RNA_ဇူလိုင်(၁၃)၊၂၀၂၅ ခုနှစ်။
ကွယ်လွန်သူ မြန်မာစာပါမောက္ခ (အငြိမ်းစား)၊ ဒေါက်တာ ညွန့်သောင်း (စာရေးဆရာ မောင်သာချို) ၏ ဈာပနအခမ်းအနားကို ဇူလိုင်လ ၁၂ ရက်နေ့က ရေဝေးသုဿန်၌ ကျင်းပခဲ့ပြီး မီးသင်္ဂြိုဟ်ကာ အရိုးပြာကို အုတ်ဂူသွင်းခဲ့သည်။
Author: RNA Editor
-
စီမံကိန်းရုံး တိုက်ပွဲတွင် PDF ရဲဘော်တစ်ဦးကျဆုံးပြီး ရဲဘော် (၆) ဦးဒဏ်ရာရ
RNA_ဇူလိုင်(၁၁)၊၂၀၂၅ခုနှစ်။
မကွေးတိုင်း၊ မြိုင်မြို့နယ်၊ မြိုင် – ပခုက္ကူလမ်းပိုင်းရှိ စစ်ကောင်စီတပ် တပ်စွဲထားသော စီမံကိန်းရုံးတိုက်ပွဲတွင် Burma Revolution Rangers တပ်ဖွဲ့မှ ရဲဘော်တစ်ဦး မြင့်မြတ်စွာကျဆုံးခဲ့ရပြီး ရဲဘော်၆ဦး ဒဏ်ရာရရှိခဲ့ကြောင်း သိရသည်။
စီမံကိန်းရုံးတိုက်ပွဲကို ဇူလိုင်လ ၉ ရက်နေ့ နံနက် ၄ နာရီမှစတင်ကာ ည ၇ နာရီထိတိုက်ပွဲပြင်းထန်ခဲ့ပြီး လေကြောင်းတိုက်ခိုက်မှုများ ပြုလုပ်နေသည့်ကြားမှ သိမ်းပိုက်နိုင်ခဲ့ကြောင်း၊ စခန်းသိမ်းနိုင်ပြီးနောက် စစ်သုံ့ပန်း (၁၂) ဦးနှင့်အတူ G3 ၁၀ လက်၊ MA3 ၁ လက်၊ MA4 ၁ လက်၊ 79 ၁ လက်၊ G3 ဘောက် ၁၅ ဘောက်၊ MA ဘောက် ၂ ဘောက်၊ G3 ကျည် ၁၃၆ တောင့်၊ ၅.၅၆ ကျည် ၃၇ တောင့်၊ လက်ပစ်ဗုံး ၉ လုံး၊ 79 အဖူး ၆ ဖူး၊ ဦးထုပ် ၅ လုံး၊ ဖုန်း ၃ လုံး၊ အီကွက်မန့် ၇ ခု၊ ငွေသား ၂၂ သိန်း တို့ သိမ်းဆည်းရမိခဲ့သည်ဟု Burma Revolution Rangers မှထုတ်ပြန်ထားသည်။
-
မြိုင် – ပခုက္ကူလမ်းပိုင်းရှိ စစ်ကောင်စီစခန်းကို PDF များတိုက်ခိုက် စစ်သုံ့ပန်း (၁၂) ဦးဖမ်းဆီးရမိ
RNA_ဇူလိုင်(၁၁)၊၂၀၂၅ခုနှစ်။
မကွေးတိုင်း၊ မြိုင် – ပခုက္ကူလမ်းပိုင်းရှိ စစ်ကောင်စီစခန်းချနေထိုင်သော စီမံကိန်းရုံးကို PDF တပ်ဖွဲ့များက ဇူလိုင် ၉ ရက်နေ့က တိုက်ခိုက်သိမ်းပိုက်မှုအောင်မြင်ခဲ့ပြီး စစ်သုံ့ပန်း (၁၂) ဦးဖမ်းဆီးရမိသည်ဟု တမာမြေပြောက်ကျားတပ်ဖွဲ့ထံမှ သိရသည်။
စစ်ကောင်စီတပ်စွဲထားသော စီမံကိန်းရုံးကို ဇူလိုင် ၉ ရက်နေ့က ဒေသခံတော်လှန်ရေးအင်အားစုများ ပူးပေါင်းပြီး တစ်နေ့ကုန်နီးပါး (နံနက် ၄ နာရီကျော်မှ ည ၇ နာရီ) တိုက်ပြီးမှ သိမ်းပိုက်နိုင်ခဲ့ခြင်းဖြစ်ပြီး၊ စစ်သုံ့ပန်းများနှင့်အတူ လက်နက်ခဲယမ်းများကို သိမ်းပိုက်ရရှိထားကြောင်း၊ စစ်ကောင်စီတပ်သားများလည်းသေဆုံးမှုရှိသည့်ပြင် တော်လှန်ရေးရဲဘော်တစ်ဦးလည်း ကျဆုံးခဲ့ကြောင်း သိရသည်။
-
စခန်းသိမ်းတိုက်ပွဲတွင် စစ်ကောင်စီတပ် ဒုတပ်ရင်းမှူး ဗိုလ်မှူးချမ်းလွင်မောင်ကို PDF များ အရှင်ဖမ်းဆီး
RNA_ဇူလိုင်(၁၀)၊၂၀၂၅ခုနှစ်။
စစ်ကိုင်းတိုင်း၊ ရွှေဘိုမြို့နယ်၊ ဟင်္သာကြီးပျူရွာစခန်းကုန်းနှင့် ဘိုးနတ်တော် ဗျူဟာစခန်းကုန်းတို့ကို ဒေသတွင်း တော်လှန်ရေးအင်အားစုများတိုက်ခဲ့ရာ စစ်ကောင်စီတပ်မှ ဒုတပ်ရင်းမှူး ဗိုလ်မှူးချမ်းလွင်မောင်အား အရှင်းဖမ်းဆီးနိုင်ခဲ့ပြီး လက်နက်ခဲယမ်းများ သိမ်းဆည်းရမိသည်ဟု သိရသည်။
ရွှေဘိုမြို့နယ်၊ ကျောင်းမြောင်းမြို့၊ ဟင်္သာကြီးပျူရွာစခန်းကုန်း၊ ဘိုးနတ်တောင်ဗျူဟာစခန်းတို့ကို တော်လှန်ရေးအင်အားစုများက ဇူလိုင်လ ၅ ရက်နေ့မှစတင်ကာ (၇) ရက်နေ့အထိ ပျူရွာ (၁)၊ ဗျူဟာစခန်းကုန်း (၃) ခုတို့ကို သိမ်းဆည်းရမိသည်ဟု အမှတ် – ၉၇၀၆ တပ်ရင်း (Doung Ni People Defence Force) ကထုတ်ပြန်ထားသည်။
-
ဖားကန့်မြို့အတွက် ဆန်သယ်ယူခွင့် စစ်ကောင်စီပိတ်ထား
RNA_ဇူလိုင်(၉)၊၂၀၂၅ခုနှစ်။
ကချင်ပြည်နယ်၊ ဖားကန့်မြို့အတွက် ဆန်သယ်ယူခွင့်ကို စစ်ကောင်စီ၏ ဖားကန့်အခြေစိုက် တပ်မ ၃၃ တပ်မမှူးအသစ်ရောက်ရှိလာပြီးနောက်ပိုင်း ပိတ်လိုက်သည့်အတွက် ဖားကန့်တွင်ဆန်ဝယ်ယူရေး အခက်အခဲဖြစ်နေကြောင်း သိရသည်။
“တပ်မမှူး အဟောင်းလေ၊ ပြုတ်သွားတဲ့ဟာက သယ်ယူခွင့် လက်မှတ်ထိုးပေးတယ်၊ အခုက ကချင်ပြည်နယ်အစိုးရအဖွဲ့ နယ်လုံဝန်ကြီးရဲ့ ခွင့်ပြုချက်ရမှ သယ်ခွင့်ပြုတော့မှာ၊ နယ်လုံဝန်ကြီး ခွင့်ပြုချက်ရဖို့ကလည်း အခုက ခက်ခဲနေတာပေါ့” ဟု ဖားကန့်ဆန်ကုန်သည်တစ်ဦးက ပြောသည်။
-
နှောညောင်ပင်ရွာရှိ စစ်ကောင်စီလက်အောက်ခံ အထိုင်စခန်း တိုက်ခိုက်ခံရပြီး (၆) ဦးသေဆုံးပြီး (၁) ဦးဖမ်းဆီးခံရ
RNA_ဇူလိုင်(၈)၊၂၀၂၅ခုနှစ်။
စစ်ကိုင်းတိုင်း၊ ကလေးမြို့နယ်၊ နှောညောင်ပင်ပျူရွာ (ကံပုလဲအရှေ့ရွာ)ရှိ စစ်ကောင်စီလက်အောက်ခံ စခန်းကို ဒေသတွင်းတော်လှန်ရေး အင်အားစုများက ဇူလိုင် (၅) ရက်နေ့က ဝင်ရောက်တိုက်ခိုက်ချိန် စစ်ကောင်စီလက်အောက်ခံ (၆) ဦးသေဆုံးပြီး (၁) ဦးအရှင်ဖမ်းဆီးရမိခဲ့သည်ဟု သိရသည်။
နှောညောင်ပင်ရွာရှိ စစ်ကောင်စီလက်အောက်ခံ စခန်းကို ကလေးခရိုင်ပြည်သူ့ကာကွယ်ရေးအဖွဲ့ (ပကဖ)ဦးဆောင်မှုဖြင့် ဒေသခံကျေးရွာပကဖအဖွဲ့များ၊ RAW (Kalay) ဆေးအဖွဲ့ရဲဘော်များက တိုက်ခိုက်ခဲ့ခြင်းဖြစ်ပြီး၊ ကာဘိုင်(၄)လက်၊ BA-100(၆၀မမ)-(၁)ပြောင်း၊ G-3-(၂)လက်၊ ၆၀ဖူး( ၁၂ )ဖူး၊ MG-1 ပလတ်စတစ်လက်ပစ်ဗုံး(၂)လုံး၊ i-con(၂)လုံးစသည့် လက်နက်ခဲယမ်းနှင့် စက်ဆက်ပစ္စည်းများ သိမ်းဆည်းရမိသည်ဟု ကလေးခရိုင်ပြည်သူ့ကာကွယ်ရေးအဖွဲ့ကထုတ်ပြန်ထားသည်။
-
Free Burma Rangers ရုပ်သံကိုအခြေခံပြီး ပြည်ပကျူးကျော်စစ်နှင့် ဘာသာရေးစစ်အသွင်ဆောင်ပြီဟု စစ်ကောင်စီလော်ဘီများ မဟုတ်မမှန် ဝါဒဖြန့်
Red News / Fact Checkရှမ်းပြည်နယ် (တောင်ပိုင်း) နှင့် ကယားပြည်နယ်အစပ် မိုးဗြဲမြို့တွင် ကရင်နီတပ်ပေါင်းစုံတော်လှန်ရေးတပ်ဖွဲ့နှင့် စစ်ကောင်စီတပ်တို့ တိုက်ပွဲများအတွင်း ထိခိုက်ဒဏ်ရာရရှိသော တပ်ပေါင်းစုံတပ်ဖွဲ့များ၏ ဒဏ်ရာရရှိမှုစသည့် မြေပြင်အခြေအနေများကို Free Burma Rangers (FBR) အဖွဲ့က ပါဝင်ကူညီပေးနေသည့် ရုပ်သံထုတ်ပြန်မှုကို အခြေခံပြီး စစ်ကောင်စီလော်ဘီများက ပြည်ပကျူးကျော်စစ်နှင့် ဘာသာရေးစစ်အသွင်ဆောင်ပြီဆိုသည့် ဝါဒဖြန့်မှုများကို တယ်လီဂရန်ချန်နယ်များတွင် ပြုလုပ်နေသည်။စစ်ကောင်စီလော်ဘီများ၏ ဝါဒဖြန့်မှုများ————————————မိုးဗြဲမြို့သိမ်းတိုက်ပွဲ ဖေဖော်ဝါရီ ၅ရက်တွင် FBR က တိုက်ပွဲအတွင်း အရေးပေါ်ဆေးကုရေး၊ ရွေ့ပြောင်းကူညီကယ်ဆယ်ရေးလုပ်ငန်းများ ဝင်ရောက်လုပ်ကိုင်ခဲ့ခြင်းရုပ်သံဖိုင်နှင့် ရုပ်သံဖိုင်တွင်ပါရှိသည့် အဖွဲ့ခေါင်းဆောင် ဒေးဗစ်ယူဘန့် (David Eubank) ၏ ဆုတောင်းစကား “and trying to help,in Jesus’ name”ကို မျဉ်းဝါပြကာ “ကယား၊ ကရင်၊ ရခိုင်ဘက်က တိုက်ပွဲတွေက ပြည်ပကျူးကျော်စစ်တွေဖြစ်သလို ဘာသာရေးစစ် အသွင်ကိုလည်း ဆောင်တယ်။ ဘူမသိ ကိုးမသိ ဗမာငပိန်းတွေက ပိန်းပိတ်နေဆဲပဲ” (မူရင်းအရေးအသား) ဟု စစ်ကောင်စီလော်ဘီ Ko Thet ချန်နယ်မှ ဇူလိုင် ၃ တွင် စတင်၍ ဝါဒဖြန့်နေသည်။ -
မှော်ဘီရဲတပ်ရင်း (၅) မှ ဒုတပ်ကြပ်ဟန်ဝေအောင်နှင့် တပ်သားအောင်သီဟတို့ ဖမ်းဆီးခံရ
RNA_ဇူလိုင်(၄)၊၂၀၂၅ခုနှစ်။
မန္တလေးတိုင်း၊ တောင်သာမြို့နယ် စစ်ကောင်စီ၏ အမှတ် (၁) စွပ်ကျယ်စက်ရုံ၌ လုံခြုံရေးတာဝန်ယူနေကြရသော ရန်ကုန်တိုင်း၊ မှော်ဘီမြို့နယ်၊ ရဲတပ်ရင်း (၅) မှ ဒုတပ်ကြပ် ဟန်ဝေအောင်နှင့် တပ်သား အောင်သီဟတို့ကို တောင်သာမြို့နယ် ပကဖ ရဲဘော်များက ဇူလိုင်လ ၃ ရက်နေ့ ညနေပိုင်းက ဖမ်းဆီးလိုက်ကြောင်း သိရသည်။
-
စစ်ကောင်စီတိုက်လေယာဉ်ကို ကရင်နီတပ်ပေါင်းစုံတော်လှန်ရေးတပ်ဖွဲ့က ပစ်ချ
RNA_ဇူလိုင်(၃)၊၂၀၂၅ခုနှစ်။
ကရင်နီပြည်၊ ဖားဆောင်းမြို့သိမ်းတိုက်ပွဲအတွင်း လေကြောင်းတိုက်ခိုက်ရန်လာသော စစ်ကောင်စီ၏ တိုက်လေယာဉ်ကို ကရင်နီတပ်ပေါင်းစုံ တော်လှန်ရေးတပ်ဖွဲ့က ပစ်ချနိုင်ခဲ့သည်ဟု KNDF ကသတင်းထုတ်ပြန်လိုက်သည်။
ဖားဆောင်းမြို့တိုက်ပွဲသို့ ဇူလိုင်လ (၂) ရက်နေ့ နံနက် (၁) နာရီခန့်တွင် ဗုံးကြဲတိုက်ခိုက်ရန် လာသော စစ်ကောင်စီ၏ ဂျက်တိုက်လေယာဉ် (၄) စင်းကို ကရင်နီတပ်ပေါင်းစုံတော်လှန်ရေးအဖွဲ့များက တန်ပြန်တိုက်ခိုက်ခဲ့ရာ တရုတ်နိုင်ငံထုတ် FTC-2000G အမျိုးအစား တိုက်လေယာဉ်တစ်စင်းကို ပစ်ချနိုင်ခဲ့သည့်အတွက် ဇူလိုင်လ ၃ ရက်နေ့ မွန်းလွဲပိုင်းတွင် ဖားဆောင်းမြို့အနီးအနားတွင် ပစ်ချခံရသော လေယာဉ်ကိုယ်ထည် အပျက် အစီးများနှင့်အတူ လေယာဉ်မှူး (၂) ဦး၏ ရုပ်အလောင်း အပိုင်းအစများကိုပါ တွေ့ရှိသည်ဟု ထုတ်ပြန်ချက်တွင်ဖော်ပြထားသည်။
-
ပျောက်ဆုံးနေသော စစ်ကောင်စီလေယာဉ်မှာ ဖားဆောင်းမြို့နယ်မှာ ပျက်ကျ
RNA_ဇူလိုင်(၃)၊၂၀၂၅ခုနှစ်။စစ်ကောင်စီတပ်မှ ယမန်နေ့ညပိုင်းက ပျောက်ဆုံးသွားသော လေယာဉ်မှာ ကရင်နီပြည် ဖားဆောင်းမြို့နှင့် ကျောက်စုရွာကြား သံလွင်မြစ်အရှေ့ဘက်ခြမ်းတွင် ပျက်ကျခဲ့သည့်အတွက် ယနေ့ တော်လှန်ရေးအင်အားစုများက လေယာဉ်အပိုင်းအစများကို တွေ့ရှိထားပြီဖြစ်သည်။
စစ်ကောင်စီလေတပ်၏ တိုက်လေယာဉ်သည် ဇူလိုင်လ ၁ ရက် ညပိုင်းက နေပြည်တော်၏ အရှေ့တောင်ဘက် ကီလိုမီတာ ၁၃၀ အကွာ၌ ရေဒါမြင်ကွင်းမှ ပျောက်သွားပြီး အဆက်အသွယ်ပျက်တောက်သွားခဲ့ကြောင်း၊ အဆိုပါ လေယာဉ်ပျောက်ဆုံးမှုနှင့်ပတ်သက်၍ စက်ချို့ယွင်းခြင်း (သို့မဟုတ်) ရာသီဥတုဆိုးရွာမှုကြောင့် ဖြစ်နိုင်သည်ဟု စစ်ကောင်စီက ယနေ့ နံနက်ပိုင်းတွင် အသိပေးထားသည်။