Category: သတင်း

RNA_ဇူလိုင်၂၇၊၂၀၂၂ခုနှစ်။

ယနေ့ရန်ကုန်မြို့ တနေရာ၌ လူငယ်များသမဂ္ဂ – ဗဟို နှင့် လူငယ်များမဂ္ဂ – ပုသိမ်တို့ ပူးပေါင်းပြီး “တရားတဲ့သူသာ နိုင်ကြေးဟေ့” စာသားပါ စာတန်းအားကိုင်ဆောင်ဆန္ဒပြစဉ် စစ်ကောင်စီလက်အောက်ခံများက ကားနှင့်တိုက်ကာ ဖမ်းဆီးမှုပြုလုပ်ခဲ့သည်။

” အိမ်စီးကားနဲ့ ဝင်တိုက်တာအကို။ လမ်းက အကွေ့ဆိုတော့ ပြင်းအားမပါဘူးဖြစ်သွားတယ်။ တိုက်ပြီး ဆင်းဖမ်းတယ် ။ ကျွန်တော်တို့ အပြေးမြန်လို့ လွတ်လာတာ။ သူတို့သဘောကတော့ သေစေချင်တဲ့သဘော ထားရှိမယ်ထင်တယ်။ မသေရင်လည်း ဖမ်းမယ်ပေါ့ သူတို့က နည်းစုံနဲ့ ယုတ်မာတာပေါ့ဗျာ” ဆန္ဒပြပွဲကို ဦးဆောင်ပါဝင်ခဲ့သည့် လူငယ်များသမဂ္ဂ -ဗဟို ဥက္ကဌ ကိုဇော်ထက်က Red News Agency သို့ ပြောကြားထားသည်။

ရန်ကုန်မြို့တွင်း ငြမ်းချမ်းစွာ ဆန္ဒပြသည့် လူငယ်များကို စစ်ကောင်စီတပ်လက်အောက်ခံများက ကားနှင့်တိုက်ဖမ်းသည့်လုပ်ရပ်များ မကြာခနပြုလုပ်နေကြောင်း၊ ကြည့်မြင်တိုင်မြို့နယ် ပန်းပင်ကြီးလမ်းမှာ ကားနှင့်တိုက်ဖမ်းဆီးခံခဲ့ကြရသည်။

Red News Agency

RNA_ဇူလိုင်၂၂၊၂၀၂၂ခုနှစ်။

မင်းအောင်လှိုင်ဦးဆောင်သည့် စစ်တပ်သည် အရာအားလုံးကို တက်မြောက်ထားသည်ဟု ယူဆချက်အရ ဒုတိယဗိုလ်မှူးကြီး ၆ ဦးကို ဗဟိုဘဏ် ဒုတိယညွှန်ကြား‌ရေး မှူးများအဖြစ် ခန့်အပ်လိုက်ကြောင်း သိရသည်။

စစ်ကောင်စီတပ် ဒုတိယဗိုလ်မှူးကြီးသာမိုး၊ ဒုတိယဗိုလ်မှူးကြီး ရာဇာလင်း၊ ဒုတိယဗိုလ်မှူးကြီး သာထူးဝင်း၊ ဒုတိယဗိုလ်မှူးကြီး ကြည်ရအောင်၊ ဒုတိယဗိုလ်မှူးကြီး ထွန်းအောင်ဖြိုး၊ ဒုတိယဗိုလ်မှူးကြီး ဇော်ဝင်းထွန်းတို့ကို ဇွန်လ (၆) ရက်နေ့ကတည်းက ခန့် ထားသည်။

စစ်ကောင်စီတပ် စစ်သားများသည် တိုက်ခိုက် ရေး (စစ်ဘက်ရေးရာ) ဘက်တွင် ကျွမ်းကျင်မှုမရှိသည့်အတွက် တိုက်ပွဲတိုင်းနီးပါးတွင် အသေအဆုံးများနေကြာင်း၊ စီးပွားရေးဘက်တွင် ထူးချွန်မှုမရှိကြောင်း သိရသည်။

မြန်မာနိုင်ငံတွင် ခေတ်အဆက်ဆက် စစ်တပ်အုပ်ချုပ်သည့် ကာလတိုင်း အရပ်ဘက်ဌာနဆိုင်ရာများ၊ပြည်ထဲရေး၊ အုပ်ချုပ်ရေးမှူး၊ မီးသတ်အထိ စစ်တပ်မှ အသွင်ပြောင်းများ၊ စစ်ထွက်များကို နေရာပေးခန့်အပ်လေ့ရှိသည်။

Red News Agency

RNA_ဇူလိုင်၂၂၊၂၀၂၂ခုနှစ်။

ရန်ကုန်မြို့၊ အင်းစိန်ဗဟိုအကျဉ်းထောင်တွင် ဖမ်းဆီးခံထားရပြီး သာမန်အကျဉ်းသားများထားသည့် အဆောင်တွင်နေထိုင်ရသည့် နိုင်ငံရေးအကျဉ်သားများ ကိုယ်ထိလက်ရောက် ရိုက်နှက်ခံနေရပြီး အသက်အန္တရာယ်ခြိမ်းခြောက်ခံနေကြရကြောင်း နိုင်ငံရေးအကျဉ်းသားမိသားစုများနှင့် နီးစပ်သူများထံမှ သိရသည်။

အင်းစိန်အကျဉ်းထောင် (၂) ဆောင်၊ (၃) ဆောင်၊ (၄) ဆောင်၊ (၅) ဆောင်ရှိ နိုင်ငံရေးအကျဉ်းသားများကို ထောင်အာဏာပိုင်များ၏ လက်ပါးစေ စည်းကမ်းထိန်း၊ အဆောင်မှူးနှင့် ထောင်ဝန်ထမ်းများက အပြစ်မရှိအပြစ်ရှာကာ ရိုက်နှက်ခံနေကြရသည်။

ဇူလိုင် ၁၈ ရက်နေ့က ၅၀၅ (က)ဖြင့် ထောင်ဒဏ် (၃) နှစ်အမိန့်ချမှတ်ခံထားရသည့် ကိုခန့်သူအောင်ကို နေ့လည်တန်းပိတ်ချိန် တန်စီသည့်အခါ မညီမညာဖြစ်သည်ဟု ရည်ရွယ်ချက်ရှိရှိ ပြစ်ချက်ရှာကာ ထောင်ဝန်ထမ်းများလက်အောက်ခံ စည်းကမ်းထိန်းက ရိုက်နှက်ခဲ့ကြောင်း၊ ကိုခန့်သူအောင်ကို ထောင်ဝန်ထမ်းများကလည်း အပြစ်မရှိ အပြစ်ရှာစောင့်ကြည့်နေကြောင်း ရန်ကုန်စီးပွား‌ရေးတက္ကသိုလ် ကျောင်းသားများသမဂ္ဂအဖွဲ့ဝင်တဦးက Red News Agencyကို ပြောကြားထားသည်။

အင်းစိန်အကျဉ်းထောင် ထောင်ပိုင်သည် စစ်တပ်မှ တိုက်ရိုက်ခန့်ထားသူဖြစ်ကြောင်း၊ နိုင်ငံရေးအကျဉ်းသားများကို နည်းမျိုးစုံဖြင့် နှိပ်ကွပ်ရန်လက်အောက်ငယ်သား ဝန်ထမ်းများကို အမြဲပြောလေ့ရှိကြောင်း၊ အင်းစိန်ထောင် (၃) ဆောင်တွင် လူ(၅) ဦးထက်ပိုမစုရန် အမိန့်ထုတ်ထားပြီး၊ တန်းပိတ်အိပ်ချိန်တွင် ထမထိုင်ရ၊ နိုင်ငံရေးအကျဉ်းသားများ အခန်းကူးသွားလာမှုများမလုပ်ရ စသည့် မတရားသည့် အမိန့်များထုတ်ထားသည်။

(more…)