RNA_ဇွန်(၂၅)၊၂၀၂၅ခုနှစ်။
မကွေးတိုင်းအတွင်း တစ်ခုတည်းသော တိုက်ပွဲဝင်ဆေးတပ်ဖြစ်သည့် ပေါက်တောင်ပိုင်းကျန်းမာရေးနှင့် သူနာပြုတပ်ဖွဲ့ (SPMNF) တပ်ဖွဲ့အနေဖြင့် စစ်ကောင်စီ၏ လေကြောင်းတိုက်ခိုက်မှုများ၊ ဆေးရုံ ဆေးခန်းနှင့် ဆေးတပ်သားများအပေါ် အငြိုးအတေးများကြားမှ “ပေါက်တောင်ပိုင်းမှသည် မကွေးတိုင်း တစ်တိုင်းလုံးဆီသို့” ဆိုသည့် ရည်ရွယ်ချက်အတိုင်း လျှောက်လှမ်းနေသည်ဟု စသဖြင့် ပေါက်တောင်ပိုင်းကျန်းမာရေးနှင့် သူနာပြုတပ်ဖွဲ့ (SPMNF) တာဝန်ခံ ရဲဘော်မင်းခေါင်က ပြောပြသည်။
#RedNewsAgency #RNA #RedNews
RNA_ဇွန်(၂၂)၊၂၀၂၅ခုနှစ်။
မကွေးတိုင်း၊ မင်းဘူးခရိုင်၊ စခင်းမြို့နယ်အတွင်း ကံပြားကျေးရွာမှစတင်ကာ တင့်ကား (၄) စီးအပါအဝင် အင်အား (၂၀၀) ခန့်ရှိစစ်ကောင်စီတပ်စစ်ကြောင်းသည် ပုသိမ် – မုံရွာ လမ်းအတိုင်း စစ်ကြောင်းထိုးလာစဉ် ကြားဖြတ်တိုက်ခိုက်ခံရသည့်အတွက် အထိနာနေကြောင်း ပေါက်တောင်ပိုင်းကျန်းမာရေးနှင့် သူနာပြုတပ်ဖွဲ့ (SPMNF)ထံမှ သိရသည်။
စလင်းမြို့နယ်၊ ပုသိမ်-မုံရွာလမ်းအတိုင်း တင့်ကားများနှင့်အတူခြေလျှင်အင်အားများဖြင့် စစ်ကြောင်းထိုးလာသော စစ်ကောင်စီတပ်ကို ဒေသတွင်းတော်လှန်ရေးအင်အားစုများက ဇွန်လ ၁၄ ရက်နှင့် ၁၅ ရက်နေ့တွင် မိုင်းဆွဲတိုက်ခိုက်ခြင်း၊ ကြားဖြတ်တိုက်ခိုက်ခြင်းများ ပြုလုပ်ခဲ့ကြောင်း၊ ဇွန်လ ၁၇ ရက်နေ့တွင်လည်း ပိတ်ဆည်ရွာမီးရှို့ဖျက်ဆီးခံခဲ့ရကြောင်း၊ စစ်ကောင်စီတပ် စစ်ကြောင်းနှင့် (၅) ရက်တာ တိုက်ပွဲများအတွင်း စစ်သုံ့ပန်း (၂) ဦးဖမ်းဆီးနိုင်ခဲ့သည့်အပြင် စစ်ကောင်စီတပ်သားများလည်း သေဆုံးမှုရှိကြောင်း သိရသည်။
RNA_ဧပြီ(၁၅)၊၂၀၂၅ခုနှစ်။
မကွေးတိုင်း၊ စေတုတ္တရာမြို့နယ်အတွင်းရှိ စေတုတ္တရာနှင့် စလင်းမြို့နယ် ဆက်သွယ်ထားသော လမ်းပိုင်း၏ မိုင်တိုင် (၁၈) တွင်ရှိသော စစ်ကောင်စီ၏ (၁၈) မိုင်ကုန်းစခန်းသိမ်းတိုက်ပွဲအတွင်း စစ်သုံ့ပန်း (၄) ဦးနှင့်အတူ လက်နက်ခဲယမ်းများသိမ်းဆည်းရမိကြောင်း သိရသည်။
RNA_ဇန်နဝါရီ(၁၈)၊၂၀၂၅ ခုနှစ်။
မကွေးတိုင်း၊ မင်းဘူး (စကု) မြို့နယ်အတွင်းရှိ ရွှေစက်တော်ဘုရားသွားသည့် ပုသိမ် – မုံရွာလမ်းပိုင်းတွင် စစ်ကောင်စီမှ နယ်မြေစိုးမိုးရေး ရရှိရန် လုပ်ဆောင်နေမှုများကို အပြင်းအထန် ခုခံသွားမည်ဟု မင်းဘူးခရိုင် အမှတ် -၇ တပ်ရင်း (People Defence Force – Pwintbyu)က ပြောကြားထားသည်။
“ရွှေစက်တော်ဘုရားပွဲကလည်း စဖို့ ဘုရားငွေမျှော်နေသူတွေက ဆိုင်းပြင်းနေကြပြီ။ ဒီဘုရားပွဲစတင်နိုင်ဖို့အတွက် မီးရှို့ခံရတဲ့ ကျေးရွာတွေလည်းရှိတယ်။ ရွှေစက်တော်က ဒုတိယဝင်ငွေအကောင်းဆုံးမလို့ စစ်ကောင်စီက မရရအောင်ဝါသဝရဲ့ပျူတွေနဲ့ လမ်းကြောင်းတစ်လျှောက်စစ်ကြောင်းပြင်ဆင်မှုတွေလုပ်နေပြီ” ပွင့်ဖြူ PDF ၏ ယမန်နေ့က ထုတ်ပြန်ချက်တွင် ဖော်ပြထားသည်။
RNA_ဇန်နဝါရီ(၇)၊၂၀၂၅ခုနှစ်။
မကွေးတိုင်း၊ မင်းဘူးခရိုင်၊ မင်းဘူး (စကု) မြို့နယ်အတွင်းနှင့် ပွင့်ဖြူမြို့နယ်၊ ငဖဲမြို့နယ် အစပ်ရှိ ရွှေစက်တော်ဘုရားအနီးတွင် စစ်ကောင်စီတပ်မှ အင်အားဖြည့် ကြိုတင်ခံစစ်ပြင်နေပြီး ခရီးသွားပြည်သူများကို ပေါ်တာဆွဲ အဓမ္မတပ်သားသစ်များ စုဆောင်းနေသည့်အတွက် ပြည်သူများ ရွှေစက်တော်ဘုရားအနီး မသွားလာကြရန် မင်းဘူးခရိုင် အမှတ် (၆) တပ်ရင်းက ယနေ့ မေတ္တာရပ်ခံထားသည်။
မန်းရွှေစက်တော်ဘုရားအနီး ကျေးရွာများဖြစ်သေသာ ပုဒေါင်းရွာ၊ ဥယျာဉ်ရွာ၊ လောက်ပုလဲရွာ၊ ကိုင်းမကြီးရွာ၊ တင်ပြင်ခွေရွာ၊ အိုးမြင်မဲရွာ၊ အိုင်းမရွာ၊ လက်ပံတောရွာ၊ မဲချောင်ရွာ၊ ကသက်ရွာ နှင့် ဘုရားရွာတို့တွင် စစ်ကောင်စီတပ်မှ စစ်ကြောင်းထိုးဝင်ရောက်ပြီး ပြည်သူများ ပစ္စည်းများကို လုယက်ခြင်းနှင့် ပြည်သူများကို ဖမ်းဆီးခြင်းများ၊ လူသားဒိုင်းအဖြစ် ပြုလုပ်ခံရသော ဒေသခံများကို မိုင်းကွင်းဖြတ်ခိုင်းခြင်းများ ပြုလုပ်နေသည်ဟု သိရသည်။
RNA_ဇန်နဝါရီ(၆)၊၂၀၂၅ခုနှစ်။
မကွေးတိုင်း၊ မင်းဘူးခရိုင်၊ စလင်းမြို့အနီး ပြည်သူ့ကာကွယ်ရေး ရဲဘော်များ လုံခြုံရေး စစ်ဆေးမှုပြုလုပ်ခဲ့သည့်အတွက် အချိန်မရွေး တိုက်ပွဲဖြစ်ပွားလာနိုင်သည့် အနေအထားဖြစ်သည်ဟု ပြည်သူ့ကာကွယ်ရေးအဖွဲ့ – စလင်း သတင်းတာဝန်ခံ ကိုအောင်ဆန်းက ပြောသည်။
မြို့နယ်ပြည်သူ့ကာကွယ်ရေးအဖွဲ့ – စလင်း (ပကဖ)) မှ ပြည်သူ လူထုသွားလာရေး အဆင်ပြေစေရန် စလင်းမြို့အနီး သွားရောက်ပြီး စလင်း - ဆင်ဖြူကျွန်းကားလမ်းပိုင်းအား အသုံးပြုနေသော ခရီးသွားပြည်သူများအား ဇန်နဝါရီလ (၅) ရက်နေ့က စစ်ရေးလုံခြုံရေးအရ စစ်ဆေးမှူများ ပြုလုပ်ခဲ့ကြသည်။
RNA_နိုဝင်ဘာ(၂၁)၊၂၀၂၄ခုနှစ်။
မကွေးတိုင်း၊ ငဖဲမြို့နယ်၊ ဂုတ်ကြီးကျေးရွာအရှေ့ဘက်တွင် အင်အား ၄၀ ခန့်ရှိ စစ်ကောင်စီတပ်စစ်ကြောင်းအား လူထုတော်လှန်ရေးမဟာမိတ် အင်အားစု (PRA-Magway) ရဲဘော်များက နိုဝင်ဘာ ၂၀ ရက်နေ့ ညနေ ၄ နာရီခန့်က ခြုံခိုက်တိုက်ခိုက်ခဲ့ကြောင်း သိရသည်။
အင်အား ၄၀ ခန့်ရှိ စစ်ကောင်စီတပ်စစ်ကြောင်းကို PRA-Magway ရဲဘော်များက ၁၅ မိနစ်ခန့် ခြုံခိုတိုက်ခိုက်မှုအတွင်း စစ်ကောင်စီဘက်မှ တပ်ကြပ်ကြီးအဆင့် အပါအဝင် (၉) ဦးသေဆုံး (၁၀) ဦးခန့် ဒဏ်ရာရရှိကြောင်း တိုက်ပွဲအတွင်းမြင်တွေ့ခဲ့ရသည်ဟု PRA-Magway၏ ထုတ်ပြန်ချက်တွင် ဖော်ပြထားသော်လည်း Red News Agency အနေဖြင့် သီးခြားအတည်ပြုထားနိုင်ခြင်းမရှိကြောင်း အသိပေးအပ်ပါသည်။
RNA_နိုဝင်ဘာ(၁၉)၊၂၀၂၄ခုနှစ်။
မကွေးတိုင်း၊ မင်းဘူးခရိုင်၊ ရွှေစက်တော်ဘုရားအနီးရှိ ဘုရားရွာတွင် တပ်စွဲထားသော စစ်ကောင်စီလက်အောက်ခံများကို မင်းဘူးခရိုင် အမှတ် (၆) တပ်ရင်းနှင့် မဟာမိတ်ရဲဘော်များက နိုဝင်ဘာ ၁၇ ရက်နေ့က တိုက်ခိုက်ရှင်းလင်းခဲ့ကြောင်း သိရသည်။
“စစ်ကောင်စီတပ်ဖွဲ့ဝင်များသည် ရွှေစက်တော်ဘုရားအတွင်း သစ်ခိုးထုတ်ခြင်း၊ မျိုးတုန်းပျောက်ကွယ်တော့မည့် တိရစ္ဆာန်များ ဖမ်းဆီးရောင်းချနေခြင်းတို့ ငွေကြေးကောက်ခံကာခွင့်ပြုနေကြောင်း ပြည်သူလူထုက တိုင်ကြားလာသဖြင့် မိမိတပ်ရင်းက ယခုလို တိုက်ခိုက်ရှင်းလင်းရခြင်းဖြစ်သည်” ဟု မင်းဘူးခရိုင် အမှတ် (၆) တပ်ရင်းက ထုတ်ပြန်ထားသည်။
RNA_နိုဝင်ဘာ(၉)၊၂၀၂၄ခုနှစ်။
ရခိုင်ပြည်နယ်၊ အမ်းမြို့တွင် တိုက်ပွဲပြင်းထန်နေသည့်အတွက် စစ်ကောင်စီလက်အောက်ခံများ မကွေးတိုင်းအတွင်း ထွက်ပြေးလာသည့် အတွက် ဖမ်းဆီးရရှိမှုများရှိသည်ဟု ချင်းကာကွယ်ရေးတပ် – အရှို မှ ပြောရေးဆိုခွင့်ရှိသူ ဆလိုင်းရိုးချင်းက ယနေ့ Red News Agencyကို ပြောကြားထားသည်။
ချင်းကာကွယ်ရေးတပ် – အရှို (CDF-Asho) ရဲဘော်များ လှုပ်ရှားနေသော မကွေးတိုင်းအတွင်း ရှေ့တန်းတနေရာတွင် အမ်းမြို့ နပခ ရှိ ခမရ ၃၇၃ မှ တပ်သား (၂) ဦးနှင့် ခမရ ၃၇၁ မှ တပ်သား (၂) ဦးတို့ကို နိုဝင်ဘာ (၃) ရက်နှင့် အောက်တိုဘာ ၃၁ ရက်နေ့တို့က ဖမ်းဆီးရမိကြောင်း သိရသည်။
(more…)
RNA_အောက်တိုဘာ(၃၀)၊၂၀၂၄ခုနှစ်။
တိုက်ပွဲပြင်းထန်နေသော ရခိုင်ပြည်နယ်၊ အမ်းမြို့နယ်အတွင်းမှ ရိက္ခာပို့ပြန်လာသော စစ်ကောင်စီတပ်ယာဉ်တန်းကို မကွေးတိုင်း၊ မင်းဘူးခရိုင်၊ ငဖဲမြို့နယ်၊ အမ်း-ပဒါန်း လမ်းပိုင်းတွင် အရှိုချင်းကာကွယ်ရေးတပ် (ACDF)နှင့် မင်းဘူးခရိုင် အမှတ်(၂) တပ်ရင်းတို့ပူးပေါင်းတိုက်ခိုက်ခဲ့သည့်အတွက် စစ်ကောင်စီလက်အောက်ခံ (၁၀) ဦးဝန်းကျင်သေဆုံးပြီး အများအပြားဒဏ်ရာရရှိခဲ့သည်ဟု သိရသည်။
အရှိုချင်းကာကွယ်ရေးတပ် (ACDF)နှင့် မင်းဘူးခရိုင် အမှတ်(၂) တပ်ရင်းတို့ ပူးပေါင်းပြီး အမ်း-ပဒါန်း လမ်းပိုင်းတွင် အောက်တိုဘာ ၂၈ ရက်နေ့က ကြားဖြတ်တိုက်ခိုက်မှုအတွင်း စစ်ကောင်စီဘက်က သေဆုံးဒဏ်ရာရရှိသော်လည်း တော်လှန်ရေးအင်အားစုများလက်က ထိခိုက်ဒဏ်ရာရရှိမှုမရှိကြောင်း ACDF ကယနေ့ ထုတ်ပြန်ထားသည်။