ဖားကန့် – Page 9

26 Jan

ဖားကန့် မှော်စီစာရဲကင်း တိုက်ခိုက်ခံရ

Editorသတင်းRed News Agency, နွေဦးတော်လှန်ရေး, ဖားကန့်, မှော်စာစီ, လုံးခင်း

RNA_ဖားကန့်၊ ဇန်နဝါရီ (၂၆)၊၂၀၂၃ ခုနှစ်။ ကချင်ပြည်နယ်၊ ဖားကန့်မြို့၊ လုံးခင်းကျေးရွာအုပ်စု၊ မှော်စီစာကျေးရွာရှိ စစ်ကောင်စီ၏ ရဲကင်းစခန်းအား KIA/PDF ပူးပေါင်းအဖွဲ့က ယမန်နေ့ည ၈ နာရီကျော်ခန့်တွင် လက်နက်ကြီးဖြင့် သွားရောက်ပစ်ခတ်တိုက်ခိုက်ခဲ့သဖြင့် ရဲကင်းစခန်းမီးလောင်သွားခဲ့သည်။ ရဲကင်းစခန်းတိုက်ခိုက်ခံရချိန်တွင် မှော်စီစာဘုရားကုန်းတွင်တပ်စွဲထားသောစစ်ကောင်စီတပ်နှင့် လုံးခင်းလယ်ပြင်ရှိ စစ်ကောင်စီ၏ ယမ်းချက်စက်ရုံတို့မှ လက်နက်ကြီးပစ်ကူ အချက်(၃၀)ထက်မနည်း ပစ်ကူပေးခဲ့ကြရပြီး KIA/PDF မှ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။ (more…)

22 Jan

ဖားကန့်အထွက် လမ်းမကြီးပေါ်မှာ စစ်ကောင်စီတပ်က ပြည်သူ (၂) ဦးအား ပစ်သတ်ထား

Editorသတင်း#Abolish2008Constitution, ကချင်ပြည်နယ်, စစ်ကောင်စီတပ်, ဖားကန့်, လုံးခင်း

RNA_ဇန်နဝါရီ(၂၂)၊၂၀၂၃ ခုနှစ်။ ကချင်ပြည်နယ်၊ ဖားကန့်မြို့ပေါ်တွင် ဥပဒေမဲ့ ထင်ရာစိုင်းနေသည့် အာဏာသိမ်း စစ်ကောင်စီတပ်သားများသည် ယနေ့ နံနက် (၃) နာရီဝန်းကျင်က လုံးခင်းကျေးရွာမှ ဖားကန့်မြို့သို့အထွက် အများပြည်သူသွား မိန်းလမ်းမပေါ်၌ အရပ်သားပြည်သူ (၂)ဦးအား ရက်ရက်စက်စက် ပစ်သတ်ထားကြောင်း သိရသည်။ ပစ်သတ်ခံထားရသည့် အမျိုးသားနှစ်ဦး၏ အလောင်းအား လမ်းဘေးတွင် လမ်းသွားလမ်းလာများက တွေ့ရကြောင်း၊ အဆိုပါနေရာ အနီးတစ်ဝိုက်ကို နံနက်(၈)နာရီခန့်အထိ စစ်ကောက်စီက ကင်းချ ပိတ်ဆို့ထားသည်။ ပစ်သတ်ခံရမှုကြောင့်သေဆုံးခဲ့သည့် အမျိုးသားနှစ်ဦးမှာ မည်သူဖြစ်ကြောင်းမသိရှိရသေးကြောင်း၊ ဖားကန့်၌ ယခုလအတွင်း စစ်ကောင်စီတပ် လက်အောက် ခံများက ညဘက် လူသွားလာထူထပ်သည့် လမ်းမကြီးများပေါ်တွင် အရပ်သားပြည်သူများ၏ ကား၊ ဆိုင်ကယ်၊ ဖုန်းများ သိမ်းယူခြင်း ရက်ရက်စက်စက်ပစ်ခတ်…

21 Jan

ဖားကန့် စုပေါင်းရုံးတိုက်ခိုက်ခံရ

Editorရွေးကောက်ပွဲဆိုင်ရာ, သတင်း၂၀၂၃ ရွေးကောက်ပွဲ, Red News Agency, ကချင်ပြည်နယ်, စစ်ခွေးနိဂုံး 2023, စုပေါင်းရုံး, တိုက်ခိုက်ခံရ, နွေဦးတော်လှန်ရေး, ဖားကန့်

RNA_ဖားကန့်၊ဇန်နဝါရီ(၂၁)၊၂၀၂၃ ခုနှစ်။ စစ်ကောင်စီ၏ တရားမဝင်ရွေးကောက်ပွဲအတွက် လူဦးရေစာရင်းပြုစုနေသည့် ထွေ/အုပ်၊ ရဲတပ်ဖွဲ့နှင့် လဝကရုံးများရှိရာ ဖားကန့်မြို့ စုပေါင်းရုံးအား တော်လှန်ရေးအင်အားစုများက ယနေ့ညနေ (၅) နာရီခန့်က ပစ်ခတ်တိုက်ခိုက်ခဲ့ကြောင်း သိရသည်။ ယနေ့ ညနေ ဖားကန့် စုပေါင်းရုံး တိုက်ခိုက်ခံရမှုကြောင့် ထိခိုက်သေဆုံးမှုအခြေအနေကို လတ်တလော အတည် ပြုနိုင်ခြင်းမရှိသေးကြောင်း၊ အကြမ်းဖက်အာဏာသိမ်း စစ်ကောင်စီက လူထုလက်မခံသည့် ရွေးကောက်ပွဲကို ပြုလုပ်ရန် ဖားကန့်မြို့နယ်တွင် အိမ်ထောင်စုစာရင်းများ‌နှင့် လူဦးရေစာရင်း ကောက်ယူနေကြောင်း သိရသည်။ (more…)

20 Jan

စစ်ကောင်စီပြုလုပ်မည့် ရွေးကောက်ပွဲ ဆန့်ကျင်ရေး ဖားကန့်မှာပြုလုပ်

Editorရွေးကောက်ပွဲဆိုင်ရာ, သတင်း၂၀၂၃ ရွေးကောက်ပွဲ, ကချင်ပြည်နယ်, စစ်အာဏာရှင် တော်လှန်ရေး, နွေဦးတော်လှန်ရေး, ဖားကန့်, ရွေးကောက်ပွဲ, လုံးခင်း

RNA_ဖားကန့်၊ဇန်နဝါရီ(၂၀)၊၂၀၂၃ ခုနှစ်။ အာဏာသိမ်းစစ်ကောင်စီက ၂၀၂၃ ခုနှစ်တွင် ကျင်းပမည်ဟုပြောထားသည့် ရွေးကောက်ပွဲကို လက်မခံကြောင်း ယနေ့ ဖားကန့်မြို့နယ်မှာ လှုပ်ရှားမှု ပြုလုပ်ခဲ့သည်။ ဖားကန့်မြို့၊ လုံးခင်းကျေးရွာအုပ်စု၊ မှော်စီစာကျေးရွာဈေးထိပ်၊ ဖားကန့်နှင့်လုံးခင်းသွားလမ်းမကြီးပေါ်တွင် ယနေ့ နံနက်က "တရားမဝင်တဲ့ရွေးကောက်ပွဲ လူထုအားနဲ့တိုက်ဖျက်ကြ၊ ပါဝင်ပါတ်သက်သူတိုင်းဟာ သမိုင်းတရားခံဖြစ်သည်"ဟုရေးသားထားသည့် စာတန်းကို ဖားကန့် သပိတ်ကော်မတီမှ ချိတ်ဆွဲထားသည်။ (more…)

17 Jan

ဖားကန့်မှာ စစ်ကောင်စီတပ်သားတွေ ထင်ရာစိုင်းနေ

Editorသတင်းKIA, PDF, Red News Agency, ကချင်ပြည်နယ်, စစ်ကောင်စီတပ်, နွေဦးတော်လှန်ရေး, ဖားကန့်

RNA_ဇန်နဝါရီ(၁၇)၊၂၀၂၃ ခုနှစ်။ အာဏာသိမ်းစစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်ဖွဲ့များ ဖားကန့်မြို့ပေါ်ထိတွေ့တိုက်ပွဲ မဖြစ်ပွားသည့်အတွက် စစ်ကောင်စီတပ်ဘက်က "လူသတ် လုယက် PDF မိတ်ဖက်မြေခွေး KIA" တွေ့သည့်နေရာ ချေမှုန်းစို့ ဆိုသည့် စာရွက်များ ဖားကန့်စည်ပင်စျေးမှာ ယနေ့ နံနက်ပိုင်းက လာကပ်သွားကြောင်း သိရသည်။ အနန့်ပါ ကိစ္စပြီးသည့်နောက်ပိုင်း ဖားကန့်တွင် စစ်ကောင်စီတပ်နှင့်လက်အောက်ခံများသည် ထင်ရာစိုင်း လုပ်ချင်သလို လုပ်နေကြကြောင်း၊ ယခုတပတ်အတွင်း စစ်ကောင်စီတပ်သား (၂၀) ဝန်းကျင်သည် လမ်းမများပေါ်တွင် စစ်ဆေးရေးများလုပ်ပြီး မေးသမျှ မဖြေနိုင်ပါက ကားသိမ်း၊ ဆိုင်ကယ်သိမ်း၊ ဖုန်းသိမ်းမှုများပြုလုပ်နေကြောင်း ဒေသခံများက ပြောသည်။ (more…)

11 Jan

ကျိန်စာသင့်နေသော ကျောက်စိမ်းမှော်

Editorရုပ်သံ, သတင်းKIA, Red News, Red News Agency, ကချင်ပြည်နယ်, ကျောက်စိမ်းမြေ, စစ်ကောင်စီတပ်, စစ်အာဏာသိမ်းမှု, နွေဦးတော်လှန်ရေး, ဖားကန့်, ရေမဆေးကျောက်ရှာဖွေသူ, သဘာဝသယံဇာတ

RNA_ဇန်နဝါရီ (၁၁)၊၂၀၂၃ ခုနှစ်။ စစ်တပ်အာဏာသိမ်းပြီးနောက် ကချင်ပြည်နယ် ဖားကန့်မြို့နယ်က ကျောက်စိမ်းမှော်တွင်းတွေမှာ နေ့ ညမပျက် ကျောက်စိမ်းတူဖော်မှုတွေကတော့ ရှိနေပါတယ်။ ဖားကန့်မှော်တခွင်မှာ စစ်ကောင်စီတပ်နဲ့ KIA တပ်မဟာ (၉) တပ်ရင်း(၆) တို့က ကြီးစိုးထားတာဖြစ်ပါတယ်။ လက်နက်ရှိသူတွေနဲ့ ခရိုနီတွေကတော့ စစ်တပ်အာဏာသိမ်းပြီးနောက်မှာ အင်တိုက်အားတိုက် ကျောက်စိမ်းထုတ်လုပ်မှုတွေ တရားမဝင် ငွေကြေးကောက်ခံမှုတွေ အမျိုးမျိုးနဲ့ ဖားကန့်နယ်တဝိုက်မှာ လူစည်းကား မပျက်ခဲ့ပါဘူး။ သုဿာန်မြေ၊ လမ်းမြေ၊ ဘာသာရေးမြေ ( ဘာသာရေးမြေဟု ခြံခတ်ပြီး ကျောက်စိမ်းတူးနေမှု) တွေကစပြီး မြေလွတ်မှန်သမျှမကျန်အောင် ကျောက်စိမ်း တူးဖော်နေကြပါတယ်။ (more…)

31 Dec

လက်နက်ကြီးကျည် (၂) ကြိမ်ကျရောက်ပေါက်ကွဲပြီး ပြည်သူ တဦးသေ (၅) ဦးဒဏ်ရာရ

Editorသတင်းကချင်ပြည်နယ်, စစ်ကောင်စီတပ်, ဆန်ခါကျေးရွာ, ဖားကန့်, လုံးခင်း

RNA_ဖားကန့်၊ ဒီဇင်ဘာ(၃၁)၊၂၀၂၂ ခုနှစ်။ ဖားကန့်မြို့နယ်၊ လုံးခင်းကျေးရွာအုပ်စု၊ ဆန်ခါကျေးရွာအတွင်း စစ်ကောင်စီတပ် လက်နက်ကြီး ကျည်ကျရောက်ပေါက်ကွဲပြီး ဦးကွန်ဂျာနော် အသက် (၅၂) နှစ်မှာ လက်နက်ကြီးကျည်ထိမှန်ပြီး ဆေးရုံအရောက်တွင် သေဆုံးသွားကြောင်း သိရသည်။ ကချင်ပြည်နယ်၊ ဖားကန့်မြို့နယ်၊ ဆန်ခါကျေးရွာရှိ ဖားကန့်အချုပ်ထောင်မှ စစ်ကောင်စီစစ်တပ်က ဒီဇင်ဘာလ (၃၀) ရက်နေ့က အရပ်လေးမျက်နှာကို လက်နက်ကြီး ရမ်းသန်းပစ်ခတ်သည့်အတွက် ဆန်ခါကျေးရွာအတွင်း ကျရောက်ပေါက်ကွဲပြီး ပြည်သူ (၆) ဦးထိမှန်ခဲ့ရာ တဦးသေဆုံးသွားခြင်း ဖြစ်သည်။ (more…)

30 Dec

ဖားကန့်မြို့နယ်မှာ စစ်ကောင်စီတပ်၏ လက်နက်ကြီးကျည် (၂) ကြိမ်ကျရောက်ပေါက်ကွဲပြီး ပြည်သူ ၆ ဦး ဒဏ်ရာရ

Editorသတင်းကချင်ပြည်နယ်, စစ်ကောင်စီတပ်, ဆန်ခါကျေးရွာ, ဖားကန့်, လုံးခင်း

RNA_ဖားကန့်၊ ဒီဇင်ဘာ(၃၀)၊၂၀၂၂ ခုနှစ်။ ဖားကန့်မြို့နယ်၊ လုံးခင်းကျေးရွာအုပ်စု၊ ဆန်ခါကျေးရွာအတွင်း ယနေ့ နေ့လည် ၂ နာရီခန့်က စစ်ကောင်စီ၏ လက်နက်ကြီးကျည် နှစ်လုံး ကျရောက်ပေါက်ကွဲခဲ့ပြီး ပြည်သူ ၆ ဦး ထိမှန်ဒဏ်ရာများရခဲ့ကြောင်း သိရသည်။ ပထမအကြိမ် ကျေးရွာအတွင်း ကျရောက်ပေါက်ကွဲစဉ်တွင် အမျိုးသမီး တစ်ဦး ခြေထောက်ထိမှန်ဒဏ်ရာရခဲ့ပြီး ဒုတိယအကြိမ် ကချင်ကတ်သောလစ်အသင်းတော် ဘုရားကျောင်းအနီး ကျရောက်ပေါက်ကွဲစဉ်တွင် ဘုရားကျောင်းမှ ဆရာမ နှစ်ဦး၊ ကလေးနှစ်ဦးနှင့် အမျိုးသားတစ်ဦးတို့ ဒဏ်ရာများရရှိခဲ့သည်။ (more…)

25 Oct

အာဏာရှင် စစ်ကောင်စီအား တွန်းလှန်တိုက်ခိုက်ရန် အရှိန်မြှင့်တင်သွားမည်ဟု KIOကြေညာ

Editorကြေငြာချက်, သတင်းKIA/KIO, ကချင်ပြည်နယ်, ဖားကန့်, အနန့်ပါစခန်းဗုံးကျဲခံရမှု

RNA_အောက်တိုဘာ(၂၅)၊၂၀၂၂ခုနှစ်။ ဖားကန့်မြို့နယ်၊ KIA တပ်မဟာ(၉)နယ်မြေ အနန့်ပါဗုံးကြဲတိုက်ခိုက်ခံရမှု ဝမ်းနည်းဖွယ်ဖြစ်ရပ်ကိုတော်လှန် ရေးခွန်အားအဖြစ်ပြောင်းလဲပြီး အာဏာရှင် စစ်ကောင်စီကိုတွန်းလှန်တိုက်ခိုက်ဖို့ အရှိန်မြှင့်တင်သွားမည်ဟု KIOဗဟိုကော်မတီက ယနေ့ ကြေညာလိုက်သည်။ (၆၂)နှစ်မြောက် KIO အခမ်းအနားကြိုဆို တွေ့ဆုံဖျော်ဖြေပွဲ ပြုလုပ်နေသည့် အောက်တိုဘာ(၂၃)ရက် ည(၈း၃၀)ဝန်းကျင်မှာ အနန့်ပါစခန်းကို စစ်ကောင်စီတပ်က က စစ်လေယာဉ် (၃)စီးနှင့် ဗုံးကြဲတိုက်ခိုက်မှုအပါအဝင် ဒဏ်ရာရရှိသူများကို ဆေးကုသခွင့်အတွက် အဟန့်အတားပြုလုပ်သည့်အတွက် သေဆုံးသူ များပြားခဲ့ရသည်။ (more…)

03 Oct

သတင်းထောက် ကိုနောင်ရိုး ယနေ့လွတ်မြောက်၊ ဖမ်းဆီးခံရတာ နောင်တမရ သတင်းထောက်ဆက်လုပ်မည်

Editorသတင်းကချင်ပြည်နယ်, ကိုနောင်ရိုး, စကစ, နွေဦးတော်လှန်ရေး, ဖမ်းဆီးခံရ, ဖားကန့်, သတင်းထောက်

ဖားကန့်၊ အောက်တိုဘာ (၃)၊၂၀၂၂ခုနှစ်။ ကချင်ပြည်နယ်၊ ဖားကန့်မှ ပုဒ်မ ၅၀၅(က)ဖြင့် ဖမ်းဆီးထိန်းသိမ်းခံခဲ့ရသည့် Voice of Milikha သတင်းဌာန၏ သတင်းထောက် ကိုနောင်ရိုးသည် ယနေ့ နံနက် (၈)နာရီက ဖားကန့် (မဇွပ်ယန်) အချုပ်ထောင်မှ လွတ်‌မြောက်လာသည်။ "ကျွန်တော် စကတည်းက သတင်းထောက်လုပ်တယ်၊ ဖမ်းဆီးခံရပြီး ထောင်ကျတယ်၊ ခုလည်းသတင်း ထောက်အလုပ်ပဲ ဆက်လုပ်သွားမယ်၊ ဖမ်းဆီးခံရလို့လည်း နောင်တမရဘူး၊ ကျွန်တော် မှန်တဲ့အလုပ်ကို လုပ်နေတာခြင်းသာဖြစ်တယ်" ဟု ယနေ့ လွတ်မြောက်လာသည့် သတင်းထောက် ကိုနောင်ရိုးက ပြောသည်။ (more…)