RNA_အောက်တိုဘာ(၁၇)၊၂၀၂၄ ခုနှစ်။
ကရင်ပြည်နယ်၊ မြဝတီမြို့တောင်ဘက်၊ လေးကေ့ကော်မြို့သစ်အနီး စစ်ကောင်စီ၏ စွယ်တော်ကုန်း (အမြောက်ကုန်း) ကို ယနေ့ (အောက်တိုဘာ ၁၇ ရက်) နံနက်ပိုင်းက ကရင်အမျိုးသားလွတ်မြောက်ရေးတပ်မတော်- KNLA နှင့် တော်လှန်ရေးပူးပေါင်းအဖွဲ့များက သိမ်းပိုက်ရရှိခဲ့ရာ လက်နက်ခဲယမ်းများပါ သိမ်းပိုက်ရရှိခဲ့ကြောင်း သိရသည်။
RNA_အောက်တိုဘာ(၁၁)၊၂၀၂၄ ခုနှစ်။
စစ်ကိုင်းတိုင်း၊ ပင်လည်ဘူးမြို့သိမ်းတိုက်ပွဲတွင် KIA နှင့် မဟာမိတ်တပ်ရင်းတပ်ဖွဲ့များသာမက MOD လက်အောက်ခံ ပြည်သူ့ကွယ်ရေးတပ်မတော် (PDF) တပ်ရင်းများအပါအဝင် တပ်ထောက် ရဲဘော်များ၊ စားနပ်ရိက္ခာမှစ၍ အပြည့်အဝတာဝန်ယူပေးသော နယ်မြေခံ တာဝန်ရှိသူများအား ကျေးဇူးတင် ဂုဏ်ယူမိကြောင်း မှတ်တမ်းတင်ဂုဏ်ပြုအပ်ပါသည်ဟု ကျားသစ်နက်တင်္ပမတော်က ယနေ့ ထုတ်ပြန်ထားသည်။
[embedyt] https://www.youtube.com/watch?v=tHDQ78P3508[/embedyt]
RNA_အောက်တိုဘာ(၁၁)၊၂၀၂၄ခုနှစ်။
စစ်ကိုင်းတိုင်း၊ ပင်လည်ဘူးမြို့သိမ်းတိုက်ပွဲအတွင်း စစ်ကောင်စီလက်အောက်ခံ (၇၀) ခန့်သေဆုံးပြီး (၂၇၅) ဦးပျောက်ဆုံးကာ အလင်းဝင််််််ခဲ့သူ (၄၈) ရှိပြီး စစ်သုံ့ပန်း (၁၀၂) ဦးနှင့်အတူ လက်နက်ခဲယမ်းအမြောက်အများ၊ မူးယစ်ဆေးဝါးနှင့် ကျောက်စိမ်းများပါ သိမ်းဆည်းရမိခဲ့ကြောင်း သိရသည်။
RNA_အောက်တိုဘာ(၈)၊၂၀၂၄ခုနှစ်။
မကွေးတိုင်း၊ စလင်းမြို့နယ်၊ လင်းဇင်းကျေးရွာ ရဲစခန်းတွင် တပ်စွဲထားသော စစ်ကောင်စီလက်အောက်ခံများကို တိုက်ခိုက်တော့မည်ဖြစ်သည့်အတွက် လင်းဇင်းကျေးရွာနေပြည်သူများ အောက်တိုဘာ (၇) ရက်မှစတင်ပြီး တပတ်အတွင်း ကျေးရွာအတွင်းနေထိုင်ခြင်း မပြုကြရန် NUG/MOD PDF မင်းဘူးခရိုင် အမှတ် (၁) တပ်ရင်းနှင့် အမှတ် (၅) တပ်ရင်းတို့က ကြေညာချက်ထုတ်ပြန်ထားသည်။
“အညာရဲ့လက်နက်ကိုင်အဖွဲ့ အားလုံးနီးပါးက ကိုယ့်နည်းကိုယ့်ဟန်နဲ့ သေနတ်ဝယ်ပြီး စစ်အာဏာရှင်ကို ကိုယ်ထူးကိုယ်ချွန်တိုက်ခိုက်နေကြတဲ့ တော်လှန်ရေးသမားတွေ”
ရန်နိုင်
အညာဒေသမှာ စစ်ကောင်စီတပ်တွေ နောက်ဆုတ်သွားချိန်မှာ ရွာသူ၊ရွာသား တွေသာမက တော်လှန်ရေး တပ်ဖွဲ့တွေလည်း လွတ်လွတ်လပ်လပ် သွားလာနိုင်တဲ့ စိုးမိုးနယ်မြေ ပိုများလာခဲ့ပြီဖြစ်ပါတယ်။ စစ်ကောင်စီ လက်လှမ်းမမှီတော့တဲ့ ကျေးရွာတွေမှာလည်း M4 ကိုင်နိုင်တဲ့ ပ.က.ဖ အဖွဲ့ဝင်တွေက ဒေသတွင်း တန်ခိုးထွားနေပြီး ဆိုင်ကယ်တစီးနဲ့သွားလိုရာကို သေနတ်ကိုင်ပြီးလျှောက်သွားလေ့ရှိကြောင်း ဝက်လက်မြို့ လက်လုပ်မိုင်း ထုတ်လုပ်ရေးအဖွဲ့မှ ထုတ်လုပ်ရေးတာဝန်ခံ ကိုမိုက်က ယ်(အမည်လွှဲ) က ပြောပြခဲ့ပါတယ်။
ဒေသခံပြည်သူတွေ၊ အရပ်ဖက်အဖွဲ့အစည်းတွေ၊ လက်နက်ကိုင်တော်လှန်ရေးအဖွဲ့တွေအားလုံးက စစ်ကောင်စီက ဖြတ်တောက်ထားတဲ့ အင်တာနက်အစား Starlink သုံးပြီး ကျန်းမာရေး၊ ပညာရေး၊ လူမှုရေးတွေ လုပ်ဆောင်ကြရပါတယ်။ Starlink ဆိုင်တွေဆိုတာ အမိုးအကာ လုံလုံခြုံခြုံလုပ်ပေးပြီးတော့ အင်တာနက် အသုံးပြုသူတွေထံကနေ အခကြေးငွေနဲ့ ပေးသုံးတာ ဖြစ်ပါတယ်။
စီးပွားရေး လုပ်နေတဲ့ Starlink ပိုင်ရှင်တဦးကတော့ “သူက ဘာလုပ်ပေးမလဲတော့မသိဘူး.. တို့ဆီက Starlink ဆိုင်တွေကိုတော့ တလကို လစဉ် ကြေး သိန်း ၃၀ လာတောင်းနေတယ်” ဆိုပြီး ဒေသတွင်း လက်နက်ကိုင် အာဏာပိုင် များကို မကျေနပ်တဲ့ လေသံနဲ့ ပြောပြပါတယ်။ မကွေးတိုင်းနဲ့ စစ်ကိုင်းတိုင်းမှာ Starlink ဆက်သွယ်ရေးလိုင်းတွေကို တစ်လ ယာယီရပ်ဆိုင်းထားဖို့ စစ်ဒေသ(၁)၊ ခရိုင်ပကဖ၊ မြို့နယ် ပကဖတွေကနေ စက်တင်ဘာ ၃၀ က စာထုတ်လာတယ်လို့ ဂန့်ဂေါမြို့နယ် ပြည်သူ့ကာကွယ်ရေး အဖွဲ့ဝင်တွေဆီက သိရပါတယ်။
RNA_အောက်တိုဘာ(၃)၊၂၀၂၄ခုနှစ်။
“အဓိကတော့ စစ်ဆင်ရေးတွေ အောင်မြင်ဖို့ဆိုရင် အတူတကွ ပူးပေါင်းဆောင်ရွက်ဖို့ အပ်ပါတယ်” ဟု 96 Soldiers PDF – အညာတပ်ခွဲ တပ်ဖွဲ့ခေါင်းဆောင် ကိုဇေယျာလွင်က ပြောပြထားသည်။
[embedyt] https://www.youtube.com/watch?v=E9-ZX6HzRRw[/embedyt]
Red News Agency
RNA_စက်တင်ဘာ(၂၇)၊၂၀၂၄ ခုနှစ်။
အဓမ္မအာဏာသိမ်းပြီးနောက် ပြည်သူများကို ဖမ်းဆီးထောင်ချ သတ်ဖြတ်မှုများအပြင် စစ်ရာဇဝတ်မှုများစွာ ကျူးလွန်ထားသော စစ်ကောင်စီက PDF အဖွဲ့များ နိုင်ငံရေးနည်းလမ်းဖြင့် ဖြေရှင်းနိုင်ရေး ဖိတ်ခေါ်သည်ဟု လေသံပြောင်းလာသည့် ကြေညာချက်ကို စစ်ကောင်စီသတင်းထုတ်ပြန်ရေး အဖွဲ့က ထုတ်ပြန်ထားသည်။
စစ်ကောင်စီသည် ရွေးကောက်ပွဲကို နိုင်ငံရေးထွက်ပေါက်အဖြစ် သဘောထားပြီး လုပ်ဆောင်ရန် အောက်တိုဘာ ၁ ရက်နေ့တွင် သန်းခေါင်စာရင်းကောက်ယူတော့မည်ဖြစ်ကြောင်း၊ စစ်ကောင်စီ၏ အတုအယောင်ရွေးကောက်ပွဲကို ပြည်သူများလက်မခံသည့်အပြင် သန်းခေါင်စာရင်းကောက်ယူမှုကိုလည်း ဒေသတွင်း ပြည်သူ့ကာကွယ်ရေးတပ်ဖွဲ့များက လက်မခံကြောင်း ထုတ်ပြန်ပြောကြားထားသည်။
RNA_စက်တင်ဘာ(၁၂)၊၂၀၂၄ ခုနှစ်။
အကြမ်းဖက်စစ်ကောင်စီလက်အောက်တွင် မနေနိုင်တော့သည့်အတွက် ဒုဗိုလ်မှူးကြီး (၃) ဦး၊ ဗိုလ်မှူး (၂) ဦး၊ ဗိုလ်ကြီး (၂) ဦး၊ ဗိုလ် (၃) ဦး အပါ အဝင် တပ်သားနှင့်ရဲ (၄၁) ဦးသည် ဩဂုတ်လအတွင်း အမျိုးသားညီညွတ်ရေးအစိုးရ၊ ပြည်သူ့ရင်ခွင် အကောင်အထည်ဖော်ဆောင်မှု ဗဟိုကော်မတီနှင့် ကာကွယ်ရေးဝန်ကြီးဌာန ကွပ်ကဲမှုအောက်ရှိ PDF တပ်ရင်းများ၊ ပကဖများသို့ ဆက်သွယ်ကာ ပြည်သူ့ရင်ခွင် ခိုလှုံခဲ့သည်ဟု သိရသည်။
သြဂုတ်လအတွင်း ပြည်သူ့ရင်ခွင် ခိုလှုံလာသူများ ယူဆောင်လာသည့် လက်နက်မျိုးစုံ (၁၉) လက်နှင့် ခဲယမ်း မီးကျောက်များရရှိခဲ့ကြောင်း၊ လက်နက်ယူဆောင် လာသူများကို အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာနက သတ်မှတ်ထားသည့် လက်နက်တန်ဖိုးအလိုက် ဂုဏ်ပြုချီးမြှင့်ငွေများ ပေးအပ်ခဲ့သည်ဟု ယနေ့ ထုတ်ပြန်ထားသည်။
#RedNewsAgency #RNA
RNA_ဩဂုတ်(၂၈)၊၂၀၂၄ခုနှစ်။
ပြည်သူ့ကာကွယ်ရေးတပ်မတော် (မန္တလေး) ရဲဘော်များ၏ မန္တလေးတိုင်းမှ ရှမ်းမြောက်သွားသည့် ခရီးစဉ်အတွင်း လမ်းတလျှောက်ရှိ ပြည်သူများက ဝမ်းသာအားရ နှုတ်ဆက်ကြိုဆိုသည့် ရုပ်သံကို ယနေ့ ထုတ်ပြန်ထားသည်။
“မန္တလေး – ရှမ်းမြောက် ဖြစ်ပြီးရင် …… မန္တလေးမှသည် နေပြည်တော် ဆိုတာလည်း မဝေးတော့ဘူး ဆိုတာ အသေအချာပါဘဲ …မဝေးကွာတော့တဲ့ ခရီးစဉ်များအတွက် အသက်ပေးလှူသွားရသော စစ်သည် / စစ်မေများနှင့် ကိုယ်လက်အင်္ဂါစွန့်လွှတ်လှူဒါန်းသွားသော စစ်သည် စစ်မေများကို ဦးညွှတ် ဂုဏ်ပြုလျက် …” ဟု ရုပ်သံထုတ်ပြန်ချက်တွင် ရေးသားထားသည်။
[embedyt] https://www.youtube.com/watch?v=jNxaOEYJsLY[/embedyt]
Red News Agency
