သတင်း

ဒီလှိုင်း။ အောင်လံ၊ ဇန်နဝါရီ ၃၀ ရက်။ မကွေးတိုင်းဒေသကြီး၊အောင်လံမြို့နယ်၊ရွှေပန်းတောကျေးရွာအနီးမှာ ဇန်နဝါရီ ၂၈ ရက်နေ့ ညပိုင်းက သစ်ကားဖမ်းဆီးခဲ့တဲ့ရွှေပန်းတောရဲစခန်းက ရဲတပ်ဖွဲ့ဝင်များကို ဒေသခံသရက်ချောင်းကျေးရွာသားတစ်ဦးက ဓားဖြင့် တိုက်ခိုက်ခဲ့တဲ့အတွက်သေနတ်ဖြင့် ပစ်ခတ်ဖမ်းဆီးခဲ့ရသည်ဟု မကွေးတိုင်းဒေသကြီး ရဲတပ်ဖွဲ့မှူးရုံး တိုင်းဦးစီးအရာရှိ ဒုရဲမှူးကြီးတင်မိုးက ပြောပါတယ်။ ပိုင်ရှင်များထွက်ပြေးသွားပြီး ပိုင်ရှင်မဲ့ဖမ်းဆီးရမိတဲ့သစ်တွေကို သက်ဆိုင်ရာသစ်တောဌာနကိုပြန်သယ်ဖို့စောင့်ရှောက်နေတဲ့ ရဲတပ်ဖွဲ့ဝင်တွေကို သရက်ချောင်းကျေးရွာမှ အသက်၃၀ဝန်းကျင်သန်းဇော်ဦးဆို သူကဓားဖြင့်ဝင်ခုတ်ခဲ့တာ ဖြစ်ပါတယ်။ ပစ်ခတ်ဖမ်းဆီးမှုဖြစ်စဉ်မှာ ရဲတပ်သားတစ်ဦးဓားဒဏ်ရာရရှိခဲ့ပြီး ဓားဖြင့်ခုတ်သူသန်းဇော်ဦးမှာ ခါးအောက်ပိုင်းဘယ်ညာခြေထောက်နဲ့ပေါင်ကိုသေနတ်ဒဏ်ရာ တစ်ချက်စီ ထိမှန်ခဲ့တဲ့အတွက်ပြည်ဆေးရုံကိုပို့ဆောင်ကုသထားတယ်လို့သိရပါတယ်။ ဖြစ်စဉ်မှာ တာဝန်ထမ်းဆောင်နေတဲ့ ရဲတပ်ဖွဲဝင်တွေကို တာဝန်ဝတ္တရားနှောက်ယှက် တိုက်ခိုက်ခဲ့သူသန်းဇော်ဦးကို ရာဇသတ်ကြီးပုဒ်မ(၃၀၇/၃၃၂)ဖြင့် ဇန်နဝါရီ၂၉ရက်နေ့မှာရွှေပန်းတောရဲစခန်းမှာအမှုဖွင့်အရေးယူဆောင်ရွက်ထားတယ်လို့ သိရပါသည်။Red News Agency  

ပညာရေးဝန်ကြီးဌာနကနေ အခြေခံပညာအဆင့် စာမေးပွဲကာလ ပြင်ဆင်မှုများနဲ့ ပတ်သက်ပြီး ဒီကနေ့ မကွေးပညာရေးကောလိပ်ကနေ မကွေးတိုင်းပညာရေးမှူးရုံးရှေ့ထိ ကျောင်းသူကျောင်းသား ဆရာ ဆရာမများက ဆန္ဒပြခဲ့ကြပါတယ်။ ပညာရေး စနစ်အပြောင်းအလဲ လုပ်မယ့်ကိစ္စကို အောက်ခြေအဆင့်ထိဆင်းပြီး လေ့လာမှုများမလုပ်ခဲ့ဘဲ ဝန်ကြီးဌာနက လုပ်ချင်တိုင်း လုပ်နေတဲ့ ကိစ္စကို ပြင်ဆင်ပေးဖို့၊ ဆရာ ဆရာမမလုံလောက်မှု စတဲ့ အခက်အခဲတွေ ၊ ပညာရေးဝန်ကြီးဌာန အာဏာရှင်ဆန်ဆန်း လုပ်နေတဲံ့ ကိစ္စတွေအတွက် ဒီကနေ့ ဆန္ဒပြကြတာလို့ သိရပါတယ်။ ရိုက်ကူး – ဒီလှိုင်း Red News Agency

ဝိုင်- ရိုက်ကူးသည်။ ရန်ကုန်၊ ဇန်နဝါရီ ၁၈ ရက်။ မြစ်ဆုံစီမံကိန်းအပြီးတိုင်ဖျက်သိမ်းပေးရေးနှင့် တိုင်းပြည်၏သဘာဝသယံဇာတရင်းမြစ်များကာကွယ်ပေးရန် တရုတ်သမ္မတရှီကျင့်ဖျင် မြန်မာနိုင်ငံရောက်ရှိနေစဉ် ယနေ့ဇန်နဝါရီ ၁၈ရက်တွင် ရန်ကုန်မြို့တော်ခန်းမရှေ့၌ မြန်မာ့နိုင်ငံရေးလူမှုအဖွဲ့အစည်းအချို့က ဆန္ဒပြတောင်းဆိုခဲ့ကြသည်။ Red News Agency

ရေနံချောင်း၊ ဇန်နဝါရီ ၁၆ ရက်။ မကွေးတိုင်းဒေသကြီးရေနံချောင်းမြို့၌‌ အောင်ဆန်းရုပ်ရှင်ဇာတ်ကားတွင် ပါဝင်သည့် ရေနံမြေသပိတ် ဖြိုခွင်းခံရပုံ ဇာတ်ဝင်ခန်းကို ယနေ့ ဇန်နဝါရီ ၁၆ ရက်နေ့မှာ ဒါရိုက်တာ လူမင်းကိုယ်တိုင် ဦးစီးပြီး ဒေသခံများကို နေ့တွက်ခပေးကာ ဒေသခံ လူ ၅၀၀ ဝန်းကျင်သုံးပြိး ရေနံချောင်းတွင် ရိုက်ကူးခဲ့ကြောင်း သိရသည်။ ယနေ့ ရေနံချောင်းတွင် ရိုက်ကူးခဲ့သည့် ဇာတ်ဝင်ခန်းမှာ ၁၃၀၀ ပြည့် အရေးတော်ပုံ ရေနံြမေသပိတ်ကို ဖြိုခွင်းခံရပုံဖြစ်ကြောင်း၊ ဒေသခံများကို နံနက် ၇ နာရီမှစတင်ခေါ်ယူပြီး နေ့လည်ပိုင်းတွင် ရိုက်ကူးကြောင်း၊ ဒေသခံများကို နေ့တွက်ခ တဦးလျှင် တစ်သောင်းနှုန်းပေးကြောင်း၊ ဒေသခံများသည် ငွေကြေးထက် အောင်ဆန်း ရုပ်ရှင်တွင် တဒေါင့်တနေရာမှ…