News

RNA_စက်တင်ဘာ(၂၅)၊၂၀၂၆ခုနှစ်။ စစ်ကိုင်းတိုင်း အင်းတော်မြို့နယ်အတွင်းရှိ ရွှေဘို-မြစ်ကြီးနားကားလမ်းပိုင်းတစ်နေရာကို စစ်အုပ်စုက လေကြောင်းဗုံးကြဲတိုက်ခိုက်ခဲ့မှုကြောင့် ခရီးသွားပြည်သူ (၅) ဦး သေဆုံးခဲ့ပြီး (၈) ဦး ထိခိုက်ဒဏ်ရာရရှိခဲ့ကြောင်း အင်းတော်မြို့နယ် ပြည်သူ့ကာကွယ်ရေးအဖွဲ့ (ပကဖ) က ယနေ့ (စက်တင်ဘာ ၂၅ ရက်) ထုတ်ပြန်ထားသည်။ စက်တင်ဘာ (၂၃) ရက် နံနက် (၁၁) နာရီဝန်းကျင်နှင့် ညနေ (၄) နာရီခွဲဝန်းကျင်တို့၌ အင်းတော်မြို့နယ် နောင်မိုးရွာနှင့် စက်တောကုန်းရွာကြား ကားလမ်းပိုင်းကို စစ်အုပ်စုက ဗုံးအလုံးရေ (၄၀) နီးပါး ကြဲချတိုက်ခိုက်ခဲ့ကြောင်း သိရသည်။ စစ်အုပ်စု လေကြောင်းဗုံးကြဲတိုက်ခိုက်ခဲ့သည့်နေရာသည် စစ်ရေးနှင့်သက်ဆိုင်သည့်နေရာမဟုတ်ဘဲ အများပြည်သူ ကုန်ကူးသန်းသွားလာရာနေရာဖြစ်ပြီး မိုးရာသီကာလ လမ်းပိုင်းမြေကျွံမှုကြောင့် ယာဉ်ကြောပိတ်ဆို့မှုများဖြစ်နေချိန် ဗုံးကြဲတိုက်ခိုက်ခဲ့ခြင်းဖြစ်ကြောင်း…

RNA_စက်တင်ဘာ(၂၅)၊၂၀၂၆ခုနှစ်။ စစ်ကိုင်းတိုင်း ကောလင်းမြို့နယ် ကုက္ကိုကုန်းရွာကို စစ်အုပ်စုက လေကြောင်းဗုံးကြဲတိုက်ခိုက်မှု လုပ်ဆောင်ခဲ့ခြင်းကြောင့် အရပ်သားပြည်သူ (၂) ဦး သေဆုံးပြီး (၈) ဦး ထိခိုက်ဒဏ်ရာရရှိခဲ့ကြောင်း ကောလင်းခရိုင် အမှတ် (၁) တပ်ရင်းက စက်တင်ဘာ (၂၄) ရက် ညပိုင်းတွင် ထုတ်ပြန်ထားသည်။ စက်တင်ဘာ (၂၄) ရက် ညနေ (၅) နာရီ (၁၅) မိနစ်ဝန်းကျင်က ကုက္ကိုကုန်းရွာရှိ အရပ်သားပြည်သူများကို ပစ်မှတ်ထားကာ လေကြောင်းတိုက်ခိုက်မှု (၂) ကြိမ် လုပ်ဆောင်ခဲ့ပြီး ဗုံး (၂) လုံးနှင့် ရော့ကတ် (၄) လုံး ပစ်ခတ်တိုက်ခိုက်ခဲ့ကြောင်း သိရသည်။ ကုက္ကိုကုန်းရွာအနီးဝန်းကျင်တွင် တိုက်ပွဲဖြစ်ပွားခြင်းမရှိဘဲ စစ်အုပ်စု လေကြောင်းတိုက်ခိုက်မှုကြောင့်…

RNA_စက်တင်ဘာ(၂၄)၊၂၀၂၆ခုနှစ်။ အမေရိကန်နိုင်ငံတွင် ကျင်းပသည့် American Got Talent (AGT) 2026 ပြိုင်ပွဲ၌ ချန်ပီယံဆုရရှိခဲ့သည့် ထိုင်းဆယ်ကျော်သက်မိန်းကလေး နေနေးရွိုင်ရယ်ကို ထိုင်းဝန်ကြီးချုပ် အနုထင်ချန်ဗီရာကူက ဂုဏ်ပြုစကားပြောကြားခဲ့သည်ဟု ထိုင်းသတင်းဌာန The Nation က ဖော်ပြထားသည်။ နယူးယောက်မြို့ကို အလုပ်သဘောခရီးစဉ်ဖြင့် ရောက်ရှိနေသည့် ထိုင်းဝန်ကြီးချုပ်က နေနေး၏ အောင်မြင်မှုသည် ထိုင်းနိုင်ငံသားအားလုံးအတွက် ဂုဏ်ယူဝမ်းမြောက်စရာဖြစ်ကြောင်းနှင့် ထိုင်းဆယ်ကျော်သက်တစ်ဦး နိုင်ငံတကာစင်မြင့်၌ ဆက်လက်လျှောက်လှမ်းနိုင်ရန် အစိုးရက ကူညီထောက်ပံ့ပေးသွားမည်ဟု အနုထင်က ပြောကြားခဲ့ကြောင်း အစိုးရပြောရေးဆိုခွင့်ရှိသူ Ploythalay Laksameesaengjan က ဆိုသည်။ AGT 2026 အစီအစဉ်၌ နေနေး၏ အရည်အချင်းနှင့် စိတ်ဓာတ်ကြံ့ခိုင်မှု၊ ကြိုးစားအားထုတ်မှုကို ဂုဏ်ပြုကြောင်း၊ သူမ၏ ယုံကြည်မှုနှင့်အတူ…

RNA_စက်တင်ဘာ(၂၄)၊၂၀၂၆ခုနှစ်။ စစ်တပ်အာဏာသိမ်း (၅) နှစ်ကျော်ကာလအတွင်း လူမှုကွန်ရက်၌ စစ်အုပ်စုအား ဝေဖန်ရေးသားမှုနှင့် တော်လှန်ရေးအဖွဲ့အစည်းများအား အားပေးထောက်ခံသည့် အရေးအသားများကြောင့် စစ်အုပ်စု၏ ဖမ်းဆီးမှုကို ခံထားရသူပေါင်း (၂၀၂၉) ဦးရှိလာသည်ဟု Data for Myanmar မှ စက်တင်ဘာ ၂၃ ရက်တွင် ထုတ်ပြန်ထားသည့် အစီရင်ခံစာအရ သိရသည်။ နိုင်ငံတစ်ဝန်း မြို့နယ်ပေါင်း (၂၂၇) မြို့နယ်မှ အမျိုးသား (၁၃၁၅) ဦးနှင့် အမျိုးသမီး (၇၁၄) တို့ကို စစ်အုပ်စုက ဖမ်းဆီးခဲ့ခြင်းဖြစ်ပြီး ရန်ကုန်တိုင်းမှ (၅၀၄) ဦး၊ မန္တလေးတိုင်းမှ (၄၆၅) ဦးနှင့် ပဲခူးတိုင်းမှ (၂၇၁) ဦးတို့ဖြင့် အများဆုံးဖမ်းဆီးခံခဲ့ရခြင်း ဖြစ်သည်။ လူမှုကွန်ရက်၌ စစ်အုပ်စုကို…

RNA_စက်တင်ဘာ(၂၃)၊၂၀၂၆ခုနှစ်။ လူထုခေါင်းဆောင် ဒေါ်အောင်ဆန်းစုကြည်ကို မတရားပုဒ်မများဖြင့် နှစ်ရှည်ထောင်ဒဏ်ချများ ချမှတ်ထားသည့် အာဏာသိမ်းစစ်ခေါင်းဆောင် မင်းအောင်လှိုင်က သူမအပေါ် အလွန်သက်ညှာမှုများ ပေးထားကြောင်း TIME မဂ္ဂဇင်းနှင့် အင်တာဗျူးတွင် ထည့်သွင်းပြောဆိုခဲ့သည်။ အာဏာရှင်စစ်ခေါင်းဆောင် မင်းအောင်လှိုင်နှင့် အင်တာဗျူးဆောင်းပါးကို အနောက်တိုင်းမီဒီယာကြီးတစ်ခုဖြစ်သည့် TIME မဂ္ဂဇင်းက ယနေ့ (စက်တင်ဘာ ၂၃ ရက်) တွင် ဖော်ပြခဲ့ပြီး ယင်းအင်တာဗျူးဆောင်းပါး၌ အခြားပြည်တွင်းပြည်ပ နိုင်ငံရေးလေ့လာသုံးသပ်သူများ၏ အမြင်နှင့် မြန်မာ့စစ်ရေးပဋိပက္ခ၊ စီးပွားရေးပြိုလဲနေမှုများအကြောင်းကိုလည်း ထည့်သွင်းဖော်ပြထားသည်။ နေပြည်တော်၌ မတရားဖမ်းဆီးထိန်းသိမ်းခံထားရသည့် ဒေါ်အောင်ဆန်းစုကြည်နှင့်ပတ်သက်၍ TIME မဂ္ဂဇင်းက မေးမြန်းချိန် “ကျွန်တော် အတော်လေး သက်ညှာပေးထားပါတယ်။ အခြေအနေတွေ ဒီအဆင့်ထိရောက်အောင် ကျွန်တော် တတ်နိုင်သမျှ ကြိုးစားခဲ့ပါတယ်” ဟု မင်းအောင်လှိုင်က…