RNA_ဧပြီ(၁၄)၊၂၀၂၅ခုနှစ်။
ချင်းပြည်နယ်၊ ဖလမ်းမြို့သိမ်းတိုက်ပွဲတွင် ချင်းညီနောင်နှင့် မဟာမိတ်များနှင့်အတူ ဗမာအမျိုးသားတော်လှန်ရေးတပ်မတော် (BNRA) ရဲဘော်များလည်း ပူးပေါင်းတိုက်ပွဲဝင်ခဲ့သည့်အတွက် BNRA ရဲဘော် (၂) ဦးကျဆုံးခဲ့ရကြောင်း သိရသည်။
Author: Editor
-
ငလျင်ဘေးသင့်သူများ ဘောလုံးကွင်းအတွင်း ယာယီတဲထိုးနေကြရ
RNA_ဧပြီ(၂)၊၂၀၂၅ခုနှစ်။မန္တလေးတိုင်း၊ အမရပူရမြို့နယ်၊ ငယ်တိုးကျေးရွာအုပ်စု၊ ဆင်ကာကျေးရွာတွင် ငလျင်ဘေးသင့်ပြည်သူများအနေဖြင့် ကျေးရွာ ဘောလုံးကွင်းအတွင်း ယာယီတဲထိုးနေရသည့်အခြေအနေများကိုယနေ့ တွေ့မြင်ခဲ့ရသည်။ငလျင်ဘေးသင့်သူများအနေဖြင့် လိုအပ်ချက်များစွာရှိသော်လည်း အုပ်ချုပ်ရေးမှူးများက ထိန်းချုပ်ထားကြောင်း၊ ယာယီနေထိုင်သူများကို တစုတစည်းတည်းဖြစ်အောင် လုပ်ဆောင်ပေးမည်ဟု ပြောထားသော်လည်း ယနေ့အချိန်ထိ ကိုယ့်အစီအစဉ်ဖြင့် လုပ်ဆောင်နေထိုင်ကြရသည်ဟု သိရသည်။#RedNewsAgency #REDNEWS #RNA #Earthquake2025 #Burma #Myanmar #earthquake #Sinkar -
“ရောင်နီ Maryland” ပွဲအတွက် လက်မှတ်ရောင်းရငွေများထဲမှ ကနဦး သိန်း ၁၂၀၀ ကို ငလျင်ဘေးသင့်ပြည်သူများအတွက် လှူဒါန်း
RNA_ဧပြီ(၂)၊၂၀၂၅ခုနှစ်။
အမေရိကန်နိုင်၊ Maryland State မှာ ပထမဆုံး ဖျော်ဖြေပွဲအဖြစ် ပြုလုပ်သွားမည့် လင်းလင်းနှင့် ချစ်သုဝေတို့၏ “ရောင်နီ Maryland” ဖျော်ဖြေပွဲ မကျင်းပမီ လက်မှတ်ရောင်းရငွေများထဲမှ မြန်မာနိုင်ငံမှ ငလျင်ဒဏ်သင့်ပြည်သူများအတွက် ကနဦးလှူဒါန်းငွေအဖြစ် ကျန်သိန်း ၁၂၀၀ ကျော်ကို စတင်ပေးပို့နေပြီဖြစ်ကြောင်း Maryland Music Concert ကအသိပေးထားသည်။
လင်းလင်းနှင့် ချစ်သုဝေတို့၏ “ရောင်နီ Live in Maryland 2025” ပွဲကြီးကို ဧပြီလ ၁၂ ရက်နေ့မှာ ကျင်းပမည်ဖြစ်ကြောင်း၊ ဖျော်ဖြေပွဲမကျင်းပမီ ငလျင်ဒဏ်သင့်ပြည်သူများ၏ လိုအပ်ချက်ဖြည့်ဆည်းနိုင်ရန်အတွက် စတင်ပို့ဆောင်နေပြီဖြစ်သည့်အတွက် ပွဲလက်မှတ်ဝယ်ယူအားပေးထားသူတိုင်း၏ အလှူဖြစ်သည်ဟု အသိပေးမှုတွင် ဖော်ပြထားသည်။
-
တရုတ်နိုင်ငံကြက်ခြေနီအသင်းယာဉ်တန်းကို ပစ်ခတ်ခဲ့သည်ဟု ဇော်မင်းထွန်းဝန်ခံ
RNA_ဧပြီ(၂)၊၂၀၂၅ခုနှစ်။
တရုတ်နိုင်ငံကြက်ခြေနီအသင်းမှ မြန်မာနိုင်ငံ ငလျင်ဘေးသင့်ပြည်သူများအတွက် ထောက်ပံ့ရေးပစ္စည်းများသယ်ဆောင်လာသည့် ယာဉ်တန်း (၉) စီးအား စစ်ကောင်စီတပ်မှ ပစ်ခတ်ခဲ့သည်ဟု စစ်ကောင်စီသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ဝန်ခံထားသည်။
မြန်မာနိုင်ငံ ငလျင်ဘေးသင့်ပြည်သူများအတွက် တရုတ်နိုင်ငံကြက်ခြေနီ အသင်းမှ ထောက်ပံ့ရေးပစ္စည်းများသယ်ဆောင်လာသော ယာဉ်တန်းကို ဧပြီလ ၁ ရက်နေ့ ည ၉ နာရီ ၂၁ မိနစ်ခန့်က မန္တလေးမြို့သို့အသွား နောင်ချိုမြို့နယ် အုမ္မတီးကျေးရွာတွင် စစ်ကောင်စီတပ်က စက်လက်သေနတ်ဖြင့် ပစ်ခတ်ခဲ့သည့်အတွက် နောင်ချိုမြို့သို့ ပြန်လည်ဆုတ်ခွါခဲ့ရသည်ဟု TNLA က ထုတ်ပြန်ထားသည်။
(more…) -
ကယ်ဆယ်ရေးလုပ်ငန်းများ ဆောင်ရွက်နိုင်ရန် ညီနောင်မဟာမိတ် (၃) ဖွဲ့ တစ်လတာ အပစ်ရပ်
RNA_ဧပြီ(၁)၊၂၀၂၅ခုနှစ်။ငလျင်နောက်ဆက်တွဲ ကယ်ဆယ်ရေးလုပ်ငန်းများ အမြန်ဆုံး ထိရောက်စွာ ဆောင်ရွက်နိုင်ရန် ညီနောင်မဟာမိတ် (၃) ဖွဲ့နှင့် တိုက်ပွဲဖြစ်ပွားလျက်ရှိသောနေရာများတွင် ထိုးစစ်များကို တစ်လတာ တစ်ဖက်သတ်အပစ်ရပ်ကြောင်း ထုတ်ပြန်လိုက်သည်။
#RedNewsAgency #RedNews #RNA -
စစ်ကိုင်း ငလျင်ဘေးခံစားရသူများကို ယနေ့ညနေအထိ ကယ်ဆယ်မှု မပြုလုပ်နိုင်သေး
RNA_မတ်(၂၉)၊၂၀၂၅ ခုနှစ်။
စစ်ကိုင်းတိုင်း၊ စစ်ကိုင်းမြို့တွင် စစ်ကောင်စီ၏ တပ်မ ၃၃ အထိုင်ချတပ်စွဲပြီး စိုးမိုးနယ်မြေအဖြစ် သတ်မှတ်ထားသော်လည်း ငလျင်ဒဏ်ကြောင့် ပိတ်မိနေသူများကို ၂၄ နာရီအကျော်အထိ အကူအညီများပေးနိုင်ခြင်း (ကယ်ဆယ်ရေးလုပ်ငန်းများ) မရှိသေးကြောင်း ဒေသခံအချို့ထံမှ သိရသည်။
စစ်ကိုင်းမြို့တွင် ငလျင်ဒဏ်ကြောင့် အပျက်အစီးများသော်လည်း စက်ယန္တရားများဖြင့်သာလုပ်ဆောင်နိုင်မည်ဖြစ်သည့်အတွက် ယနေ့ညနေပိုင်းအထိ ပိတ်မိနေသူ အများအပြားကို မကယ်ထုတ်နိုင်သေးကြောင်း၊ စစ်ကိုင်းမြို့တွင် သာသနိကအဆောက်အအုံများတွင်လည်းပျက်စီးမှုရှိပြီး ဒေသခံများအကြား ပြောကြားနေမှုတွင် သေဆုံးသူ ၃၀၀ ခန့်ရှိပြီး အရေအတွက်ထပ်တိုးနေသည်ဟု သိရသည်။
-
နွားထိုးကြီးမြို့နယ်မှာ စစ်ကောင်စီတပ် တိုက်ခိုက်ခံရပြီး ဗိုလ်မှူးဝင်းလှိုင်ဦးနှင့် ဗိုလ်ကြီးအောင်ကိုကို အပါအဝင် (၁၄) ဦး ဖမ်းဆီးခံရပြီး (၂၅) ဦးသေဆုံး
RNA_မတ်(၁၁)၊၂၀၂၅ ခုနှစ်။
မန္တလေးတိုင်း၊ မြင်းခြံခရိုင်၊ နွားထိုးကြီးမြို့နယ်၊ ဝက်လူးရဲစခန်းမှ ထွက်လာသော တပ်မ-၁၀၁ လက်အောက်ခံ စစ်ကောင်စီ အင်အား (၂၀၀) ခန့်ရှိ စစ်ကြောင်း တိုက်ခိုက်ခံရပြီးဗိုလ်မှူးဝင်းလှိုင်ဦးနှင့် ဗိုလ်ကြီးအောင်ကိုကို အပါအဝင် (၁၄) ဦး ဖမ်းဆီးခံရပြီး (၂၅) ဦးသေဆုံးကာ လက်နက် (၄၄) လက်သိမ်းဆည်းရမိကြောင်း သိရသည်။
စစ်ကောင်စီတပ် စစ်ကြောင်းကို မြင်းခြံခရိုင် တပ်ရင်း (၄၊ ၁၀)၊ နွားထိုးကြီးမြို့နယ် ပကဖ နှင့် မဟာမိတ် ပူးပေါင်းအဖွဲ့တို့မှ ကျတွင်းဘိုးရွာ အနောက်တောင်ဘက်၌ မတ်လ (၉) ရက်တွင် ပူးပေါင်း တိုက်ခိုက်ခဲ့ခြင်းဖြစ်ကြောင်း၊ တိုက်ပွဲအတွင်း မိတ္ထီလာနှင့် တံတားဦးမှ တက်သော ဂျက်တိုက်လေယာဉ်ဖြင့် လေကြောင်း (၂) ကြိမ် တိုက်ခိုက်ခဲ့ကြောင်း၊ နွားထိုးကြီးမြို့နယ် ပကဖ ရဲဘော် (၂) ဦး မြင့်မြတ်စွာ ကျဆုံးခဲ့သည်ဟု အမှတ် (၁) စစ်ဒေသကထုတ်ပြန်ထားသည်။
-
LGBT အရေးတက်ကြွလှုပ်ရှားသူ နိုင်ငံရေးအကျဉ်းသားဟောင်း စာရေးဆရာမ စောဟန်နွေဦးစျာပန
RNA_မတ်(၁၀)၊၂၀၂၅ ခုနှစ်။
နိုင်ငံရေး အကျဉ်းသားဟောင်း စောဒယ်နီရယ်လင်းအောင် (ခ) LGBT အရေး တက်ကြွလှုပ်ရှားသူ၊ စာရေးဆရာမ စောဟန်နွေဦး (အသက် ၂၈ နှစ်)သည် မတ်လ (၉) ရက်နေ့ ညပိုင်းတွင် ကွယ်လွန်သွားခဲ့သည့်အတွက် ယနေ့ နေ့လယ် (၂) နာရီက ထိုင်း-မြန်မာနယ်စပ် မဲဆောက်မြို့ တစ်နေရာတွင် စျာပနအခမ်းအနား ကျင်းပခဲ့သည်။
#RedNewsAgency #REDNEWS #RNA
-
မြို့သိမ်းတိုက်ပွဲ ဦးတည်ကြိုးစားနေသော YDF စစ်ရေးအရှိန်မြှင့်ပြီး တိုက်ပွဲဖော်ဆောင်မည်
RNA_ဇန်နဝါရီ(၂၉)၊၂၀၂၅ခုနှစ်။
အာရက္ခတပ်တော်နှင့် ချင်းညီနောင်အပါအဝင် အခြားသောမဟာမိတ်များနှင့် လက်တွေ့ကျကျတိုက်ပွဲဝင်ပြီး မြို့သိမ်း တိုက်ပွဲများကို ဦးတည်ကြိုးစားဆောင်ရွက်နေသော ယောကာကွယ်ရေးတပ် (YDF) အနေဖြင့် စစ်ရေးအရှိန်မြှင့်တင်ပြီး မကြာမီတိုက်ပွဲများဖော်ဆောင်တော့မည်ဖြစ်ကြောင်း သိရသည်။
-
ကန်ပက်လက် မြို့သိမ်းစတင်သည့်နေ့တွင် မြို့ပေါ်မှ စစ်ကောင်စီတပ်သားများ ဆုတ်ခွါသွားဟု ကန်ပက်လက်ကောင်စီထုတ်ပြန်
RNA_ဒီဇင်ဘာ(၂၂)၊၂၀၂၄ ခုနှစ်။
ချင်းညီနောင် စစ်ဆင်ရေးအဖြစ် ကန်ပက်လက်မြို့သိမ်း စစ်ဆင်ရေးကို ယနေ့ (ဒီဇင်ဘာ ၂၂ ရက်) စတင်ပြီဖြစ်ကြောင်း ထုတ်ပြန်သည့်နေ့မှာပင် ကန်ပပ်လက်မြို့ပေါ် ဆပ်စွဲထားသော စကစနှင့် ရဲသားများသည် ပြည်သူများ၏ ညှိနှိုင်းပေးမှုဖြင့် မြို့မှ စွန့်ခွါသွားပြီဖြစ်ကြောင်း ကန်ပက်လက် ကောင်စီက ထုတ်ပြန်လိုက်သည်။
#RedNewsAgency #RNA #REDNEWS