Red News Agency

Tag: ကနီမြို့နယ်

  • လက်နက်ခဲယမ်း လိုအပ်ချက်ကြောင့် ယင်းမာပင်ခရိုင်အတွင်း မြို့သိမ်းတိုက်ပွဲဆင်နွှဲရန် မလွယ်ကူသေးဟုပြောကြား

    လက်နက်ခဲယမ်း လိုအပ်ချက်ကြောင့် ယင်းမာပင်ခရိုင်အတွင်း မြို့သိမ်းတိုက်ပွဲဆင်နွှဲရန် မလွယ်ကူသေးဟုပြောကြား

    RNA_မေ(၂၂)၊၂၀၂၄ ခုနှစ်။
     
    စစ်ကိုင်းတိုင်း၊ ယင်းမာပင်ခရိုင်းအတွင်းရှိ ကနီမြို့၊ ယင်းမာပင်မြို့၊ ဆားလင်းကြီးမြို့များကို မြို့သိမ်းတိုက်ပွဲဆင်နွှဲရန် လူအင်အားရှိသော်လည်း လက်နက်ခဲယမ်း လုံလောက်မှု မရှိသည့်အတွက် မြို့သိမ်းတိုက်ပွဲများ ဆင်နွှဲရန် မလွယ်ကူသေးကြောင်း ကျားသစ်နက်တပ်မတော် – Black Leopard Army တာဝန်ခံ ကိုဥက္ကာက ပြောကြားထားသည်။
     
    ယင်းမာပင်မြို့အတွင်းရှိ စစ်ကောင်စီလက်အောက်ခံများ အထိုင်ချနေသည့် စုပေါင်းရုံးနှင့် ရဲစခန်းတို့ကို မေလ ၂၀ ရက်နေ့ နံနက် ၄ နာရီ ၃၀ မိနစ်ခန့်က အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန ယင်းမာပင်ခရိုင်တပ်ရင်း (၁၁) ကျားသစ်နက်တပ်မတော် Black Leopard Army၊ ချင်းတွင်းဒိုင်းနပိုက်၊ တောင်ပံနီ၊ Brother Defense Force၊ ဒေါင်းမင်း တပ်ခွဲ (၂) စသည့် ပူးပေါင်းတပ်ဖွဲ့က စစ်ကြောင်း ၂ ကြောင်းခွဲကာ လက်နက်ကြီး၊ လက်နက်ငယ်များဖြင့် နှစ်ဖက်အပြန်အလှန် ပစ်ခတ်တိုက်ခိုက်ခဲ့ကြကြေင်း သိရသည်။

    (more…)

  • MRDA နှင့် မဟာမိတ်များပူးပေါင်းသည့် တိုက်ပွဲတွင် စကစဘက်မှ (၂၅) ဦးခန့် ကျဆုံး

    MRDA နှင့် မဟာမိတ်များပူးပေါင်းသည့် တိုက်ပွဲတွင် စကစဘက်မှ (၂၅) ဦးခန့် ကျဆုံး

    RNA_ဩဂုတ်(၁၂)၊၂၀၂၃ ခုနှစ်။

    စစ်ကိုင်းတိုင်း၊ ယင်းမာပင်မြို့နယ်အရှေ့ခြမ်း၊ ပန်းတိမ်ညင်စေသူသံပိုသစ်ကွင်း၌ သစ်များသယ်ယူရန် အင်အားအများပြားဖြင့် ချီတက်လာသည့် စစ်ကောင်စီတပ် စစ်ကြောင်းနှင့် မြန်မာ့တော်ဝင်နဂါးတပ်တော် -MRDA နှင့် မဟာမိတ်များ၏ တိုက်ခိုက်မှုကြောင့် စစ်ကောင်စီတပ်မှ ၂၅ ဦးခန့် ကျဆုံးခဲ့ကြောင်း MRDA တပ်ရင်း ၆ တပ်ခွဲ ၁ ထံမှ သိရသည်။

    [embedyt] https://www.youtube.com/watch?v=ApCchuUCBN8[/embedyt]

    ယင်းမာပင်မြို့နယ်နှင့် ကနီမြို့နယ်ကြားရှိ ပန်းတိမ်ညင်စေသူသံပိုသစ်ကွင်းသို့ သံခွန်များဖြင့် ချင်းတွင်းမြစ်ကြောင်းမှ တဆင့်ဝင်ရောက်လာသည့် စစ်ကောင်စီတပ် စစ်ကြောင်းကို ဩဂုတ်လ (၆) ရက်နေ့ နေ့လည် ၁ နာရီ ၄၀ မိနစ်ဝန်းကျင်က MRDA တပ်ရင်း ၆၊ တပ်ခွဲ ၁ နှင့် မုံရွာ ခရိုင် တပ်ရင်း ၄ တပ်ခွဲ ၃၊ Monywa Night King၊ Union Liberation Front-UFL ရဲဘော်များ ပူးပေါင်းကာ တိုက်ခိုက်ခဲ့ကြောင်း၊ တိုက်ပွဲအတွင်း စစ်ကောင်စီတပ် တပ်စွဲထားသည့် ရွှေတောင်ဦးကုန်း၊ ကျောက်စစ်ပုံအမြောက်တပ်မှ လက်နက်ကြီးကြောင့် PDF ရဲဘော် (၃) ဦး ကျဆုံးကာ (၅) ဦး ဒဏ်ရာရရှိခဲ့ကြောင်း သိရသည်။

    (more…)

  • တိုက်ပွဲအတွင်း ကျဆုံးသွားသော တပ်ခွဲမှူးဈာပန ပြည်သူအများအပြား ပို့ဆောင် 

    တိုက်ပွဲအတွင်း ကျဆုံးသွားသော တပ်ခွဲမှူးဈာပန ပြည်သူအများအပြား ပို့ဆောင် 

    RNA_ဩဂုတ်(၁၁)၊၂၀၂၃ ခုနှစ်။

    စစ်ကိုင်းတိုင်းအတွင်း စစ်ကောင်စီလက်အောက်ခံများနှင့် ဩဂုတ်လ ၁၀ ရက်နေ့ တိုက်ပွဲအတွင်း ကျဆုံးသွားခဲ့ရသည့် အမှတ်(၁)စစ်ဒေသ၊ ယင်းမာပင်ခရိုင်၊ ပြည်သူ့ကာကွယ်ရေးတပ်မတော် အမှတ်(၂၁)တပ်ရင်း – ကျောက်လုံးကြီး တပ်မဟာ) မှ တပ်ခွဲမှူးနိုင်ဝင်းဈာပန ယနေ့ ပြုလုပ်ခဲ့ ပြည်သူ အများအပြားနှင့် PDF များပို့ဆောင်ခဲ့သည်။

    [embedyt] https://www.youtube.com/watch?v=SqJs0yW6TcI[/embedyt]

    “စစ်အာဏာရှင်စနစ် ဆန့်ကျင်တိုက်ဖျက်ရေးနှင့် ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးအတွက် ရွပ်ရွပ်ချွံချွံ တိုက်ပွဲဝင်ရင်း 2023ခုနှစ် ဩဂုတ်လ 10ရက်နေ့က မြင့်မြတ်စွာကျဆုံးခဲ့သည်။ ပေးအပ်သော တာဝန်များကို ကျေပွန်စွာ ထမ်းဆောင်ရင်း မိမိအသက်ကို ပေးလှူသွားခဲ့သော သင့်အား ပြည်သူ့ကာကွယ်ရေးတပ်မတော်မှ ဦးညွှတ်ဂုဏ်ပြုလိုက်ပါသည်” ဟု ကျောက်လုံးကြီး KLG တပ်မဟာ၏ အမိန့်ပြန်တမ်းတွင် ဖော်ပြထားသည်။

    (more…)

  • ချောင်းမရွာအနီး အမျိုးသား (၅) ဦးကို စစ်ကောင်စီတပ်သားများက သတ်ဖြတ်

    ချောင်းမရွာအနီး အမျိုးသား (၅) ဦးကို စစ်ကောင်စီတပ်သားများက သတ်ဖြတ်

    RNA_ဩဂုတ်၂၇၊၂၀၂၂ခုနှစ်။

    စစ်ကိုင်းတိုင်း၊ ကနီမြို့နယ်၊ ချောင်းမရွာကို စစ်ကောင်စီတပ်သားများ ဩဂုတ်၂၆ ရက်နေ့က ဝင်ရောက် စီးနင်းကာ ဒေသခံ အမျိုးသား (၅) ဦးကို သတ်ဖြတ်သွားကြောင်း သိရသည်။

    (more…)

  • ကနီအခြေစိုက် Kani Guerrilla Force အဖွဲ့မှ တာဝေးပစ်လက်နက်ကြီး ထုတ်လုပ်အောင်မြင်

    ကနီအခြေစိုက် Kani Guerrilla Force အဖွဲ့မှ တာဝေးပစ်လက်နက်ကြီး ထုတ်လုပ်အောင်မြင်

    RNA_ဇူလိုင်၁၂၊၂၀၂၂ခုနှစ်။

    စစ်ကိုင်းတိုင်း၊ ကနီမြို့နယ်အခြေစိုက် စစ်ကောင်စီတပ်ကို တိုက်ခိုက်နေသည့် ပြည့်သူ့ကာကွယ်ရေး တပ်ဖွဲ့တခုဖြစ်သည့် Kani Guerrilla Force (KGF) အဖွဲ့ရဲ‌ဘော်များ၏ တီထွင်ကြံဆမှုကြောင့် တာဝေးပစ် လက်နက်ကြီး ထုတ်လုပ်အောင်မြင်ပြီဟု ယနေ့ ပြည်သူများကို အသိပေးထားသည်။

    [embedyt] https://www.youtube.com/watch?v=c0ch–5w5Qc[/embedyt]

    ဒေသခံ ပြည်သူ့ကာကွယ်ရေးတပ်ဖွဲ့များသည် လက်နက်လုံလောက်မှု မရှိသည့်အတွက် လက်လုပ်မိုင်းများ၊ လက်လုပ်သေနတ်များ၊ လက်လုပ် လက်နက်ကြီးများ ထုတ်လုပ်ကာ စစ်ကောင်စီတပ်ကို တိုက်ခိုက်နေကြရကြောင်း၊ အလှူရှင်များ၏ ငွေများဖြင့် လက်နက်ထုတ်လုပ်နေကြသူများရှိကြောင်း သိရသည်။

    အမျိုးသား ညီညွတ်ရေး အစိုးရ -NUG ကာကွယ်ရေး ဝန်ကြီးဌာနအနေဖြင့် ၂၀၂၂ ခုနှစ်မေလအထိ နေရာအသီးသီးမှ ရှာဖွေရရှိသည့် အလှူငွေ အမေရိကန်ဒေါ်လာ (၄၄) သန်းကျော် ခွဲဝေသုံးစွဲမှုရာ လက်နက်ထုတ်လုပ်မှုတွင် ၂၂.၄၉ ရာခိုင်နှုန်း အသုံးပြုထားကြောင်း သိရသည်။

    Red News Agency

  • KIA စစ်သင်တန်းဆင်းများဖြင့် ကနီတပ်မတော် (Kani Army – KNA) ဖွဲ့စည်း 

    KIA စစ်သင်တန်းဆင်းများဖြင့် ကနီတပ်မတော် (Kani Army – KNA) ဖွဲ့စည်း 

    RNA_ဖေဖော်ဝါရီ ၁၃ ရက်၊ ၂၀၂၂ ခုနှစ်။

    ကချင်လွတ်လပ်ရေး တပ်မတော် ( KIA) ထံမှ စစ်ပညာသင်တန်း တက်ရောက်ခဲ့သူများပါဝင်သည့် ကနီတပ်မတော် (Kani Army – KNA) ကို ဖွဲ့စည်းလိုက်ကြောင်း ယနေ့ ကြေညာထားသည်။

    KNA (Kani Army) အဖွဲ့စတင်ဖွဲ့စည်းလိုက်ပြီဖြစ်ကြောင်း ၊ KIA ထံမှ စစ်ပညာသင်တန်းများတက်ရောက်ခဲ့ပြီး စစ်ကိုင်းတိုင်း၊ ကနီမြို့နယ်အတွင်းအခြေခံစစ်ပညာ ဆင့်ပွားသင်တန်း အပတ်စဥ်၁ မှ အပတ်စဥ် ၅ အထိ (KLG) ကျောက်လုံးကြီး အဖွဲ့နှင့်အတူ စစ်ပညာများသင်ကြား ပို့ချပေးခဲ့ကြောင်း KNA (Kani Army) က ယနေ့ ထုတ်ပြန်ကြေညာထားသည်။

    ဒေသတွင်းအခြားမိတ်ဖတ်အဖွဲ့အစည်းများနှင့်အတူလက်တွဲ၍ စစ်အာဏာရှင်စနစ်ကျရူံးသည့်အထိ ပြည်သူ့ရှေ့မှ မားမားမက်မက်ရပ်တည်ပြီး ပြည်သူ့အသက်အိုးအိမ်စည်းစိမ်ကို ကာကွယ်စောက်ရှောက်ရန် KNA (Kani Army) အဖွဲ့ကို စတင်တည်ထောင်လိုက်ပါသည်ဟု သိရသည်။

    Red News Agency

  • PDF ပူးပေါင်းအဖွဲ့က ကနီမြို့ ရဲစခန်းကို ဒရုန်းဖြင့် နှစ်ကြိမ်ဗုံးကျဲတိုက်ခိုက် 

    PDF ပူးပေါင်းအဖွဲ့က ကနီမြို့ ရဲစခန်းကို ဒရုန်းဖြင့် နှစ်ကြိမ်ဗုံးကျဲတိုက်ခိုက် 

    RNA_ဖေဖော်ဝါရီ ၃ ရက်၊ ၂၀၂၂ ခုနှစ်။

    စစ်ကိုင်းတိုင်း၊ ကနီမြို့ ရဲစခန်းကို ယနေ့ ညနေ ၄ နာရီဝန်းကျင်က Kani People’s Defense Force- KLG နှင့် မဟာမိတ်တပ်ပေါင်းစုများ ပူးပေါင်းပြီး ဒရုန်းအသုံးပြုပြီး နှစ်ကြိမ်ဗုံးခွဲတိုက်ခိုက်ခဲ့ကြောင်း KLG PDF က ထုတ်ပြန်ထားသည်။

    Red News Agency

  • စစ်ကောင်စီတပ်က ဖမ်းဆီးသွားသည့် ပြည်သူ ၇ ဦးတွင် ၂ ဦးသေ၊ ၄ ဦးပျောက်နေပြီး ၁ ဦးသာလွှတ်မြောက်

    စစ်ကောင်စီတပ်က ဖမ်းဆီးသွားသည့် ပြည်သူ ၇ ဦးတွင် ၂ ဦးသေ၊ ၄ ဦးပျောက်နေပြီး ၁ ဦးသာလွှတ်မြောက်

    RNA_ဖေဖော်ဝါရီ ၁ ရက်၊ ၂၀၂၂ ခုနှစ်။

    စစ်ကိုင်းတိုင်း၊ ကနီမြို့နယ်၊ ကင်းကျေးရွာမှ ပြည်သူ (၇) ဦးကို စစ်ကောင်စီတပ် စစ်ကြောင်းက ဖမ်းဆီးခဲ့ရာတွင် ၂ ဦးသေဆုံးပြီး ၄ ဦးပျောက်ဆုံးနေကာ ၁ ဦးသာ လွတ်မြောက်ခဲ့ကြောင်း သိရသည်။

    ချင်းတွင်းမြစ်ကြောင်းတိုင်း ဆန်တက်လာသည့် စစ်ကောင်စီတပ်ရေယာဉ်အုပ်စုမှ စစ်ကြောင်းသည် ဇန်နဝါရီလ ၂၉ ရက်နေ့က ကင်းကျေးရွာရောက်ရှိပြီး ပြည်သူ (၇) ဦးကို ဖမ်းဆီးခဲ့ကြောင်း၊ အသက် ၃၆ နှစ်အရွယ် အမျိုးသားသည် ညှပ်ရိုးနှစ်ဖက်အောက် ထိုးသွင်းမွှေဓားဒဏ်ရာ၊ ကြောထိုးသွင်းမွှေဓားဒဏ်ရာဖြင့် ၁ ဦးသာ ထွက်ပြေးလွတ်မြောက်လာသည်ဟု ကနီ ပြည်သူ့ကာကွယ်ရေးတပ်ဖွဲ့က ‌ယနေ့ထုတ်ပြန်ထားသည်။

    အသက် ၅၈ နှစ်အရွယ်အမျိုးသား လည်ပင်း၊ ဘယ်ဘက်ရင်အုံ ဓားထိုးသွင်းမွှေဒဏ်ရာ ၊ နဖူးမျက်ခုံးပြတ်ရှဒဏ်ရာဖြင့်သေဆုံးနေပြီး၊ အသက် ၂၅ နှစ်အရွယ် အမျိုးသားမှာလည်း လည်ပင်း ဓားဒဏ်ရာဖြင့်သေဆုံးနေကြောင်း၊ အသက် ၅၃ နှစ်၊ အသက် ၃၈ နှစ်၊ အသက် ၃၅ နှစ်အရွယ် အမျိုးသား ၃ ဦးနှင့် အသက် ၃၇ နှစ်အရွယ် အမျိုးသမီး ယခုတိုင် ပျောက်နေဖြစ်ကြောင်း ထုတ်ပြန်ချက်တွင် ဖော်ပြထားသည်။

    ကင်းကျေးရွာမှ ပြည်သူ သေဆုံးနှင့် ပျောက်ဆုံး (၆) ယောက်အပြင် စစ်ကောင်စီစစ်ကြောင်းရောက်ရှိစဉ် ထွက်ပြေးတိမ်းရှောင်နေရပြီး စစ်ကြောင်းထွက်သွားမှ အိမ်ပြန်လာသည့် ကလေးသုံးယောက်၏ မိခင်တစ်ဦးမှာလည်း စစ်ကောင်စီတပ်က မီးဖိုချောင် ကြောင်အိမ်အတွင်း မိုင်းထောင်ထားရာမှ ပေါက်ကွဲပြီး ယနေ့ နံနက်က သေဆုံးသွားကြောင်း သိရသည်။

    Red News Agency

  • ချင်းတွင်းတိုက်ပွဲက ပြန်လာသည့် ရဲဘော်များကို ဒေသခံပြည်သူများ ဆိုကြို

    ချင်းတွင်းတိုက်ပွဲက ပြန်လာသည့် ရဲဘော်များကို ဒေသခံပြည်သူများ ဆိုကြို

    RNA_ဇန်နဝါရီ ၂၇ ရက်၊ ၂၀၂၂ ခုနှစ်။

    စစ်ကိုင်းတိုင်စ၊ ကနီမြို့နယ်၊ ချင်းတွင်းမြစ်အတွင်း ဆန်တက်လာသည့် စစ်ကောင်စီရေယာဉ်အုပ်ကို တိုက်ခိုက်ပြန်လာသည့် ဒေသခံ ပြည်သူ့ကာကွယ်ရေး တပ်ဖွဲ့မှ ရဲ‌ဘော်များကို ဒေသခံပြည်သူများက ယနေ့ ညပိုင်းတွင်း ကြိုဆိုခဲ့ကြကြောင်း သိရသည်။

    ဓာတ်ပုံ: ပြည့်အောင်နိုင်(ကနီ)

    တိုက်ပွဲပြန်ရဲဘော်များကို ပန်းများနှင့် အရေးတော်ပုံ အောင်ရမည်ဟု ကြွေးကြော်သံများဖြင့် ကြိုဆိုပြီး၊ စစ်အာဏာရှင်ဆန့်ကျင်ရေး ညသပိတ်ပါ ပြုလုပ်ခဲ့ကြကြောင်း ဒေသခံများထံက သိရသည်။

    ဓာတ်ပုံ: ပြည့်အောင်နိုင်(ကနီ)

    ကနီမြို့နယ် ဘုမ္မဇင်းအရှေ့ရွာနှင့် ထောက်ကြံ့ကုန်းရွာအနီးမှ ချင်းတွင်းမြစ်ကြောင်းအတိုင်း ဆန်တတ်လာသည့် စစ်ရေယာဥ်အုပ်စုကို ကနီမြို့နယ် PDF တပ်ရင်း (၁)၊ မဟူရာနဂါးတပ်ရင်း၊မဟူရာကျားရိုင်းတပ်ဖွဲ့ ၊ M&K The Boys ၊ KLG Kani PDF၊ ရွှေတွိဂံတပ်ရင်း ၊KPDF (1) ၊ B 21 Kani PDF ၊KGF ပျောက်ကြားတပ်ဖွဲ့ ၊ ChinDwin Dragon ၊ DRPA CDDF ၊ မြွေပိုင်းတောင် PDFအဖွဲ့များ ၊ မဟာမိတ်ညီနောင် တော်လှန်ရေးတပ်များနှင့် ကနီမြို့နယ် ဒေသခံ ပ.က.ဖ အဖွဲ့များ စုပေါင်းပြီး ချင်းတွင်းမြစ်ကမ်း​ဘေး သုံးနေရာက တိုက်ခိုက်ရာ စစ်ကောင်စီတပ်က (၁၅) ယောက်ခန့် သေဆုံးနိုင်ကြောင်း ကနီ PDF က ထုတ်ပြန်ထားသည်။

    ဓာတ်ပုံ: ပြည့်အောင်နိုင်(ကနီ)
    ဓာတ်ပုံ: ပြည့်အောင်နိုင်(ကနီ)
    ဓာတ်ပုံ: ပြည့်အောင်နိုင်(ကနီ)

    Red News Agency

  • ကနီမြို့နယ်က ချင်းတွင်းပြည်သူ့ကာကွယ်ရေးတပ်ဖွဲ့

    ကနီမြို့နယ်က ချင်းတွင်းပြည်သူ့ကာကွယ်ရေးတပ်ဖွဲ့

    RNA_ဇန်နဝါရီ ၁၁ ရက်၊ ၂၀၂၂ ခုနှစ်။

    စစ်ကိုင်းတိုင်း၊ ကနီမြို့နယ်တွင် အာဏာသိမ်း စစ်ကောင်စီတပ်ကို ခုခံတိုက်ခိုက်နေသည့် တပ်ဖွဲ့များတွင် ချင်းတွင်း ပြည်သူ့ကာကွယ်ရေးတပ် Chindwin People’s Defence Force (CDDF) ပါဝင်နေပြီး၊ ၂၀၂၁ ခုနှစ် ဇူလိုင်လကတည်းက ဖွဲ့စည်းထားခြင်းဖြစ်ကြောင်း ကနီ PDF က ဓာတ်ပုံများနှင့်တကွ လှုပ်ရှားမှုများကို အသိပေးလာသည်။