Red News Agency

Category: Politics

  • ဗကသသည် ပြည်သူလူထုဘက်က ပြတ်ပြတ်သားသား ရပ်တည်သည့် အဖွဲ့အစည်းဖြစ်သည်

    ဗကသသည် ပြည်သူလူထုဘက်က ပြတ်ပြတ်သားသား ရပ်တည်သည့် အဖွဲ့အစည်းဖြစ်သည်

    RNA_မေ(၈)၊၂၀၂၄ ခုနှစ်။
     
    ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ( ဗကသ) သည် ပြည်သူလုထူဘက်က ပြတ်ပြတ်သားသား ရပ်တည်သည့် ရှည်လျားသည့် သမိုင်းကြောင်းရှိသည့် အဖွဲ့အစည်းတခုဖြစ်ကြောင်း ယနေ့ ကျရောက်သည့် ဗကသများအဖွဲ့ချုပ် တည်ထောင်ခြင်း (၈၈) နှစ်ပြည့်အခမ်းအနားသို့ ဗကသ ဥက္ကဋ္ဌဟောင်း ဆိုရှယ်ဒီမိုကရက်တစ်ပါတီမှ ကိုကျော်ကိုကို ပေးပို့သည့်သဝဏ်လွှာတွင် ထည့်သွင်းပြောကြားထားသည်။
    [embedyt] https://www.youtube.com/watch?v=LmSnk6iuKv8[/embedyt]
     

    ၁၉၂၀ ပြည့်နှစ် ပထမကျောင်းသားသပိတ် လှုပ်ရှားမှုဖြစ်ပေါ်ခဲ့ပြီးနောက် အမျိုးသားကျောင်းများပေါ်ထွန်းပြီးနောက် ၁၉၃၆ ခုနှစ် ဖေဖော်ဝါရီလ (၂၅) ရက်နေ့တွင် တက္ကသိုလ်ကျောင်းသားများသမဂ္ဂ (တကသ) ဥက္ကဋ္ဌ ကိုနုနှင့် အတွင်းရေးမှူး ကိုအောင်ဆန်း (အိုးဝေ-အယ်ဒီတာ) တို့အား ကျောင်းထုတ်ခံရမှုကို ကန့်ကွက်သော ဒုတိယကျောင်းသပိတ်ဖြစ်ပေါ်ခဲ့သည့် ထိုနှစ် ၁၉၃၆ ခုနှစ် မေလ (၈) ရက်နေ့မှာ ဗမာနိုင်ငံလုံးဆိုင်ရာ ကျောင်းသားများညီလာခံကျင်းပပြီး ထိုညီလာခံဆုံးဖြတ်ချက်အရ ဗမာနိုင်ငံလုံးဆိုရင် ကျောင်းသားများသမဂ္ဂ ( ဗကသ) – All Burma Students Union- ABSU ကိုု စတင်ဖွဲ့စည်းခဲ့ပြီး ၁၉၅၁ ခုနှစ် ဩဂုတ်လ ၁၅ ရက်နေ့တွင် ဗမာနိုင်ငံလုံးဆိုင်ရာကျောင်းသား သမဂ္ဂများအဖွဲ့ချုပ် ( All Burma Federation of Student Union – ABFSU) အဖြစ် တိုးမြှင့်ဖွဲ့စည်းခဲ့သည်။ 

     
    #RedNewsAgency

  • မတရားမှုကိုဆန့်ကျင်တဲ့ တော်လှန်လိုစိတ်နဲ့ တော်လှန်ရေးအောင်ပွဲ

    မတရားမှုကိုဆန့်ကျင်တဲ့ တော်လှန်လိုစိတ်နဲ့ တော်လှန်ရေးအောင်ပွဲ

    “တော်လှန်ရေးရဲ့ အောင်မြင်မှုတွေဆိုတာ ငြိမ်းချမ်းစွာဆန္ဒပြခဲ့စဥ်က ရက်ရက် စက်စက်နှိမ်နှင်းပစ်သတ်ခံခဲ့ရတဲ့ ပြည်သူတွေရဲ့ နာကြည်းမှု၊ မတရားမှုကို တော်လှန်လိုစိတ်တွေကပေါက်ဖွားလာတဲ့ အောင်မြင်မှုတွေဖြစ်သလို ပြည်သူကို အထင်သေး ရိုင်းစိုင်းစွာနဲ့ စိန်ခေါ်ခဲ့တဲ့ စစ်တပ်ရဲ့ ကျဆုံးမှုတွေလည်း ဖြစ်ပါတယ်”

    ချမ်းမင်း

    စစ်တပ်အာဏာသိမ်းမှု ၃ နှစ်နဲ့ ၁၈ ရက်ပြည့်မြောက်သွားတဲ့နေ့ဟာ ၂၀၂၄ ခုနှစ် ဖေဖော်ဝါရီလ ၁၉ ရက်နေ့ဖြစ်သလို နွေဦးတော်လှန်ရေးအတွင်း ပထမဦးဆုံးကျဆုံးခဲ့တဲ့ နေပြည်တော်မှ မြသွဲ့သွဲ့ခိုင် ဦးခေါင်းကိုသေနတ်ထိမှန်သေဆုံးခဲ့ရတဲ့နေ့လည်း ဖြစ်ပါတယ်။ စစ်ခေါင်းဆောင်မင်းအောင်လှိုင်ဟာ ပြည်သူတင်မြှောက်ထားတဲ့ အစိုးရကို အငုံစိတ်များစွာဖြင့် လက်နက်နဲ့အနိုင်ကျင့်ဗိုလ်ကျကာ ဖမ်းဆီးခဲ့ပြီး နိုင်ငံတော်အာဏာကို သိမ်းပိုက်ခဲ့တာအားလုံးအသိပါ။

    ဒီမိုကရေစီဆိုတဲ့ အရသာကို ကောင်းကောင်းကြီးခံစားခဲ့ဖူးတဲ့ မြန်မာပြည်သူတွေအတွက်တော့ စစ်ခေါင်းဆောင်ရဲ့ အခုလို အာဏာသိမ်းမှုကြီးဟာ ဘယ်လိုမှ လက်ခံနိုင်စရာအကြောင်းမရှိတာကြောင့် လူထုတစ်ရပ်လုံးဟာ ငြိမ်းချမ်းစွာဆန္ဒထုတ်ဖော်ခဲ့ပြီး ဒီမိုကရေစီကို ပြန်တောင်းယူခဲ့ပါတယ်။ မြန်မာပြည်သူတစ်ရပ်လုံးအနေနဲ့ နိုင်ငံတကာကလည်း အာရုံစိုက်လာနိုင်အောင်၊ အကြမ်းမဖက်ဘဲ လိုချင်တဲ့ဒီမိုကရေစီကိုလည်းပြန်လည်ရရှိအောင်အတွက် ဆန်းသစ်တဲ့ နည်းလမ်းပေါင်းစုံနဲ့ ဆန္ဒထုတ်ဖော်တာတွေ ပြုလုပ်ခဲ့ပြီး ပြည်သူတွေအနေနဲ့ ဒီမိုကရေစီနဲ့ထိုက်တန်ကြောင်း ပြသခဲ့ကြပါတယ်။

    မြန်မာပြည်သူတွေဟာ ဒီမိုကရေစီနဲ့ တိုက်တန်ကြပါတယ်လို့ အားလုံးက လက်ခံထားသော်လည်း အစကတည်းက နိုင်ငံတော်အာဏာကို လိုချင်လို့ကို တမင်သိမ်းယူခဲ့တဲ့ စစ်ခေါင်းဆောင်တွေအနေနဲ့ ပြည်သူတွေရဲ့ တောင်းဆိုမှုတွေကို အကြမ်းဖက်ဖြိုခွင်းလာပြီး ကျည်စစ်ကျည်တွေအသုံးပြုပြီး ငြိမ်းချမ်းစွာဆန္ဒပြနေတဲ့ပြည်သူတွေကို ဖြိုခွင်းခဲ့ကြပါတယ်။ အဲ့ဒီလို စစ်တပ်ရဲ့ ကျည်စစ်ကျည်မှန်အသုံးပြုပြီး အကြမ်းဖက်ဖြိုခွင်းတာကြောင့် ၂၀၂၁ ဖေဖော်ဝါရီလ ၁၉ ရက်နေ့မှာ မမြသွဲ့သွဲ့ခိုင်အနေနဲ့ နေပြည်တော်မှာကျဆုံးခဲ့ရပါတယ်။

    (more…)

  • လူငယ်နဲ့ စစ်မှုထမ်းဥပဒေ

    လူငယ်နဲ့ စစ်မှုထမ်းဥပဒေ

    “အစားကျွေး အနားပေးပြီးရင် ရေတိုက်အသေရိုက်” တယ်ဆိုတဲ့ ဆောင်ပုဒ်အတိုင်း စစ်အခြေခံလေ့ကျင့်ရေးတပ်တွေကို မကြာခင် အဓမ္မပို့တော့မှာဖြစ်တယ် ……….

    မောင်ဝိ

    စစ်မှုထမ်း ဥပဒေအသက်သွင်းခဲ့တဲ့ စစ်ကောင်စီဟာ ပြီးခဲ့တဲ့ ၂၀၂၂ ခုနှစ်ကာလအတွင်းပိုင်းကတည်းက ကြိုတင်စီမံထားခဲ့တာ ဖြစ်တယ်။ ထိုအချိန်ကတည်းက နိုင်ငံသားအားလုံး စစ်မှုထမ်းရမည့် အမျိုးသားစစ်မှုထမ်းဥပဒေကို မဖြစ်မနေလုပ်ဆောင်သွားမယ်လို့ အာဏာသိမ်း စစ်ခေါင်းဆောင် မင်းအောင်လှိုင်ကိုယ်တိုင်ထုတ်ပြောခဲ့တာဖြစ်ပြီး၊ ပြောဆိုချက်ထဲမှာ နိုင်ငံသားတိုင်း စစ်မှုထမ်းရန် တာဝန်ရှိကာ အမျိုးသား စစ်မှုထမ်းဥပဒေအရ နိုင်ငံသားတိုင်း ၂ နှစ်တန်၊ ၃ နှစ်တန် အခြေအနေပေါ်မူတည်ပြီး စစ်မှုထမ်းရမယ်လို့ ဆိုပါတယ်။

    “ကျနော်တို့ဆီမှာ အမျိုးသားစစ်မှုထမ်း ဥပဒေ မကျင့်သုံးရသေးဘူး။ နိုင်ငံသားတိုင်းဟာ စစ်မှုထမ်းဖို့ တာဝန်ရှိတယ်။ အမျိုးသားစစ်မှုထမ်းဥပဒေကို ကျွန်တော်တို့ မကျင့်သုံးရတာဟာ ဘာဖြစ်လို့လဲဆိုတော့ ပြည်တွင်းလက်နက်ကိုင်ပဋိပက္ခတွေရှိနေလို့ ကျွန်တော်တို့ လုပ်လို့မရဘူး။ စီးပွားရေးအားမကောင်းရင်လည်း ပိုက်ဆံမရှိလို့ မျက်နှာငယ်ရတယ်။ နိုင်ငံရေး အားမကောင်းတဲ့အခါကျတော့ သူများတွေ ကျွန်တော်တို့ကို ပြဿနာမျိုးစုံရှာမှာ။ စစ်ရေးအရ ကာကွယ်ရေးစွမ်းအားမကောင်းတော့ ဖင်ပုတ်၊ ခေါင်းပုတ်လာလုပ်လိမ့်မယ်” လို့ အာဏာသိမ်းစစ်ခေါင်းဆောင်က ၂၀၂၂ ခုနှစ်၊ ဖေဖော်ဝါရီ ၂ ရက် နေပြည်တော်မှာပြုလုပ်တဲ့ အစည်းအဝေးမှာ ပြောဆိုခဲ့တာ ဖြစ်တယ်။


    လက်ရှိမှာလည်း စစ်ကောင်စီအနေနဲ့ တစ်နှစ်ကို လူဦးရေ ၂၀၀ တွင် ၁ ယောက်သာ တပ်ထဲဝင်ရမယ်လို့ စစ်ကောင်စီရဲ့ ပြောရေးဆိုခွင့်ရှိသူ ဗိုလ်ချုပ် ဇော်မင်းထွန်းက ဆိုပါတယ်။ ဒါ့အပြင် Non-CDM ဝန်ထမ်းတွေနဲ့ စတင်ပြီး စစ်မှုထမ်းဖို့အကောင်အထည်ဖော်နေတာတွေ့ရပါတယ်။ ဖေဖော်ဝါရီလ ၁၀ ရက်နေ့ စစ်ကောင်စီမှ စစ်မှုမထမ်းမနေရ ကြေညာပြီး၊ တိုင်းနဲ့ပြည်နယ်များမှာ ပေါ်တာဆွဲခံရမှုများ ဆက်တိုက်ဆိုသလို ဖြစ်ပွါးခဲ့ပါတယ်။ နိုင်ငံတစ်ဝန်း စစ်တပ်ကပေါ်တာဆွဲလို့ ဖမ်းဆီးခံရတဲ့ လူငယ် ၃၀၂ ဦးရှိလာကြောင်းနဲ့ လူငယ်တွေကိုလည်း တပ်သားသစ် စုဆောင်းမှုအဖြစ် ခေါ်ယူသွားခြင်းဖြစ်တယ်လို့ သိရပါတယ်။

    (more…)

  • စစ်ကောင်စီ စစ်ရှုံးသည့်ရသာကို ခံစားနေရပြီဟု ဗိုလ်မိုက်ခဲပြော

    စစ်ကောင်စီ စစ်ရှုံးသည့်ရသာကို ခံစားနေရပြီဟု ဗိုလ်မိုက်ခဲပြော

    RNA_ဖေဖော်ဝါရီ(၁၉)၊၂၀၂၄ ခုနှစ်။

    “ကျွန်တော်အမြင်ပြောရမယ်ဆိုရင် စကစရဲ့ဘဝက ဆုပ်လဲစူး စားလဲရူးဆိုတဲ့ ဘဝရောက်နေပြီ။ သေချာတခုကတော့ ဒီကောင်စစ်ရှုံးနေပြီ စစ်ရှုံးတဲ့ အရသာကို သူတို့ခံစားဖူးပြီ စစ်ရှုံးတဲ့အရသာ သိပ်ကိုကြောက်စရာကောင်းပါတယ်” စသဖြင့် အညာရဲ့တော်လှန်ရေးအခြေအနေနှင့် လက်တလောအနေအထားများကို Myingyan Black Tiger တပ်ဖွဲ့ခေါင်းဆောင် ဗိုလ်မိုက်ခဲက ပြောကြားထားသည်။

    [embedyt] https://www.youtube.com/watch?v=8rwS5ebkSbM[/embedyt]

    Red News Agency

  • စစ်တောင်းမြစ်၏ အရှေ့ခြမ်း အနောက်ခြမ််းအားလုံးမှာ တော်လှန်ရေးတပ်ဖွဲ့တွေရောက်နေပြီ

    စစ်တောင်းမြစ်၏ အရှေ့ခြမ်း အနောက်ခြမ််းအားလုံးမှာ တော်လှန်ရေးတပ်ဖွဲ့တွေရောက်နေပြီ

    RNA_ဖေဖော်ဝါရီ(၄)၊၂၀၂၄ ခုနှစ်။
     
    တောင်ပိုင်းတိုင်းစစ်ဒေသ အပါအဝင် တော်လှန်ရေးအင်အားစုများ၏ စစ်ရေးအခြေအနေများ၊ နယ်မြေစိုးမိုးမှုအခြေအနေများနှင့် ပတ်သက်သောအကြောင်းအရာများ၊ မြို့ပြစစ်ဆင်ရေးတွင်လည်း “ရွှေလက်ပိုင်ရှင်” စသည့် စစ်ဆင်ရေးများစွာ ဖော်ဆောင်ထားနိုင်သည့် NUG/MOD PDF အထူးစစ်ဆင်ရေးတပ်ဖွဲ့ (Speclal Operation Force – S.O.F)၏ တပ်မှူး ကိုအောင်စံရှားကို ပြည်သူများ သိချင်နေသည့် မြေပြင်တော်လှန်ရေးအခြေအနေများနှစ်ပတ်သက်ပြီး Red News Agency က ဆက်သွယ်မေးမြန်းထားသည်။
    [embedyt] https://www.youtube.com/watch?v=u8q8IGhtiiM[/embedyt]
    #RedNewsAgency

  • ထွက်ပေါ်လာသည့် အာဏာရှင်မှန်သမျှ CNO/CNDF က တော်လှန်သွားမည်

    ထွက်ပေါ်လာသည့် အာဏာရှင်မှန်သမျှ CNO/CNDF က တော်လှန်သွားမည်

    RNA_ဇန်နဝါရီ(၂၅)၊၂၀၂၄ခုနှစ်။

    ချင်းပြည်နယ်အတွင်း တန်းတူညီမျှရေးနှင့် ကိုယ်ပိုင်ပြဌာန်းခွင့်၊ မွေးရာပါအခွင့်အရေးများအတွက် စစ်ကောင်စီအပါအဝင် အာဏာရှင်မှန်သမျှ တော်လှန်တိုက်ခိုက်သွားမည်ဖြစ်ကြောင်း CNO/CNDF အရာရှိတဦးက ပြောကြားထားသည်။

    “ချင်းအမျိုးသားအဖွဲ့ချုပ်၊ ချင်းအမျိုးသားကာကွယ်ရေးတပ်ဖွဲ့ဟာ စစ်အာဏာရှင် စနစ်အပါအဝင် မည်သည့်အာဏာရှင်စနစ်မဆို ကျဆုံးဖို့အတွက် ထူထောင်ခဲ့တဲ့ အဖွဲ့အစည်းဖြစ်ပါတယ်။ လူတစ်ဦးတစ်ယောက်အဖွဲအစည်းတစ်ခုအတွက် ဖွဲ့စည်းခဲ့တဲ့ အဖွဲ့အစည်းမဟုတ်ပါဘူး။ အာဏာသိမ်းသွားတဲ့ စစ်ကောင်စီအပါအဝင် ထွက်လာနိုင်တဲ့ အာဏာရှင်မှန်သမျှကို ဆန့်ကျင် တော်လှန်သွားမယ့်အဖွဲ့အစည်းဖြစ်ပါတယ်” ဟု ရှေ့တန်းသွားမည့် CNDF ရဲဘော်များကို ပြောကြားသည့် မိန့်ခွန်းတွင် ထည့်သွင်းပြောထားသည်။

    [embedyt] https://www.youtube.com/watch?v=pdRNX5dGMrY[/embedyt]

    Red News Agency

  • စစ်ကောင်စီ စိုက်ပျိုးသောဖရဲခင်းနှင့် ပြည်သူ့စစ်မဟာဗျူဟာ

    စစ်ကောင်စီ စိုက်ပျိုးသောဖရဲခင်းနှင့် ပြည်သူ့စစ်မဟာဗျူဟာ

    “ပြည်တွင်းစစ်တွင် ပြည်သူ့စစ်မဟာဗျူဟာကို အသုံးပြုသောအခါ အသုံးပြုသော စစ်ခေါင်းဆောင်သည် အနှေးနှင့် အမြန်ကျဆုံးခြင်းအ‌ခြေအနေသို့ ရောက်ရှိရသည်”
    ******************************
    မီးသွေး

    မြန်မာနိုင်ငံတွင် အကြမ်းဖက်စစ်ကောင်စီ၏ လက်ရှိအခြေအနေမှာ နိုင်ငံရေး၊ စစ်ရေး၊ စီးပွားရေး၊ လူမှုရေးအပါအဝင် အဘက်ဘက်မှ ကျဆင်းပြီး ဖယိုဖရဲ အခြေအနေနှင့်ကြုံတွေ့နေရသည်။ စစ်ကောင်စီ၏ နိုင်ငံရေး သွေးခွဲနည်းဗျူဟာဖြစ်သော လူမျိုးရေးသွေးခွဲခြင်းနှင့် ဘာသာရေးမှိုင်းတိုက်ခြင်း တို့ကိုပါ လုပ်ဆောင်လာသည်ကို တွေ့ရှိရသည်။

    ဗမာစစ်တပ်၏ နိုင်ငံရေးရင့်ကျက်မှု (Political Maturation) သည် ယနေ့အချိန်မှာ အသုံးမဝင်တော့သည်ကို တွေ့ရှိရသည်။ လွတ်လပ်ရေးရပြီးချိန်ကတည်းက စတင်လိုက်သည့် ပြည်တွင်းစစ်ကြီးဟာလည်းအရှိန်အမြင့်ဆုံး ရောက်ရှိနေပြီးတော့ နိုင်ငံအနှံ့အပြားရှိတိုက်ပွဲများတွင် ကြည်း၊ရေ၊လေ အကုန်အသုံးပြု စစ်ဆင်ရေးများပြုသော်လည်း အဘက်ဘက်တွင် အထိနာကာ ကျရှုံးလျက်ရှိသည်။

    စစ်ကောင်စီသည် ခေတ်အဆက်ဆက် စစ်ရေးတွင်ကောင်းမွန်စွာ မထိန်းသိမ်းနိုင်သောအခါ နိင်ငံရေးထည့်သွင်းပြီး မဟာဗျူဟာဆွဲထားသော အပြန်အလှန်နားလည်မှုနှင့် တာဝန်ရှိမှု (mutual understanding and responsibility) ပါဝင်သည့် ပြည်သူ့စစ်မဟာဗျူဟာကို အကောင်အထည် ဖော်ဆောင်ရွက်တတ်သည်ကို တွေ့ရှိရပေမည်။ ထိုသို့သော လုပ်ရပ်နှင့်မဟာဗျူဟာများသည် ပြည်ပကျူးကျော်စစ်များတွင်သာ ထိရောက်သော်လည်း တိုင်းရင်းသားလူမျိုးအချင်းချင်း ဖြစ်ပွား‌သော ပြည်တွင်းစစ်များတွင် အသုံးပြုပါက မိမိလည်ပင်းကြိုးကွင်းစွပ်သကဲ့သို့ ဆိုးကျိုးများကြုံတွေ့ရမည်သာ မုချအသေအချာပင်ဖြစ်သည်။

    ယခုလို ပြည်သူ့စစ်မဟာဗျူဟာကို နိုင်ငံတကာ အခြေအနေဖြင့်နှိုင်းယှဉ်ကြည့်လျှင် ယူကရိန်းနိုင်ငံရှိ ပြည်သူပြည်သားများသည် ရုရှားနိုင်ငံ၏ ကျုးကျော်စစ်ကို ခုခံဖို့အတွက် ပြည်သူ့စစ်မဟာဗျူဟာကို အသုံးပြုကာ ခုခံခြင်းဖြင့် ယူကရိန်းနိုင်ငံသားအချင်းချင်း အပြန်အလှန်နားလည်မှုနှင့်တာဝန်ရှိမှုကို ပြသနိုင်မည်ဖြစ်ပေသည်။ အာဏာရှင်စစ်ခေါင်းဆောင်များနှင့် ပြည်တွင်းစစ်အများဆုံးတွေ့ရသော အာဖရိကနိုင်ငံများတွင်လည်း ပြည်တွင်းစစ်တွင် ပြည်သူ့စစ်မဟာဗျူဟာကို အသုံးပြုသောအခါ အသုံးပြုသော စစ်ခေါင်းဆောင်သည် အနှေးနှင့် အမြန်ကျဆုံးခြင်းအ‌ခြေအနေသို့ ရောက်ရှိရသည်ကိုတွေ့ရှိရမည်ဖြစ်သည်။
    (more…)

  • စစ်ကောင်စီအတွက် အိမ်မက်ဆိုးများပေးနေသော AA

    စစ်ကောင်စီအတွက် အိမ်မက်ဆိုးများပေးနေသော AA

    “ရှမ်းမြောက်တွင် စစ်ရေးခဏ ငြိမ်သက်သွားသော်လည်း ရခိုင်ဒေသတွင် စစ်ကောင်စီ၏ စခန်းကုန်းများ တစ်ခုပြီးတစ်ခု သိမ်းပိုက်ခံနေရပြီး ယခု မင်းပြားမြို့ကို ထိုးစစ်ဆင်တိုက်ခိုက်လျက်ရှိရာ မကြာမီတွင် မင်းပြားမြို့ကိုပါ စစ်ကောင်စီမှ လက်လွှတ် ဆုံးရှူံးရတော့မည်”
    ***********************
    သူရိန်

    ၁၀၂၇ စစ်ဆင်ရေး ရှမ်းမြောက်မှာ တိုက်ပွဲတွေ ရပ်တန့်ပြီးနောက်ပိုင်းတွင် ရခိုင်ဒေသအတွင်း စစ်ကောင်စီအထိနာပြီး စစ်စခန်းများလက်လွှတ် ဆုံးရှုံးမှုများနှင့် စခန်းသိမ်းတိုက်ပွဲများတွင် စစ်ကောင်စီတပ်သားများ အလုံးအရင်းလိုက် လက်နက်ချပြီး ထွက်ပြေးမှုများနှင့် သိမ်းဆည်းရရှိသည့် ဗျူဟာကုန်း များ၊ အဓိကစစ်စခန်းများကို တဟုန်းထိုး တိုက်ခိုက်သိမ်းပိုက်ပြီး ကျန်ရှိသည့် စစ်စခန်းများကိုလဲ တိုက်ခိုက်လျက်ရှိပြီး ဆက်လက်တိုက်ခိုက်သွားမည်ဟု ကြေငြာချက်ထုတ်ထားသည်။

    ရက္ခိုင့်တပ်တော် AA သည် အာဏာသိမ်းပြီးနောက် လှုပ်ရှားမှုမရှိ ငြိမ်သက်နေခြင်းကို တစ်နိုင်ငံလုံးမှ ပြည်သူများအနေဖြင့် အထင်အမြင် လွဲမှားမှုများရှိခဲ့သည်။ စစ်တပ်နှင့် အပစ်ရပ်ခဲ့ချိန်က တကယ်မြေပြင် သတင်းအမှန်ကို မသိခြင်းကြောင့် ဖြစ်လိမ့်မည်။ အာဏာသိမ်းပြီးအချိန်ကာလကတည်းက ရက္ခိုင့်တပ်တော် AA သည် ထွက်ပြေးလာသောမြို့ပြမှ လူငယ်များကို လက်ခံခဲ့ပြီး စစ်သင်တန်း သင်ကြားပေးခြင်းများကို လုပ်ဆောင်ပေးလျက်ရှိပြီး ဆိုရှယ် မီဒီယာ ပေါ်သို့ သတင်းမပြန့်စေရန် လုပ်ဆောင်နေသည့် လုပ်ဆောင်ချက်များ လျိုဝှတ်စွာ လုပ်ဆောင်သင့်သဖြင့် အာဏသိမ်းဖြစ်စဉ်တွင် ပါဝင်မပတ်သက်သည့် ပုံစံမျိုးဖြင့် တိုးတိတ်စွာ လုပ်ဆောင်လာခဲ့သည်။

    ရက္ခိုင့်တပ်တော် AA သည် ညီနောင်မဟာမိတ် အဖွဲ့အစည်း (၃) ဖွဲ့သည် ဆယ်စုနှစ်နီးပါး အချိန်ကာလတစ်ခုကို နိုင်ငံရေးစားပွဲဝိုင်းတွင်သာမက စစ်မြေပြင်၌ပါ တစ်ယောက်ကိုတစ်ယောက် အသက်၊ သွေး၊ ချွေး ပေးဆပ်မှုများစွာဖြင့် စည်းစည်းလုံးလုံး အတူတကွ လက်တွဲတိုက်ပွဲဝင်ခဲ့ကြသော စစ်ရေး၊ နိုင်ငံရေး ညီနောင်မဟာမိတ်များဖြစ်ကြသည့်အပြင် တစ်ဖွဲ၏ နိုင်ငံရေးရည်မှန်းချက်ကို တစ်ဖွဲက လေးစား အသိအမှတ်ပြုပြီး မည်သည့်ကိစ္စတွင်မဆို စိတ်ရင်းစေတနာမှန်ဖြင့် အကောင်းဆုံးဖေးမကူညီခဲ့ကြသည်။


    “တစ်ဖွဲ့၏ပြဿနာသည် သုံးဖွဲစလုံး၏ ပြဿနာဖြစ်သည်” ဟူသော မူဝါဒကို ချမှတ်ပြီး ယနေ့အချိန်အထိ ပူးပေါင်းဆောင်ရွက်လျက်ရှိနေသည်ဟု ညီနောင်မဟာမိတ် ၃ ဖွဲ့က ထုတ်ပြန်ချက်ထားသည်။

    (more…)

  • တပ်မမှူးအဆင့်တွေ အဖမ်းခံရပြီးနောက် ဖွဲ့စည်းပုံပျက်လာတဲ့ စစ်ကောင်စီ

    တပ်မမှူးအဆင့်တွေ အဖမ်းခံရပြီးနောက် ဖွဲ့စည်းပုံပျက်လာတဲ့ စစ်ကောင်စီ

    “ရှေ့မှာလည်း “သေရဲ သတ်ရဲ တိုက်ရဲ” ပါတယ်ဆိုတဲ့ ခြေလျင်ခြေမြန် တပ်ရင်းတွေတောင် ခနအတွင်း ကျသွားခဲ့ရတာမျက်မြင်ပါပဲ။ ဒီအခြေအနေမှာ သံဘိုကာကင်းစခန်းကလို စစ်မတိုက်တတ်တဲ့ စက်မှုလက်မှုကထိက ဒုတိယဗိုလ်မှူးကြီး သက်အောင်ကို ခေါင်းဆောင်တင်ပြီးပြင်ဦးလွင်က သင်တန်းသားတွေနဲ့ စစ်တိုက်တဲ့ပုံစံမျိုးကတော့ ရှေ့ဆက်လည်း ရှုံးနိမ့်မှာအသေအချာပါ”

    မောင်ဝိ

    ၂၀၂၁ ခုနှစ် စစ်တပ်အာဏာသိမ်းခါစ အစောပိုင်းအချိန်မှာ ပြည်သူလူထုတရပ်လုံး စစ်တပ်ကြောင့် ဒုက္ခတွေအသီးသီးရောက်ကြပေမယ့်။ စစ်တပ်နဲ့ ပတ်သတ်တဲ့ အသိုင်းအဝိုင်းတွေကတော့ လုပ်ပိုင်ခွင့်ပေါ်မူတည်ပြီး အကျိုးမြတ်များစွာရရှိခဲ့တာ အားလုံးအသိပါ။ ဒါ့ကြောင့်ပဲ မင်းအောင်လှိုင်လုပ်သမျှ မျက်စိစုံမှိတ်ပြီး “ဘုရားဒကာကြီး” ဆိုတဲ့ ခေါင်းစဥ်တပ်ပြီး လုပ်စားနေကြတာပါ။

    လက်နက်ကိုင်တော်လှန်ရေး စချိန်တုန်းကဆိုရင် ပြည်သူတရပ်လုံးတော်လှန်ရေးအတွက် အားစိုက်ကြတယ်။ တော်လှန်ရေးရဲဘော်တွေကလည်း စစ်ကောင်စီတပ်မှ ဗိုလ်ကြီး၊ ဗိုလ်မှူးစတဲ့ အဆင့်တွေလောက်ကိုသာ ရှင်းလင်းနိုင်ခဲ့ကြတယ်။ ဒုတိယဗိုလ်မှူးကြီး (တပ်ရင်းမှူး) အဆင့်ရှိသူတွေကို ရှင်းလင်းနိုင်တယ်ဆိုတာကလည်း မရှိသလောက်ရှားပါးခဲ့ပါတယ်။

    အာဏာသိမ်းကာလ (၃) နှစ်တာကာလကို ရောက်ရှိလာချိန်မှာ ပြည်သူလူထုတရပ်လုံးသာမက၊ စစ်တပ်ထောက်ခံသူ လူတစုကပါ စစ်ခေါင်းဆောင်မင်းအောင်လှိုင်အပေါ် အမြင်ပြောင်းလဲလာတာတွေ့ရတယ်။ ဒါကတော့ နွေဦးတော်လှန်ရေးကာလအတွင်း အောက်တိုဘာလ ၂၇ ရက်နေ့ကစတင်ခဲ့တဲ့ “၁၀၂၇” စစ်ဆင်ရေးကြောင့်ပဲ ဖြစ်တယ်။ တိုက်ပွဲများအတွင်း စစ်ကောင်စီမှ ရှမ်းမြောက်ဒေသတခုထဲမှာပဲ စခန်းကြီးငယ် ၃၀၀ ကျော်အပါအဝင်၊ နိုင်ငံတဝန်းရှိ မြို့ပေါင်း ၃၀ ကိုပါ လက်လွှတ်ခဲ့ရပါတယ်။

    ဒါ့အပြင် စစ်တပ်ရဲ့ အမိန့်ပေးစနစ်မှာ အရေးကြီး အရာရှိတွေဖြစ်တဲ့ ဒုတိယဗိုလ်မှူးကြီး၊ ဗိုလ်မှူးကြီး၊ ဗိုလ်မှူးချုပ်အဆင့်တွေအထိ တိုက်ပွဲကျခြင်း၊ စခန်းစွန့်ခွာခြင်း၊ ဖမ်းဆီးခံရခြင်းတွေကို ဆက်တိုက်မြင်တွေ့လာရပါတယ်။ အသိသာဆုံးဆိုရင် ဗိုလ်မှူးချုပ်/ဗိုလ်မှူးကြီး အောင်ကျော်လွင် (တပ်မ ၉၉ တပ်မမှူး)၊ ဗိုလ်မှူးကြီး တင်အောင်မိုး (စကခ ၁၇၊ စကခမှူး)စတဲ့သူတွေအပါအဝင်ပဲ ဖြစ်တယ်။ စစ်ကောင်စီတပ်အတွင်း အခုလို ရာထူးရှိသူတွေဟာ တပ်ရင်း၊ တပ်မတွေကို ကွပ်ကဲရသူတွေ၊ ခံ၊ခွာ၊ချီ၊တိုက် စတဲ့ စစ်ဗျူဟာကို စစ်ဦးစီးတက္ကသိုလ် (ဥစတ)၊ နိုင်ငံတော်ကာကွယ်ရေးတက္ကသိုလ် တွေကနေ သင်ယူထားသူတွေလို့ ဆိုရပါမယ်။

    (more…)

  • စစ်မြေပြင်မှာ အသက်တမျှအရေးကြီးတဲ့ အမိန့်နာခံမှုနဲ့ နေပြည်တော်မှာ ပြေးပေါက်ရှာနေတဲ့ စစ်ရာဇဝတ်ကောင်များ

    စစ်မြေပြင်မှာ အသက်တမျှအရေးကြီးတဲ့ အမိန့်နာခံမှုနဲ့ နေပြည်တော်မှာ ပြေးပေါက်ရှာနေတဲ့ စစ်ရာဇဝတ်ကောင်များ

    “စစ်ကောင်စီဟာ မန္တလေးကို ကာကွယ်နိုင်ဖို့ ပြင်ဦးလွင်မြို့အထွက်မှာ သင်တန်းတက်နေတဲ့ စစ်သားတွေကို စီမံချက်နဲ့ ကာကင်းသဘောမျိုး စောင့်ခိုင်းတာတွေ လုပ်နေတယ်လို့ တပ်တွင်းသတင်းတွေကနေ သိရပါတယ်။ နေပြည်တော်ကို ကာကွယ်နိုင်ဖို့အတွက် မန္တလေးဟာ စစ်ကောင်စီအတွက် နောက်ဆုံးခံတပ်ပုံစံဖြစ်နေပါပြီ” 

    မောင်ဝိ 

    ၂၀၂၄ ခုနှစ်ရဲ့ နှစ်သစ်မှာ တော်လှန်ရေးက အားအကောင်းဆုံးလို့ ပြောလို့ရသလို တော်လှန်ပြည်သူတွေအတွက်လည်း အားတက်စရာသတင်းတွေဆက်တိုက်ဆိုသလို ကြားနေရပါတယ်။ ဇန်နဝါရီလ ၂  ရက်နေ့မှာ Mandalay (PDF) နဲ့ TNLA တို့ပူးပေါင်းပြီး “တောင်သမန် စစ်ဆင်ရေး”နဲ့  နောင်ချိုမြိုနယ် သံဘိုကျေးရွာရှိ စစ်ကောင်စီအခြေစိုက်စခန်းအား ဝင်ရောက် စီးနင်းတိုက်ခိုက်ခဲ့ပါတယ်။

    ဇန်နဝါရီလ  ၃ ရက်နေ့ မနက်ပိုင်းမှာတော့ သံဘိုကျေးရွာစခန်းကို အပြီးသတ်သိမ်းပိုက်ရရှိခဲ့ပြီး၊ စစ်ကောင်စီရဲ့ ဒုတိယဗိုလ်မှူးကြီး သက်အောင်ကို ဖမ်းဆီးရမိသလို၊ စစ်တပ်ရဲ့ Drone Jammer စက်အကြီးအပါအဝင် လက်နက်ခဲယမ်းများစွာ သိမ်းဆည်းရမိခဲ့တာဖြစ်တယ်။ သံဘို စစ်ကောင်စီရဲ့ကာကင်းစခန်းကိုသိမ်းပိုက်ရရှိချိန်မှာ ထူးခြားချက်တချို့တွေ့ရှိရတယ်။ 

    ဒါကတော့ ဖမ်းဆီးရမိချိန် ယူနီဖောင်းတွေမှာ စစ်ကောင်စီရဲ့ ခြေလျင်ခြေမြန်ဘက်ရယ်လို့ သေချာမတွေ့ရဘဲ လက်မောင်းဘက်တွေဟာ ကက (ယာ)၊ကက (ပြည်)၊ ကက(လျှပ်)၊ ကက(ဆက်)၊ ကက(ဆေး) စတဲ့ လက်ရုံးတပ်ဘက်တံဆိပ်တွေကို စုပေါင်းမြင်ရပြီး တိုင်းစစ်ဌာနချုပ်၊ တပ်မ ၁၁ နဲ့ အရံမီးသတ် ဘက်တံဆိပ်တွေလည်း တွေ့ရှိရတယ်။ 

    စစ်ကောင်စီရဲ့ အလယ်ပိုင်းတိုင်း စစ်ဌာနချုပ် (လပခ)ကို ကာကွယ်ဖို့ ဖွဲ့စည်းထားတဲ့ သံဘိုကာကင်းစခန်းရဲ့အခြေအနေကိုကြည့်ပြီး စစ်ကောင်စီရဲ့ တိုက်ခိုက်ရေးတပ် ခြေလျင်ခြေမြန်တွေ မရှိတော့ဘူးလားလို့တောင် မြင်မိပါတယ်။ စစ်ဌာနချုပ်ကို ကာကွယ်ဖို့ ဖွဲ့စည်းထားတဲ့ ကာကင်းစခန်းဟာ ဘယ်လောက်အရေးကြီးတယ်ဆိုတာ အားလုံး ရိပ်မိမယ် ထင်တယ်ပါတယ်။ 

    အခုလို တိုက်ခိုက်ခံရတာနဲ့ပတ်သတ်ပြီး “ပြင်ဦးလွင် – မိုးကုတ်လမ်းရှိ နောင်ချိုမြို့ နယ်၊ သံဘိုရွာနဲ့ မလှမ်းမကမ်းမှာရှိတဲ့ ဆီးဖြူရေရွာနဲ့ဆက်စပ်ရွာတွေနားမှာ TNLA/MDY PDF ခန့်မှန်းအင်အား ၈၀၀ နီးပါးလောက် လှုပ်ရှားနေတာ ကြာပါပြီ၊ ရှေ့ဆက်သွားရင် ဟိုခိုရွာဝန်းကျင်ဆို ပိုဆိုးတယ်လို့ စစ်တပ်လော်ဘီတွေ ဘက်ကနေ သတိပေးပြောဆိုထားပါတယ်။ လက်ရှိ သိမ်းပိုက်ရရှိထားတဲ့ သံဘိုစစ်စခန်းဟာ စစ်ကောင်စီရဲ့ DSA ဗိုလ်သင်တန်းကျောင်း အခြေစိုက်ရာ ပြင်ဦးလွင်မြို့နဲ့ ၁၅ မိုင်ဝန်းကျင်သာ ဝေးပါတော့တယ်။ 

    (more…)