Independent Journalism for Justice and Human Rights.
RNA_ဇန်နဝါရီ ၁၅ ရက်၊ ၂၀၂၂ ခုနှစ်။
စစ်ကောင်စီတပ် စစ်ကြောင်းထိုးမှုတွေကြောင့် နယ်မြေ မတည်ငြိမ်မှုတွေရှိပေမဲ့ စစ်ကိုင်းတိုင်း၊ ဆားလင်းကြီးမြို့နယ်၊ လက်ပံတောင်းတောင်ဒေသပင်မသပိတ်စစ်ကြောင်းက ယနေ့ စစ်အာဏာရှင်စနစ် အလိုမရှိကြောင်း ကျေးရွာများအတွင်း လှည့်လည်ဆန္ဒပြခဲ့ကြသည်။
Red News Agency
RNA_ဇန်နဝါရီ ၁၅ ရက်၊ ၂၀၂၂ ခုနှစ်။
တအာင်းအမျိုးသားများနှင့် ဘဝတူတိုင်းရင်းသားများ မြန်မာနိုင်ငံမှာ လူမျိုးကြီး ဝါဒနှင့် စစ်အာဏာရှင် စနစ် မချုပ်ငြိမ်းသမျှ တော်လှန် ရေးခရီးကြမ်းကို ဆက်လှမ်းနေရမည်ဟု TNLA ဒုတိယ ဗိုလ်ချုပ်ကြီး တားအိုက်ဘုန်းက (၅၉) နှစ်ပြည့် တအာင်း အမျိုးသားတော်လှန်ရေးနေ့မှာ ပြောကြားခဲ့သည်။
[embedyt] https://www.youtube.com/watch?v=EHu5YWOenQU[/embedyt]
တအာင်းအမျိုးသားများသည် ကိုယ့်ကြမ္မာ ကိုယ်ဖန်တီးခွင့်၊ လူ့အခွင့်အရေး တန်းတူရေးနှင့် ဖက်ဒရယ်ပြည်ထောင်စု တည်ဆောက်နိုင်ရေးအတွက် မလွှဲမရှောင်သာ လက်နက်ကိုင် တော်လှန်ရေး ဆင်နွှဲခဲ့သည်မှာ ၁၉၆၃ ခုနှစ်၊ ဇန်နဝါရီလ ၁၂ ရက်နေ့က တည်းက ယနေ့အချိန်ထိ (၅၉) နှစ် ပြည့်ပြီဖြစ် ကြောင်း၊ ပလောင်ပြည်နယ် ရရှိရေးနှင့် လူမျိုး၊ ဘာသာစကား၊ ယဉ်ကျေးမှု ဓလေ့ထုံးတမ်း အစဉ် အလာ၊ မိမိဒေသ နယ်မြေများ ထပ်မံမဆုံးရှုံးရအောင် ပလောင်လွတ်မြောက်ရေးတပ်ဦး P. S. L.F နှင့် ဒေသခံ မိဘပြည်သူများ ခိုင်ခိုင်မာမာလက်တွဲပြီး ကာကွယ်စောင့်ရှောက် နေရခြင်းဖြစ်သည်ဟု ဒုတိယ ဗိုလ်ချုပ်ကြီး တားအိုက်ဘုန်းက ပြောကြားထားသည်။
(၅၉) နှစ်ပြည့် တအာင်း အမျိုးသားတော်လှန်ရေးနေ့ကို ဇန်နဝါရီလ ၁၂ ရက်နေ့က လွတ်မြောက်နယ်မြေ တနေရာတွင် စစ်ရေးပြအခမ်းအနားဖြင့် ကျင်းပခဲ့ပြီး၊ မဟာမိတ်အဖွဲ့များ၊ NUG ကာကွယ်ရေး ဝန်ကြီးဌာနတို့က သဝဏ်လွှာများ ပေးပို့ခဲ့ကြသည်။
Video: (၅၉) နှစ်ပြည့် တအာင်း အမျိုးသား တော်လှန်ရေး အခမ်းအနား စစ်ရေးပြမြင်ကွင်း ဒေသခံတဦး ရိုက်ကူးထားသည်။
Red News Agency
RNA_ဇန်နဝါရီ ၁၅ ရက်၊ ၂၀၂၂ ခုနှစ်။
ကရင်ပြည်နယ် မြဝတီမြို့တောင်ဘက် ဖလူးလေးကျေးရွာအနီး စစ်ဘေးရှောင်များ ရှိနေသည့် DKBA ဗိုလ်စလုံးစခန်းကို ဇန်နဝါရီလ ၁၄ ရက်နေ့က လေကြောင်းအပါအဝင် လက်နက်ကြီး သာလွန်အင်အားဖြင့် စစ်ကောင်စီတပ်ထိုးစစ်ဆင်ရာတွင် စခန်းအသိမ်းခံလိုက်ရပြီး PDF (၈) ဦး ဖမ်းဆီးခံရပြီး (၄) ဦးသတ်ခံရကြောင်း၊ ၁ ဦးဒဏ်ရာအပြင်းအထန်ရထားပြီး ဆေးကုသမှုခံယူနေကြောင်း ဒေသခံ သတင်းရင်းမြစ်ထံမှ သိရသည်။
DKBA ဗိုလ်စလုံး စခန်းတွင် စစ်ဘေးရှောင်ပြည်သူ (၃၀၀) ကျော် ခိုလှုံနေကြောင်း၊ တိုက်ပွဲအတွင်း စစ်ဘေးရှောင်ပြည်သူ အနည်းဆုံး (၃) ဦးဒဏ်ရာရရှိကြောင်း၊ ယခု စစ်ဘေးရှောင်ပြည်သူများ ထိုင်းဘက်ကူးနေကြရကြောင်း၊ စစ်ကောင်စီတပ်သည် စစ်ဘေးရှောင်စခန်းများကိုပါလေကြောင်းဖြင့် တိုက်ခိုက်နေခြင်းဖြစ်ကြောင်း၊ DKBA ဗိုလ်စလုံးက ဆုတ်ပေးစရာ မြေမရှိတော့သည့်အ တွက် တိုက်ခိုက်ရတော့မည်ဟု သတင်းဌာနတခုကို ပြောကြားထားသည်။
စစ်ကောင်စီတပ်က သာလွန်အင်အား လက်နက်ကြီးပစ်ကူ၊ လေကြောင်းပစ်ကူတို့ကြောင့် စခန်းဆုတ်ပေးလိုက်ရခြင်းဖြစ်ကြောင်း၊ စခန်းဆုတ်ပေးစဉ် မြေပြင်က စစ်ကောင်စီတပ်ကို DKBA ၊ PDF စသည့် ပူးပေါင်းတပ်ဖွဲ့များက တိုက်ခိုက်ခဲ့ကြောင်း၊ ဖမ်းဆီးခံလိုက်ရသည့် PDF များထဲက (၄) ဦးကို စစ်ကောင်စီတပ်က ဖမ်းမိပြီးမှ နေရာတွင် ပစ်သတ်ကြသည်ဟု သုံးသပ်ထားကြောင်း၊ စစ်ကောင်စီတပ်က (၆) ဦးသေပြီး ၁၀ ဦးဝန်းကျင် ဒဏ်ရာရရှိကြောင်း သိရသည်။
လေးကေ့ကော် တိုက်ပွဲများကြောင့် စစ်ဘေးရှောင်များ ထိုင်းဘက် မပြေးချင်သူများက ဖလူးလေးကျေးရွာက DKBA ဗိုလ်စလုံးစခန်းတွင်နေထိုင်ကြကြောင်း၊ စခန်းဆုတ်မပေးရစဉ်ကတည်းက ညပိုင်းတွေမှာ စစ်ကောင်စီတပ်က လေကြောင်း ပစ်ခတ်မှုတွေ ပြုလုပ်ခဲ့ကြောင်း၊ စစ်ဘေးရှောင်များကို ကူညီနေသည့် စခန်းဖြစ်ကြောင်း သိရသည်။
Red News Agency
RNA_ဇန်နဝါရီ ၁၄ ရက်၊ ၂၀၂၂ ခုနှစ်။
ပြည်သူ့ကာကွယ်ရေး တပ်ဖွဲ့တိုင်း လပ်နက်လိုအပ်နေချိန် ကရင်နီပြည်က KGZ Army အနေဖြင့် အလှူရှင်များ၏ ထောက်ပံ့မှုဖြင့် M4 A1 တလက် ၉၇သိန်းကျပ်ဖြင့် ဝယ်ယူလိုပြီဖြစ်ပြီး အလှူရှင်များအားလုံးကိုအထူးပင်ကျေးဇူးတင်ရှိကြောင်း အသိပေးလာသည်။
စစ်ကောင်စီတပ်နှင့် ကရင်နီ (ကယား) ပြည်သူ့ကာကွယ်ရေးတပ်ဖွဲ့များ တိုက်ပွဲပြင်းထန်နေသော်လည်း လက်နက်လိုအပ်မှုများရှိနေကြောင်း၊ စစ်ကောင်စီတပ်က သေသွားသူများ၏ လက်နက်များကို ပြန်ယူကာတိုက်ခိုက် နေကြရကြောင်း၊ NUG ကာကွယ်ရေး ဝန်ကြီး ဌာနနှင့် ပူးပေါင်းဆောင်ရွက်နေသည့် ကရင်နီပြည်က ကာကွယ်ရေးတပ်များကိုလည်း လက်နက်ထောက်ပံ့မှု နည်းပါးနေကြောင်း သိရသည်။
နွေဦးတော်လှန်ရေး ခုခံစစ်ဆင်နွှဲချိန်မှ ယနေ့အထိ တပ်ဖွဲ့ဝင်များသာ များပြားလာသော်လည်း တိုင်းရင်းသားလက်နက်ကိုင် တော်လှန်ရေးအဖွဲ့များမှလွဲ၍ ထပ်မံပေါ်ပေါက်လာသည့် ပြည်သူ့ကာကွယ်ရေး တပ်ဖွဲ့များမှာ လက်နက်အပြည့်အစုံမရှိကြကြောင်း၊ ကရင်ပြည်နယ်အခြေစိုက် NUG ကာကွယ်ရေးဝန်ကြီးဌာန တောင်ပိုင်းတိုင်း စစ်ဌာနချုပ်လက်အောက်က PDF များလည်း လက်နက်အပြည့်အစုံမရှိကြောင်း၊ စစ်ကိုင်းတိုင်း၊ မကွေးတိုင်းအတွင်းက ဒေသခံပြည်သူ့ကာကွယ်ရေးတပ်ဖွဲ့များမှာ သေနတ်အစစ်မရှိသလောက်ဖြစ်ပြီး လက်လုပ်သေနတ်များဖြင့် တိုက်ခိုက်နေကြကြောင်း သိရသည်။
Red News Agency
RNA_ဇန်နဝါရီ ၁၄ ရက်၊ ၂၀၂၂ ခုနှစ်။
စစ်ကောင်စီတပ်ကို နယ်မြေအတွင်း ရောက်လာပါက လက်လုပ်သေနတ်၊ မိုင်းများဖြင့်သာ တိုက်ခိုက်နေရသည်မှာ (၉) လအထိ ကြာမြင့်သော်လည်း သေနတ်အစစ်မရှိကြောင်း ချင်းတွင်း PDF က ပြောကြားလာသည်။
စစ်ကိုင်းတိုင်း တိုက်ပွဲအစဟု ပြောရလောက်သည့် ယင်းမာပင်မြို့နယ် သပြေအေး ဘုန်းတော်ကြီးကျောင်း စစ်ကောင်စီတပ် ဝိုင်းစဉ်ကတည်းက ရရာလက်နက်ဆွဲပြီး တိုက်ပွဲဝင်ခဲ့ကြကြောင်း၊ ယနေ့တွင် စစ်ကိုင်းတိုင်း မြို့နယ်တိုင်း ကျေးရွာတိုင်းတွင် စစ်ကောင်စီကို ခုခံတွန်းလှန်မည့်သူများ ပေါ်ပေါက်နေသာ်လည်း သေနတ်အစစ် မရှိသည့် ပြည်သူ့ကာကွယ်ရေးတပ်များ ရှိနေကြောင်း သိရသည်။
ချင်းတွင်း ပြည်သူ့ကာကွယ်ရေးတပ် ( Chindwin People’s Defense Force) သည် ကနီမြို့နယ်နှင့် အနီးဝန်းကျင်မြို့နယ်က PDF များနှင့် ပူးပေါင်းတိုက်ခိုက်နေသည့် အဖွဲ့ဖြစ်ကြောင်း၊ အင်တာနက်လိုင်း ဖြတ်တောက်ခံထားရမှုအပါအဝင် လူသိနည်းနေသည့်အဖွဲ့ဖြစ်သည့်အတွက် ပြည်သူများ၏ အကူအညီရရှိမှု နည်းပါးနေကြောင်း သိရသည်။
RNA_ဇန်နဝါရီ ၁၄ ရက်၊ ၂၀၂၂ ခုနှစ်။
ကယားပြည်နယ်၊ ဒီးမော့ဆိုမြို့နယ်၊ ငွေတောင်ဆည်အနီး၊ ရွှေယောက်ရပ်ကွက်တွင် ကင်းပုန်းဝပ်ချထားသော အကြမ်းဖက်စစ်ကောင်စီတပ်ဖွဲ့ကို ဇန်နဝါရီ ၁၃ ရက်နေ့ နေ့လည် ၂ နာရီ ၃၀ မိနစ်ဝန်းကျင်က တိုက်ပွဲတွင်ဒဏ်ရာရရှိခဲ့သော ရဲဘော်(၂)ဦးအား ကယ်ဆယ်ရင်း ပြည်သူ့ကာကွယ်ရေးတပ်-ဒီးမော့ဆို ( DMO-PDF) က အသက် (၂၁) အရွယ် ရဲဘော် မောင်အယ်လ်ဖောင်းရှို ကျဆုံးခဲ့ရသည်ဟု သိရသည်။
စစ်ကောင်စီတပ် ကင်းပုန်းကို ပြည်သူ့ကာကွယ်ရေးတပ်-ဒီးမော့ဆိုနှင့် ပူးပေါင်းတပ်များ တိုက်ပွဲဖြစ်ပွားနေချိန် ဒဏ်ရာရရှိသူများကို ကယ်ထုတ်နေစဉ် စစ်ကောင်စီဘက်က စနိုက်ဘာဖြင့် ပစ်ခတ်သည့်အတွက် ရဲဘော် မောင်အယ်လ်ဖောင်းရှို ကျဆုံးခဲ့ရခြင်းအတွက် မိသားစုများနှင့် ထပ်တူဝမ်းနည်း ကြေကွဲရကြောင်း၊ တိုင်းပြည်အတွက် အသက်ပေးကာကွယ်သွားခဲ့သော ရဲဘော် မောင်အယ်လ်ဖောင်းရှိုသည် ပြည်သူ့ကာကွယ်ရေးတပ်-ဒီးမော့ဆို (DMO-PDF)မှ ပြည်သူ့သူရဲကောင်းအဖြစ် အလေးနီပြု မှတ်တမ်းတင်အပ်ပါသည်ဟု DMO-PDF ယနေ့ ထုတ်ပြန်ထားသည်။
ကရင်နီပြည် ( ကယား) ဒီးမာ့ဆို၊ လွိုင်ကော်စသည့် မြို့နယ်များတွင် ဒေသခံ ပြည်သူ့ကာကွယ်ရေးတပ်ဖွဲ့များဖြစ်သည့် KNDF၊ KA၊ KDZ Army ၊ KPDFစသည့် ပူးပေါင်း မဟာမိတ်တပ်ဖွဲ့များက အကြမ်းဖက် စစ်ကောင်စီတပ်ကို အသက်စွန့် တိုက်ခိုက် နေကြကြောင်း၊ စစ်ကောင်စီတပ် အသေအဆုံးများသည့်အလက် လေကြောင်းတိုက်ခိုက်မှုများ ပြုလုပ်နကြောင်း၊ ပြည်သူ့ကာကွယ်ရေးတပ်ဖွဲ့မှ ရဲဘော်တချို့ ကြဆုံးရပြီး တသိန်းကျော် စစ်ဘေးရှောင် နေကြရ ကြောင်း သိရသည်။
Red News Agency
RNA_ဇန်နဝါရီ ၁၃ ရက်၊ ၂၀၂၂ ခုနှစ်။
စစ်ကိုင်းတိုင်း၊ ပုလဲမြို့နယ်၊ ပုထိုးသာ ကျေးရွာကို ယနေ့ နေ့လည်ပိုင်းက ဦးနှောက်ရွာ ဝင်စီးသလို လေယာဉ်သုံးပစ် စစ်ကောင်စီတပ်သားတွေ ရွာထဲ တပ်စွဲထားသည်ဟု သိရသည်။
” ဦးနှောက်ရွာ လုပ်သလိုပဲ၊ ရွာထဲကို လေယာဉ်နဲ့ ပစ် ခစတွေချ ပြီးရင်ရွာထဲမှာ တပ်စွဲ ရွာသူရွာသားတွေကို။သတ်ဖြတ် နှိပ်စက်တော့မှာ၊ ဘာလိုရွာမှာ တပ်စွဲလဲ မသိရသေးဘူး စာသင်ကျောင်စထဲမှာလို့ပြောတယ်၊ ဒေသခံတွေလဲ ပြေးရတယ်၊ ပိတ်ပိတဲ့သူကတော့ သေသလိုပဲ၊ ဦးနှောက်ရွာမှာ အတော်ခံနေကြရတယ်၊ ဘယ်လောက်သေလဲဆိုတာက သူတို့ရွာက ထွက်မှ ပျောက်တဲ့သူနဲ့ အလောင်းနဲ့ တွေ့တာကို စစ်ကြည့်ရတာ” ဟု ပုလဲမြို့နယ် ဒေသခံ တဦးက ပြောသည်။
ဇန်နဝါရီလ ၁၀ ရက်နေ့က ဗိုလ်နဂါးကို ဖမ်းမည်ဟုဆိုကာ ဦးနှောက်ရွာကို စစ်ကောင်စီတပ်ကညလေယာဉ်များဖြင့် ဝိုင်းပစ်ကာ တပ်ချပြီး ရွာသားများကို ဖမ်းဆီးနှိပ်စက်ကြကြောင်း၊ ယနေ့အထိ ကျေးရွာအတွင်း တပ်ရှိနေပြီး ဖမ်းဆီးခံပြည်သူများကို မလွှတ်သေးကြောင်း၊ ကျေးရွာဝင်စီးစဉ် ဒေသခံတချို့ သေဆုံးမှု ရှိခဲ့ကြောင်း သိရသည်။
RNA_ဇန်နဝါရီ ၁၂ ရက်၊ ၂၀၂၂ ခုနှစ်။
မကွေးတိုင်း၊ မြိုင်မြို့နယ်၊ လက်ယက်မကျေးရွာတွင် စစ်ကောင်စီတပ် တပ်စွဲထားပြီး PDF များ မိုင်းခွဲတိုက်ခိုက်ခြင်းအပါအဝင် တိုက်ခိုပ်မှုများ ပြုလုပ်ပါက ကျေးရွာသူ/သားများကို မီးရှို့သတ်မည်ဟု နယ်မြေအတွင်း ပြည်သူများအားလုံးသိရှိအောင် သတင်းစကားပါးထားကြောင်း သိရသည်။
မြိုင်မြို့နယ်အတွင်း ဒေသခံ ပြည်သူ့ကာကွယ်ရေးတပ်ဖွဲ့များနှင့် စစ်ကောင်စီတပ်တို့ မကြာခဏတိုက်ပွဲဖြစ်ပွားနေပြီး၊ ပြီးခဲ့သည့် ရက်ပိုင်းက လက်ယက်မ ကျေးရွာ နယ်တဝိုက် တိုက်ပွဲဖြစ်ပွားခဲ့ကြောင်း၊ စစ်ကောင်စီတပ်က ကျေးရွာများရှိနေအိမ်များကို မီးရှို့ဖျက်ဆီးမှုများရှိကြောင်း ဒေသခံထံမှ သိရသည်။
အာဏာသိမ်း စစ်ကောင်စီတပ်သည် ကရင်နီပြည် (ကယား) ပြည်နယ်နှင့် စစ်ကိုင်းတိုင်းအတွင်းက မြို့နယ်တချို့မှာ ဒေသခံပြည်သုများကို မီးရှို့သတ်သည့် လုပ်ရပ်များ လုပ်ဆောင်နေကြောင်း၊ စစ်ကောင်စီတပ်သားများ အသေအဆုံးများပြီး အထိနာသည့်နေရာများတွင် တိုက်လေယာဉ်များအသုံးပြုပြီး ပစ်ခတ်တိုက်ခိုက်ကြောင်း၊ ချင်းပြည်နယ်တွင်လည်း လူနေအိမ်များကို မီးရှို့ဖျက်ဆီးမှုများရှိကြောင်း ဒေသခံ သတင်းရင်းမြစ်များထံက သိရသည်။
Red News Agency
RNA_ဇန်နဝါရီ ၁၂ ရက်၊ ၂၀၂၂ ခုနှစ်။
ပြည်တွင်း ပြည်ပ ပြည်သူများ ခန့်မှန်းထားသည့် နွေဦးတော်လှန်ရေးမှာ ပထမဆုံး လွတ်မြောက်နယ်မြေဖြစ်လာနိုင်သည့် စစ်ကိုင်းတိုင်းနှင့် မကွေးတိုင်သည် ပထမဆုံး ဖွတ်ဖွတ်ညတ်ညတ်ကြေသည့် နေရာ ဖြစ်လာနိုင်ကြောင်း လက်တလော အခြေအနေများကို အင်အား ( ၃) ထောင်ကျော်နှင့် စစ်ကောင်စီတပ်ကို တော်လှန်နေသည့် ပြည်သူ့တော်လှန်ရေးတပ်မတော် ( People Revolution Army – PRA)မှ ဗိုလ်ဂျပန်က ပြောပြထားသည်။
[embedyt] https://www.youtube.com/watch?v=gDbcshxuPaA[/embedyt]
Red News Agency
RNA_ဇန်နဝါရီ ၁၂ ရက်၊ ၂၀၂၂ ခုနှစ်။
ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်)၊ ဗမာနိုင်ငံလုံးဆိုင်ရာလူငယ်ကဗျာဆရာများသမဂ္ဂ (ဗလကသ)၊ လူထုအခြေပြုအထွေထွေသပိတ်ကော်မတီ၊ အဖိနှိပ်ခံလူထုကိုယ်စားပြု မြောက်ဒဂုံသပိတ်ကော်မတီ (NDOPSC) တို့ ပူးပေါင်း၍ “အောင်ပွဲဆိုတာဟာ တိုက်ရဲသူတွေအတွက်ဖြစ်တယ်” စာသားပါဘန်နာဖြင့် ယနေ့ (ဇန်နဝါရီလ ၁၂ ရက်) နံနက်ပိုင်းက ရန်ကုန်တွင် စစ်အာဏာရှင်စနစ် တိုက်ဖျက်ရေးအတွက် ဆန္ဒပြခဲ့ကြကြောင်း သိရသည်။
Photo: ABFSU
Red News Agency