RNA_ဇန်နဝါရီ ၁၅ ရက်၊ ၂၀၂၂ ခုနှစ်။
ကရင်ပြည်နယ် မြဝတီမြို့တောင်ဘက် ဖလူးလေးကျေးရွာအနီး စစ်ဘေးရှောင်များ ရှိနေသည့် DKBA ဗိုလ်စလုံးစခန်းကို ဇန်နဝါရီလ ၁၄ ရက်နေ့က လေကြောင်းအပါအဝင် လက်နက်ကြီး သာလွန်အင်အားဖြင့် စစ်ကောင်စီတပ်ထိုးစစ်ဆင်ရာတွင် စခန်းအသိမ်းခံလိုက်ရပြီး PDF (၈) ဦး ဖမ်းဆီးခံရပြီး (၄) ဦးသတ်ခံရကြောင်း၊ ၁ ဦးဒဏ်ရာအပြင်းအထန်ရထားပြီး ဆေးကုသမှုခံယူနေကြောင်း ဒေသခံ သတင်းရင်းမြစ်ထံမှ သိရသည်။
DKBA ဗိုလ်စလုံး စခန်းတွင် စစ်ဘေးရှောင်ပြည်သူ (၃၀၀) ကျော် ခိုလှုံနေကြောင်း၊ တိုက်ပွဲအတွင်း စစ်ဘေးရှောင်ပြည်သူ အနည်းဆုံး (၃) ဦးဒဏ်ရာရရှိကြောင်း၊ ယခု စစ်ဘေးရှောင်ပြည်သူများ ထိုင်းဘက်ကူးနေကြရကြောင်း၊ စစ်ကောင်စီတပ်သည် စစ်ဘေးရှောင်စခန်းများကိုပါလေကြောင်းဖြင့် တိုက်ခိုက်နေခြင်းဖြစ်ကြောင်း၊ DKBA ဗိုလ်စလုံးက ဆုတ်ပေးစရာ မြေမရှိတော့သည့်အ တွက် တိုက်ခိုက်ရတော့မည်ဟု သတင်းဌာနတခုကို ပြောကြားထားသည်။
စစ်ကောင်စီတပ်က သာလွန်အင်အား လက်နက်ကြီးပစ်ကူ၊ လေကြောင်းပစ်ကူတို့ကြောင့် စခန်းဆုတ်ပေးလိုက်ရခြင်းဖြစ်ကြောင်း၊ စခန်းဆုတ်ပေးစဉ် မြေပြင်က စစ်ကောင်စီတပ်ကို DKBA ၊ PDF စသည့် ပူးပေါင်းတပ်ဖွဲ့များက တိုက်ခိုက်ခဲ့ကြောင်း၊ ဖမ်းဆီးခံလိုက်ရသည့် PDF များထဲက (၄) ဦးကို စစ်ကောင်စီတပ်က ဖမ်းမိပြီးမှ နေရာတွင် ပစ်သတ်ကြသည်ဟု သုံးသပ်ထားကြောင်း၊ စစ်ကောင်စီတပ်က (၆) ဦးသေပြီး ၁၀ ဦးဝန်းကျင် ဒဏ်ရာရရှိကြောင်း သိရသည်။
လေးကေ့ကော် တိုက်ပွဲများကြောင့် စစ်ဘေးရှောင်များ ထိုင်းဘက် မပြေးချင်သူများက ဖလူးလေးကျေးရွာက DKBA ဗိုလ်စလုံးစခန်းတွင်နေထိုင်ကြကြောင်း၊ စခန်းဆုတ်မပေးရစဉ်ကတည်းက ညပိုင်းတွေမှာ စစ်ကောင်စီတပ်က လေကြောင်း ပစ်ခတ်မှုတွေ ပြုလုပ်ခဲ့ကြောင်း၊ စစ်ဘေးရှောင်များကို ကူညီနေသည့် စခန်းဖြစ်ကြောင်း သိရသည်။
Red News Agency
Leave a Reply