ကျောက်တော်၊ဘူးသီးတောင်၊ရသေ့တောင်၊ပုဏ္ဏားကျွန်း၊ ပေါက်တော၊ မြေပုံ၊ ရမ်းဗြဲ၊ မင်းပြား၊ မြောက်ဦးဆိုတာ အားလုံးသိပြီး ဖြစ်မှာပါ။ ပထမဆုံး အာရက္ခတပ်တော် AA ရဲ့ တိုက်ခိုက်လာတဲ့ပုံစံလေးကို အရင်ကြည့်ရပါမယ်။ ဒါကတော့ ပထမဆုံး ပလက်ဝဒေသတခုလုံးကိုတိုက်တယ်၊ အဲ့ကနေ တဆင့် ကုလားတန်မြစ်ကြောင်းအတိုင်းဆင်းလာပြီးတော့ မြောက်ဦး၊ မင်းပြား၊ ပြီးရင်ပေါက်တော၊ ပုဏ္ဍားကျွန်း၊ ရသေ့တောင်၊ ဆက်ပြီးတိုက်လာတယ်။ ဒီပုံစံမျိုး မြောက်ပိုင်း ကနေတောင်ပိုင်းကို ဆင်းလာပြီး မဟာဗျူဟာမြောက် စစ်တိုက်သွားတာတွေ့ရတယ်။
အဲ့ဒီလို တိုက်တဲ့အချိန်မှာ စစ်ကောင်စီလက်အောက်ခံ ရဲစခန်းတွေ၊ စစ်ကောင်စီတပ်ရင်းတွေ ဗျူဟာကုန်းတွေအနေနဲ့ ပလက်ဝကစပြီး ဘာတခုမှ မတုန့်ပြန်နိုင်တာတွေ့ရတယ်။ ပလက်ဝ တိုက်ပွဲမှာဆိုရင် စစ်ကောင်စီလက်အောက်ခံ ဗျူဟာမှူးအဆင့်က စပြီးကျတယ်။ ဗျူဟာမှူးဆိုတာ တပ်ရင်း ၃ ရင်းလောက်ကို ကွပ်ကဲရတဲ့ စစ်ဘုရင်တယောက်ဘဲ ဒီလူတွေကိုယ်တိုင် ဦးဆောင်ပြီး ကျတယ်။ တပ်ရင်းမှူး၊ ဗျူဟာမှူး၊ တပ်မမှူး စသဖြင် အကျအရှုံးတွေများကြတယ်။ ဒီလူတွေက ရှေ့တန်းတပ်ရင်းတွေရဲ့ စစ်ဘုရင်ဖြစ်သလို၊ ရာထူးအဆင့်အတန်းအရဆိုရင် အထက်နဲ့အောက်တပ်တွေကို ထိန်းညှိပေးရတဲ့ ခါးဆက်တွေဖြစ်တယ်။ ဆိုတော့ စစ်တပ်က ခါးဆက်တွေပျက်ကုန်တယ်။ ဒါကစစ်တပ်ရဲ့လက်ရှိအခြေအနေပါ။
အဲဒီနောက် စစ်တပ်က သူ့ဂုဏ်သိက္ခာအတွက် ပြင်နေတာတွေ့ရတယ်။ ဒါကတော့ လက်ရှိ ရထားတဲ့နယ်မြေတွေ ထပ်မပေးရအောင် အရင်ခံစစ်ပြင်တာပါ။ အဲ့ဒီအတွက် ပထမဆုံး စစ်တိုက်နိုင်တဲ့ စစ်သားအင်အားတွေကို ရဟတ်ယာဥ်/ စစ်သင်္ဘောတွေနဲ့ ရခိုင်ကိုပို့ပါတယ်။ အဲ့လို ပို့ဖို့ဆိုရင် အခြားပြည်နယ်နဲ့တိုင်းအလိုက်က ဆေး၊ ဆက်၊ ဘီအီး အပါအဝင်၊ ကကထုတ်၊ ကကယာ၊ ကပစ စတဲ့ အထိုင်တပ်ရင်းတွေကနေ ထုတ်နုတ်ပြီး ရခိုင်ကိုပို့ရမှာပါ။ တခြားမကြည့်နဲ့ စစ်မတိုက်ရတဲ့ မိတ္ထီလာလေတပ်က လေတပ်သားတွေကိုတောင် လုံခြုံရေးအကြောင်းပြပြီး ရှေ့တန်းကိုလွှတ်တယ်လို့ တပ်တွင်းကနေ သိရပါတယ်။