Red News Agency

Tag: NUG

  • စစ်တပ်အာဏာသိမ်းခဲ့သည့် ၁ နှစ်အတွင်း လူ့အခွင့်အရေးချိုးဖောက်မှုများနှင့် ဆိုးရွားသော ထိခိုက် ကျဆင်းမှုများ

    စစ်တပ်အာဏာသိမ်းခဲ့သည့် ၁ နှစ်အတွင်း လူ့အခွင့်အရေးချိုးဖောက်မှုများနှင့် ဆိုးရွားသော ထိခိုက် ကျဆင်းမှုများ

    ၂၀၂၂ ခုနှစ်၊ ဖေဖော်ဝါရီလ (၁) ရက်။

    အကြမ်းဖက်စစ်ကောင်စီ အာဏာသိမ်းခဲ့သည့် ၁ နှစ်အတွင်းလူ့အခွင့်အရေးချိုးဖောက်မှုများနှင့် ဆိုးရွား သော ထိခိုက် ကျဆင်းမှုများအဖြစ် အမျိုးသားဒီမိုကရေစီအဖွဲ့ချုပ်၊ဗဟိုအလုပ်ကော်မတီက ကြေညာချက်တစ်စောင် ယနေ့ ထုတ်ပြန်ခဲ့သည်။

    အာဏာသိမ်းစစ်ကောင်စီသည် အာဏာသိမ်းခဲ့သည့် တစ်နှစ်တာကာလအတွင်း ရဟန်း၊ ရှင်လူ၊တိုင်းရင်းသား၊ ကျောင်းသား၊ ပြည်သူများ၊ CDM များနှင့်အတူ နိုင်ငံတော်သမ္မတ ဦးဝင်းမြင့်၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် ပါတီခေါင်းဆောင်များ၊ ရွေးကောက်တင်မြှောက်ခံလွှတ်တော် ကိုယ်စားလှယ်များ၊ အစိုးရအဖွဲ့ဝင်များ၊ ပါတီဝင်များကို အဓမ္မဖမ်းဆီးအကျဉ်းချမှုများ၊ ညှဉ်းဆဲသတ်ဖြတ်မှု များစွာလုပ်ဆောင်ခဲ့သည်။

    အမျိုးသားဒီမိုကရေစီအဖွဲ့ချုပ် မှတ်တမ်းကောက်ယူရေးအဖွဲ့၏ ကောက်ယူရရှိသော စာရင်းများအရ အဖွဲ့ချုပ်အဖွဲ့ဝင်များထဲမှလည်း ဖမ်းဆီးအကျဉ်းချခံရသူစုစုပေါင်း (၆၈၆)ဦးတွင် လွှတ်တော်ကိုယ်စားလှယ် (၁၀၇)ဦးပါဝင်ပြီး၊ ညှင်းပမ်းနှိပ်စက်မှုများနှင့် အကျဉ်းထောင်အတွင်း ကျန်းမာရေးစောင့်ရှောက်မှု မလုံလောက်မှုများကြောင့် ကွယ်လွန်သူ လွှတ်တော်ကိုယ်စားလှယ်(၁)ဦး အပါအဝင်စုစုပေါင်း (၁၄)ဦးရှိခဲ့ကြောင်း ထိုကြေညာချက်တွင် ဖော်ပြထားသည်။ (more…)

  • ဖက်ဒရယ်ဒီမိုကရေစီပဋိညာဉ် အပါအဝင် အချက် ၈ ချက်ကို ပြည်သူ့ညီလာခံတွင် အတည်ပြု

    ဖက်ဒရယ်ဒီမိုကရေစီပဋိညာဉ် အပါအဝင် အချက် ၈ ချက်ကို ပြည်သူ့ညီလာခံတွင် အတည်ပြု

    RNA_ဇန်နဝါရီလ (၃၀) ရက်၊ ၂၀၂၂ ခုနှစ်။

    ဖက်ဒရယ်ဒီမိုကရေစီပဋိညာဉ် အစိတ်အပိုင်း (၁) ၊(၂) ကြားကာလ ဖွဲ့စည်းပုံအခြေခံဥပဒေဆိုင်ရာအစီအမံ အပါအဝင် အချက် ၈ ချက်ကို ပထမအကြိမ် ပြည်သူ့ညီလာခံတွင် အတည်ပြုလိုက်ကြောင်း ပထမအကြိမ်ပြည်သူ့ညီလာခံ၏ ယနေ့ ထုတ်ပြန်ကြေညာချက်တွင် ဖော်ပြထားသည်။

    စစ်အာဏာရှင်စနစ်အပါအဝင် မည်သည့်အာဏာရှင် စနစ်မဆို အပြီးတိုင်ချုပ်ငြိမ်းရေးနှင့် ဒီမိုကရေစီရေး၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများကို အပြည့်အဝ အာမခံချက်ပေးနိုင်သည့် ဖက်ဒရယ်ဒီမိုကရေစီပြည်ထောင်စု တည်ထောင်ရေးကို ဦးတည်လျက် ပထမအကြိမ် ပြည်သူ့ညီလာခံကို အမျိုးသားညီညွတ်ရေး အတိုင်ပင်ခံကောင်စီကကြီးမှူး၍ ၂၀၂၂ခုနှစ်၊ ဇန်နဝါရီလ (၂၇)ရက်နေ့မှ (၂၉)ရက်နေ့အထိ အောင်မြင်စွာ ကျင်းပခဲ့သည်။

    ပြည်သူ့ညီလာခံသည် နိုင်ငံရေးအရ အမြင့်ဆုံး ဆုံးဖြတ်ချက် ချမှတ်ပေးနိုင်သည့် စုစည်းမှု ဖြစ်ပြီး အာဏာရှင်စနစ် အပြီးတိုင်ချုပ်ငြိမ်းရေးနှင့် ဖက်ဒရယ်ဒီမိုကရေစီပြည်ထောင်စု တည်ဆောက်ရေးအတွက် ဖက်ဒရယ်ဒီမိုကရေစီအင်အားစုများ စုပေါင်း၍ နိုင်ငံရေး၊ စီးပွားရေး၊ လူမှုရေး၊ လုံခြုံရေးနှင့် အာဏာရှင်စနစ်တိုက်ဖျက်ရေးဆိုင်ရာ အခြေခံမူများ၊မူဝါဒများ၊ မဟာဗျူဟာများနှင့် အသွင်ကူးပြောင်းမှုဆိုင်ရာအစီအမံများ ညှိနှိုင်းဆွေးနွေးအတည်ပြု ဆောင်ရွက်ရန် ရည်ရွယ်ချက်များဖြင့် ကျင်းပခြင်းဖြစ်ကြောင်း သိရသည်။

    (more…)

  • “မတရားတဲ့အမိန့်ဟူသမျှဆန့်ကျင်ကြ”

    “မတရားတဲ့အမိန့်ဟူသမျှဆန့်ကျင်ကြ”

    Photo: CJ

    “မတရားတဲ့အမိန့်ဟူသမျှဆန့်ကျင်ကြ”ဟုဆိုကာ ကိုဂျင်မီနှင့် ကိုဇေယျာသော်တို့ ဓာတ်ပုံများနှင့် စစ်အာဏာရှင်ဆန့်ကျင်ရေး ဆန္ဒပြ

    RNA_ဇန်နဝါရီ ၂၃ ရက်၊ ၂၀၂၂ ခုနှစ်။

    စစ်ကိုင်းတိုင်း၊ ဆားလင်းကြီးမြို့နယ်အတွင်းက ကျေးရွာတွင် မုံရွာတက္ကသိုလ်ကျောင်းသားများသမဂ္ဂနှင့်လက်ပံတောင်းတောင်ပင်မသပိတ်စစ်ကြောင်းတို့ပူးပေါင်းပြီ “မတရားတဲ့အမိန့်ဟူသမျှဆန့်ကျင်ကြ” “ငါတို့အားလုံးသည် ကိုဂျင်မီ ငါတို့အားလုံးသည် ဇေယျာသော်” ဟု ဆိုကာ ယနေ့ နံနက်ပိုင်းက စစ်အာဏာရှင် ဆန့်ကျင်ရေး ဆန္ဒပြခဲ့ကြောင်း သိရသည်။

    ” ကျွန်တော်တို့ပြည်သူလူထုအားလုံးဟာ ကိုဂျင်မီလိုစိတ်ဓာတ် ကိုဇယျာသော်လိုစိတ်ဓာတ် မျိုးကိုကိုင်စွဲပြီးရဲရဲဝံ့ဝံ့နဲ့ မတရားတဲ့အမိန့်ဟူသမျှကိုဖီဆန် ဆန့်ကျင်ပြီးစစ်အာဏာရှင်အမြစ်ပျက်ဖို့အရေးကိုဦးတည်၍ လူထုအားလုံးညီညာစွာ စစ်အာဏာရှင်ရဲ့လက်အောက်ခံထောက်တိုင်များကိုဖြိုဖျက်ဖို့အတွက် မတရားတဲ့အမိန်ဟူသမျှဖီဆန်ကြဖို့ တိုက်တွန်းနှိုးဆော်ချင်ပါတယ်” ဟု သပိတ်တွင် ပါဝင်သူတဦးက ပြည်သူများကို ပြောကြားခဲ့သည်။

    ဓာတ်ပုံ : ပေးပို့ CJ

    Red News Agency

  • NUG အစီအစဉ်ဖြင့် စစ်ကိုင်းတိုင်းမှာ အခြေခံပညာ ကျောင်းတွေဖွင့်ဖို့ပြင်နေ 

    NUG အစီအစဉ်ဖြင့် စစ်ကိုင်းတိုင်းမှာ အခြေခံပညာ ကျောင်းတွေဖွင့်ဖို့ပြင်နေ 

    RNA_ဇန်နဝါရီ ၃ ရက်၊ ၂၀၂၂ ခုနှစ်။

    နွေ‌ဦးတော်လှန်ရေးကာလ ခုခံစစ် ပြင်းထန်ခဲ့သည့် စစ်ကိုင်းတိုင်းတွင် NUG အစီအစဉ်ဖြင့် အခြေခံပညာ စာသင်ကျောင်းများ ဖွင့်လှစ်ဖို့ ပြင်ဆင်နေကြောင်း သိရသည်။

    စစ်ကိုင်းတိုင်း၊ ဒီပဲယင်း၊ ယင်းမာပင်၊ ပုလဲ၊ ကနီ၊ ကလေး ၊ မြောင်စသည့် မြို့နယ်များတွင် စစ်ကောင်စီတပ်ကို ဒေသခံပြည်သူ့ကာကွယ်ရေးတပ်ဖွဲ့များက ပြင်းပြင်ထန်ထန် တိုက်ခိုက်သည့်အတွက် စစ်အုပ်ချုပ်ရေးမှာ နေရာတိုင်း မသက်ရောက်တော့ကြောင်း၊ ယခင်က ဆိုင်ကယ်ဖြင့် (၁) နာရီ ခရီးကြာသည့် နေရာကို စစ်ကောင်စီတပ် စစ်ကြောင်းများ (၃) ကြောင်းခွဲကာ ၄ ရက်ခရီး သွားနေရကြောင်း၊ ဒေသခံ ပြည်သူ့ကာကွယ်ရေး တပ်ဖွဲ့များမှာ ကျေးရွာအလိုက်၊ မြို့နယ်အလိုက်စသည့် အဖွဲ့အစည်းများစွာရှိကြောင်း သိရသည်။

    နွေဦးတော်လှန်ရေးကာလ စစ်ကိုင်းတိုင်းသည် အခြားတိုင်းများနှင့်ယှဉ်ပါက လက်နက်ကိုင်တော်လှန်ရေးကို အင်အားအများအပြားဖြင့် အောင်မြင်စွာ တိုက်နိုင်သည့် အနေအထားဖြစ်ကြောင်း၊ ပြည်သူ့ကာကွယ် ရေးတပ်ဖွဲ့များကလည်း လက်လုပ်သေနတ်များမှာ အဆင့်မြင့်မြင့်တီထွင်လာနိုင်ကြောင်း၊ စစ်ကောင်စီတပ်က လေကြောင်းဖြင့် တိုက်ခိုက်ခြင်း၊ ရိက္ခာပို့ခြင်း၊ မသာသယ်ခြင်း၊ လူပို့ခြင်းများ ပြုလုပ်နေရကြောင်း သိရသည်။

    ဓာတ်ပုံ: ယနေ့ ကျောင်းဖွင့်ရန် ပြင်ဆင်နေမှု ကးမြင်ကွင်း 

    Red News Agency

  • ကြားကာလ ဒေသန္တရအုပ်ချုပ်ရေး အမြန်ဆုံး ဖော်ဆောင်နိုင်ရေး အစည်းအဝေးပြုလုပ်

    ကြားကာလ ဒေသန္တရအုပ်ချုပ်ရေး အမြန်ဆုံး ဖော်ဆောင်နိုင်ရေး အစည်းအဝေးပြုလုပ်

    RNA_ဇန်နဝါရီ ၃ ရက်၊ ၂၀၂၂ ခုနှစ်။

    အမျိုးသားညီညွတ်ရေးအစိုးရ ( NUG) ကြားကာလ ဒေသန္တရ ပြည်သူ့အုပ်ချုပ်ရေးဖော်ဆောင်မှု အစည်း အဝေး (၁/၂၀၂၂) ကို ဇန်နဝါရီ ၂ ရက်‌နေ့က ပြုလုပ်ခဲ့ပြီး ခိုင်မာသည့် ကြားကာလဒေသန္တရအုပ်ချုပ်ရေးပုံစံတစ်ခုအမြန်ဆုံး ဖော်ဆောင်ရေး ဆွေးနွေးခဲ့ကြကြောင်း သိရသည်။

    ကြားကာလ ဒေသန္တရပြည်သူ့အုပ်ချုပ်ရေးသည်
    ပိုမိုအရေးပါလာပြီဖြစ်ပြီး တရားရေးဆိုင်ရာကိစ္စရပ်များ စီမံခန့်ခွဲမှု ကိစ္စများနှင့်ပတ်သက်၍ နေ့စဉ်ကြားသိနေရသည့်အတွက် အစိုးရအနေနှင့် ခိုင်မာတဲ့ ကြားကာလဒေသန္တရအုပ်ချုပ်ရေးပုံစံတစ်ခုအမြန်ဆုံး လိုအပ်နေပြီဖြစ်သည်ဟု အစည်းအဝေးတွင် ဒေသန္တရ ပြည်သူ့အုပ်ချုပ်ရေးဖော်ဆောင်မှု ဗဟိုကော်မတီဥက္ကဋ္ဌပြည်ထောင်စုဝန်ကြီးချုပ် မန်းဝင်းခိုင်သန်းက ပြောကြားခဲ့သည်။

    ဒေသန္တရပြည်သူ့အုပ်ချုပ်ရေးသည် တရားရေးနှင့် ချိတ်ဆက်လုပ်ရမည့် အလုပ်အများအပြား အများကြီးရှိနေခြင်းကြောင့်အချိတ် အဆက်မိမိ ဆက်လက်အကောင် အထည်ဖော်ရန်လိုအပ်ကြောင်း၊ ပြည်နယ်အတိုင်ပင်ခံကောင်စီများနှင့် တွေ့ဆုံရာတွင် ” လိုအပ်သည့် ကြိုတင်ပြင်ဆင်မှုတွေကို ပြင်ဆင်ပြီးမှသာ စနစ်တကျတွေ့ ဆုံစေချင်တယ်” ဟူ၍ ၎င်းက ပြောကြားထားသည်။

    (more…)

  • PDF တပ်ဖွဲ့ဝင်တွေ စစ်မြေပြင်မှာ တိုက်ပွဲဝင်နေသလို အသင့်အနေအထား PDF တပ်ရင်း အမြောက်အများရှိ

    PDF တပ်ဖွဲ့ဝင်တွေ စစ်မြေပြင်မှာ တိုက်ပွဲဝင်နေသလို အသင့်အနေအထား PDF တပ်ရင်း အမြောက်အများရှိ

    PDF တပ်ဖွဲ့ဝင်တွေ စစ်မြေပြင်မှာ တိုက်ပွဲဝင်နေသလို အသင့်အနေအထား PDF တပ်ရင်း အမြောက်အများရှိဟု NUG ကာကွယ်ရေးဝန်ကြီးပြော

    RNA_ဒီဇင်ဘာ ၂၆ ရက်၊ ၂၀၂၁ ခုနှစ်။

    အမျိုးသားညီညွတ်ရေးအစိုးရ ( NUG) ကာကွယ်ရေးဝန်ကြီးဌာန လက်အောက်ရှိ PDF တပ်ဖွဲ့ဝင်များ မဟာမိတ်များရဲဘော်များနှင့်အတူ စစ်မြေပြင်တိုက်ပွဲဝင်နေကြပြီး၊ တိုက်ပွဲဝင်ရန် အသင့်အနေအထား PDF တပ်ရင်းတပ်ဖွဲ့မြောက်များစွာ ရှိနေပြီဖြစ်ကြောင်း NUG ကာကွယ်ရေးဝန်ကြီး ဦးရည်မွန်က ‌ပြည်သူများကို အသိပေးထားသည်။

    NUG/MODဟာ ပြည်သူ့ခုခံတွန်းလှန်စစ်ကို အစီအစဥ်ရှိရှိ ဆင်နွှဲ​နေကြောင်း၊ ပြည်သူ့​တော်လှန်​ရေးတစ်စုံလုံး၏ Chain Of Command ဟာ NUG/MODနှင့် မဟာမိတ်များ ပူး​ပေါင်း​ဖော်​ဆောင်ထားသည့် ကွပ်ကဲမှုစနစ်ဖြစ်ပြီးတိုက်ပွဲ​တွေကို Chain Of Command​အောက်ကသွား​နေကြောင်း၊ အရပ်ဖက်ကွပ်ကဲမှုကို NUG/MODက တာဝန်ယူပြီး စစ်​ရေးဦး​ဆောင်မှုကို မဟာမိတ် စစ်​ရေးကျွမ်းကျင်သူများက တာဝန်ယူထားကြောင်း ဦးရည်မွန်က ဒီဇင်ဘာလ ၂၅ ရက်နေ့ညက ပြည်သူ့ခုခံတွန်းလှန်စစ် အစီအစဉ်များနှင့်ပတ်သက်ပြီး ရှင်းပြထားသည်။

    ဖဲကြိုးဖြူလှုပ်ရှားမှု ပါဝင်သည့် PDF များကို NUG/MOD- FB Page တွင် တွေ့ရစဉ်

    ” အခုဆိုရင် Regular PDF တပ်ရင်းများ ရာနဲ့ချီပြီး စနစ်ကျတဲ့ Chain Of Command ​အောက်မှာ ဖွဲ့စည်းထူ​ထောင်ပြီး ဖြစ်သလို လက်နက်တပ်ဆင်မှုကိုလည်း တစ်နိုင်ငံလုံးအတိုင်းအတာနဲ့ မျှမျှတတဖြစ်​အောင် စီမံ​ဆောင်ရွက်​နေပါတယ်။တချိန်တည်းမှာပဲ စစ်မဟာ ဗျူဟာအရ စစ်​ရေးစီမံချက်အရ ဦးစား​ပေးတပ်ဆင်ရတဲ့ ​ဒေသ​တွေ ရှိဆိုတာလည်း အစီရင်ခံလိုပါတယ်။ စစ်တိုက်တဲ့အခါ လက်နက်ဟာ မရှိမဖြစ် လိုအပ်​ပေမယ့် လက်နက်ရှိတိုင်း စစ်တိုက်လို့ ရတာ​တော့ မဟုတ်ပါဘူး။အမိန့်​ပေး ကွပ်ကဲမှုစနစ် Chain Of Commandတည်​ဆောက်မှု ၊မဟာမိတ်​တွေရဲ့ နားလည်ယုံကြည်မှုနဲ့ ပူးပေါင်း​ဆောက်ရွက်မှု၊​ထောက်ပို့နဲ့ ဆက်သွယ်​ရေးယန္တရား တည်​ဆောက်မှု၊ ဗျူဟာ​မြောက် ဟန်ချက်ညီ ​ဆောင်ရွက်နိုင်မှု​တွေဟာ အလွန်အ​ရေးကြီးပါတယ်” ဟု ဦးရည်မွန်က ပြောထားသည်။

    ဖဲကြိုးဖြူလှုပ်ရှားမှု ပါဝင်သည့် PDF များကို NUG/MOD- FB Page တွင် တွေ့ရစဉ်

    စစ်မြေပြင်က ပြည်သူ့ရဲဘော်များ ကျဆုံးသတင်း ကြားရတိုင်း NUG အပေါ် အားမလို အားမရဖြစ်သည့်အပေါ် နားလည်ကြောင်း၊ NUG ဘာလုပ်နေလဲဟု ပြစ်တင်​မမောင်းမဲတာ (အထူးသဖြင့် ဆိုရှယ်မီဒီယာမှာ)ကို အ​လေးအနက်ထားကြောင်း၊ စစ်မဟာဗျူဟာနှင့် စီမံချက်များဟာ စစ်​ရေးဆိုင်ရာ လျှို့ဝှက်ချက်များ ဖြစ်သည့်အတွက် အားလုံး အသိ​ပေး ရှင်းပြခြင်း မပြုနိုင်သည့်အ​ပေါ် နားလည်​ပေးဖို့ ​ဦးရည်မွန်က ပြည်သူများနှင့်အတူ ရဲ​ဘော်များ မိတ်​ဆွေများကို ပန်ကြားထားသည်။

    Red News Agency

  • DMO-PDF တပ်ရင်း (j) တပ်သားသစ် အခြေ​ခံစစ်သင်တန်း​ ပြီးဆုံး

    DMO-PDF တပ်ရင်း (j) တပ်သားသစ် အခြေ​ခံစစ်သင်တန်း​ ပြီးဆုံး

    RNA_ဒီဇင်ဘာ ၁၉ ရက်၊ ၂၀၂၁ ခုနှစ်။

    အမျိုးသားညီညွတ်​ရေးအစိုးရ လမ်းညွှန်မှု​အောက်ရှိ ပြည်သူ့ကာကွယ်​ရေးတပ်-ဒီး​မော့ဆို(DMO-PDF) တပ်ရင်း (j) တပ်သားသစ် အခြေ​ခံစစ်သင်တန်း​ကို ယနေ့တွင် အောင်မြင်စွာပြီးဆုံးကြောင်း ဓာတ်ပုံများနှင့်တကွ DMO-PDF ထုတ်ပြန်ထားသည်။

    Red News Agency

  • ပါတီနိုင်ငံရေးမှ လက်နက်ကိုင်တော်လှန်ရေးပါဝင်သူ NLD လူငယ်တဦး လေးကေ့ကော်မှာ တိုက်ပွဲကျ

    ပါတီနိုင်ငံရေးမှ လက်နက်ကိုင်တော်လှန်ရေးပါဝင်သူ NLD လူငယ်တဦး လေးကေ့ကော်မှာ တိုက်ပွဲကျ

    RNA_ဒီဇင်ဘာ ၁၉ ရက်၊ ၂၀၂၁ ခုနှစ်။

    စစ်တပ်အာဏာသိမ်းပြီး ပါတီနိုင်ငံရေးမှ လက်နက်ကိုင်တော်လှန်ရေးကူးပြောင်းပါဝင်လာသူ NLD ပါတီ ရန်ကုန်တိုင်း လူငယ် ကိုဗညား လေးကေ့ကော် တိုက်ပွဲမှာ သူရဲကောင်းပီသစွာ ကျဆုံးသွားခဲ့သည့်အတွက် ဒီဇင်ဘာလ ၁၈ ရက်နေ့က သင်္ဂြိုဟ် ပေးကြောင်း သိရသည်။

    KNLA၊PDF ပူးပေါင်းအဖွဲ့က စစ်ကောင်စီတပ်နှင့် ယခုရက်ပိုင်း တိုက်ပွဲဖြစ်ပွားရာအတွင်း စစ်ကောင်စီတပ် အကျအဆုံးများခဲ့ပြီး၊ စခန်းသိမ်းခံရမှုများရှိကြောင်း၊ KNLAနှင့် NUG ကာကွယ်ရေးဌာန လက်အောက် PDF က ကိုဗညားအပါဝင် ကျဆုံးခဲ့ရသူများကြောင်း သိရသည်။

    ကရင်ပြည်နယ် မြဝတီမြို့တောင်ဘက် (၁၀) ဝန်းကျင်က လေးကေ့ကော်ကို စစ်တပ်က စတင်ဝင်ရောက် ဖမ်းဆီးမှု‌တွေလုပ်ပြီး ပစ်ခတ်တိုက်ခိုက်ခဲ့ကြပြီး စစ်ကောင်စီတပ် အ‌သေအပျောက်များပြီး စခန်းချထားမှု ဆုတ်ခွါပေးခဲ့ရကြောင်း၊ မကြာမီ ကရင်ပြည်နယ်တွင် ယခုထရ်တိုက်ပွဲပိုမိုပြင်းထန်လာကြောင်း သိရသည်။

    Red News Agency

  • နွေဦးတော်လှန်ရေး နောက်တဆင့် တက်မည်ဖြစ်၍ စားနပ်ရိက္ခာ ဆေးဝါးများ စုဆောင်းထားကြရန် NUG အစိုးရအသိပေး

    နွေဦးတော်လှန်ရေး နောက်တဆင့် တက်မည်ဖြစ်၍ စားနပ်ရိက္ခာ ဆေးဝါးများ စုဆောင်းထားကြရန် NUG အစိုးရအသိပေး

    RNA_ဒီဇင်ဘာ ၁၆ရက်၊ ၂၀၂၁ ခုနှစ်။

    နွေဦးတော်လှန်ရေး နောက်တဆင့် တက်တော့မည်ဖြစ်၍ စားနပ်ရိက္ခာ ဆေးဝါးများ စုဆောင်းထားကြရန် အမျိုးသားညီညွှတ်ရေးအစိုးရ(NUG) ပညာရေးနှင့် ကျန်းမာရေးဝန်ကြီး ဒေါက်တာဇော်ဝေစိုးက အသိပေးပြောကြား လိုက်သည်။

    ပြည်သူမှာ ပြည်သူရှိနေသဖြင့် စားနပ်ရိက္ခာနှင့်ဆေးဝါးများ ဖြန့်ဖြူးပေးကြရန်နှင့် ဆေးကုမ္ပဏီ များ၊ ဆေးရုံ ဆေးခန်းများ၊ အလှူရှင်များ၊ ဆေးပညာရှင်များ၊ တော်လှန်ရေး ဆေးတပ်ဖွဲ့အတွက် လျှို့ဝှက် စွာပါဝင်ကြရန်၊ လျှို့ဝှက်စွာလှူဒါန်းကြရန် တိုက်တွန်းထားသည်။

    Red News Agency

  • လေးကေ့ကော်မှာ စစ်ကောင်စီတပ်တွေ ထင်ရာဝင်လုပ်နေသည့်အတွက် တိုက်ပွဲစဖြစ်

    လေးကေ့ကော်မှာ စစ်ကောင်စီတပ်တွေ ထင်ရာဝင်လုပ်နေသည့်အတွက် တိုက်ပွဲစဖြစ်

    RNA_ဒီဇင်ဘာ ၁၅ ရက်၊ ၂၀၂၁ ခုနှစ်။

    ကရင်ပြည်နယ် မြဝတီမြို့တောင်ဘက် (၁၀) ဝန်းကျင်က KNU တပ်မဟာ (၆) နယ်မြေ လေးကေ့ကော် စစ်ရှောင်အိမ်ယာတွင် ဒီဇင်ဘာလ ၁၄ ရက်နေ့ နံနက်ပိုင်းက စစ်ကောင်စီတပ်တွေ ဝင်ရောက်စီးနင်း ဖမ်းဆီးမှုတွေပြုလုပ်ခဲ့တာကြောင့် ယနေ့ တိုက်ပွဲစဖြစ်နေပြီဟု ဒေသခံများထံက သိရသည်။

    “စစ်ကောင်စီတပ်က တောင်ပါ်ကနေ အမြောက်နဲ့စထုတာပေါ့၊ ရွာထဲထုတာ တော့ မဟုတ် သေးဘူး၊ အနီးအနား တောထဲကို လှမ်းပစ်တာပါ့၊ KNLA နဲ့ PDF တွေကလဲ ပြန်ပစ်ကြတယ်ထင်တယ်၊ သေချာတာက တော့ လေး ကေ့ကော်ဝန်းကျင်မှာ ဒီနေ့တိုက်ပွဲစတာပဲ” ဟု လေး‌ကေ့ကော်အနီးအနားက ပြည်သူတဦးက ပြောသည်။

    ကရင်အမျိုးသားအစည်းအရုံး (KNU) ၏ ကရင်အမျိုးသားလွတ်မြောက်ရေးတပ်မတော် (KNLA)၊ ကရင်အမျိုးသားကာကွယ်ရေးတပ်တို့နှင့် စစ်ကောင်စီတပ်၏ စစ်ကြောင်းထိုးမှုကြောင့် KNU နယ်မြေအတွင်းမကြာခဏ တိုက်ပွဲဖြစ်ပွားမှုရှိကြောင်း သိရသည်။

    Red News Agency