Independent Journalism for Justice and Human Rights.
RNA_ဒီဇင်ဘာ(၇)၊၂၀၂၃ ခုနှစ်။
ကရင်ပြည်နယ် တောင်ပိုင်းတိုင်းစစ်ဒေသတွင် စစ်ကောင်စီတပ်ကို လက်နက်ကိုင်တိုက်ခိုက်နေသည့် ကျားဖြူစစ်ကြောင်းက အသက် (၅၆) နှစ်ရှိ အဖိုးဆိုလာက နောင်လာနောင်သားများအတွက် တတိယအရွယ်ရောက်နေသည့်တိုင် လက်နက်ကိုင်တိုက်ခိုက်နေရသည်ဟု ရဲဘော်သစ်နောင်နောင်ကို ပြောကြားထားသည်။
[embedyt] https://www.youtube.com/watch?v=syjNBsP6WvM[/embedyt]
#RedNewsAgency
RNA_ဇန်နဝါရီ (၅)၊ ၂၀၂၃ ခုနှစ်။
၂၀၂၃ ခုနှစ် တော်လှန်ရေးအခြေအနေများနှင့် ပတ်သက်ပြီး ဗကသ ဥက္ကဌဟောင်း ဆိုရှယ်ဒီမိုကရက်တစ် ညီညွတ်ရေးတပ်ဦးမှ ကိုကျော်ကျော်ကိုနှင့် မေးမြန်းထားမှုတွင် စစ်ကောင်စီပြုလုပ်မည့် ရွေးကောက်ပွဲကို ပြတ်ပြတ်သားသား ဆန့်ကျင်မှသာ နိုင်ငံရေးအသားစီးရမှာဖြစ်သည့်အကြောင်းအပါအဝင် တော်လှန်ရေးနှင့် ပတ်သက်သည့် သဘေားထားများကို ပြောကြားထားသည်။
[embedyt] https://www.youtube.com/watch?v=azaVDG3rxCk[/embedyt]
#RedNewsAgency
RNA_ဇန်နဝါရီ (၄)၊၂၀၂၃ ခုနှစ်။
ကိုလိုနီ ကျွန်ဘဝမှ လွတ်လပ်ရေး ရခဲ့သော်လည်း စစ်ကျွန်ဘဝမှ စစ်အာဏာရှင်လက်အောက်မှ လွတ်လပ်ရေးမရသေးသည့်အတွက် လက်နက်ကိုင်တိုက်ခိုက်နေသည့် တော်လှန်ရေး ရဲဘော်များ၊ မဟာမိတ်တပ်ဖွဲ့များ၏ တိုက်ခိုက်မှုကြောင့် ယနေ့ နံနက်ပိုင်းက ကရင်ပြည်နယ် ကြာအင်းဆိပ်ကြီးမြို့အခြေစိုက် စစ်ကောင်စီတပ် တပ်ရင်းဝင်စီးခံရပြီး မီးရှို့ဖျက်ဆီးခံလိုက်ရကြောင်း သိရသည်။
စစ်ကောင်စီတပ်သည် ကြာအင်းဆိပ်ကြီး အထိုင်ချ တပ်စခန်းတချို့ ကျဆုံးမှု ရှိနေသည့်အတွက် စစ်ကောင်စီတပ်လေကြောင်းမှ တိုက်ခိုက်နေကြောင်း၊ ယခုအချိန်ထိ တိုက်ပွဲပြင်းထန်နေပြီး စစ်ကောင်စီတပ်က အသေအဆုံးများရှိသလို အရှင်ဖမ်းခံရသူများရှိကြောင်း သိရသည်။
[embedyt] https://www.youtube.com/watch?v=YVoZpvMa8Oo[/embedyt]
“ ဒီနေ့က လွတ်လပ်ရေးနေ့လို့သာပြောကြတာ တကယ်မလွတ်လပ်သေးလို့ လက်နက်ကိုင်တိုက်နေကြရတာ ကရင်ပြည်နယ်မှာက တိုက်ပွဲပြင်းထန်နေတာ နှစ်ပတ်နီးပါးရှိတော့မယ်၊ အကျအဆုံးကတော့ စစ်တပ်က ပိုများတယ်၊ ပြီးခဲ့တဲ့ရက်မှာတော့ မဟာမိတ်အဖွဲ့အစည်းတွေမှာလည်း ကျခဲ့တယ်” ဟု တောင်ပိုင်းတိုင်းစစ်ဒေသအခြေစိုက် တိုက်ပွဲဝင်နေသည့် ရဲဘော်တဦးက Red News Agency ကိုပြောသည်။
KNU တပ်မဟာ (၆) နယ်မြေ ကြာအင်းဆိပ်ကြီးမြို့ အခြေစိုက် စစ်ကောင်စီတပ် တပ်ရင်း (၂၈၄) ဝင်စီးခံရပြီး လက်နက်တိုက်တခု သိမ်းဆည်းရမိပြီး အဆောက်အဦများကို တော်လှန်ရေးရဲဘော်များက မီးရှို့ဖျက်ဆီးခဲ့ကြောင်း၊ စစ်ကောင်စီတပ်ကလည်း လေကြောင်းအသုံးပြုပစ်ခတ်နေကြောင်း သိရသည်။
#RedNewsAgency
Lion Battalion Commando-ဗျူဟာစစ်ကြောင်းမှ ရဲဘော်စောဘုန်းအောင် ကျဆုံး၊ တိုက်ပွဲမှာ တောင်စွန်း BGF စခန်း (၂) ကိုသိမ်းပိုက်ထား
RNA_ဇန်နဝါရီ၂၊၂၀၂၃ခုနှစ်။
ကရင်ပြည်နယ်၊ ဘုရားသုံးဆူလမ်းပေါ်ရှိ တောင်စွန်း BGF စခန်း (၂) ခုကို သိမ်းထားနိုင်ပြီး Lion Battalion Commando–ဗျူဟာစစ်ကြောင်းမှ ရဲဘော်စောဘုန်းအောင် (ခ) အနဲ့နှင့်ပူးပေါင်းတပ်ဖွဲ့မှရဲဘော်တချို့ကျဆုံးခဲ့ရကြောင်းသိရသည်။
RNA_ဇန်နဝါရီ ၁၊၂၀၂၃ ခုနှစ်။
စစ်ကိုင်းတိုင်းအတွင်း စစ်ကောင်စီတပ်ကို လက်နက် ကိုင်တိုက်ခိုက်နေသည့် 96 Soldiers -PDF အညာမြေတပ်ခွဲရဲဘော်များက ၂၀၂၃ ခုနှစ်အကြို ညပိုင်းတွင် တော်လှန် ရေးသီချင်းတခုဖြစ်သည့် သွေးသစ္စာ သီချင်းသံပြိုင်သီဆိုကာ ကျော်ဖြတ်ခဲ့ကြကြောင်း သိရသည်။
[embedyt] https://www.youtube.com/watch?v=nBWNv-dcZK4[/embedyt]
#RedNewsAgency
RNA_ဇန်နဝါရီ ၁၊၂၀၂၃ခုနှစ်။
မကွေးတိုင်း၊ စလင်းမြို့နယ် ပြည်သူ့ကာကွယ်ရေးတပ်ဖွဲ့က နှစ်သစ်ကူးလက်ဆောင်အဖြစ် စလင်းမြို့နယ်၊ ကံပြားရဲစခန်းကို ယမန်နေ့ (ဒီဇင်ဘာ ၃၁ ရက်) ညပိုင်းက ဝေဟင်ဗုံး (၄) လုံးကျဲပြီး တိုက်ခိုက်ခဲ့ကြောင်း ထုတ်ပြန်ထားသည်။
[embedyt] https://www.youtube.com/watch?v=O16yEZVgTIA[/embedyt]
#RedNewsAgency
RNA_ဒီဇင်ဘာ(၃၁)၊၂၀၂၂ခုနှစ်။
ထိုင်းနိုင်ငံ ဘန်ကောက်မြို့ ရတ်ချာဒမရီလမ်းမပေါ်မှာ ၂၀၂၃ ခုနှစ် နှစ်သစ်ကိုကြိုဆိုရန် သိန်းချီသည့် နိုင်ငံတကာမှ ဧည့်သည်များသည် ယနေ့ည အစောပိုင်းကတည်းက စုဝေးရောက်ရှိနေကြသည်။
[embedyt] https://www.youtube.com/watch?v=qsH8u9aO0Ds[/embedyt]
ယနေ့ည နှစ်သစ်ကြိုဖို့ Central World ကုန်တိုက် Platinum ကုန်တိုက်နဲ့ Big C ကုန်တိုက်ကြီးများရှိသော ရတ်ချာဒမရီလမ်းမကြီးတွင် လူဦးရေ သိန်းချီစုဝေးရောက်ရှိလိမ့်မည်ဟု ဒေသခံများက ခန့်မှန်းထားသည်။
Covid -19 ကပ်ရောဂါကြောင့် ထိခိုက်သွားခဲ့သည့် ထိုင်းနိုင်ငံ၏ စီးပွားရေးလုပ်ငန်းတွေကို ပြန်လည်ကုစားနိုင်ရန်အတွက် ထိုင်းအစိုးရက အထူးကြိုးစားနေပြီး ပြည်ပဧည့်သည်များဝင်ရောက်မှုကိုလည်း များစွာပြေလျော့ပေးထားသောကြောင့် ထိုင်းနိုင်ငံတွင် နိုင်ငံတကာခရီးသွားများဖြင့် စည်ကားလျှက်ရှိနေသည်။
#RedNewsAgency