RNA_ဇူလိုင်(၁၁)၊၂၀၂၅ခုနှစ်။
မကွေးတိုင်း၊ မြိုင်မြို့နယ်၊ မြိုင် – ပခုက္ကူလမ်းပိုင်းရှိ စစ်ကောင်စီတပ် တပ်စွဲထားသော စီမံကိန်းရုံးတိုက်ပွဲတွင် Burma Revolution Rangers တပ်ဖွဲ့မှ ရဲဘော်တစ်ဦး မြင့်မြတ်စွာကျဆုံးခဲ့ရပြီး ရဲဘော်၆ဦး ဒဏ်ရာရရှိခဲ့ကြောင်း သိရသည်။
စီမံကိန်းရုံးတိုက်ပွဲကို ဇူလိုင်လ ၉ ရက်နေ့ နံနက် ၄ နာရီမှစတင်ကာ ည ၇ နာရီထိတိုက်ပွဲပြင်းထန်ခဲ့ပြီး လေကြောင်းတိုက်ခိုက်မှုများ ပြုလုပ်နေသည့်ကြားမှ သိမ်းပိုက်နိုင်ခဲ့ကြောင်း၊ စခန်းသိမ်းနိုင်ပြီးနောက် စစ်သုံ့ပန်း (၁၂) ဦးနှင့်အတူ G3 ၁၀ လက်၊ MA3 ၁ လက်၊ MA4 ၁ လက်၊ 79 ၁ လက်၊ G3 ဘောက် ၁၅ ဘောက်၊ MA ဘောက် ၂ ဘောက်၊ G3 ကျည် ၁၃၆ တောင့်၊ ၅.၅၆ ကျည် ၃၇ တောင့်၊ လက်ပစ်ဗုံး ၉ လုံး၊ 79 အဖူး ၆ ဖူး၊ ဦးထုပ် ၅ လုံး၊ ဖုန်း ၃ လုံး၊ အီကွက်မန့် ၇ ခု၊ ငွေသား ၂၂ သိန်း တို့ သိမ်းဆည်းရမိခဲ့သည်ဟု Burma Revolution Rangers မှထုတ်ပြန်ထားသည်။