RNA_မေ(၂၇)၊၂၀၂၅ခုနှစ်။
ပဲခူးတိုင်း၊ သာယာဝတီခရိုင်၊ အုတ်ဖိုမြို့နယ်၊ ပဲခူးရိုးမအစပ်ရှိ ထန်းပင်ကုန်းကျေးရွာ၊ ဗိုလ်ရုံစုတွင် အင်အား (၃၀) ကျော်ဖြင့် အထိုင်ချတပ်စွဲထားသော စစ်ကောင်စီလက်အောက်ခံ စခန်းကို မေလ ၂၅ ရက်နေ့တွင် သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျားတပ်ဖွဲ့- အုတ်ဖို ရဲဘော်များက သွားရောက်တိုက်ခိုက် သိမ်းပိုက်နိုင်ခဲ့ကြောင်း သိရသည်။
RNA_မေ(၁၂)၊၂၀၂၅ခုနှစ်။
ပဲခူးတိုင်း၊ မင်းလှမြို့နယ်၊ ပဲခူးရိုးမအတွင်း စိန်ကန့်လန့် – မြို့ချောင်း ရိုးမဖြတ်ကျော်လမ်းဘေး ဟိုင်းယုလမ်းဆုံ၌ စစ်ကောင်စီတပ်စခန်း မေလ ၁၁ ရက်နေ့က ဆုတ်ခွါသွားသည့်အတွက် သာယာဝတီခရိုင် တပ်ရင်း ၃၈၀၂ တပ်ခွဲ ၅ ရဲဘော်များက နယ်မြေရှင်းလင်းရေး ပြုလုပ်ခဲ့ကြောင်း သိရသည်။
[embedyt] https://www.youtube.com/watch?v=BYlnJ9mIhRA[/embedyt]
#RedNewsAgency #RedNews #RNA
RNA_ဖေဖော်ဝါရီ(၇)၊၂၀၂၅ခုနှစ်။
ဆရာနိုင်မြန်မာ ကွယ်လွန်သည့် သတင်း၊ ပဲခူးရိိုးမမှာ စစ်ကောင်စီတပ်တိုက်ခိုက်ခံရပြီီးသေဆုံးမှုများရှိသည့်သတင်း၊ သရက်ချောင်းမြို့နယ်မှာ စစ်ကြောင်းထိုးလာသော စစ်ကောင်စီတပ် ဒရုန်းနှင့်တိုက်ခိုက်ခံရသောသတင်း၊ ကရင်နီဝံပုလွေစစ်ကြောင်းမှ ရဲဘော် (၂) ဦးကျဆုံးခဲ့ရသည့် သတင်းနှင့် လေကြောင်းတိုက်ခိုက်မှုအတွင်းမှ စစ်သုံ့ပန်းများကို ကယ်ထုတ်သည့်သတင်းများကို တင်ဆက်ထားသည်။
#RedNewsAgency #RedNews #RNA
RNA_အောက်တိုဘာ(၃)၊၂၀၂၄ ခုနှစ်။
ပဲခူးတိုင်း၊ သာယာဝတီခရိုင်၊ အုတ်ဖိုမြို့နယ်အပိုင်၊ ပဲခူးရိုးမအတွင်းရှိ ဂမုန်းရေလှောင်တမံသို့ ဝိုင်းကျေးရွာ ရဲစခန်းမှ တက်လာသည့် အင်အား (၄၀) ကျော်ပါ စစ်ကောင်စီတပ်စစ်ကြောင်းအား ယနေ့ နံနက် (၉) နာရီခန့်က သာယာဝတီခရိုင် တပ်ရင်း ၃၈၀၂၊ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖိုမှ စောင့်ကြိုတိုက်ခိုက်ခဲ့သည့် (၁) နာရီကျော် တိုက်ပွဲအတွင်း စစ်ကောင်စီလက်အောက်ခံ (၁၂) ဦးသေဆုံးခဲ့ကြောင်း သိရသည်။
RNA_စက်တင်ဘာ(၂၆)၊၂၀၂၄ခုနှစ်။
ပဲခူးတိုင်း၊ သာယာဝတီခရိုင်၊ အုတ်ဖိုမြို့နယ်အပိုင်၊ ပဲခူးရိုးမအတွင်းရှိ ဂမုန်းရေလှောင်တမံတွင် စစ်ကောင်စီလက်အောက်ခံ ဆည်မြောင်းဝန်ထမ်းများ မရှိတော့သည့်အတွက် သာယာဝတီခရိုင် တပ်ရင်း ၃၈၀၂၊ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖို ရဲဘော်များက ထိန်းချုပ်ပြီး ရေလှောင်တမံ ကျိုးပေါက်နိုင်သည့် အခြေအနေတွင် ရှိသော်လည်း ပြည်သူများ ရေဘေးမကြုံရရေးအတွက် နေ့စဉ်ထိန်းညှိ လုပ်ဆောင်နေသည်ဟု သိရသည်။
RNA_ဩဂုတ်(၂၅)၊၂၀၂၄ ခုနှစ်။
ပဲခူးတိုင်း၊ သာယာဝတီခရိုင်၊ လက်ပံတန်းမြို့နယ်အပိုင် ပဲခူးရိုးမပေါ်သို့ တက်လာသည့် အင်အား (၁၀၀) ကျော်ပါ စစ်ကောင်စီတပ်စစ်ကြောင်း ဆင်တလင်းကျေးရွာအုပ်စု၊ အုပ်ဖိုစုရွာထိပ်၌ ဩဂုတ်လ (၂၄) ရက်နေ့ နံနက် (၁၀) နာရီ (၄၅) မိနစ်ခန့်က တိုက်ခိုက်ခံခဲ့ရပြီး စစ်ကောင်စီလက်အောက်ခံ (၂၀) ကျော်သေဆုံးပြီး (၁၀) ဦးခန့် အဖမ်းအဆီးခံခဲ့ရကြောင်း သိရသည်။
စစ်ကောင်စီတပ်စစ်ကြောင်းကို သာယာဝတီခရိုင် တပ်ရင်း ၃၈၀၂မှ တပ်ခွဲ၂၊ တပ်ခွဲ၃၊ တပ်ခွဲ၅၊ တပ်ခွဲ၆ ရွှေတန်းမြေပြည်သူ့ကာကွယ်ရေး ရဲဘော်များက တိုက်ခိုက်ခဲ့ကြောင်း၊ G-3 (၁၉)လက်၊ G-4 စက်လက် (၁)လက်၊ 40 mm (၂)လက်၊ MA-1 (၃)လက်၊ MA-3 (၂)လက်၊ MA-12 (၁)လက်၊ MA-2 (MK-11) (၁)လက်၊ ပစ္စတို MA-5 (၁)လက်၊ G-3 ကျည် (၁၉၆၃)တောင့်၊ MA ကျည် (၁၇၈)တောင့်၊ 9mm ကျည် (၂၀၀)တောင့်၊ ကျည်ဘောက်မျိုးစုံ (၆၅)ခု၊ ငွေသား (၂၅)သိန်းကျော်၊ ဖုန်း (၈) လုံးတို့အား သိမ်းဆည်းရမိခဲ့သည်ဟု သာယာဝတီခရိုင် တပ်ရင်း ၃၈၀၂ တပ်ခွဲ ၅က ထုတ်ပြန်ထားသည်။
#RedNewsAgency #RNA