RNA_မေ(၂)၊၂၀၂၅ခုနှစ်။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန လက်အောက်တွင် တာဝန်ထမ်းဆောင်လိုခြင်း ဆန္ဒမရှိတော့သည့်အတွက် နှုတ်ထွက်ခဲ့သော ကျောက်ဆည်ခရိုင်အမှတ်-၂ တပ်ရင်းမှ တပ်ရင်းမှူး ကိုစစ်နိုင်ကို MOD ကဖမ်းဆီးစစ်ဆေးနေသည်ဟု သိရသည်။
ကျောက်ဆည်ခရိုင်အမှတ်-၂တပ်ရင်းမှ တပ်ရင်းမှူး ကိုစစ်နိုင်ကို MOD စစ်ရုံးချုပ်မှဟုဆိုကာ ဧပြီလ ၂၄ ရက်နေ့ ည (၁၀) နာရီခန့်က ထိန်းသိမ်းခေါ်ဆောင်သွားကြောင်း၊ MODစစ်ရုံးချုပ်အနေဖြင့် ယခုကဲ့သို့ တပ်ရင်းမှူး တစ်ဦးအား မည်သည့်ဖမ်းဝရမ်းမှ မပါသည့်အပြင် ပြစ်မှုထင်ရှားခြင်းမရှိပဲ ထိန်းသိမ်းခေါ်ဆောင်ထားခြင်းသည် အာဏာရှင်ဆန်သော လုပ်ရပ်မျိုးဖြစ်ကို သတိချပ်စေလိုကြောင်း ကျောက်ဆည်ခရိုင် တပ်ရင်းအမှတ် (၂) ရဲဘော်များက မေလ ၁ ရက်နေ့က သတင်းထုတ်ပြန်ထားသည်။
RNA_ဧပြီ(၁၉)၊၂၀၂၅ခုနှစ်။
စစ်ကိုင်းတိုင်း၊ အင်းတော်မြို့သိမ်းတိုက်ပွဲပြန် ပြင်ဦးလွင်ခရိုင်၊ တပ်ရင်း (၅၀၉ ၊ ၅၁၀ ၊ ၅၁၂ )၊ ပြင်ဦးလွင် ရင်း ၁၊ ရင်း ၂ မှအောင်ပွဲရ ရဲဘော်များ သင်္ကြန်ကာလအတွင်း မိခင်းတပ်ရင်းထံပြန်သည့် လမ်းတစ်လျှောက်မှ ပြည်သူများက ဂုဏ်ပြုကြိုဆိုခဲ့ကြသည်ဟု PDF – 512 က ယနေ့ အသိပေးထားသည်။
RNA_ဧပြီ(၈)၊၂၀၂၅ခုနှစ်။
အင်းတော်မြို့ကို တော်လှန်ရေးတပ်ပေါင်းစုများ (၈) လကျော်ကြာတိုက်ခိုက် ဝန်းရံပိုက်ဆို့ထားသည့်အတွက် အင်းတော်မြို့ကို နောက်ဆုံးအချိန်ထိ ဂျပန်လှိုဏ်ဂူတွင် တပ်စွဲကာ ခုခံနေရသော် စစ်ကောင်စီအဖွဲ့သည် ဧပြီလ ၇ ရက်နေ့ညပိုင်းက ဆုတ်ခွါထွက်ပြေးသွားသည့်အတွက် တော်လှန်ရေးအင်အားစုများက မြို့ကိုသိမ်းပိုက်လိုက်ပြီဖြစ်ကြောင်း သိရသည်။
NUG၊ MOD၊ အမှတ် (၁) စစ်ဒေသ၏ အစီအစဥ်ဖြင့် အင်းတော် မြို့သိမ်းတိုက်ပွဲကို (၈) လကျော်ကြာ ဆင်နွှဲခဲ့ပြီးနောက် ၂၀၂၅ ခုနှစ်၊ ဧပြီလ (၇) ရက် ညပိုင်းတွင် အပြီးသတ်သိမ်းပိုက်ရရှိခဲ့ပြီဖြစ်ကြောင်း၊ စစ်ကောင်စီတပ်များ အနေဖြင့် စစ်ကူမရရှိခြင်း၊ မြေပြင်မှ လက်နက်ရိက္ခာထောက်ပို့ဆောင်ရွက်နိုင်မှုမရှိခြင်း၊ ထိခိုက်သေဆုံး များပြားခြင်းတို့ကြောင့် နောက်ဆုံးအခြေပြုရာ ဂျပန်လှိုဏ်ဂူမှ တပ်မမှူးဦးဆောင်သော အဖွဲ့သည် ဧပြီလ ၇ ရက် ည ၉ နာရီခန့်တွင် စခန်းစွန့်လွှတ်ဆုတ်ခွာသွားခြင်းဖြစ်သည်ဟု MOD ကထုတ်ပြန်ထားသည်။
RNA_မတ်(၁၃)၊၂၀၂၅ခုနှစ်။
PDF ပကဖနှင့် မဟာမိတ်တော်လှန်ရေးအဖွဲ့အားလုံး လက်တွဲပါဝင်ပြီး စစ်မျက်နှာအလိုက် ထောင်သောင်းချီအင်အားနှင့် အထွေထွေထိုးစစ်ကြီး တစ်ရပ်ကို တစ်နိုင်ငံလုံးအတိုင်းအတာဖြင့် ဆင်နွှဲကြဖို့ ဖြစ်လိမ့်မည်ဟု NUG ကာကွယ်ရေးဝန်ကြီး ဦးရည်မွန်က ပြောကြားထားသည်။
တော်လှန်ရေး အစောပိုင်းကာလများတွင် တပ်တည်ဆောက်ရင်း တစ်နိုင်ငံလုးအတိုင်းအတာဖြင့် စစ်ရေးလှုပ်ရှားနိုင်အောင် ပထမအဆင့် ကြိုးစားခဲ့ကြောင်း၊ ဒုတိယအဆင့်အနေဖြင့် လူထုအင်အားစုစည်း၊ မဟာဗျူဟာထိုင်းစစ်ဆင်ဆင်ရင်း မြို့သိမ်းစခန်းသိမ်းတိုက်ပွဲများဆင်နွှဲကာ အတွေ့အကြုံများ ရယူနိုင်ခဲ့ပြီဖြစ်ကြောင်း၊ တတိယအဆင့်အနေဖြင့် အထွေထွေ ထိုးစစ်ကြီး ဆင်နွှဲ့ကြရန်ဖြစ်ပြီး ယင်းထိုးစစ်ကြီးက စစ်အာဏာသိမ်းမှုကို အဆက်သတ်ပေးလိ့မ်ဟု ယုံကြည်သည်ဟု အမှတ် (၁) စစ်ဒေသတွင် ပြုလုပ်သော တပ်မှူးသင်တန်းဆင်းပွဲတွင် ပေးပို့သော သဝဏ်လွှာတွင် ဦးရည်မွန်က ထည့်သွင်းပြောကြားထားသည်။
RNA_ဖေဖော်ဝါရီ(၂၆)၊၂၀၂၅ခုနှစ်။
စစ်ကိုင်းတိုင်း၊ ရွှေဘိုခရိုင် အမှတ် (၂၁) တပ်ရင်းမှ တပ်ရင်းမှူး ဦးတင်မောင်မျိုးဖမ်းဆီးခံထားရသည့်အတွက် တပ်ရင်းမှူးရွာမှ ရွာသူ ရွာသားများက ပြန်လွှတ်ပေးရန် ဖေဖော်ဝါရီလ ၂၄ ရက်နေ့က ကျေးရွာအတွင်း လှည့်လည်ကာ ငြိမ်းချမ်းစွာ ဆန္ဒပြတောင်းဆိုခဲ့ကြောင်း သိရသည်။
ရွှေဘိုခရိုင် အမှတ် (၂၁) မှ တပ်ရင်းမှူး ဦးတင်မောင်မျိုးအား NUG/MOD ရွှေဘိုခရိုင်မှ ၂၀၂၄ခုနှစ် နိုဝင်ဘာလ ၁၆ ရက်နေ့ကတည်းက ဖမ်းဆီးထားခြင်းဖြစ်ကြောင်း၊ ယနေ့ ဖေဖော်ဝါရီ (၂၆) ရက်နေ့အထိ အဆက်အသွယ်မရကြောင်း၊ ခရိုင်မှ ဆင့်ခေါ်သည့်အတွက် သွားရောက်ချိန်တွင် ဖမ်းဆီးထားလိုက်ခြင်း ဖြစ်ကြောင်း တပ်ရင်းမှူးဦး၏ ညီမဖြစ်သူထံမှ သိရသည်။
တော်လှန်ရေးအောင်မြင်ဖို့ နီးနေပြီလို့ ပြည်ထောင်စုဝန်ကြီးချုပ်ပြောတဲ့ သတင်း၊ မကွေးလေတပ်က စက်တပ်လေထီး (Paramortor) နဲ့ ဒေသခံတွေကို လေကြောင်းတိုက်ခိုက်မှုတွေ ပြုလုပ်နေတဲ့သတင်း၊ ယင်းမာပင်ခရိုင်မှာ စစ်ကြောင်းထိုးမှုတွေ မရှိသလောက်ဖြစ်နေပြီဆိုတဲ့ သတင်းနဲ့ ကျားဖြန့်လုပ်ငန်းနဲ့ ဆက်စပ်ပြီး မြဝတီက ခေါ်ဆောင်သွားတဲ့ တရုတ် နိုင်ငံသား ၂၀၀ ခန့်ကိုနန်ကျင်းမြို့ရှိ အကျဉ်းစခန်းမှာ ထိန်းသိမ်းထားတယ်ဆိုတဲ့ သတင်းတွေကို တင်ဆက်ပေးမှာ ဖြစ်ပါတယ်။
[embedyt] https://www.youtube.com/watch?v=lTZ9K3qHFiQ[/embedyt]
#RedNewsAgency #RedNews #RNA
