သတင်း – Page 3 – Red News Agency

31 Oct

အမှတ် (၁၂၂၂) တပ်ရင်း ရဲဘော်များ လူထုအပေါ် ကိုယ်အမူအရာ နှုတ်အမူအရာတို့ဖြင့် ရိုင်းပြစွာ စော်ကားပါက တိုင်ကြားနိုင်

RNA Editorကြေငြာချက်, သတင်းမန္တလေးတိုင်း, မိုးကုတ်, ရဲဘော်, လက်နက်ကိုင်တော်လှန်ရေး, အမှတ် (၁၂၂၂) တပ်ရင်း

RNA_အောက်တိုဘာ(၃၁)၊၂၀၂၄ခုနှစ်။ မန္တလေးတိုင်း၊ စဉ့်ကူနှင့် မိုးကုတ်မြို့သိမ်းတိုက်ပွဲအများပြင် အခြားသော ဒေသတွင်းတိုက်ပွဲများ ဆင်နွှဲနေသော NUG/MOD-PDF အမှတ် (၁၂၂၂) တပ်ရင်း ရဲဘော်များအနေဖြင့် လူထုအပေါ် ကိုယ်အမူအရာဖြင့် ဖြစ်စေ၊ နှုတ်အမူအရာအဖြင့်ဖြစ်စေ ရိုင်းပြစော်ကားမှုများရှိပါက တပ်ရင်း Page နှင့် တပ်ရင်းခေါင်းဆောင်များထံ တိုင်ကြားနိုင်ကြောင်း သိရသည်။ (more…)

30 Oct

အမ်းမြို့နယ်မှ ရိက္ခာပို့ပြန်လာသည့် စစ်ကောင်စီတပ် ကြားဖြတ်တိုက်ခိုက်ခံရပြီး (၁၀) ဦးသေဆုံး

RNA Editorသတင်းကြားဖြတ်တိုက်ခိုက်ခံရ, ငဖဲမြို့နယ်, စစ်ကောင်စီတပ်, မကွေးတိုင်, မင်းဘူးခရိုင်, အမ်း-ပဒါန်းလမ်း, အရှိုချင်းကာကွယ်ရေးတပ်

RNA_အောက်တိုဘာ(၃၀)၊၂၀၂၄ခုနှစ်။ တိုက်ပွဲပြင်းထန်နေသော ရခိုင်ပြည်နယ်၊ အမ်းမြို့နယ်အတွင်းမှ ရိက္ခာပို့ပြန်လာသော စစ်ကောင်စီတပ်ယာဉ်တန်းကို မကွေးတိုင်း၊ မင်းဘူးခရိုင်၊ ငဖဲမြို့နယ်၊ အမ်း-ပဒါန်း လမ်းပိုင်းတွင် အရှိုချင်းကာကွယ်ရေးတပ် (ACDF)နှင့် မင်းဘူးခရိုင် အမှတ်(၂) တပ်ရင်းတို့ပူးပေါင်းတိုက်ခိုက်ခဲ့သည့်အတွက် စစ်ကောင်စီလက်အောက်ခံ (၁၀) ဦးဝန်းကျင်သေဆုံးပြီး အများအပြားဒဏ်ရာရရှိခဲ့သည်ဟု သိရသည်။ အရှိုချင်းကာကွယ်ရေးတပ် (ACDF)နှင့် မင်းဘူးခရိုင် အမှတ်(၂) တပ်ရင်းတို့ ပူးပေါင်းပြီး အမ်း-ပဒါန်း လမ်းပိုင်းတွင် အောက်တိုဘာ ၂၈ ရက်နေ့က ကြားဖြတ်တိုက်ခိုက်မှုအတွင်း စစ်ကောင်စီဘက်က သေဆုံးဒဏ်ရာရရှိသော်လည်း တော်လှန်ရေးအင်အားစုများလက်က ထိခိုက်ဒဏ်ရာရရှိမှုမရှိကြောင်း ACDF ကယနေ့ ထုတ်ပြန်ထားသည်။ (more…)

30 Oct

စစ်သုံ့ပန်းအကျဉ်းစခန်း ဗုံးထပ်ကြဲသည့်အတွက် စစ်ကောင်စီလက်အောက်ခံ ဗိုလ်မှူးနေဝင်းအပါအဝင် ၄ ဦးထပ်မံသေဆုံး

RNA Editorသတင်းစစ်ကောင်စီတပ်, စစ်သုံ့ပန်း, နောင်ချိုမြို့နယ်, မန္တလေး PDF, ရှမ်းမြောက်, လေကြောင်းတိုက်ခိုက်, အကျဉ်းထောင်

RNA_အောက်တိုဘာ(၃၀)၊၂၀၂၄ခုနှစ်။ ပြည်သူ့ကာကွယ်ရေးတပ်မတော် (မန္တလေး)၏ စစ်သုံ့ပန်းများထားရှိရာ အချုပ်ဆောင်အား စစ်ကောင်စီက ယနေ့ (အောက်တိုဘာ ၃၀ ရက်) နံနက်စောစော (၁) နာရီခန့်က လေကြောင်းဗုံးကြဲတိုက်ခိုက်ခဲ့သည့်အတွက် သုံ့ပန်းအဖြစ် ဖမ်းဆီးခံထားရသော စစ်ကောင်စီလက်အောက်ခံ ဗိုလ်မှူးနေဝင်းပါအဝင် ၄ ဦးထပ်မံသေးဆုံးသွားကြောင်း သိရသည်။ "အကြမ်းဖက် စစ်ကောင်စီသည် သုံ့ပန်းအဖြစ် ဖမ်းဆီးခံရသော ၄င်းတို့၏ တပ်ဖွဲ့ဝင်များကို ပစ်မှတ်ထား၍ လေကြောင်းတိုက်ခိုက်မှုများ ပြုလုပ်လျက်ရှိပြီး (၂)ရက်တာအတွင်း သေဆုံးသူ(၁၆)ဦး အထိရှိလာခဲ့ပြီဖြစ်သည်"ဟု ယနေ့ ထုတ်ပြန်ထားသည်။ (more…)

29 Oct

ကယန်းအမျိုးသားတပ်မတော် (KNA) ဖွဲ့စည်း

Editorသတင်းကယန်း, ကယန်းအမျိုးသားတပ်မတော် (KNA), ကရင်နီ, တပ်ပေါင်းစု

RNA_အောက်တိုဘာ(၂၉)၊၂၀၂၄ ခုနှစ်။ ကယန်းဒေသအတွင်းရှိ လက်နက်ကိုင်အဖွဲ့အစည်းများစုစည်း၍ ကယန်းအမျိုးသားတပ်မတော် (KNA) ကို ယနေ့ (အောက်တိုဘာ ၂၉ ရက်) တွင်ဖွဲ့စည်းကြောင်း ထုတ်ပြန်ထားသည်။ လွိုင်ကော်၊ ဒီးမော့ဆို၊ မိုးဗြဲ၊ ဖယ်ခုံဒေသနှင့် အခြားကယန်းဒေသများရှိ ပြန့်ကျဲနေသော ကယန်းလက်နက်ကိုင်များကို တစုတစည်းတည်းပေါင်းစည်းထားသည့် ကယန်းအမျိုးသားတပ်မတော်ဖြစ်ကြောင်း၊ အမျိုးသားညီညွတ်ရေးအစိုးရ (NUG)ကို ပြည်ထောင်စုအစိုးရအဖြစ် အသိအမှတ်ပြုပြီး စစ်အာဏာရှင် အမြစ်ပြတ်ချေမှုန်းရေးအတွက် ပူးပေါင်းတိုက်ပွဲဝင်သွားမည်ဖြစ်သည်ဟု ကယန်းအမျိုးသားတပ်မတော်၏ ထုတ်ပြန်ချက်တွင် ဖော်ပြထားသည်။ #RedNewsAgency #RNA

29 Oct

ကျားခဲကျေးရွာတွင် သတ်ဖြတ်ခံရသော ရဲဘော်(၅) ဦးနှင့်ပတ်သက်ပြီး ခွင့်လွှတ်မည်မဟုတ်ဟု ထီးလင်းပကဖ အသိပေး

Editorသတင်းကျားခဲကျေးရွာ, စစ်ကောင်စီတပ်, ထီးလင်းမြို့နယ်, ပကဖ, မကွေးတိုင်, မီးရှို့သတ်ဖြတ်

RNA_အောက်တိုဘာ(၂၉)၊၂၀၂၄ ခုနှစ်။ မကွေးတိုင်း၊ ထီးလင်းမြို့နယ်၊ ကျားခဲကျေးရွာမှ ကျေးရွာလုံခြုံရေးကင်းတဲတွင် တာဝန်ထမ်းဆောင်နေသော ပကဖရဲဘော် သန်းစိန်မင်း၊ ရဲဘော် နေမျိုးကျော်နှင့် အခြားရဲဘော်တဦး၊ ရဲဘော်မင်းသူ၊ ခရိုင်တပ်ရင်း ၂မှ ရဲဘော်နေဆန်းဝင်းတို့ကို သတ်ဖြတ်သွားသော စစ်ကောင်စီတပ်နှင့်ပျူများအား ထီးလင်းမြို့နယ် ပြည်သူ့ကာကွယ်ရေးအဖွဲ့ - ပကဖ အနေဖြင့် လုံးဝ ခွင့်လွှတ်နိုင်မည် မဟုတ်ကြောင်း ယနေ့ အသိပေးထားသည်။ "ရဲဘော်နေဆန်းဝင်းမှာ ကင်းတဲတောင်ဘက် မီတာ ၂၀ခန့်အကွာ လယ်ကွက်ထဲတွင် ညာဘက်ပေါင်ရင်း ကျည်မှန်ဒဏ်ရာ ခြေမ ပြတ်ရှဒဏ်ရာတို့ဖြင့် ကျဆုံးခဲ့ပါသည်။ ကင်းတဲတွင်ကျန်ခဲ့သော ရဲဘော်၃ဦးနှင့် မိမိအိမ်တွင်အိပ်နေရာမှ သေနတ်သံကြား၍ ထွက်ပြေးစဉ်ဖမ်းဆီးခံရသော ရဲဘော်မင်းသူ တို့အား ဖမ်းဆီးစစ်ဆေးခံရသောပြည်သူများ ကင်းတဲအနီးပုန်းခိုနေကြသော ပြည်သူများ၏ပြောကြားချက်အရ ရဲဘော် (၄)ဦးကို…

29 Oct

၂၈ ရက်ကြာ ဖမ်းဆီးချုပ်နှောင်စစ်ဆေးပြီးနောက် ဖားကန့်သတင်းထောက်(၂) ဦးကို KIA ပြန်လွှတ်

RNA Editorကြေငြာချက်, ရုပ်သံ, သတင်းKIA, KIA/KIO, ကချင်ပြည်နယ်, ကိုတာလင်းမောင်, ကိုနောင်ရိုး, ချုပ်နှောင်ခံရ, စစ်ကြောရေး, ဖားကန့်, ဖားကန့်သတင်းထောက်, သတင်းထောက်

RNA_အောက်တိုဘာ(၂၉)၊၂၀၂၄ခုနှစ်။ ကချင်ပြည်နယ်၊ ဖားကန့်သတင်းထောက်များဖြစ်သော ကိုတာလင်းမောင် (Red News Agency) နှင့် အလွတ်တန်းသတင်းထောက် ကိုနောင်ရိုးတို့ကို ကချင်လွတ်လပ်ရေးတပ်မတော် (KIA) ဖားကန့်တိုက်နယ် ထောက်လှမ်းရေးအဖွဲ့က ၂၀၂၄ ခုနှစ် စက်တင်ဘာ ၂၉ ရက်နေ့က သတင်းကိစ္စနှင့်ပတ်သက်ပြီး ဖမ်းဆီးချုပ်နှောင်စစ်ဆေးပြီးနောက် (၂၈) ရက်အကြာ အောက်တိုဘာလ (၂၇) ရက်နေတွင် ပြန်လွှတ်ပေးခဲ့သည်။ ဖားကန့်သတင်းထောက် (၂) ဦးပြန်လည်လွတ်မြောက်ရေးအတွက် ဝိုင်းဝန်းတောင်းဆိုခဲ့ကြသော ဒေသတွင်း တော်လှန်ရေးအဖွဲ့အစည်းများ၊ ပုဂ္ဂိုလ်များနှင့် ပြည်တွင်း ပြည်ပ သတင်းမီဒီယာအဖွဲ့အစည်းများ၊ သတင်းဌာနများ၊ သတင်းသမားများစသည်တို့ကို ကိုတာလင်းမောင်နှင့် ကိုနောင်ရိုးတို့က ကျေးဇူးတင်ရှိကြောင်း ပြောကြားထားသည်။ Red News Agency

29 Oct

စစ်သုံ့ပန်းအချုပ်ဆောင် လေကြောင်းဗုံးကြဲခံရပြီး စစ်သုံ့ပန်း (၈) ဦးအပါအဝင် (၁၂)ဦး သေဆုံး

RNA Editorသတင်းစစ်ကောင်စီတပ်, ဘီလူးစစ်ကြောင်း, မန္တလေး PDF, လေကြောင်းတိုက်ခိုက်, အချုပ်ဆောင်

RNA_အောက်တိုဘာ(၂၉)၊၂၀၂၄ခုနှစ်။ ပြည်သူ့ကာကွယ်ရေးတပ်မတော် (မန္တလေး)၏ စစ်ဆင်ရေးများအတွင်း ဖမ်းဆီးရမိခဲ့သော ဘီလူးစစ်ကြောင်းအပါအဝင် စစ်သုံ့ပန်းများထားရှိရာ အချုပ်ဆောင်အား စစ်ကောင်စီမှ အောက်တိုဘာ ၂၈ ရက်နေ့ ညနေ ၆ နာရီ ၃၀ မိနစ်ခန့်က လေကြောင်းမှ ဗုံး (၂) ကြိမ် ကြဲခဲ့သည့်အတွက်စစ်သုံ့ပန်း(၈)ဦး အပါအဝင် (၁၂)ဦးသေဆုံးပြီး၊ (၆၀) ဦးခန့် ထိခိုက်ဒဏ်ရာရရှိခဲ့ကြောင်း သိရသည်။ စစ်ကောင်စီ၏ ဗုံးကြဲမှုကြောင့် စစ်သုံ့ပန်းအဖြစ် ဖမ်းဆီးခံထားရသော စစ်ကောင်စီလက်အောက်ခံ ဗိုလ်ကြီးထွန်းနိုင်၊ တပ်ကြပ်ကြီးစာရေး ရန်နိုင်အောင်၊ တပ်ကြပ် ခင်မောင်ထွန်း၊ ဒုတပ်ကြပ်များဖြစ်သော ထက်နောင်နောင်စိုး၊ သီဟငြိမ်း၊ ဖိုးချိုတို့နှင့် ပျူများဖြစ်သော နန်းမြိုဦး၊ သန်းဇော်တို့ သေဆုံးခဲ့ရသည်။ (more…)

29 Oct

ဘယ်လိုအခက်အခဲမျိုးကိုမဆို ရင်ဆိုင်မယ် ပျော်ပျော်ပဲရှေ့ဆက်သွားမယ်

RNA Editorရုပ်သံ, သတင်းMyingyan Black Tiger (MBT), နွေဦးတော်လှန်ရေး, ဗိုလ်မိုက်ခဲ, မြင်းခြံ, ရေစကြို, လက်နက်ကိုင်တော်လှန်ရေး, အညာဒေသ

RNA_အောက်တိုဘာ(၂၉)၊၂၀၂၄ခုနှစ်။ "ရှေ့တန်းမှာအကောင်းဆုံး ဘယ်လိုအခက်အခဲမျိုးကိုမဆို ကျွန်တော်တို့ ရင်ဆိုင်မယ် ပျော်ပျော်ပဲ ရှေ့ဆက်သွားမယ်။ မြို့ပြမှာအလံချိတ်မယ်" ဟု အောက်တိုဘာ ၂၈ ရက်နေ့က ကျင်းပခဲ့သည့် yingyan Black Tiger (MBT) မြင်းခြံခရိုင် အမှတ်(၉)တပ်ရင်း၏ အခြေခံစစ်ပညာအပတ်စဉ် (၁၄) သင်တန်းဆင်းပွဲအခမ်းအနားတွင် တပ်ဖွဲ့ခေါင်းဆောင် ဗိုလ်မိုက်ခဲက ပြောကြားထားသည်။ Red News Agency

29 Oct

စစ်ကောင်စီတပ်အထိနာပြီး လေကြောင်းတိုက်ခိုက်စဉ် တော်လှန်ရေး ရဲဘော် (၃) ဦးကျဆုံး

RNA Editorသတင်းChauck Revolution Army(CRA), ချောက်မြို့နယ်, နရွဲတောကျေးရွာ, ပကဖ, မကွေးတိုင်, ရွာမကျေးရွာ, အာဠာဝက မြို့ပြပြောက်ကျားတပ်ဖွဲ့

RNA_အောက်တိုဘာ(၂၉)၊၂၀၂၄ခုနှစ်။ မကွေးတိုင်း၊ ချောက်မြို့နယ်၊ ကုန်းကြီး-ထိန်စမ်းလမ်းမှစတင်ဝင်ရောက်လာသောစစ်ကောင်စီစစ်ကြောင်းနှင့် ထိန်စမ်းကျေးရွာ၏တောင်ဘက်၊ ရွာမကျေးရွာအနီးစသည်တို့တွင် တိုက်ပွဲဖြစ်ပွားရာ စစ်ကောင်စီတပ်အထိနာသည့်အတွက် လေကြောင်းတိုက်ခိုက်မှုအတွင်း တော်လှန်ရေးရဲဘော် (၃) ဦးကျဆုံးခဲ့ရသည်ဟု သိရသည်။ စစ်ကောင်စီတပ်စစ်ကြောင်းသည် ချောက်မြို့နယ်၊ ထိန်စမ်းကျေးရွာနှင့်ရွာမကျေးရွာအနီးတဝိုက်ကို အောက်တိုဘာ ၂၅ ရက်နေ့ကစတင်ပြီး စစ်ကြောင်းထိုးခဲ့ရာ ၂၆ ရက််၊၂၇ ရက်များတွင် ရွာမကျေးရွာအတွင်း နေအိမ် (၂၀) ကျော်ကို မီးရှို့ခဲ့ခြင်း၊ နရွဲတောကျေးရွာ အတွင်းဝင်ရောက်စီးနင်းပြီး နေအိမ် (၃၃) အိမ်ကို မီးရှို့ဖျက်ဆီးခြင်းများ ပြုလုပ်ခဲ့သည်ဟု Chauk Revolution Army ကထုတ်ပြန်ထားသည်။ (more…)

27 Oct

၁၀၂၇ စစ်ဆင်ရေးအတွင်း အသက်ပေးလှူသွားခဲ့ကြသည့် သူရဲကောင်းရဲဘော်များအား ရည်စူးပြီး အလှူဒါနပြုလုပ်

Editorသတင်း1027 Operation, ၁၀၂၇ စစ်ဆင်ရေး, ၁၀၂၇ စစ်ဆင်ရေး တစ်နှစ်ပြည့်, MNT JP/ MNDAA, Operation 1027, PSLF/TNLA, ULA/AA, တအာင်းတပ်

RNA_အောက်တိုဘာ(၂၇)၊၂၀၂၄ခုနှစ်။ ပလောင်ပြည်နယ်လွတ်မြောက်ရေးတပ်ဦး (PSLF/TNLA) အုပ်ချုပ်နယ်မြေတစ်နေရာတွင် (၁၀၂၇)စစ်ဆင်ရေးတိုက်ပွဲအတွင်း အာဏာရှင်စစ်ကောင်စီတပ်အား တော်လှန်ရင်း အသက်ပေးလှူသွားခဲ့ကြသည့် သူရဲကောင်း ရဲဘော်များအားယနေ့ အောက်တိုဘာလ (၂၇) ရက် ( ၁၀၂၇ စစ်ဆင်ရေး တစ်နှစ်ပြည့်) နေ့တွင် အလှူဒါနပြုလုပ်ပေးခဲ့ကြောင်း သိရသည်။ (more…)