Independent Journalism for Justice and Human Rights.
RNA_ဇန်နဝါရီ(၄)၊၂၀၂၅ ခုနှစ်။
ပြည်သူ့ကာကွယ်ရေးအဖွဲ့ (ပကဖ) အပါအဝင် ပြည်သူ့ကာကွယ်ရေးတပ်တော် (PDF) ကိုယ်တိုင် သိမ်းပိုက်ထားသော မြို့ (၈) မြို့ရှိပြီး၊ ပကဖ PDF နှင့် တော်လှန်ရေးအဖွဲ့များ ဝန့်ရံပိတ်ဆို့တိုက်ခိုက်နေသောမြို့ အနည်းဆုံး (၆၇) မြို့ရှိသည်ဟု NUG ကာကွယ်ရေးဝန်ကြီးဌာနက ယနေ့ ထုတ်ပြန်ထားသော ၂၀၂၄ ခုနှစ် စစ်ရေးဖြစ်ပေါ်တိုးတက်နေမှု အခြေအနေ အစီအရင်ခံစာတွင် ဖော်ပြထားသည်။
RNA_ဇန်နဝါရီ(၄)၊၂၀၂၅ခုနှစ်။
ပဲခူးတိုင်း၊ ရေတာရှည်မြို့နယ်၊ စစ်တောင်းမြစ်အရှေ့ကမ်းရှိ ရေလွှဲကျေးရွာနှင့် ပိန္နဲပင်ကျေးရွာဝန်းကျင် ဇန်နဝါရီလ (၃) ရက်နေ့ တိုက်ပွဲအတွင်း ပြည်သူ့ကာကွယ်ရေး ရဲဘော် အာဇာနည် သူရဲကောင်း (၈) ဦးထက်မနည်း ကျဆုံးခဲ့ရကြောင်း သိရသည်။
RNA_ဇန်နဝါရီ(၄)၊၂၀၂၅ခုနှစ်။
စစ်ကောင်စီက ယနေ့ပေးသော လွတ်ငြိမ်းချမ်းသာခွင့်တွင် နိုင်ငံရေးအကျဉ်းသားများ ပါဝင်မှု အလွန်နည်းပါကြောင်း၊ နိုင်ငံရေးအကျဉ်းသားများကို လွတ်ပေးလိမ့်မည်မဟုတ်ကြောင်း သိရသည်။
စစ်ကောင်စီသည် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားများကို လိုရာတပ်စွဲထားသော ဥပဒေများမှာ အကြမ်းဖက်မှုတိုက်ဖျက်ရေးဥပဒေ နှင့် အဂတိလိုက်စားမှုတိုက်ဖျက်ရေးဥပဒေ၊ မတရား အသင်းများအက်ဥပဒေ၊ ပေါက်ကွဲစေတတ်သောဝတ္ထုပစ္စည်းများအက်ဥပဒေ၊ လက်နက်များအက်ဥပဒေ စသည်တို့ဖြင့် စွပ်စွဲထောင်ချထားခြင်းဖြစ်သည်။
RNA_ဇန်နဝါရီ(၃)၊၂၀၂၅ခုနှစ်။
ချင်းပြည်နယ်၊ မင်းတပ်မြို့သိမ်းတိုက်ပွဲတွင် ချင်းညီနောင်နှင့် အခြားသောမဟာမိတ်များနှင့်အတူ တိုက်ပွဲဝင်ပြီး ပြန်လာခဲ့သော စစ်ကိုင်းတိုင်း၊ မုံရွာခရိုင်အမှတ် (၃) တပ်ရင်းမှ အောင်ပွဲရ ရဲဘော်များကို ဒေသခံတော်လှန်ပြည်သူများက ဝမ်းသာအားရ အောင်သပြေများဖြင့် ကြိုဆိုခဲ့ကြကြောင်း ရုပ်သံမှတ်တမ်းကို ယနေ့ မုံရွာခရိုင် အမှတ် (၃) တပ်ရင်းက ထုတ်ပြန်ထားသည်။
RNA_ဇန်နဝါရီ(၂)၊၂၀၂၅ခုနှစ်။
အမျိုးသားညီညွတ်ရေးအစိုးရ ပြည်ထောင်စုဝန်ကြီးချုပ် မန်းဝင်းခိုင်သန်းသည် အကြမ်းဖက်စစ်တပ်၏ အောင်ဇေယျစစ်ကြောင်းအား ထိုးစစ်ဆင် ချေမှုန်းလျက်ရှိသော ဗျူဟာ(၃၂) စစ်ဆင်ရေးမှူး ဗိုလ်ဒါဘောဦးဆောင်သည့် ကော်ဘရာကော်လံမှ တပ်ဖွဲ့ဝင်များအား သွားရောက်တွေ့ဆုံကာ အားပေးစကားပြောကြားခဲ့ကြောင်း သိရသည်။
ပြည်ထောင်စုဝန်ကြီးချုပ်နှင့်အဖွဲ့အား ပြည်သူ့ကာကွယ်ရေးတပ်မတော် ဗျူဟာ (၃၂) စစ်ဆင်ရေးမှူး ဗိုလ်ဒါဘောမှ စစ်ဆင်ရေးအခြေအနေများကို ရှင်းလင်းပြောပြခဲ့ပြီး၊ အောင်ဇေယျစစ်ကြောင်းမှ အလင်းဝင်လာသူများနှင့် မိတ်ဆက်ပေးခဲ့သည်ဟု ယနေ့ ထုတ်ပြန်ထားသည်။
RNA_ဒီဇင်ဘာ(၂)၊၂၀၂၅ ခုနှစ်။
ပဲခူးတိုင်း၊ ဖြူးမြို့နယ်၊ ဇေယျဝတီမြို့အရှေ့ဘက်၊ အမဲခေါင်ကျေးရွာအုပ်စု၊ ရမ်းနဂါးကျေးရွာလမ်းဆုံရှိ ဟိန္ဒူဘုရားကျောင်းကို စစ်ကောင်စီတပ်မှ ဒရုန်းဗုံးသီး ၂ လုံးကြဲချခဲ့သည့်အတွက် ပြည်သူ (၇) ဦးသေဆုံးပြီး (၄) ဦးထိခိုက်ဒဏ်ရာရရှိကြောင်း သိရသည်။
RNA_ဇန်နဝါရီ(၂)၊၂၀၂၅ခုနှစ်။
မန္တလေးတိုင်း၊ မြင်းခြံခရိုင်အတွင်းနှင့် မကွေးတိုင်း၊ ရေစကြိုမြို့နယ် စသည်တို့အတွင်း တော်လှန်ရေးမဟာမိတ်များနှင့် ပူးပေါင်းပြီး Myingyan Black Tiger (MBT) တပ်ဖွဲ့ အနေဖြင့် ၂၀၂၄ ခုနှစ်အတွင်း စစ်ဆင်ရေး (၄၂) ကြိမ်ပြုလုပ်နိုင်ခဲ့ကြောင်း သိရသည်။
RNA_ဇန်နဝါရီ(၂)၊၂၀၂၅ခုနှစ်။
အမျိုးသားညီညွတ်ရေးအစိုးရ၊ နိုင်ငံတော်တသမ္ဓ၏ ပြစ်ဒဏ်လွတ်ငြိမ်းသက်သာခွင့်အတွင်း စစ်ကိုင်းတိုင်း၊ ဖောင်းပြင်မြို့နယ်မှ အကျဉ်းသား (၃) ဦးလွတ်မြောက်ခဲ့သည်ဟု သိရသည်။
ဖောင်းပြင်မြို့နယ်တွင် အမျိုးသားညီညွတ်ရေးအစိုးရ၊ ပြည်ထဲရေးနှင့်လူဝင်မှူကြီးကြပ်ရေး ဝန်ကြီးဌာန နိုင်ငံတော်သမ္ဓ၏ လွတ်ငြိမ်းချမ်းသာ ခွင့်ပေးခြင်းအခမ်းအနားကို ဖောင်းပြင်မြို့နယ် ပြည်သူ့လုံခြုံရေးအဖွဲ့မှ ဇန်နဝါရီ လ ၁ ရက်နေ့က လွတ်မြေက် ဒေသတစ်နေရာတွင် ပြုလုပ်ခဲ့ပြီး၊ မူးစိတ်၁၆ (ဂ) ၁ ဦး၊ ရာဇသတ် -၃၀၄(က) ၂ ဦး၊ စုစုပေါင်း (၃) ဦးလွတ်ငြိမ်းချမ်းသာခွင့်ရခဲ့သည်ဟု သိရသည်။
RNA_ဇန်နဝါရီ(၁)၊၂၀၂၅ခုနှစ်။
၂၀၂၅ ခုနှစ်သည် တောင်တန်းဒေသမှ မြေပြန်ဒေသများဆီသို့ တော်လှန်စစ်ကို ဝတ်နှုန်ကူးလာရမည့် နှစ်တစ်နှစ်ဖြစ်ပြီး၊ မြန်မာပြည် အလယ်ပိုင်း ထိုးဖောက်ဝင်ရောက်နိုင်ရေး စစ်ဆင်ရေးရည်မှန်းချက်အတွက် ဝတ်မှုန်ကူးသယ်ဆောင်လာမည်ဟု ကျောင်းသားလက်ရုံးတပ်တော် -SAF ကထုတ်ပြန်ထားသည်။