Red News Agency

Tag: PDF

  • လွတ်မြောက်နယ်မြေမှာ ခြေကုပ်မယူ၊ လွတ်မြောက်နယ်မြေဖြစ်အောင် ကြိုးစားနေတဲ့ အညာသားတွေ

    လွတ်မြောက်နယ်မြေမှာ ခြေကုပ်မယူ၊ လွတ်မြောက်နယ်မြေဖြစ်အောင် ကြိုးစားနေတဲ့ အညာသားတွေ

    “LDF တွေဆိုတာ မနေ့ကထက် ဒီနေ့ပိုကောင်းအောင် လုပ်နေတဲ့ကောင်တွေဆိုတော့ စစ်ရေးအတွေ့အကြုံတွေ လက်နက်တီထွင်တာတွေ ပိုကောင်းလာတာတော့ အမှန်ပဲ။ ဒီကောင်တွေက လွတ်မြောက်နယ်မြေမှာ ခြေကုပ်မယူပဲ သူတို့နယ်မြေကိုပဲ လွတ်မြောက်နယ်မြေဖြစ်အောင် ကြိုးစားနေကြတာ။ စစ်ကိုင်းတိုင်းရဲ့ ဒေသတော်တော်များများက လွတ်မြောက်နယ်မြေမဟုတ်ပေမယ့် လွပ်လပ်နယ်မြေအဆင့် ရောက်ကုန်ပြီ”

    တော်တော်ကြာခဲ့ပြီ …..ကနီနယ်ထဲမှာ လက်နက်စမ်းသပ်ရင်း မတော်တဆဖြစ်ပြီး လူငယ်လေး ၂ ယောက် ကျဆုံးသွားခဲ့တယ်။ အဲဒီအကြောင်း သတင်းကြားပေမယ့် ထုတ်မရေးဖြစ်ခဲ့ဘူး။ အဲဒီတုန်းကတော့ လုံခြုံရေးအခြေအနေအရပေါ့။ ပြောရရင် ဆိုရှယ်မီဒီယာပေါ်မှာ တက်မလာပဲ ကိုယ့်ဒေသအလိုက် ကိုယ်လုပ်စရာရှိတာ လုပ်နေတဲ့ တပ်ဖွဲ့တွေအများကြီးပဲ။ တပ်ဖွဲ့ဆိုတာက ကျေးရွာတခုချင်းဖြစ်ဖြစ် ကျေးရွာအုပ်စုလိုက်ပဲဖြစ်ဖြစ် စစ်သင်တန်းတွေတက် စုဖွဲ့ထားတဲ့ တပ်ဖွဲ့တွေကိုပြောတာ။ နာမည်တောင် တပ်မထားကြဘူး။

    ဆိုရှယ်မီဒီယာပေါ်ဘာကြောင့်တက်မလာတာလဲဆိုတော့ အရှင်းဆုံးပြောရရင် မတင်တာ။ ဖုန်းပွတ်သမားနည်းတာ၊ ဖုန်းဘေအကုန်မခံနိုင်တာနဲ့ လိုင်းမကောင်းတာတွေလည်း ပါတာပေါ့။ နောက်တခုကဘာလဲဆိုတော့ ဟိတ်ဟန်ထုတ်စရာ စတိုင်မရှိတာပဲ။ တကယ်တမ်း LDF တွေကြည့်လိုက်ရင် အလန်းစားမောင်းပြန်ရိုင်ဖယ်ကြီးတွေမကိုင်နိုင်ဘူး။

    (more…)

  • ကျဆုံးခဲ့ရသည့် PDF သူရဲကောင်း ကိုဝေလင်း အလောင်း ပြန်တွေ့

    ကျဆုံးခဲ့ရသည့် PDF သူရဲကောင်း ကိုဝေလင်း အလောင်း ပြန်တွေ့

    RNA_ဒီဇင်ဘာ ၂၇ ရက်၊ ၂၀၂၁ ခုနှစ်။

    စစ်ကောင်စီတပ်သားများ စခန်းအနီး တက်လာစဉ် ရဲဘော်‌များကို ဆုတ်ခိုင်းပြီး ကတုတ်ကျင်းထဲကနေ ခံပစ်နေရာမှ ကျဆုံးခဲ့ရသည့် PDF သူရဲကောင်း ကိုဝေလင်း အလောင်း ယနေ့ တွေ့ရှိပြီ ဖြစ်ကြောင်း သိရသည်။

    ဧရာဝတီတိုင်းက PDF သူရဲကောင်း ကိုဝေလင်းသည် ဒီဇင်ဘာလ ၂၅ ရက်နေ့က ကရဂ်ပြည်နယ်၊ မြမတီမြို့နယ်၊ ထီးမယ်ဝါးခီးကျေးရွာအနီး တိုက်ပွဲမှာ ကျဆုံးခဲ့ရခြင်း ဖြစ်ပြီး၊ ယင်းနေ့ တိုက်ပွဲအတွင်း သတင်းစာဆရာ တဦးအပါအဝင် PDF တချို့ စစ်ကောင်စီတပ်၏ လေကြောင်း ပစ်ခတ်မှု၊ လက်နက်ကြီး ပစ်ခတ်မှု စသည်တို့ကြောင့် ကျဆုံးခဲ့ရပြီး၊ ဖမ်းဆီးခံခဲ့ရသူများ ရှိကြောင်း သိရသည်။

    ” ကိုဝေလင်း ကျတာက ပြီးခဲ့တဲ့ရက်ကပါ အလောင်းက ဒီနေ့မှတွေ့တာပါ။ သူ့နောက်ဆုံး ရိုက်ခဲ့တဲ့ ဓာတ်ပုံတော့ရှိတယ် ပေးလို့ရတယ်။ သူက အဲဒီပုံကို ပန်းချီဆွဲစေချင်ခဲ့တာ၊ ရဲဘော်တွေကို ကာကွယ်ရင်း ကျသွားရတာ ကျနော်တြိ့မှာ လက်နက်မရှိဘူး၊ ရှိတာလေးနဲ့ ခံပစ်ရင် ကျခဲ့ရတာ” ဟု ကိုဝေလင်း၏ သူငယ်ချင်း ဖြစ်သူ တဦးက ပြောသည်။

    ကိုဝေလင်း ပန်းချီအဖြစ် ဆွဲစေချင်ခဲ့သည့် နောက်ဆုံးဓာတ်ပုံ

    စစ်ကောင်စီတပ်က လေကြောင်းပစ်ခတ်မှု၊လက်နက်ကြီး ပစ်ခတ်မှုများ၊ အင်အားအများအပြား ထိုးစစ်ဆင်မှုတို့ကြောင့် KNLA နှင့် PDF တို့ ပူးပေါင်းတိုက်ပွဲပြင်းထန်ခဲ့ပြီး၊ စစ်ကောင်စီဘက်ကလည်း အသေ အပျောက်များကြောင်း၊ မယ်ဝါးခီး ဒေသခံပြည်သူများထွက်ပြေးတိမ်းရှောင်နေကြရသည်။

    Red News Agency

  • နွေဦးတော်လှန်ရေးကာလ ကရင်နီပြည်မှာ ၁၈၇ ဦး ကျဆုံးခဲ့ရ

    နွေဦးတော်လှန်ရေးကာလ ကရင်နီပြည်မှာ ၁၈၇ ဦး ကျဆုံးခဲ့ရ

    RNA_ဒီဇင်ဘာ ၂၈ ရက်၊ ၂၀၂၁ ခုနှစ်။

    မင်းအောင်လှိုင်ဦးဆောင်သည့် စစ်တပ်အာဏာသိမ်းသည့် ၂၀၂၁ ခုနှစ် ဖေဖော်ဝါရီလ ၁ ရက်နေ့မှ ဒီဇင်ဘာလ ၂၆ ရက်နေ့အထိ ကရင်နီ (ကယား) ပြည်မှာ KNDF/PDF ပြည်သူ စုစုပေါင်း (၁၈၇) ဦး ကျဆုံးခဲ့ရကြောင်း တိုးတက်သော ကရင်နီ ပြည်သူ့အင်အားစုက ထုတ်ပြန်ထားသည်။

    ဓာတ်ပုံ: နိုဝင်ဘာလ ၂၅ ရက်နေ့က ကျဆုံးခဲ့သည့် KNDF ရဲဘော် (၄) ဦး ဈာပန မြင်ကွင်း CJ ။

    စစ်ကောင်စီ၏ ဖမ်းဆီး ပစ်ခတ် ညှင်းပန်း သတ်ဖြတ်မှုစသည်တို့ကြောင့် နွေဦးတောင်လှန်ရေးလာက ကရင်နီပြည် သပိတ်တိုက်ပွဲတွင် (၂) ဦး၊ စစ်ဘေးရှောင်စဉ် ( ၁၁) ဦး၊ အရပ်သားပြည်သူ ( ၁၃၃) ဦး၊ KNDF/PDF စသည့် လက်နက်ကိုင်တိုက်ပွဲဝင်သူ (၄၁) ဦး ကျဆုံးခဲ့ရကြောင်း၊ မြို့နယ်အားဖြင့် ဒီးမော့ဆို ( ၉၈) ဦး၊ လွိုင်ကော် (၂၄) ဦး၊ မိုးဗြဲ (၈) ဦး၊ ဖယ်ခုံ (၁၅) ဦး၊ ဘောလခဲ (၂) ဦး၊ ဖရူဆို (၄၀) ဦးတို့ ကျဆုံးခဲ့ကြောင်း ထုတ်ပြန်ချက်တွင်ဖော်ပြထားသည်။

     

    အာဏာသိမ်း စစ်တပ်၏ ဖမ်းဆီး၊ ပစ်ခတ်၊ သတ်ဖြတ်မှုကြောင့် တနိုင်ငံလုံးအတိုင်းအတာဖြင့် ဒီဇင်ဘာလ ၂၆ ရက်နေ့အထိ ကျဆုံးခဲ့ရသူ (၁၃၇၇) ဦးရှိကြောင်း AAPP က ကောက်ယူရရှိထားသည့်စာရင်းကို ထုတ်ပြန်ထားပြီး ယခုစာရင်းထက် ပိုများနိုင်ကြောင်း သိရသည်။

    ဓာတ်ပုံ: နိုဝင်ဘာလ ၂၅ ရက်နေ့က ကျဆုံးခဲ့သည့် KNDF ရဲဘော် (၄) ဦး ဈာပန မြင်ကွင်း CJ ။

    Red News Agency

  • စစ်ကောင်စီ လက်နက်ကြီး ထိမှန်ပြီး ကလေး ပ.က.ဖ မှ ရဲဘော် (၂) ဦးကျဆုံး

    စစ်ကောင်စီ လက်နက်ကြီး ထိမှန်ပြီး ကလေး ပ.က.ဖ မှ ရဲဘော် (၂) ဦးကျဆုံး

    RNA_ဒီဇင်ဘာ ၂၇ ရက်၊ ၂၀၂၁ ခုနှစ်။

    စစ်ကိုင်းတိုင်း၊ ကလေးမြို့နယ် တောင်ပိုင်း၊ နတ်ချောင်း ကျေးရွာအနီးတိုက်ပွဲတွင် စစ်ကောင်စီတပ် ပစ်ခတ်သည့်လက်နက်ကြီး ထိမှန်ကာ ကလေးမြို့နယ် ပြည်သူ့ကာကွယ်ရေးအဖွဲ့ ( ပ.က.ဖ) က ရဲဘော် (၂) ဦးကျဆုံးခဲ့ရပြီး PDF ( Kalay) မှ (၁) ဦး၊ CNDF မှ (၁) ဦး၊ ပ.က.ဖ မှ ၄ ဦး ဒဏ်ရာရရှိခဲ့ကြောင်း သိရသည်။

    ကလေးမြို့နယ် တောင်ပိုင်း၊ နတ်ချောင်း ကျေးရွာ အထက်တန်းကျောင်းနှင့် အောင်ဆုပန် ဘုန်းကြီး ကျောင်းတို့တွင် တပ်စွဲထားသော စစ်ကောင်စီတပ်ကို ဒီဇင်ဘာလ ၂၆ ရက် ညနေ့ ၆ နာရီမှစတင်ကာ PDF (Kalay) ၊ CNDF၊ ပ.က.ဖ၊ RKDF ပူးပေါင်းတပ်ဖွဲ့များက ယနေ့ ( ဒီဇင်ဘာလ ၂၇ ရက်) နံနက် ၆ နာရီ ၃၀ မိနစ်ဝန်းကျင်အထိ ဝိုင်းညှပ်ပိတ်ဆို့ တိုက်ခိုက်ခဲ့သည့်အတွက် စစ်ကောင်စီတပ် အကျအဆုံး များနိုင်ပေမဲ့ အတည်မပြုနိုင်ကြောင်း၊ တိုက်ပွဲဖြစ်ပွားစဉ် စစ်ကောင်စီတပ်အထိနာနေသည့်အတွက် ကလေးတက္ကသိုလ်ဘက်မှ စစ်ကောင်စီတပ်က မြှောက်များဖြင့် နတ်ချောင်းကျေးရွာဦးတည်ကာ ပစ်ခတ်ခဲ့သည့်အတွက် ပ.က.ဖ ရဲဘော် (၂) ဦး ကျဆုံးခဲ့ကြောင်း PDF ( Kalay)က ထုတ်ပြန်ထားသည်။

    ယနေ့ နံနက် (၃) နာရီ ၃၀ မိနစ်ဝန်းကျင်က PDF ( Kalay) နှင့် CNDF ပူးပေါင်းတပ်က ကလေးမြို့၊ ဗိုလ်ချုပ်လမ်း၊ ဝယ်စလီလမ်းထောင့်ရှိ စစ်ကောင်စီတပ်ကင်းစခန်းနှင့် စမ်းမြို့မူးယစ်ရဲတပ်ဖွဲ့စခန်းတို့ကို တပြိုင်နက်တည်း ဝင်ရောက်တိုက်ခိုက်ခဲ့သည့် အတွက် စစ်ကောင်စီတပ်သားများ အသေအဆုံးရှိနိုင်ကြောင်း သိရသည်။

    Red News Agency

  • MDF Special Forces နှင့် မင်းကင်း PDF တပ်ခွဲ (၂) ခု စစ်ကောင်စီတပ် တိုက်စစ်ကြောင့် စခန်းစွန့်ခွါ

    MDF Special Forces နှင့် မင်းကင်း PDF တပ်ခွဲ (၂) ခု စစ်ကောင်စီတပ် တိုက်စစ်ကြောင့် စခန်းစွန့်ခွါ

    RNA_ဒီဇင်ဘာ ၂၇ ရက်၊ ၂၀၂၁ ခုနှစ်။

    စစ်ကိုင်တိုင်း၊ မင်းကင်း မြစ်ရိုးအောက် မင်းကင်း PDF တပ်ခွဲ (၁)၊ တပ်ခွဲ (၂) နှင့် MDF Special Forces စခန်း နေရာအား ဒီဇင်ဘာလ ၂၆ ရက်နေ့ ညပိုင်းက စစ်ကောင်စီတပ် အင်အားအလွန်အကျွံဖြင့် တိုက်စစ်ဆင်လာသည့်အတွက် စခန်းစွန့်ခွါခဲ့ရကြောင်း သိရသည်။

    စစ်ကောင်စီတပ်က လက်နက်ကြီးများ ပစ်ခတ်ခဲ့ရဖြင့် PDF ရဲဘော်တဦး ဒဏ်ရာရရှိခဲ့ကြောင်း၊ စစ်ကောင်စီတပ် မှ စခန်းပတ်လည်ထောင်ထားသည့်မိုင်းများ နင်းမိကြကြောင်း၊ နယ်မြေကျွမ်းကျင်မှုကြောင်း PDF ရဲဘော်များ စခန်းထားခဲ့ကာ လွတ်မြောက်လာပြီဖြစ်ကြောင်း MDF ကထုတ်ပြန်ထားသည်။

    Photo: MDF Special Force

    Red News Agency

     

  • စစ်ကောင်စီတပ် ပစ်ခတ်ခံရပြီး အထိနာနေသည့်အတွက် လက်နက်ကြီး အချက်တရာကျော် ပစ်ခတ်နေ

    စစ်ကောင်စီတပ် ပစ်ခတ်ခံရပြီး အထိနာနေသည့်အတွက် လက်နက်ကြီး အချက်တရာကျော် ပစ်ခတ်နေ

    RNA_ဒီဇင်ဘာ ၂၇ ရက်၊ ၂၀၂၁ ခုနှစ်။

    ကရင်ပြည်နယ် မြဝတီမြို့တောင်ဘတ် ထီးမယ်ဝါးခီးကျေးရွာနှင့် မဲ့ထော်သလေးကျေးရွာကြား စစ်ကောင်စီတပ်စစ်ကြောင်း‌ကို KNLA နှင့် PDF တို့ ပူးပေါင်းတိုက်ခိုက်သည့်အတွက် အထိနာနေပြီး လက်နက်ကြီး အချက် တစ်ရာကျော်ဖြင့် ပစ်ခတ်နေကြောင်း သိရသည်။

    ” အခု မနက်စောစောမှာ စစ်ကောင်စီ ယာယီစခန်းချနေတဲ့နေရာ တခုကို ဝင်တိုက်ကြတယ်ကြားတယ်၊ စစ်ကောင်စီတပ်က မဲ့ထော်သလေးအနီးကို ရွေ့သွားရတယ် နောက်ဆုတ်သွားတာပေါ့ မနက်အစောကြီး ၄ နာရီလောက်က စပြီး ပစ်ခတ်နေတာ ၈ နာရီကျော်မှာ ခစတွေ ဆုတ်သွားတယ်၊ မိုင်းရှင်းလင်းရေးလဲ လုပ်နေရတယ်၊ လက်နက်ကြီးကတော့ ရမ်းသန်းပစ်ခတ်နေတာ၊ ပြည်သူတွေကတော့ ထိတ်လန့်‌ပြီး ထွက်ပြေးဖို့ပဲ လုပ်နေကြရတယ်” စစ်ဘေးရှောင် တဦးက ပြောသည်။

    ထီးမယ်ဝါးခီးကျေးရွာအနီး KNU နယ်မြေအတွင်းကို စစ်ကောင်စီတပ်က ဒီဇင်ဘာလ ၂၅ ရက်နေ့က လေကြောင်းမှ တိုက်ခိုက်ခဲ့သလို လက်နက်ကြီးပစ်ကူယူကာ စစ်ကြောင်းထိုးခဲ့ကြောင်း၊ ယနေ့နံနက်မှာ ယင်းစစ်ကြောင်းထိုးခဲ့သည့်အဖွဲ့ တိုက်ခိုက်ခံရပြီး ရှေ့မတိုးနိုင်သည့်အခြေအနေနှင့် ကြုံတွေ့ခဲ့ရကာ နောက်ဆုတ်ပေးပြီး လက်နက်ကြီးပစ်ကူ ယူနေကြောင်း သိရသည်။

    Red News Agency

  • ထီးမယ်ဝါးခီးကျေးရွာအနီး တိုက်ပွဲတွင် (၁၀) ဦးကျော်ဖမ်းဆီးခံရပြီး (၁၅) ဦးကျော်ပျောက်ဆုံးနေ

    ထီးမယ်ဝါးခီးကျေးရွာအနီး တိုက်ပွဲတွင် (၁၀) ဦးကျော်ဖမ်းဆီးခံရပြီး (၁၅) ဦးကျော်ပျောက်ဆုံးနေ

    RNA_ဒီဇင်ဘာ ၂၆ ရက်၊ ၂၀၂၁ ခုနှစ်။

    စစ်ကောင်စီတပ်က ဒီဇင်ဘာလ ၂၅ ရက်နေ့ကလေကြောင်းတိုက်ခိုက်မှုအပါအဝင် လက်နက်ကြီး အချက် ရာချီပစ်မှုနှင့် အင်အားအများအပြား အပြင်းအထန် ထိုးစစ်ဆင်ခဲ့သည့် ထီးမယ်ဝါးခီး ကျေးရွာအနီး တိုက်ပွဲတွင် ဖမ်းဆီးခံရသူ (၁၀) ဦးအထက်ရှိပြီး ပျောက်ဆုံးနေသူ (၁၅) ဦးအထက်ရှိကြောင်း စုံစမ်းသိရှိရသည်။

    စစ်ကောင်စီတပ်၏ လက်နက်ကြီးပစ်ခတ်မှုနှင့် လေကြောင်းတိုက်ခိုက်မှုကြောင့် သတင်းယူနေသည့် ဖက်ဒရယ်ဂျာနယ် အယ်ဒီတာ အေစိုင်းကေ (ခ)စိုင်းဝင်းအောင် နှင့် PDF ရဲဘော် ကိုအောင်မျိုးဇင် (ခ) အုပ်ကြီးတို့ ကျဆုံးခဲ့ရပြီး ယနေ့နံနက်မှာ သင်္ဂြိုဟ်ပေးခဲ့ပြီး၊ PDF ကိုဝေလင်းနှင့် ကိုမှိုင်းတို့မှာ ကျဆုံးသွားပြီဟု ယူဆထားကြပြီး ပျောက်ဆုံးနေသူ (၁၅) ဦးကျော် ရှိသေးကြောင်း သိရသည်။

    စစ်ကြောင်စီတပ် ထိုးစစ်ကို KNLA နှင့် PDF တို့က ခုခံပစ်ခတ်ခဲ့ကြောင်း၊ ဖမ်းဆီးခံရပြီး စစ်ကောင်စီတပ်က ပစ်သတ်မှုများရှိကြောင်း၊ (၁၀) ဦးကျော်အရှင်ဖမ်းသွားကြောင်း၊ ကျဆုံးစာရင်းနှင့် ဖမ်းဆီးခံရမှုစာရင်းကို တာဝန်ရှိသူများက အတိအကျ အတည်ပြုနိုင်ခြင်း မရှိသေးကြောင်း စုံစမ်းသိရှိရသည်။

    Red News Agency

  • PDF တပ်ဖွဲ့ဝင်တွေ စစ်မြေပြင်မှာ တိုက်ပွဲဝင်နေသလို အသင့်အနေအထား PDF တပ်ရင်း အမြောက်အများရှိ

    PDF တပ်ဖွဲ့ဝင်တွေ စစ်မြေပြင်မှာ တိုက်ပွဲဝင်နေသလို အသင့်အနေအထား PDF တပ်ရင်း အမြောက်အများရှိ

    PDF တပ်ဖွဲ့ဝင်တွေ စစ်မြေပြင်မှာ တိုက်ပွဲဝင်နေသလို အသင့်အနေအထား PDF တပ်ရင်း အမြောက်အများရှိဟု NUG ကာကွယ်ရေးဝန်ကြီးပြော

    RNA_ဒီဇင်ဘာ ၂၆ ရက်၊ ၂၀၂၁ ခုနှစ်။

    အမျိုးသားညီညွတ်ရေးအစိုးရ ( NUG) ကာကွယ်ရေးဝန်ကြီးဌာန လက်အောက်ရှိ PDF တပ်ဖွဲ့ဝင်များ မဟာမိတ်များရဲဘော်များနှင့်အတူ စစ်မြေပြင်တိုက်ပွဲဝင်နေကြပြီး၊ တိုက်ပွဲဝင်ရန် အသင့်အနေအထား PDF တပ်ရင်းတပ်ဖွဲ့မြောက်များစွာ ရှိနေပြီဖြစ်ကြောင်း NUG ကာကွယ်ရေးဝန်ကြီး ဦးရည်မွန်က ‌ပြည်သူများကို အသိပေးထားသည်။

    NUG/MODဟာ ပြည်သူ့ခုခံတွန်းလှန်စစ်ကို အစီအစဥ်ရှိရှိ ဆင်နွှဲ​နေကြောင်း၊ ပြည်သူ့​တော်လှန်​ရေးတစ်စုံလုံး၏ Chain Of Command ဟာ NUG/MODနှင့် မဟာမိတ်များ ပူး​ပေါင်း​ဖော်​ဆောင်ထားသည့် ကွပ်ကဲမှုစနစ်ဖြစ်ပြီးတိုက်ပွဲ​တွေကို Chain Of Command​အောက်ကသွား​နေကြောင်း၊ အရပ်ဖက်ကွပ်ကဲမှုကို NUG/MODက တာဝန်ယူပြီး စစ်​ရေးဦး​ဆောင်မှုကို မဟာမိတ် စစ်​ရေးကျွမ်းကျင်သူများက တာဝန်ယူထားကြောင်း ဦးရည်မွန်က ဒီဇင်ဘာလ ၂၅ ရက်နေ့ညက ပြည်သူ့ခုခံတွန်းလှန်စစ် အစီအစဉ်များနှင့်ပတ်သက်ပြီး ရှင်းပြထားသည်။

    ဖဲကြိုးဖြူလှုပ်ရှားမှု ပါဝင်သည့် PDF များကို NUG/MOD- FB Page တွင် တွေ့ရစဉ်

    ” အခုဆိုရင် Regular PDF တပ်ရင်းများ ရာနဲ့ချီပြီး စနစ်ကျတဲ့ Chain Of Command ​အောက်မှာ ဖွဲ့စည်းထူ​ထောင်ပြီး ဖြစ်သလို လက်နက်တပ်ဆင်မှုကိုလည်း တစ်နိုင်ငံလုံးအတိုင်းအတာနဲ့ မျှမျှတတဖြစ်​အောင် စီမံ​ဆောင်ရွက်​နေပါတယ်။တချိန်တည်းမှာပဲ စစ်မဟာ ဗျူဟာအရ စစ်​ရေးစီမံချက်အရ ဦးစား​ပေးတပ်ဆင်ရတဲ့ ​ဒေသ​တွေ ရှိဆိုတာလည်း အစီရင်ခံလိုပါတယ်။ စစ်တိုက်တဲ့အခါ လက်နက်ဟာ မရှိမဖြစ် လိုအပ်​ပေမယ့် လက်နက်ရှိတိုင်း စစ်တိုက်လို့ ရတာ​တော့ မဟုတ်ပါဘူး။အမိန့်​ပေး ကွပ်ကဲမှုစနစ် Chain Of Commandတည်​ဆောက်မှု ၊မဟာမိတ်​တွေရဲ့ နားလည်ယုံကြည်မှုနဲ့ ပူးပေါင်း​ဆောက်ရွက်မှု၊​ထောက်ပို့နဲ့ ဆက်သွယ်​ရေးယန္တရား တည်​ဆောက်မှု၊ ဗျူဟာ​မြောက် ဟန်ချက်ညီ ​ဆောင်ရွက်နိုင်မှု​တွေဟာ အလွန်အ​ရေးကြီးပါတယ်” ဟု ဦးရည်မွန်က ပြောထားသည်။

    ဖဲကြိုးဖြူလှုပ်ရှားမှု ပါဝင်သည့် PDF များကို NUG/MOD- FB Page တွင် တွေ့ရစဉ်

    စစ်မြေပြင်က ပြည်သူ့ရဲဘော်များ ကျဆုံးသတင်း ကြားရတိုင်း NUG အပေါ် အားမလို အားမရဖြစ်သည့်အပေါ် နားလည်ကြောင်း၊ NUG ဘာလုပ်နေလဲဟု ပြစ်တင်​မမောင်းမဲတာ (အထူးသဖြင့် ဆိုရှယ်မီဒီယာမှာ)ကို အ​လေးအနက်ထားကြောင်း၊ စစ်မဟာဗျူဟာနှင့် စီမံချက်များဟာ စစ်​ရေးဆိုင်ရာ လျှို့ဝှက်ချက်များ ဖြစ်သည့်အတွက် အားလုံး အသိ​ပေး ရှင်းပြခြင်း မပြုနိုင်သည့်အ​ပေါ် နားလည်​ပေးဖို့ ​ဦးရည်မွန်က ပြည်သူများနှင့်အတူ ရဲ​ဘော်များ မိတ်​ဆွေများကို ပန်ကြားထားသည်။

    Red News Agency

  • ဒဏ်ရာအပြင်းအထန်ရထားသည့် PDF သူရဲကောင်း ကိုမှိုင်း ကျဆုံး

    ဒဏ်ရာအပြင်းအထန်ရထားသည့် PDF သူရဲကောင်း ကိုမှိုင်း ကျဆုံး

    RNA_ဒီဇင်ဘာ ၂၅ ရက်၊ ၂၀၂၁ ခုနှစ်။

    PDF သူရဲကောင်း ကိုမှိုင်း

    မြဝတီမြို့တောင်ဘက် ထီးမယ်ဝါးခီး ကျေးရွာအနီး ယနေ့ ညနေပိုင်းက စစ်ကောင်စီတပ်၏ လေကြောင်းပစ်ခတ်မှု၊ လက်နက်ကြီးပစ်ခတ်မှု၊ စစ်ကြောင်းထိုးမှုတို့ကြောင့် ဒဏ်ရာအပြင်းအထန်ရသွားသည့် ကိုမှိုင်း ယနေ့ညမှာ ကျဆုံးသွားပြီဖြစ်ကြောင်း သိရသည်။

    PDF သူရဲကောင်း ကိုအောင်မျိုးဇင်

    ထီးမယ်ဝါးခီး ကျေးရွာအနီး စစ်ကောင်စီတပ်၏ ပစ်ခတ်မှုများကြောင်း ပြည်သူ့ကာကွယ်ရေးတပ်မှ ကိုအောင်မျိုးဇင်၊ ကိုဝေလင်း၊ ကိုရဲထက်၊ ကိုမှိုင်းတို့ သူရဲကောင်းပီသစွာ ကျဆုံးခဲ့ရကြောင်း သိရသည်။

    PDF သူရဲကောင်း ကိုရဲထက်

    လေးကေကော်အနီးက ထီးမယ်ဝါးခီးကျေးရွာအတွက် လက်နက်ကြီး ပစ်ခဲ့သလို အနီးဝန်းကျင်က ထောက်ပို့တပ်စခန်းတခုကို စစ်ကောင်စီတပ်တွေ လေကြောင်း၊ ကုန်းကြောင်း ပါအဝင် လက်နက်ကြီး ပစ်ကူယူကာ ဝင်သိမ်းရန် လုပ်ဆောင်ခဲ့ကြောင်း၊ KNLA နှင့် PDF တို့ ခုခံ တိုက်ခိုက်ခဲ့ကြကြောင်း သိရသည်။

    PDF သူရဲကောင်း ကိုဝေလင်း

    Red News Agency

  • စစ်ကောင်စီတပ်သား ၅၀ ဝန်းကျင်ကို ခုခံပစ်ရင်း ကျဆုံးသွားခဲ့ရသည့် ကိုဝေလင်း

    စစ်ကောင်စီတပ်သား ၅၀ ဝန်းကျင်ကို ခုခံပစ်ရင်း ကျဆုံးသွားခဲ့ရသည့် ကိုဝေလင်း

    RNA_ဒီဇင်ဘာ ၂၅ ရက်၊ ၂၀၂၁ ခုနှစ်။

    စစ်ကောင်စီတပ်သား (၅၀) ဝန်းကျင်လောက် စခန်းအနီး တက်လာစဉ် ရဲဘော်‌များကို ဆုတ်ခိုင်းပြီး ကတုတ်ကျင်း ထဲကနေ တဦးတည်း ခံပစ်ယင်း PDF သူရဲကောင်း ကိုဝေလင်း ယနေ့ ကျဆုံးသွားကြောင်း သိရသည်။

    ဧရာဝတီတိုင်းက PDF သူရဲကောင်း ကိုဝေလင်း မကျဆုံးမီ ဒီဇင်ဘာလ (၅) ရက်နေ့က ” တောင်တန်း ပြည်မ စည်းလုံးအားနဲ့ ကြွေးဟောင်း ကြွေးသစ် ပြန်ယူရမယ်၊ သခင်သွေးများ ရဲရဲနီဖို့ အချိန်တန်ပြီ ” ဟု လူ့မှုကွန်ယက်မှာ ရေးသားခဲ့သည်။

    PDF သူရဲကောင်း ကိုဝေလင်းသည် ဧရာဝတီတိုင်းမှ ကရင်ပြည်နယ် မြဝတီမြို့တောင်ဘက် မယ်ဝါးခီးကျေးရွာအနီးက တပ်စခန်းတခုကို ရောက်ရှိနေသူဖြစ်ကြောင်း၊ ယနေ့ နေ့လည်ပိုင်းက စစ်ကောင်စီတပ်က အင်အားအများအပြားဖြင့် စခန်းသိမ်းရန် စစ်ကြောင်းတက်လာပြီး အဝေးကနေ လက်နက်ကြီးများနှင့် ပစ်ခတ်သလို လေကြောင်းမှလည်း ပစ်ခတ်ခဲ့ကြောင်း သိရသည်။

    စစ်ကောင်စီတပ်က လေကြောင်းပစ်ခတ်မှု၊ လက်နက်ကြီး ပစ်ခတ်မှုများ၊ အင်အားအများအပြား ထိုးစစ်ဆင်မှုတို့ကြောင့် KNLA နှင့် PDF တို့ ပူးပေါင်းတိုက်ပွဲပြင်းထန်ပြီး စစ်ကောင်စီဘက်ကလည်း အသေ အပျောက်များကြောင်း၊ မယ်ဝါးခီး ဒေသခံပြည်သူများထွက်ပြေးတိမ်းရှောင်နေကြရပြီး ဒဏ်ရာရရှိသူများလည်းရှိကြောင်း၊ ယနေ့ မယ်ဝါးခီးအနီး စခန်းတခုတိုက်ပွဲတွင် PDF ကျဆုံး သူရဲကောင်းများရှိနေကြောင်း ဒေသခံ သတင်းရင်းမြစ်ထံမှ သိရသည်။

    Red News Agency