RNA_အောက်တိုဘာ(၁၇)၊၂၀၂၄ ခုနှစ်။
ကရင်ပြည်နယ်၊ မြဝတီမြို့တောင်ဘက်၊ လေးကေ့ကော်မြို့သစ်အနီး စစ်ကောင်စီ၏ စွယ်တော်ကုန်း (အမြောက်ကုန်း) ကို ယနေ့ (အောက်တိုဘာ ၁၇ ရက်) နံနက်ပိုင်းက ကရင်အမျိုးသားလွတ်မြောက်ရေးတပ်မတော်- KNLA နှင့် တော်လှန်ရေးပူးပေါင်းအဖွဲ့များက သိမ်းပိုက်ရရှိခဲ့ရာ လက်နက်ခဲယမ်းများပါ သိမ်းပိုက်ရရှိခဲ့ကြောင်း သိရသည်။
RNA_ဇူလိုင်၁၂၊၂၀၂၂ ခုနှစ်။
ကရင်ပြည်နယ်၊ KNU တပ်မဟာ (၆) နယ်မြေ၊ မြဝတီ – ဝေါ်လေ ကားလမ်းမပေါ်ရှိ သုံးထပ်ကွေ့နှင့် သရက်တစ်ပင်ရွာကြား နေရာတစ်ခုတွင် စစ်ကောင်စီတပ် တပ်မ (၄၄) လက်အောက်ခံ ခလရ (၈) စစ်ကြောင်းနှင့် ကော်ဘရာ စစ်ကြောင်းတို့ ယနေ့တိုက်ပွဲဖြစ်ခဲ့ရာ စစ်ကောင်စီတပ်စစ်ကြောင်းက တပ်ရင်းဖွဲ့စည်းပုံပျက်လောက်သည်အထိ တပ်ရင်းမှူး၊ ဒုတပ်ရင်းမှူး အပါအဝင် အရာရှိများ၊ တပ်သားအများအပြားသေဆုံးကြောင်း ကော်ဘရာစစ်ကြောင်းက ယနေ့ညပိုင်းတွင် ထုတ်ပြန်ထားသည်။
ယနေ့ တိုက်ပွဲတွင် ကော်ဘရာစစ်သည် (၃)ဦးသာ ” ပွန်းပဲ့ဒဏ်ရာ ” ရရှိခဲ့ကြောင်း၊ စစ်ကောင်စီတပ် ခလရ (၈)မှ တပ်ရင်းမှူးအပါအဝင် အများအပြားသေဆုံးပြီး RPG အသီး -၂၆ လုံး၊ RPG ပို့ယမ်း – ၂၁ တောင့်၊ ရှေ့ထွက်မိုင်း – ၁လုံး၊ နင်းမိုင်း – ၂၁ လုံး၊ လက်ပစ်ဗုံး – ၁၇ လုံး၊ စကုတ် – ၂ ခု၊ မိုင်းရှာစက် – ၁ ခု၊ ၄၀ မမ – ၃၁ လုံး၊ အမျိုးအမည်မသိ ၇၉ – ၃ လုံး၊ မိတ်ကပ် – ၂ ဗူး၊ ဖြိုခွင်းရေး ယမ်းမဲ – ၇ချောင်း၊ ၆၀ မမ -၂၉ လုံး၊ အီနာဂါ – ၂၂လုံး၊ ကီးပတ်ဖုန်း – ၇လုံး၊ Touch screen ဖုန်း – ၄လုံး၊ ငွေ – သိန်း၂၀ ၊ ၅.၅၆ ကျည် – ၅၀၀၀၊ စက်လတ်ကျည် – ၃၀၀၀၊ MA – 1 – ၁လက်၊ ဂျန်ဘာစက် – ၁ခု ၊ ဓား၊ ပေါက်တူး၊ ပေါက်ပြား၊ ဂေါ်ပြားများ၊ စစ်အသုံးအဆောင် ပစ္စည်းများပြားစွာ သိမ်းဆည်းရမိခဲ့သည်ဟု ထုတ်ပြန်ထားသည်။
Red News Agency
RNA_မတ် ၉၊၂၀၂၂ခုနှစ်။
စစ်ဘေးရှောင်ပြည်သူများ ကျေးရွာများအတွင်း အေးချမ်းစွာနေထိုင်နိုင်ရေးအတွက် ကရင်အမျိုးသားအစည်းအရုံး ( KNU) ဒူးပလာယာခရိုင်ဘအမှတ် (၆) တပ်မဟာနယ်မြေ လေးကေကော််ဒေသနှင့် ကော့ကရိတ်တောင်ပိုင်း ဒေသအတွင်း ဝင်ရောက်တပ်စွဲနေသည့် စစ်ကောင်စီတပ်များ (၃) ရက်အတွင်း ပြန်လည်ဆုတ်ခွါရန် သတိပေး ထုတ်ပြန်ထားသည်။
KNU ဒူးပလာယာခရိုင် အတွင်းရေးမှူး စောလစ္စတန်က မတ်လ (၇) ရက်နေ့ ရက်စွဲဖြင့် ထုတ်ပြန်အသိပေးထားကြောင်း၊ KNU တပ်မဟာ (၆) ဒေသတွင်း ၂၀၂၁ ခုနှစ် ဒီဇင်ဘာလ (၁၅) ရက်နေ့မှစပြီး စစ်ကောင်စီတပ်က ထိုးစစ်ဆင် တိုက်ခိုက်မှုကြောင့် ဒေါနအရှေ့ခြမ်း လေးကေ့ကော်မြို့သစ် အပါအဝင် ဒေါနအနောက်ခြမ်း ကော့ကရိတ်တောင်ပိုင်းက ပြည်သူများ ကျေးရွာများကို စွန်ါခွါကာ စစ်ဘေးရှောင်ခဲ့ရကြောင်း ထုတ်ပြန်ချက်တွင် ဖော်ပြထားသည်။
စစ်ကောင်စီတပ်သည် ယနေ့အထိ KNU အမှတ် (၆) တပ်မဟာ နယ်မြေ ဒေါနအရှေ့ခြမ်းနှင့် အနောက်ခြမ်းတွင် စစ်ကောင်စီတပ်သားများကြောင့် ကျေးရွာများ ဖျက်ဆီးခံနေရပြီး ဒေသခံပြည်သူများ ပြည်လည်အခြေချမနေထိုင်ရဲ့သည့်အတွက် စစ်ကောင်စီတပ်သားများ ထွက်ခွါပေးရန်၊ KNU သည် ကရင်အမျိုးသား ပြည်သူလူထု၏ ရင်ဆိုင်နေရသော ဒုက္ခနှင့် အသက်အိုးအိမ်စည်းစိမ်ကို ကာကွယ် ကူညီဖြေရှင်း ပေးရန် တာဝန်ရှိကြောင်း၊ ထုတ်ပြန်အပြီး (၃) ရက်အတွက် ဆုတ်ခွါခြင်း မရှိပါက KNU ဒူးပလာယာခရိုင် အမှတ် (၆) တပ်မဟာ၏ တာဝန်မဟုတ်ကြောင်း၊ အာဏာသိမ်း စစ်ကောင်စီ၏ တာဝန်ဖြစ်ကြောင်း အသိပေး ကြေညာထားသည်။
Red News Agency
RNA_ဇန်နဝါရီ ၁၅ ရက်၊ ၂၀၂၂ ခုနှစ်။
ကရင်ပြည်နယ် မြဝတီမြို့တောင်ဘက် ဖလူးလေးကျေးရွာအနီး စစ်ဘေးရှောင်များ ရှိနေသည့် DKBA ဗိုလ်စလုံးစခန်းကို ဇန်နဝါရီလ ၁၄ ရက်နေ့က လေကြောင်းအပါအဝင် လက်နက်ကြီး သာလွန်အင်အားဖြင့် စစ်ကောင်စီတပ်ထိုးစစ်ဆင်ရာတွင် စခန်းအသိမ်းခံလိုက်ရပြီး PDF (၈) ဦး ဖမ်းဆီးခံရပြီး (၄) ဦးသတ်ခံရကြောင်း၊ ၁ ဦးဒဏ်ရာအပြင်းအထန်ရထားပြီး ဆေးကုသမှုခံယူနေကြောင်း ဒေသခံ သတင်းရင်းမြစ်ထံမှ သိရသည်။
DKBA ဗိုလ်စလုံး စခန်းတွင် စစ်ဘေးရှောင်ပြည်သူ (၃၀၀) ကျော် ခိုလှုံနေကြောင်း၊ တိုက်ပွဲအတွင်း စစ်ဘေးရှောင်ပြည်သူ အနည်းဆုံး (၃) ဦးဒဏ်ရာရရှိကြောင်း၊ ယခု စစ်ဘေးရှောင်ပြည်သူများ ထိုင်းဘက်ကူးနေကြရကြောင်း၊ စစ်ကောင်စီတပ်သည် စစ်ဘေးရှောင်စခန်းများကိုပါလေကြောင်းဖြင့် တိုက်ခိုက်နေခြင်းဖြစ်ကြောင်း၊ DKBA ဗိုလ်စလုံးက ဆုတ်ပေးစရာ မြေမရှိတော့သည့်အ တွက် တိုက်ခိုက်ရတော့မည်ဟု သတင်းဌာနတခုကို ပြောကြားထားသည်။
စစ်ကောင်စီတပ်က သာလွန်အင်အား လက်နက်ကြီးပစ်ကူ၊ လေကြောင်းပစ်ကူတို့ကြောင့် စခန်းဆုတ်ပေးလိုက်ရခြင်းဖြစ်ကြောင်း၊ စခန်းဆုတ်ပေးစဉ် မြေပြင်က စစ်ကောင်စီတပ်ကို DKBA ၊ PDF စသည့် ပူးပေါင်းတပ်ဖွဲ့များက တိုက်ခိုက်ခဲ့ကြောင်း၊ ဖမ်းဆီးခံလိုက်ရသည့် PDF များထဲက (၄) ဦးကို စစ်ကောင်စီတပ်က ဖမ်းမိပြီးမှ နေရာတွင် ပစ်သတ်ကြသည်ဟု သုံးသပ်ထားကြောင်း၊ စစ်ကောင်စီတပ်က (၆) ဦးသေပြီး ၁၀ ဦးဝန်းကျင် ဒဏ်ရာရရှိကြောင်း သိရသည်။
လေးကေ့ကော် တိုက်ပွဲများကြောင့် စစ်ဘေးရှောင်များ ထိုင်းဘက် မပြေးချင်သူများက ဖလူးလေးကျေးရွာက DKBA ဗိုလ်စလုံးစခန်းတွင်နေထိုင်ကြကြောင်း၊ စခန်းဆုတ်မပေးရစဉ်ကတည်းက ညပိုင်းတွေမှာ စစ်ကောင်စီတပ်က လေကြောင်း ပစ်ခတ်မှုတွေ ပြုလုပ်ခဲ့ကြောင်း၊ စစ်ဘေးရှောင်များကို ကူညီနေသည့် စခန်းဖြစ်ကြောင်း သိရသည်။
Red News Agency
RNA_ဒီဇင်ဘာ ၂၇ ရက်၊ ၂၀၂၁ ခုနှစ်။
စစ်ကောင်စီတပ်သားများ စခန်းအနီး တက်လာစဉ် ရဲဘော်များကို ဆုတ်ခိုင်းပြီး ကတုတ်ကျင်းထဲကနေ ခံပစ်နေရာမှ ကျဆုံးခဲ့ရသည့် PDF သူရဲကောင်း ကိုဝေလင်း အလောင်း ယနေ့ တွေ့ရှိပြီ ဖြစ်ကြောင်း သိရသည်။
ဧရာဝတီတိုင်းက PDF သူရဲကောင်း ကိုဝေလင်းသည် ဒီဇင်ဘာလ ၂၅ ရက်နေ့က ကရဂ်ပြည်နယ်၊ မြမတီမြို့နယ်၊ ထီးမယ်ဝါးခီးကျေးရွာအနီး တိုက်ပွဲမှာ ကျဆုံးခဲ့ရခြင်း ဖြစ်ပြီး၊ ယင်းနေ့ တိုက်ပွဲအတွင်း သတင်းစာဆရာ တဦးအပါအဝင် PDF တချို့ စစ်ကောင်စီတပ်၏ လေကြောင်း ပစ်ခတ်မှု၊ လက်နက်ကြီး ပစ်ခတ်မှု စသည်တို့ကြောင့် ကျဆုံးခဲ့ရပြီး၊ ဖမ်းဆီးခံခဲ့ရသူများ ရှိကြောင်း သိရသည်။
” ကိုဝေလင်း ကျတာက ပြီးခဲ့တဲ့ရက်ကပါ အလောင်းက ဒီနေ့မှတွေ့တာပါ။ သူ့နောက်ဆုံး ရိုက်ခဲ့တဲ့ ဓာတ်ပုံတော့ရှိတယ် ပေးလို့ရတယ်။ သူက အဲဒီပုံကို ပန်းချီဆွဲစေချင်ခဲ့တာ၊ ရဲဘော်တွေကို ကာကွယ်ရင်း ကျသွားရတာ ကျနော်တြိ့မှာ လက်နက်မရှိဘူး၊ ရှိတာလေးနဲ့ ခံပစ်ရင် ကျခဲ့ရတာ” ဟု ကိုဝေလင်း၏ သူငယ်ချင်း ဖြစ်သူ တဦးက ပြောသည်။
စစ်ကောင်စီတပ်က လေကြောင်းပစ်ခတ်မှု၊လက်နက်ကြီး ပစ်ခတ်မှုများ၊ အင်အားအများအပြား ထိုးစစ်ဆင်မှုတို့ကြောင့် KNLA နှင့် PDF တို့ ပူးပေါင်းတိုက်ပွဲပြင်းထန်ခဲ့ပြီး၊ စစ်ကောင်စီဘက်ကလည်း အသေ အပျောက်များကြောင်း၊ မယ်ဝါးခီး ဒေသခံပြည်သူများထွက်ပြေးတိမ်းရှောင်နေကြရသည်။
Red News Agency
RNA_ဒီဇင်ဘာ ၂၇ ရက်၊ ၂၀၂၁ ခုနှစ်။
ကရင်ပြည်နယ်၊ မြဝတီမမြို့တောင်ဘက် တိုက်ပွဲပြင်စထန်နေသည့် ထီးမယ်ဝါးခီးကျေးရွာနှင့် မဲ့ထော်သလေးကျေးရွာအကြား ယနေ့ တိုက်ပွဲတွင် ပြည်သူ့ဘက်တော်သား ဆေးမှူး ရဲဘော် တဦး ကျဆုံးခဲ့ကြောင်း သိရသည်။
“ဒီနေ့တိုက်ပွဲမှာ KNLA တပ်ရင်းတခုက ဆေးမှူးကျတယ်လို့ပြောတယ်၊ PDF လို့လဲပြောကြတယ် အခုက ဘယ်အဖွဲ့ပါလို့ အတည်ပြုဖို့ ခက်နေသေးတယ်၊ ကျတာကတော့ မှန်တယ်၊ တယောက်က ဒဏ်ရာရတယ်၊ အခုဆေးကုဖို့ တိုက်ပွဲနဲ့ကင်းတဲ့နေရာ ပို့ထားလိုက်ပြီကြားတယ်၊ တိုက်ပွဲကတော့ ပြင်းထန်တယ် ၊ စခတွေက လေယာဉ်နဲ့ပါလာပစ်တာလေ” ဟု တိုက်ပွဲအခြေအနေစောင့်ကြည့်နေသည့် နိုင်ငံရေးတက်ကြွလှုပ်ရှားသူ တဦးက ပြောသည်။
KNLA၊ PDF နှင့်ပူးပေါင်းတပ်တို့က ယနေ့နံနက် အစောပိုင်းမှစတင်ကာ စစ်ကောင်စီတပ် စစ်ကြောင်းကို တိုက်ခိုက်ခဲ့သည့်အတွက် တိုက်ပွဲပြင်းထန်ခဲ့ကြောင်း၊ အထိခိုက် အသေအဆုံးများသည့် စစ်ကောင်စီတပ်က အဝေးမှနေ၍ လက်နက်ကြီးနှင့်ဘပတ်ခတ်နေသလို လေကြောင်းမှလည်း ပစ်ခတ်ခဲ့ကြောင်း သိရသည်။
Red News Agency
RNA_ဒီဇင်ဘာ ၂၆ ရက်၊ ၂၀၂၁ ခုနှစ်။
စစ်ကောင်စီတပ်က ဒီဇင်ဘာလ ၂၅ ရက်နေ့ကလေကြောင်းတိုက်ခိုက်မှုအပါအဝင် လက်နက်ကြီး အချက် ရာချီပစ်မှုနှင့် အင်အားအများအပြား အပြင်းအထန် ထိုးစစ်ဆင်ခဲ့သည့် ထီးမယ်ဝါးခီး ကျေးရွာအနီး တိုက်ပွဲတွင် ဖမ်းဆီးခံရသူ (၁၀) ဦးအထက်ရှိပြီး ပျောက်ဆုံးနေသူ (၁၅) ဦးအထက်ရှိကြောင်း စုံစမ်းသိရှိရသည်။
စစ်ကောင်စီတပ်၏ လက်နက်ကြီးပစ်ခတ်မှုနှင့် လေကြောင်းတိုက်ခိုက်မှုကြောင့် သတင်းယူနေသည့် ဖက်ဒရယ်ဂျာနယ် အယ်ဒီတာ အေစိုင်းကေ (ခ)စိုင်းဝင်းအောင် နှင့် PDF ရဲဘော် ကိုအောင်မျိုးဇင် (ခ) အုပ်ကြီးတို့ ကျဆုံးခဲ့ရပြီး ယနေ့နံနက်မှာ သင်္ဂြိုဟ်ပေးခဲ့ပြီး၊ PDF ကိုဝေလင်းနှင့် ကိုမှိုင်းတို့မှာ ကျဆုံးသွားပြီဟု ယူဆထားကြပြီး ပျောက်ဆုံးနေသူ (၁၅) ဦးကျော် ရှိသေးကြောင်း သိရသည်။
စစ်ကြောင်စီတပ် ထိုးစစ်ကို KNLA နှင့် PDF တို့က ခုခံပစ်ခတ်ခဲ့ကြောင်း၊ ဖမ်းဆီးခံရပြီး စစ်ကောင်စီတပ်က ပစ်သတ်မှုများရှိကြောင်း၊ (၁၀) ဦးကျော်အရှင်ဖမ်းသွားကြောင်း၊ ကျဆုံးစာရင်းနှင့် ဖမ်းဆီးခံရမှုစာရင်းကို တာဝန်ရှိသူများက အတိအကျ အတည်ပြုနိုင်ခြင်း မရှိသေးကြောင်း စုံစမ်းသိရှိရသည်။
Red News Agency
RNA_ဒီဇင်ဘာ ၂၅ ရက်၊ ၂၀၂၁ ခုနှစ်။
မြဝတီမြို့တောင်ဘက် ထီးမယ်ဝါးခီး ကျေးရွာအနီး ယနေ့ ညနေပိုင်းက စစ်ကောင်စီတပ်၏ လေကြောင်းပစ်ခတ်မှု၊ လက်နက်ကြီးပစ်ခတ်မှု၊ စစ်ကြောင်းထိုးမှုတို့ကြောင့် ဒဏ်ရာအပြင်းအထန်ရသွားသည့် ကိုမှိုင်း ယနေ့ညမှာ ကျဆုံးသွားပြီဖြစ်ကြောင်း သိရသည်။
ထီးမယ်ဝါးခီး ကျေးရွာအနီး စစ်ကောင်စီတပ်၏ ပစ်ခတ်မှုများကြောင်း ပြည်သူ့ကာကွယ်ရေးတပ်မှ ကိုအောင်မျိုးဇင်၊ ကိုဝေလင်း၊ ကိုရဲထက်၊ ကိုမှိုင်းတို့ သူရဲကောင်းပီသစွာ ကျဆုံးခဲ့ရကြောင်း သိရသည်။
လေးကေကော်အနီးက ထီးမယ်ဝါးခီးကျေးရွာအတွက် လက်နက်ကြီး ပစ်ခဲ့သလို အနီးဝန်းကျင်က ထောက်ပို့တပ်စခန်းတခုကို စစ်ကောင်စီတပ်တွေ လေကြောင်း၊ ကုန်းကြောင်း ပါအဝင် လက်နက်ကြီး ပစ်ကူယူကာ ဝင်သိမ်းရန် လုပ်ဆောင်ခဲ့ကြောင်း၊ KNLA နှင့် PDF တို့ ခုခံ တိုက်ခိုက်ခဲ့ကြကြောင်း သိရသည်။
Red News Agency
RNA_ဒီဇင်ဘာ ၂၅ ရက်၊ ၂၀၂၁ ခုနှစ်။
စစ်ကောင်စီတပ်သား (၅၀) ဝန်းကျင်လောက် စခန်းအနီး တက်လာစဉ် ရဲဘော်များကို ဆုတ်ခိုင်းပြီး ကတုတ်ကျင်း ထဲကနေ တဦးတည်း ခံပစ်ယင်း PDF သူရဲကောင်း ကိုဝေလင်း ယနေ့ ကျဆုံးသွားကြောင်း သိရသည်။
ဧရာဝတီတိုင်းက PDF သူရဲကောင်း ကိုဝေလင်း မကျဆုံးမီ ဒီဇင်ဘာလ (၅) ရက်နေ့က ” တောင်တန်း ပြည်မ စည်းလုံးအားနဲ့ ကြွေးဟောင်း ကြွေးသစ် ပြန်ယူရမယ်၊ သခင်သွေးများ ရဲရဲနီဖို့ အချိန်တန်ပြီ ” ဟု လူ့မှုကွန်ယက်မှာ ရေးသားခဲ့သည်။
PDF သူရဲကောင်း ကိုဝေလင်းသည် ဧရာဝတီတိုင်းမှ ကရင်ပြည်နယ် မြဝတီမြို့တောင်ဘက် မယ်ဝါးခီးကျေးရွာအနီးက တပ်စခန်းတခုကို ရောက်ရှိနေသူဖြစ်ကြောင်း၊ ယနေ့ နေ့လည်ပိုင်းက စစ်ကောင်စီတပ်က အင်အားအများအပြားဖြင့် စခန်းသိမ်းရန် စစ်ကြောင်းတက်လာပြီး အဝေးကနေ လက်နက်ကြီးများနှင့် ပစ်ခတ်သလို လေကြောင်းမှလည်း ပစ်ခတ်ခဲ့ကြောင်း သိရသည်။
စစ်ကောင်စီတပ်က လေကြောင်းပစ်ခတ်မှု၊ လက်နက်ကြီး ပစ်ခတ်မှုများ၊ အင်အားအများအပြား ထိုးစစ်ဆင်မှုတို့ကြောင့် KNLA နှင့် PDF တို့ ပူးပေါင်းတိုက်ပွဲပြင်းထန်ပြီး စစ်ကောင်စီဘက်ကလည်း အသေ အပျောက်များကြောင်း၊ မယ်ဝါးခီး ဒေသခံပြည်သူများထွက်ပြေးတိမ်းရှောင်နေကြရပြီး ဒဏ်ရာရရှိသူများလည်းရှိကြောင်း၊ ယနေ့ မယ်ဝါးခီးအနီး စခန်းတခုတိုက်ပွဲတွင် PDF ကျဆုံး သူရဲကောင်းများရှိနေကြောင်း ဒေသခံ သတင်းရင်းမြစ်ထံမှ သိရသည်။
Red News Agency
RNA_ဒီဇင်ဘာ ၂၅ ရက်၊ ၂၀၂၁ ခုနှစ်။
စစ်ကောင်စီတပ်က တိုက်ပွဲအတွင်း အဆက်မပြတ်ပစ်ခတ်နေသည့် လက်နက်ကြီးထိမှန်ကာ သာပေါင်းမြို့က ကိုအောင်မျိုးဇင် ပါအဝင် အနည်းဆုံး PDF (၄) ဦး မယ်ဝါးခီး တိုက်ပွဲမှာ သူရဲကောင်းပီသစွာ ယနေ့ ကျဆုံးသွားခဲ့ရပြီး၊ အဖမ်းခံရသူများရှိပြီး၊ ဒဏ်ရာရရှိသူများလည်းရှိကြောင်း သိရသည်။
ကရင်ပြည်နယ် မြဝတီမြို့တောင်ဘက် လေးကေ့ကော်နှင့် မျက်နှာချင်းဆိုင်နီးပါးရှိသည့် မယ်ဝါးခီး ကျေးရွာအနီး စစ်ကောင်စီတပ်က လေကြောင်းဖြင့်ပါ ပစ်ခတ်နေပြီး၊ လက်နက်ကြီးများနှင့် အဆက်မပျက် ပစ်ခတ်နေခြင်း ဖြစ်ကြောင်း သိရသည်။
KNU ထိန်းချုပ်နယ်မြေ မယ်ဝါးခီးတွင်ရှိသည့် ဒေသခံပြည်သူများ တိုက်ပွဲအတွင်း ပိတ်မိနေပြီး စစ်ကောင်စီတပ်က လေကြောင်းနှင့် လက်နက်ကြီးများ အဆက်မပြတ် ပစ်ခတ်နေကြောင်း၊ KNLA တပ်ရင်း (၂၇) နှင့် PDF တို့က စစ်ကောင်စီတပ် ခြေလျင်အဖွဲ့ကို ခုခံပစ်ခတ်သည့်အတွက် တိုက်ပွဲပြင်းထန်နေကြောင်း သိရသည်။
Red News Agency