RNA_ဇူလိုင်(၇)၊၂၀၂၄ ခုနှစ်။
၈၈ မျိုးဆက် ကျောင်းသားခေါင်းဆောင် ကိုဂျင်မီ၏ မိခင် ဒေါ်အမာညွန့် အသက် (၇၈) နှစ်သည် ဇူလိုင် (၆) ရက်နေ့က ကွယ်လွန်ခဲ့ပြီး ဇူလိုင် (၈) ရက်နေ့တွင် ထိုင်း-မြန်မာနယ်စပ် မြို့တမြို့၌ င်္သဂြိုလ်မည်ဖြစ်သည်။
RNA_ဖေဖော်ဝါရီ(၁၉)၊၂၀၂၃ ခုနှစ်။
၈၈ မျိုးဆက် ကိုဂျင်မီနှင့် မနီလာသိန်းတို့အမည်ဖြင့် တော်လှန်ရေးပြည်သူတဦးက ” Project ဝရဇိန်” အတွက် သိန်း (၈၀) ကျပ် ယနေ့ လှူဒါန်းသွားခဲ့ကြောင်း သိရသည်။
ရှာထူးဝေါ် နည်းပညာတပ်ဖွဲ့အတွက် အထူးစစ်ဆင်ရေး လုပ်ငန်းများတွင် အသုံးပြုရန် မြေပြင်စိုးမိုးမယ့် ဝေဟင်မိုးကြိုး ” Project ဝရဇိန်” ကမ်ပိန်း ပြုလုပ်နေကြောင်း၊ ယနေ့ စဖွင့်သည့်နေ့မှာကမ္ဘာအရပ်ရပ်မှ Fundraisers များနှင့် Donors များ၏ ပါဝင်လှူဒါန်းမှုမှာ USD10,000 ရရှိကြောင်း ဒို့ကမ်ပိန်းအဖွဲ့က အသိပေးထားသည်။
RNA_ဖေဖော်ဝါရီ(၁၃)၊၂၀၂၃ ခုနှစ်။
နွေဦးတော်လှန်ရေးတွင် ပြည်သူများအတွက် အသက်ပေးခဲ့သည့် အာဇာနည်သူရဲကောင်း ၈၈ မျိုးဆက် ကျောင်းသားခေါင်းဆောင် ကိုဂျင်မီ၏ ယနေ့ (ဖေဖော်ဝါရီ ၁၃ ရက်) ကျရောက်သည့်မွေးနေ့တွင် PDF တပ်ဖွဲ့များကို အလှူငွေများနှင့် အစားအသောက်များ လှူဒါန်းခဲ့သည်။
တောင်ပိုင်းတိုင်းစစ်ဒေသအတွင်းရှိ PDF တပ်ဖွဲ့များ၊ အညာဒေသရှိ 96 Soldiers -PDF (အညာဒေသတပ်ခွဲ) ရဲဘော်များအပါအဝင် တော်လှန်ရေးလြပ်နေသည့် လက်နက်ကိုင်ပြည်သူ့ကာကွယ်ရေး တပ်ဖွဲ့တချို့ကို ကိုဂျင်မီ၏ မိသားစုနှင့် ချစ်ခင်လေးစားရသည့် ရဲဘော်များက အလှူငွေနှင့် အစားအသောက်များ လှူဒါန်းခဲ့ကြသည်။
#RedNewsAgency
RNA_ဇူလိုင်၂၆၊၂၀၂၂ခုနှစ်။
စစ်အာဏာရှင်တို့၏ လူမဆန်သည့် ရက်စက်ယုတ်မာမှုကြောင့် နွေဦးတော်လှန်ရေးအတွင်း ကျဆုံးသွားခဲ့ရသည့် ဦးဂျင်မီ၊ ဦးဖြိုးဇေယျာသော်တို့အပါအဝင် သူရဲကောင်းများအတွက် ရည်ရွယ်ပြီး စစ်အာဏာရှင်ဆန့်ကျင်ရေး ယနေ့ နေ့လည်ပိုင်းက ထိုင်းနိုင်ငံ၊ ချင်းမိုင်မြို့ရှိ Thaphae ဂိတ်မှာ မြန်မာနိုင်ငံသားနှင့်ထိုင်းနိုင်ငံသားတို့ပူးပေါင်း ဆန္ဒပြခဲ့ကြသည်။
[embedyt] https://www.youtube.com/watch?v=C_QwMiUYrxM[/embedyt]
Red News Agency
အာဏာသိမ်းစစ်ကောင်စီက ဖမ်းဆီးထားပြီး သေဒဏ်အတည်ပြုထားသည့် ကိုဂျင်မီနှင့်ကိုဖြိုးဇေယျာ်သော်ပါအဝင် ၄ ဦးကို သေဒဏ်ကနေ လွတ်ငြိမ်းချမ်းသာခွင့်ပြုရမည်ဖြစ်သော်လည်း တကယ်စီရင်လိုက်ပါက မ မျှော်မှန်းနိုင်သည့် နစ်နာဆုံးရှုံးမှု၊ ပြင်းထန်ရက်စက်သည့် လက်တုန့်ပြန်မှုများ၊ ကမ္ဘာကြီးက လက်ခံမည်မဟုတ်ကြောင်း စသည်တို့ကို တရားလွှတ်တော်ရှေ့နေ ဦးကြီးမြင့်က ပြောထားသည်။
[embedyt] https://www.youtube.com/watch?v=U0m_YE6fZTo[/embedyt]
16/6/2022
၈၈ မျိုးဆက်ကျောင်းသားခေါင်းဆောင် ကိုဂျင်မီနှင့် NLDလွှတ်တော်ကိုယ်စားလှယ်ဟောင်း ကိုဖြိုးဇေယျာ သော်တို့အပေါ် အာဏာသိမ်းစစ်ကောင်းစီက သေဒဏ်ပေးထားပြီး ဇွန်လ ၁၆ ရက်နေ့ နံနက် ၄ နာရီတွင် အင်းစိန်အကျဉ်းထောင်အတွင်း ကြိုးမိန့်ပေးမည်ဟု Red News Agency သတင်းဌာန ဇွန်လ ၁၅ ရက်နေ့ ညပိုင်းက ဖော်ပြခဲ့သည့် သတင်းအတွက် သတင်းမှားဖြစ်နေသည််ဟု စာဖတ်ပရိတ်သတ်အများ ပြောဆိုနေမှု အပေါ် Red News Agency သတင်းဌာန အဖွဲ့သားများက ဝမ်းမြောက်ကြောင်း ထုတ်ပြန်အပ်ပါသည်။
Red News Agency သတင်းဌာနအနေဖြင့် ကိုဂျင်မီနှင့် ကိုဖြိုးဇေယျာ်သော်တို့ကို ကြိုးမိန့်ပေးမည်ဟု သတင်းရင်းမြစ်က ပေးပို့လာချိန်တွင် ဖော်ပြရန် သင့် မသင့် အချိန်ယူစဉ်းစားခဲ့ပါသည်။ ပေးပို့လာသည့် သတင်းရင်းမြစ်သည် ယခင်သတင်းပေါင်းများစွာ မှန်ကန်ခဲ့ပါသည်။ သတင်းဌာနအနေဖြင့် သတင်းရင်းမြစ်ကို ယုံကြည်မှု အပြည့်အဝရှိပါသည်။ ထို့ကြောင့် တစ်ကမ္ဘာလုံးက အကြမ်းဖက် စစ်ကောင်စီက သေဒဏ် အတည်ပြုထားသည့် ကိုဂျင်မီ၊ ကိုဖြိုးဇေယျာသော် အပါအဝင် လေးဦးကို သေဒဏ်ပယ်ဖျက်ရန် တောင်းဆို နေသည်ကတစ်ကြောင်း၊ မိသားစုများနှင့် တွေ့ခွင့်မရသလို ယနေ့ အချိန်ထိ မည်သည့်နေရာတွင် ထားရှိပြီး မည်သို့ကြုံတွေ့နေရသည်ကို မည်သူတစ်ဦးတစ်ယောက်မှ အတည်ပြုပြောကြားနိုင်ခြင်း မရှိသေးသည်က တစ်ကြောင်း၊ ဒီမိုကရေစီရေး လိုလားသည့် ပြည်သူများနှင့်အတူ Red News Agency သတင်းဌာန အဖွဲ့သားများကလည်း စိတ်ပူမိပြီး အများပြည်သူ သိသင့်သိထိုက်သည့် သတင်းဖြစ်သည်ဟု ယူဆကာ ဖော်ပြခဲ့ခြင်း ဖြစ်သည်။
RNA_ဇွန် ၁၅၊၂၀၂၂ခုနှစ်။
စစ်ကောင်စီက သေဒဏ်အတည်ပြုထားသည့် ၈၈ မျိူဆက် ကျောင်းသားခေါင်းဆောင် ကိုဂျင်မီနှင့် NLD လွှတ်တော်ကိုယ်သားလှယ်ဟောင်း ကိုဖြိုးဇေယျာသော်တို့ကို နံနက်ဖန် ( ဇွန်လ ၁၆ ရက်) နံနက် (၄) နာရီ အင်းစိန်အကျဉ်းထောင်တွင် ကြိုးပေးမည်ဟု သိရသည်။
” အခု ဝန်ထမ်းတွေကြားမှာပြောနေကြတယ် မနက်ဖန် မနက်အစောကြီး ၄ နာရီတဲ့။ ကြိုးပေးဖို့ စံသိန်းနဲ့ ဝင်းအောင်ရွေးချယ်ထားတယ်ပြောတယ်၊ ကျနော်သာလုပ်ခိုင်းရင် မလုပ်ပါဘူးဗျာ” ဟု အင်းစိန်အကျဉ်းထောက်နှင့် နီးစပ်သည့် ဌာနဆိုင်ရာ ဝန်ထမ်းတဦးက Red News Agency ကို ပြောသည်။
စစ်ကောင်စီက သေဒဏ်အတည်ပြုသည့်ကိစ္စ တကမ္ဘာလုံးက ကန့်ကွတ်နေကြောင်း၊ စစ်ကောင်စီ အကောင်အထည်ဖော်ပါက လက်တုန့်ပြန်သွားမည်ဟု လက်နက်ကိုင် တော်လှန်ရေး ဆင်နွှဲနေသည့် ပြည်သူ့ကာကွယ်ရေးနှင့် ပြောက်ကျား တပ်ဖွဲ့များက ထုတ်ပြန်ထားသည်။
Red News Agency
RNA_ဇွန် ၁၁၊၂၀၂၂ခုနှစ်။
ရန်ကုန်မြို့၊ အင်းစိန်အကျဉ်းထောင်တွင်းရှိ ကြိုးစင်ကို ယနေ့ နံနက်ပိုင်းက ဒေါက်ဖြုတ်စမ်းသပ်မှုတွေ ပြုလုပ်ခဲ့သည်ဟု အင်းစိန်အကျဉ်းထောင်နှင့် နီးစပ်သူ တဦးထံမှ သိရသည်။
” အခုမနက်မှာ အသံထွက်လာတာက သတ်ဖို့သေချာလောက်တယ်တဲ့၊ ကြိုးစင်ကို ဒေါက်တွေဘာတွေ ဖြုတ်တာလုပ်ပြီး ပြင်ဆင်နေကြပြီ ပြောတယ်” ဟု အင်းစိန်အကျဉ်းထောင်နှင့် နီးစပ်သူ တဦးက Red News Agency သို့ ပြောသည်။
၈၈ မျိုးဆက် ကျောင်းသားခေါင်းဆောင် ကိုဂျင်မီ၊ NLD လွှတ်တော်ကိုယ်စားလှယ်ဟောင်း ကိုဖြိုးဇေယျာသော်၊ ကိုလှမျိုးအောင်၊ ကိုသူရဇော်တို့ကို သေဒဏ်အတည်ပြုထားကြောင်း စစ်ကောင်စီပြန်ကြားရေး ဇော်မင်းထွန်းက ပြောကြားထားသည်။
ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်၊ ကိုအောင်သူရဇော်တို့ကို သေဒဏ်အတည်ပြုခြင်း ကိစ္စနှင့် ပတ်သက်ပြီး နိုင်ငံတကာအသိုင်းအဝိုင်းနှင့် အရပ်ဖက်အဖွဲ့အစည်းများစသည်တို့က စစ်ကောင်စီလုပ်ရပ်ကို လက်မခံနိုင်ကြောင်း ကြေညာချက်အသီးသီး ထုတ်ပြန်ထားကြသည်။
RedNewsAgency