Red News Agency

Category: ဆောင်းပါး

  • သမိုင်းကိုလည်း မအနဲ့ …အာဏာရှင်ဆိုတာလည်း မမေ့နဲ့

    သမိုင်းကိုလည်း မအနဲ့ …အာဏာရှင်ဆိုတာလည်း မမေ့နဲ့

    “အချုပ်အခြာအာဏာဆိုသည်မှာ တိုင်းပြည်တစ်ခုကို စည်းကမ်းနည်းလမ်းကျနစွာဖြင့် မောင်းနှင် ထိန်းသိမ်းနိုင်ရန် အတွက်၎င်း၊ ပြည်သူတို့၏ အကျိုးစီးပွားတိုးတက်မှုကို ကာကွယ်ရန်အတွက် ၎င်းလိုအပ်သည့် အာဏာမျိုးဖြစ်ပါတယ်။ စစ်အာဏာရှင်များဖြစ်တဲ့နေဝင်းအာဏာစသိမ်းမှုမှ စပြီး ယနေ့မင်းအောင်လှိုင်အာဏာသိမ်းမှုမှာ ပြည်သူများရဲ့ အကျိုးစီးပွားတိုးတက်မှုကာကွယ်ဖို့ အသာထား၊ ဆင်းရဲကြပ်တည်းမှုမျိုးစုံ ရင်ဆိုင်ကြုံရခြင်းသည် အာဏာရှင်စနစ်ကြောင့်ဖြစ်ပါတယ်”

    ပင်လယ်သူ

    မြန်မာနိုင်ငံသည် လွတ်လပ်ရေးရရှိပြီး ပြည်ထောင်စုမြန်မာနိုင်ငံ (၁၉၄၈ -၁၉၇၄ )တွင် ပြည်ထောင်စုသမ္မတများအဖြစ် ဖက်ဆစ်ဆန့်ကျင်ရေးပြည်သူ့လွတ်လပ်ရေးအဖွဲ့ချုပ်မှ စဝ်ရွှေသိုက် ၄ နှစ် ၇၂ရက်၊ ဖက်ဆစ်ဆန့်ကျင်ရေးပြည်သူ့လွတ်လပ်ရေးအဖွဲ့ချုပ်မှ ဦးဘဦးသည် ၄နှစ် ၃၆၂ရက်၊ ဖက်ဆစ်ဆန့်ကျင်ရေးပြည်သူ့လွတ်လပ်ရေးအဖွဲ့ချုပ်မှ မန်းဝင်းမောင်သည် ၄နှစ် ၃၅၄ရက်ကြာ အုပ်ချုပ်ရေးတာဝန်ယူခဲ့ကြပါတယ်။

    တပ်မတော်မှကာကွယ်ရေးဦးစီးချုပ်အဖြစ် တာဝန်ထမ်းဆောင်ခဲ့သူ နေဝင်းမှာ ၁၉၆၂ မတ်လ ၂ ရက် မှ ၁၉၇၄ခုနှစ် မတ်လ ၂ ရက်နေ့ထိ (၁၂) နှစ်ကြာ တော်လှန်ရေးကောင်စီဥက္ကဌအဖြစ်အုပ်ချုပ်ခဲ့ခြင်းဖြစ်ပါတယ်။ ၁၉၇၄ ခုနှစ်တွင် နေဝင်း (အငြိမ်းစားဗိုလ်ချုပ်ကြီး) ဦးဆောင်ကာ တစ်ပါတီအုပ်ချုပ်ရေးစနစ်ကို ကျင့်သုံးခဲ့ပြီး ၇ နှစ်နှင့် ၂၅၂ ရက်ကြာ အုပ်ချုပ်ပြန်ပါတယ်။ သူသည် ( ၁၉၅၈ -၁၉၆၀)၊ (၁၉၆၂ -၁၉၇၄ )မြန်မာနိုင်ငံ၏ ဝန်ကြီးချုပ်အဖြစ်လည်းကောင်း၊ ၁၉၆၂ မှ ၁၉၈၁ အထိ နိုင်ငံ့အကြီးအကဲအဖြစ်လည်းကောင်း ဆောင်ရွက်ခဲ့ပါတယ်။ ဦးနေဝင်းသည် ၁၉၆၂ ခုနှစ်တွင် မြန်မာ့ဆိုရှယ်လစ်လမ်းစဉ်ပါတီကို စတင်တည်ထောင်ခဲ့ပြီး ၁၉၈၉ ခုနှစ်အထိ ဥက္ကဋ္ဌအဖြစ် ဆောင်ရွက်ခဲ့သည်။

    ၁၉၅၈ ခုနှစ်တွင် အာဏာရအရပ်သားဝန်ကြီးချုပ် ဦးနုထံမှ နိုင်ငံတော်အာဏာကို ကာကွယ်ရေးဦးစီးချုပ်နေဝင်းမှ လွှဲပြောင်းယူပြီးနောက် အိမ်စောင့်အစိုးရအဖွဲ့ ဖွဲ့စည်းခဲ့ပြန်ပါတယ်။ ထိုအစိုးရမှာ မြန်မာ့သမိုင်းတွင် ပထမဆုံးသော အိမ်စောင့်အစိုးရအဖွဲ့ဖြစ်လာခဲ့ပါတယ်။ ၁၉၆၀-ပြည့်နှစ်တွင် ရွေးကောက်ပွဲကျင်းပပြီးနောက် အနိုင်ရရှိခဲ့သော ဦးနုကို အာဏာပြန်လွှဲပေးခဲ့ပါတယ်။ ဦးနု သို့မဟုတ် သခင်နုသည် မြန်မာနိုင်ငံ၏ ပထမဆုံး ဝန်ကြီးချုပ်ဖြစ်ပြီး မြန်မာအမျိုးသားခေါင်းဆောင်နှင့် နိုင်ငံရေးသမား ဖြစ်ပြီး နိုင်ငံ၏ဝန်ကြီးချုပ်ရာထူးဖြင့် တာဝန်ထမ်းဆောင်ရင်း ၁၉၆၂ ခုနှစ် မတ် ၂ ရက်တွင် နေဝင်းဦးဆောင်သော တပ်မတော်သည် တော်လှန်ရေးကောင်စီကို ဖွဲ့စည်းကာ ဝန်ကြီးချုပ် ဦးနုဦးဆောင်သော ဖဆပလ အစိုးရထံမှ အာဏာသိမ်းခဲ့ခြင်းဖြစ်ပါတယ်။

    (more…)

  • ပြေးပေါက်ပိတ်သွားသော စစ်ရာဇဝတ်ကောင် မင်းအောင်လှိုင် 

    ပြေးပေါက်ပိတ်သွားသော စစ်ရာဇဝတ်ကောင် မင်းအောင်လှိုင် 

    “မြန်မာနိုင်ငံ ပြည်ထဲရေးဝန်ကြီးဌာနအနေနဲ့ သူတို့ရဲ့ အဆင့်အမြင့်ဆုံး အကြီးအကဲ အာဏာရှင်စစ်ခေါင်းဆောင်တွေကို ဖမ်းရဲရင် ပြန်ဖမ်းနိုင်ခွင့်ရထားတဲ့ ဌာနတစ်ခုဖြစ်လာနိုင်ပြီး အာဏာသိမ်း စစ်ကောင်စီအနေနဲ့ကလည်း နိုင်ငံတစ်နိုင်ငံရဲ့ တရားရုံးကနေ Universal Jurisdiction အရ ဖမ်းဝရမ်းအထုတ်ခံရပြီး အရေးယူခံဖို့ ဆုံးဖြတ်တဲ့ အဆင့်ကိုရောက်ရှိလာတဲ့ ပထမဦးဆုံး မြန်မာနိုင်ငံရဲ့ ရာဇဝတ်သား အကြမ်းဖက်အဖွဲ့အစည်းတစ်ခုအဖြစ် တရားဝင်ရောက်ရှိသွားခဲ့ပါပြီ”

    ကေဂျီ

    ရခိုင်ပြည်နယ်အတွင်း မြန်မာစစ်တပ်ရဲ့ ရိုဟင်ဂျာလူမျိုးတုံးသတ်ဖြတ်ကျူးလွန်ခဲ့မှုမှာ အဓိက တာဝန်ရှိသူနေရာကပါဝင်ခဲ့တဲ့ အာဏာသိမ်းစစ်ခေါင်းဆောင် မင်းအောင်လှိုင်၊ ဒုချုပ်စိုးဝင်း အပါအဝင် စစ်တပ်က ၂၂ ဦးနဲ့  အရပ်သား ၃ ဦး စုစုပေါင်း ၂၅ ဦးကို အာဂျင်တီးနားနိုင်ငံ ဘူရီနို့စ်အေးရီး (Buenos Aires) မြို့ အပြည်ပြည်ဆိုင်ရာ တရားရုံးက ဖေဖော်ဝါရီ ၁၃ မှာ ဖမ်းဝရမ်းထုတ်ပြန်လိုက်ပါတယ်။ ၂၀၁၇ ခုနှစ် ဩဂုတ်လ ၂၅ ရက်က စတင်ဖြစ်ပွားခဲ့တဲ့ မြန်မာစစ်တပ်ရဲ့ ရိုဟင်ဂျာလူမျိုးတုံးသတ်ဖြတ်မှုကို အရေးယူပေးဖို့ ၂၀၁၉ ခုနှစ်မှာ မြန်မာနိုင်ငံလူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Tomás Ojea Quintana ရဲ့ တရားဝင်ကိုယ်စားလှယ် ဦးထွန်းခင်နဲ့ မြန်မာရိုဟင်ဂျာအဖွဲ့အစည်း UK (BROUK) တို့က ပူပေါင်းအမှုဖွင့်ခဲ့တာဖြစ်ပြီး တရားရုံးရဲ့ စုံစမ်းစစ်ဆေးမှုတွေကို မြန်မာနိုင်ငံဆိုင်ရာ ကုလသမဂ္ဂ လွတ်လပ်သော စုံစမ်းစစ်ဆေးရေး ယန္တရား (IIMM)က ပံ့ပိုးကူညီခဲ့တယ်လို့သိရပါတယ်။

    “ဒါဟာ ရိုဟင်ဂျာတွေနဲ့ မြန်မာစစ်တပ်ရဲ့ ဖိနှိပ်မှုအောက်မှာ နေထိုင်ခံစားနေရတဲ့ မြန်မာနိုင်ငံသား အားလုံးအတွက် တရားမှတမှုရဖို့ သမိုင်းဝင်ခြေလှမ်းတစ်ခုဖြစ်တယ်”လို့ (BROUK) ဥက္ကဋ္ဌ ဦးထွန်းခင်က ဆိုပါတယ်။ တဆက်ထဲမှာပဲ စစ်ခေါင်းဆောင်ရဲ့ အာဏာသိမ်းပြီးနောက်ပိုင်း ကျူးလွန်ခဲ့တဲ့ စစ်ရာဇဝတ်မှုတွေကို အရေးယူနိုင်ရေးအတွက် ပြည်ပနိုင်ငံ တရားရုံးတွေကို တင်သွင်းထားတဲ့ အမှုတွေထဲမှာ တူရကီနိုင်ငံတရားရုံးက ၂၀၂၂ ခုနှစ် ဇွန်လက စတင်ပြီးစုံစမ်းနေဆဲဖြစ်တဲ့အကြောင်း NUG လူ့အခွင့်အရေး ဝန်ကြီး ဦးအောင်မျိုးမင်းက ၂၀၂၂ ခုနှစ် ဇွန်လ ၄ ရက်နေ့မှာ ဖော်ပြထားပါသေးတယ်။ တူရကီနိုင်ငံ၊ ဖိလစ်ပိုင်နိုင်ငံ၊ တီမောနိုင်ငံ အပါအဝင် နောက်ထပ်နိုင်ငံတွေရဲ့ တရားရုံးတွေကနေလည်း လက်ရှိထွက်ပေါ်လာတဲ့ စစ်ကောင်စီကို ဖမ်းဝရမ်းထုတ်အရေးယူခြင်းမျိုးတွေ ဆက်လက်ထွက်ပေါ်လာမယ်လို့ မျှော်လင့်ထားကြောင်းနဲ့ ထပ်မံထွက်ပေါ်လာဖို့လည်း ကြိုးပမ်းဆောင်ရွက်နေတယ်လို့ ဖေဖော်ဝါရီ ၁၄ က ဦးအောင်မျိုးမင်းရဲ့ ဆိုရှယ်မီဒီယာ Facebook အကောင့်မှာ တင်ထားပါတယ်။

    (more…)

  • ရှစ်လေးလုံး လူထုအရေးတော်ပုံနှင့် ကမ္ဘာမကြေသီချင်း

    ရှစ်လေးလုံး လူထုအရေးတော်ပုံနှင့် ကမ္ဘာမကြေသီချင်း

    RNA_ဖေဖော်ဝါရီ(၉)၊၂၀၂၅ခုနှစ်။

    ရှစ်လေးလုံး လူထုအရေးတော်ပုံအတွင်း ကမ္ဘာမကြေသီချင်းက အာဏာရှင်ဆန့်ကျင်ရေးအတွက် ဘယ်လောက်အရေးကြီးခဲ့သလဲ၊ နွေဦးတော်လှန်ရေးမှာ ကမ္ဘာမကြေသီချင်းနှင့် ချီတက်နေကြရသည်ဟု ရှစ်လေးလုံးအရေးတော်ပုံကာလ ကျောင်းသားသမဂ္ဂမှာပါဝင်ခဲ့သူ နွေဦးတော်လှန်ရေးတွင်လည်း ပါဝင်နေသူ တစ်ဦးက ပြောပြထားသည်။

    #rednewsagency #RedNews #RNA

  • အမျိုးသားရေးခေါင်းပေါင်း နှင့် စစ်ခေါင်းဆောင်၏ မအောင်မြင်သည့် နှစ်တနှစ်

    အမျိုးသားရေးခေါင်းပေါင်း နှင့် စစ်ခေါင်းဆောင်၏ မအောင်မြင်သည့် နှစ်တနှစ်

    “မျိုးချစ်စိတ်နိုင်ငံချစ်စိတ်ဆိုတဲ့စကား အသုံးနှုန်းကတော့ တပ်ထဲမှာ အမြဲပြောလေ့ရှိပါတယ်။ တကယ်က နိုင်ငံနဲ့လူမျိုးကိုချစ်တယ် ဆိုတာကတော့ ခုအချိန်မှာ စကားအဖြစ်ပဲရှိတာလေ”

    ရေးသားသူ-စိုးဦး

    “အမျိုးသားစည်းကမ်းအစ စာသင်ကျောင်းက” ဆိုသည့် ဆောင်ပုဒ်ကို ကိုင်ဆွဲကာ (၁၀၄) နှစ်မြောက် အမျိုးသားအောင်ပွဲနေ့ အထိမ်းအမှတ်အဖြစ် “ဇာတိမာန်” သီချင်းသံများသည် အခြေခံပညာအထက်တန်းကျောင်း အများအပြား၌ ဆူဆူညံညံထွက်ပေါ်လာခဲ့သည်။

    ထိုအခမ်းအနားများကို စစ်ကောင်စီစိုးမိုးထားရာ ပဲခူးတိုင်းနှင့် မြို့ကြီးအချို့ရှိ အခြေခံပညာအထက်ကျောင်းများတွင်ပြုလုပ်ခဲ့ပြီး စစ်ယူနီဖောင်းဝတ်များနှင့် အုပ်ချုပ်ရေးအကြီးပိုင်းများက ကမကထ လုပ်ကာ ပါဝင်ကျင်းပခဲ့သည်။

    “တကျော့ပြန် အမျိုးသားရေးဝါဒ နှင့် စာသင်ကျောင်းများ”

    အမျိုးသားနေ့ အထိမ်းအမှတ် အခမ်းအနားများကို မြို့နယ်၊ ခရိုင်အဆင့် အုပ်ချုပ်ရေးမှူးများ ဦးဆောင်ကာ အခြေခံပညာကျောင်းအထက်တန်း ကျောင်းများတွင် ကျင်းပပြီး စစ်ခေါင်းဆောင်မင်းအောင်လှိုင်၏ သဝဏ်လွှာမိန့်ခွန်းကို အုပ်ချုပ်ရေးမှူးများက ဖတ်ကြားပြသည်။ တချို့မြို့များတွင်တော့ မြို့နယ်စီမံအုပ်ချုပ်ရေးအဖွဲ့ ဗိုလ်မှူးများကိုယ်တိုင် စစ်ယူနီဖောင်းဖြင့် စစ်ခေါင်းဆောင်မင်းအောင်လှိုင်၏ သဝဏ်လွှာကို ဖတ်ကြားခဲ့သည်။

    “စာသင်ကျောင်းတွေမှာ သတင်းမီဒီယာကောင်စီနဲ့ YMBA (၂ဖွဲ့) ကနေ ဝါဒဖြန့်ချိမှုတွေကို ဦးဆောင်လုပ်တယ်။ စာသင်ကျောင်းတွေသာမကပဲ မြို့နယ် ပြန်ကြားရေးရုံးတွေမှာလည်း ပြုလုပ်လေ့ရှိတယ်။ သူတို့ဝါဒဖြန့်ချိမှုရဲ့ ဦးတည်အုပ်စုဟာ ကျောင်းသူ ကျောင်းသား လူငယ်အစိုးရဝန်ထမ်း ရဟန်းသံဃာ စစ်မှုထမ်းဟောင်းတွေဖြစ်တယ်။ အဓိက ဟောပြောတဲ့ ခေါင်းစဉ်တွေက အမျိုးသားရေး အသိရှိဖို့ ၊ သတင်းတုသတင်းမှားများကို မယုံကြည်ဖို့ စတာတွေ ဖြစ်တယ်။” ဟု ပြည်တွင်းအခြေစိုက် သုတေသနအဖွဲ့အစည်းမှ အမည်မဖော်လိုသူ ကအဖွဲ့အစည်း၏ လေ့လာတွေ့ရှိချက်ကို ပြောသည်။

    (more…)

  • ပြည်သူတွေကို လှည့်စားလို့မရတော့တဲ့အချိန် စစ်ကောင်စီအတွက် နေဝင်ချိန်

    ပြည်သူတွေကို လှည့်စားလို့မရတော့တဲ့အချိန် စစ်ကောင်စီအတွက် နေဝင်ချိန်

    “စစ်ကောင်စီအတွက်တော့ “မှန်းချက်နဲ့ နှမ်းထွက် မကိုက်” ဖြစ်သွားခဲ့ပါတယ်။ ဖြူဖြူထွေး တင်လိုက်တဲ့ ကြော်ငြာရုပ်သံကြောင့် ဒေါ်အောင်ဆန်းစုကြည်ကို ပုံရိပ်ကျဆင်းဖို့ တရားဝင်လှောင်ပြောင်ဖို့ ဖန်တီးခဲ့တယ်။ အချုပ်နှောင်က ပြန်လွှတ်ဖို့ တောင်းဆိုမှုတွေကိုလျစ်လျူရှုပြီး လူအမြင်မတင့်တယ်တဲ့ ပုံဖျက်မှုနဲ့ သိက္ခာချခဲ့တယ်”

    ရန်ုနိင်

    အခုရက်ပိုင်း လူထုခေါင်းဆောင် ဒေါ်အောင်ဆန်းစုကြည် လွတ်မြောက်ဖို့ ဆိုတဲ့ သတင်းစကားတွေနဲ့ နိုင်ငံတကာအာရုံစိုက်မှုတွေ အားကောင်းလာခဲ့ပါတယ်။ တော်လှန်ရေး အောင်မြင်မှုတွေနဲ့အတူ ဒေါ်အောင်ဆန်းစုကြည် လွတ်မြောက်ဖို့ဆိုတဲ့ တောင်းဆိုမှုတွေ ပိုမိုအသံထွက်လာတာ ဖြစ်ပါတယ်။ ပုပ်ရဟန်းမင်းကြီး ဖရန်စစ်က ဒေါ်အောင်ဆန်းစုကြည်လွတ်မြောက်ဖို့ စက်တင်ဘာလကတည်းက တောင်းဆိုခဲ့ပါတယ်။ ဗာတီကန် နန်းတော်မှာ လာရောက်ခိုလှုံနေဖို့အထိ အလေးအနက်ထားပြီး တောင်းဆိုခဲ့တယ်။

    “ဒေါ်အောင်ဆန်းစုကြည် ကိုလွှတ်ပေးပြီး သူသားနဲ့ ရောမမြို့မှာတွေ့ဆုံနိုင်ဖို့ တောင်းဆိုပါတယ်။ ဗာတီကန်မှာ လက်ခံထားဖို့လည်း အဆိုပြုထားတယ်” ဟု ပုပ်ရဟန်းမင်းကြီးက ၁၂ ရက်ကြာ အရှေ့တောင်အာရှခရီးစဉ်အတွင်း ဘရင်ဂျီဂိုဏ်းဝင်တွေနဲ့ သီးသန့်တွေ့ဆုံပွဲမှာ ဆွေးနွေးခဲ့ပါတယ်။

    ဒီဇင်ဘာ တတိယပတ်မှာတော့ ဗြိတိန်နိုင်ငံခြားရေးဝန်ကြီးဟောင်းတွေဖြစ်တဲ့ ဝီလျံဟိဂ်၊ မယ်ကွမ်ရဖ်ကင်းနဲ့ ဂျက်ခ်စတော တို့က ဒေါ်အောင်ဆန်းစုကြည် လွတ်မြောက်ဖို့ တောင်းဆိုခဲ့ပါတယ်။ The Rise and Fall of Aung San Su Kyi လို့အမည်ရတဲ့ (မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ရဲ့ ဘဝအနိမ့်အမြင့် အတက်အကျတွေကို ပုံဖော်ရိုက်ကူးထားတဲ့) သမိုင်းဝင် မှတ်တမ်း ရုပ်ရှင်ဇာတ်ကားသစ် စာနယ်ဇင်း မိတ်ဆက်ပွဲမှာ တောင်းဆိုလိုက်ခြင်းဖြစ်ပါတယ်။

    (more…)

  • လူ့အခွင့်အရေး ချိုးဖောက်ခံရမှုတွေကို ထုတ်ဖော်ဖို့ လိုအပ်နေတဲ့ အညာ

    လူ့အခွင့်အရေး ချိုးဖောက်ခံရမှုတွေကို ထုတ်ဖော်ဖို့ လိုအပ်နေတဲ့ အညာ

    RNA_နိုဝင်ဘာ(၁၀)၊၂၀၂၄ခုနှစ်။

    စစ်တပ်အာဏာသိမ်းပြီးနောက် အညာဒေသအတွင်းမှ ပြည်သူများသည် လူ့အခွင့်အရေး​ချိုးဖောက်ခံရမှုမျိုးစုံ ကြုံတွေ့နေကြရသည့်အတွက် ကျူးလွန်ခဲ့ရသည့်ပြည်သူများအပါအဝင် အရပ်ဖက်အဖွဲ့အစည်းများ၊ သက်ဆိုင်ရာအဖွဲ့အစည်းများက ထုတ်ဖော်ဖို့ လိုအပ်နေကြောင်း တင်ပြလိုက်ရပါသည်။

    [embedyt] https://www.youtube.com/watch?v=hpeV6pxPYVg[/embedyt]

    Red News Agency

  • လူ့အခွင့်အရေးအသံများ ပျောက်ဆုံးနေသော အညာ

    လူ့အခွင့်အရေးအသံများ ပျောက်ဆုံးနေသော အညာ

    RNA_နိုဝင်ဘာ(၃)၊၂၀၂၄ခုနှစ်။

    အညာဒေသတွင်းရှိ ပြည်သူများအနေဖြင့် စစ်တပ်အာဏာသိမ်းပြီးချိန်မှစပြီး လူ့အခွင့်အရေးများ ပျောက်ဆုံးခဲ့ရပြီးတော့ ဒီနေ့အချိန်မှာဆိုရင် လူ့အခွင့်အရေးကို မေ့ပျောက်သလိုဖြစ်နေတဲ့ အခြေအနေများကို တင်ဆက်ထားခြင်းဖြစ်ပါတယ်။

    [embedyt] https://www.youtube.com/watch?v=9TuBl4zZXzM[/embedyt]

    Red News Agency

  • ဘုတလင်မှာ လူမဆန်စွာသတ်ဖြတ်နေတဲ့ စစ်ကြောင်းလှုပ်ရှားမှု

    ဘုတလင်မှာ လူမဆန်စွာသတ်ဖြတ်နေတဲ့ စစ်ကြောင်းလှုပ်ရှားမှု

    “ဘုတလင်မြို့နယ် ကူတော်ရွာအထိုင် ရဲစခန်းက ထွက်လာတဲ့ စစ်ကောင်စီတပ်စစ်ကြောင်းကို ဆယ်ဝရွာနဲ့ စီပါရွာကြားမှာ တော်လှန်ရေးအင်အားစုတွေက ဝိုင်းဝန်းပိတ်ဆို့ တိုက်ခိုက်ခဲ့ကြတဲ့အတွက်”

    ကျော်ရန်နိုင်

    မင်းအောင်လှိုင်ဦးဆောင်တဲ့ အကြမ်းဖက်စစ်ကောင်စီတပ်က တနိုင်ငံလုံးအနှံ့လေကြောင်းတိုက်ခိုက်မှုများနဲ့ စစ်ကြောင်းထိုး မီးရှို့မှုများစွာကို ပြုလုပ်နေတဲ့အထဲမှာ အထိအနာဆုံးနဲ့ စစ်ရာဇဝတ်မှု အကျူးလွန်ခံရဆုံးကတော့ အညာဒေသ ဖြစ်ပါတယ်။ အညာဆိုတာ ညာမရအောင် တိုက်ပွဲများအောင်ပွဲဆင်နိုင်သလို မီးရှို့ခံရမှုနဲ့ ပြည်သူတွေ သေဆုံးမှုအများဆုံးလည်း ဖြစ်ပါတယ်။

    အခုရက်ပိုင်း ပြည်သူလူထုအကြား မကြားဝံ့မနာသာ မကြည့်ရက်စရာ ဖြစ်စဉ်တခု ဖြစ်ပွားခဲ့ပါတယ်။ အဲဒါကတော့ စစ်ကိုင်းတိုင်း၊ ဘုတလင်မြို့နယ်၊ စီပါရွာမှာ ပြည်သူတွေ သတ်ဖြတ်ခံရတဲ့ ကိစ္စဖြစ်ပါတယ်။ စီပါရွာကို စစ်ကောင်စီတပ်စစ်ကြောင်းက စီးနင်းဝင်ရောက်ပြီး နေအိမ် ၃၀၀ ခန့်ကို မီးရှို့ပြီးတော့ မပြေးနိုင်လို့ ရွာမှာကျန်ခဲ့တဲ့ သက်ကြီးရွယ်အိုတွေ အပါအဝင် (၆) ဦးကို ရက်ရက်စက်စက် သတ်ဖြတ်ခဲ့တာဖြစ်ပါတယ်။ ကျေးရွာကနေ စစ်ဘေးမရှောင်နိုင်လို့ ကျန်နေခဲ့တဲ့ သက်ကြီးရွယ်အိုတွေကို ခေါင်းဖြတ်၊ ခြေဖြတ် လက်ဖြတ်မှုတွေနဲ့အတူ ရက်ရက်စက်စက် သတ်ဖြတ်ခဲ့တာဖြစ်ပါတယ်။

    စစ်ကိုင်းတိုင်း၊ မုံရွာအခြေစိုက်၊ အနောက်မြောက်တိုင်းစစ်ဌာနချုပ် (နမခ) က ဘုတလင်ဘက်ကို အင်အားဖြည့်လိုက်တဲ့ စစ်ကြောင်းကနေ အခုလို ရက်ရက်စက်စက် သတ်ဖြတ်တာတွေကို ပြုလုပ်ခဲ့တာဖြစ်ပါတယ်။ ဒေသခံတွေရဲ့ ပြောကြားချက်ဆိုရင် ဒီလိုဆိုးဆိုးရွားရွားတွေလုပ်နေတဲ့ စစ်ကြောင်းက တပ်မ (၃၃)ပါဝင်သလို သံတောင်က အထူးကွန်မန်ဒို သင်တန်းဆင်းတွေလည်း ပါတယ်လို့ ဆိုပါတယ်။ အခုလို ရက်ရက်စက်စက်လုပ်နေတဲ့ စစ်ကြောင်း ဘယ်နေ့ကနေ စထွက်လာပြီး ဘုတလင်မြို့နယ်ထဲမှာ ဘယ်လောက်ဆိုးဆိုးရွားရွားတွေလုပ်နေတာလည်းဆိုတာကို ပြောပြချင်ပါတယ်။

    (more…)

  • အာဏာရှင်တွေကို အသက်သွင်းပြီး ချေးငွေနဲ့ နယ်ချဲ့နေတဲ့ တရုတ် 

    အာဏာရှင်တွေကို အသက်သွင်းပြီး ချေးငွေနဲ့ နယ်ချဲ့နေတဲ့ တရုတ် 

    “တရုတ်ကတော့ စစ်ရေး နိုင်ငံရေးကို စီးပွားရေးနဲ့ ကစားပြီးတော့ နိုင်ငံတခုအပေါ်မှာ ချေးငွေနဲ့ ချုပ်ကိုင်ထိန်းချုပ်ဖို့ကြိုးစားနေတာ တကမ္ဘာလုံးအသိဖြစ်တယ်”

    ရန်ုနိုင်

    အာဏာသိမ်း စစ်ခေါင်းဆောင်တွေက နိုင်ငံဘဏ္ဍာကို စစ်ရေးမှာအသုံးချ မလောက်ငှတော့တဲ့အဆုံး တိုက်ပွဲတွေ ဆက်တိုက်ဖို့အတွက် တရုတ်ဆီက ချေးငွေရယူခဲ့ရင် ပြည်သူတွေအတွက် အကျိုးသက်ရောက်မှုက ဘာတွေဖြစ်လာနိုင်လဲ…?

    အကြမ်းဖက် အာဏာသိမ်း စစ်ခေါင်းဆောင် မင်းအောင်လှိုင် အာဏာသိမ်းပြီးနောက် အဓိကမဟာမိတ် အင်အားကြီးနိုင်ငံတခုဖြစ်တဲ့ ရုရှာနိုင်ငံကို သုံးကြိမ်တိုင် သွားရောက်ခဲ့တဲ့အတွင်း ၂၀၂၂ ခုနှစ်မှာ ရုရှားသမ္မတ ပူတင်နဲ့တွေ့ခွင့်ရထားခဲ့တယ်။ အခုတော့ ရုရှားကို သွားခွင့်မရတော့တဲ့အဆုံး နိုဝင်ဘာလအတွင်း စစ်ကောင်စီအတွက် မဟာမိတ်အင်အားကြီး နိုင်ငံတခုဖြစ်တဲ့ တရုတ်နိုင်ငံကိုသွားမယ် ဆိုတဲ့ ခရီးစဉ်ဖြစ်ပါတယ်။

    တရုတ်နိုင်ငံကတော့ မြန်မာပြည်သူတွေအပေါ်  စစ်တပ်အကြမ်းဖက်နေချိန်မှာ နှုတ်ဆိတ်နေလေ့ရှိတယ်။ မြောက်ပိုင်းညီနောင် ၃ ဖွဲ့ကြောင့် စစ်ကောင်စီ ခြေမကိုင်မိ လက်မကိုင်မိဖြစ်လာချိန်မှာတော့ ညီနောင်တပ်ဖွဲ့ တွေ ထိုးစစ်ရပ်ဖို့ နည်းလမ်းပေါင်းစုံနဲ့ ဖိအားပေးလာခဲ့တယ်။ မြန်မာပြည်တွင်းမှာ အကျိုးစီးပွားအမြောက်အများ ရှိနေပေမယ့် မြန်မာပြည်သူတွေရဲ့ လိုလားချက်ကို အလေးထားလေ့မရှိတဲ့ တရုတ်အစိုးရက စစ်ခေါင်းဆောင်တွေအပေါ် မည်သို့သော ကတိကဝတ်တွေ ရှိနေနိုင်လဲဆိုတာ မျက်ခြေမပြတ်စောင့်ကြည့်သင့်ပါတယ်။

    (more…)

  • ပညာသင်ကြားခွင့် ဆုံးရှုံးမှုနောက်ကွယ်က အကြမ်းဖက်ခံရမှုများ

    ပညာသင်ကြားခွင့် ဆုံးရှုံးမှုနောက်ကွယ်က အကြမ်းဖက်ခံရမှုများ

    RNA_အောက်တိုဘာ(၂၀)၊၂၀၂၄ခုနှစ်။

    စစ်တပ်အာဏာသိမ်းပြီးနောက် အညာဒေသတွင် ပညာသင်ကြားခွင့် ဆုံးရှုံးမှုနောက်ကွယ်က အကြမ်းဖက်ခံရမှုများ၊ အကြမ်းဖက်ခံရမှုများ နောက်ကွယ်က ပညာသင်ကြားခွင့် ဆုံးရှုံးမှုများနှင့် ပတ်သက်ပြီး မြေပြင်အခြေအနေများကို ပြောပြထားသည်။

    [embedyt] https://www.youtube.com/watch?v=cbi0pDq52tE[/embedyt]

    Red News Agency