RNA_ဒီဇင်ဘာ(၆)၊၂၀၂၃ ခုနှစ်။
စစ်ကိုင်းတိုင်းအခြေစိုက် ပြည်သူ့ကာကွယ်ရေး တပ်ဖွဲ့များဖြစ်သည့် People Revolution Army -PRA ၊ မြန်မာ့တော်ဝင် နဂါးတပ်တော် – MRDA နှင့် အညာပစ်တိုင်း ထောင်လေးများ အဖွဲ့တို့ ပူးပေါင်းပြီး “လွတ်လပ်ရေးကို တောင်းမယူ တိုက်ယူပြမည့် ငါတို့အညာ” စာတန်းများကိုင်ဆောင်ပြီး ပြည်သူများနှင့်အတူ ဇန်နဝါရီလ (၄) ရက်နေ့က ပုလဲမြို့နယ်အတွင်း ဆန္ဒပြခဲ့ကြသည်။
#RedNewsAgency
RNA_ဇန်နဝါရီ ၁၊ ၂၀၂၃ ခုနှစ်။
မကွေးတိုင်းအခြေစိုက် People’s Revolution Alliance ( PRA – Magway) တပ်ဖွဲ့က ငဖဲမြို့နယ်၊ ဂုတ်ကြီးကျေးရွာနှင့် မြေလတ်ကျေးရွာ အကြားတွင် အမှတ် (၉၀၅) အမြောက်တပ်မှ တပ်သားများလိုက်ပါလာသည့်ယာဉ်ကို ယနေ့ နံနက် (၈) နာရီ (၃၀) မိနစ်ဝန်းကျက်က ပဒေသာမိုင်းဖြင့်တိုက်ခိုက်ခဲ့ကြောင်း စစ်ကောင်စီတပ် အသေအဆုံးကို စုံစမ်းနေကြောင်း သိရသည်။
People’s Revolution Alliance ( PRA – Magway) တပ်ဖွဲ့က ၂၀၂၂ ခုနှစ် နိုဝင်ဘာလ (၁) ရက်နေ့ နေ့လည်ပိုင်းကလည်း ဂုတ်ကြီးကျေးရွာ ရဲစခန်းမှ လုံခြုံရေး စစ်ကြောင်းကို ခြုံခိုတိုက်ခိုက်ခဲ့ရာ ရဲတပ်ကြပ်တဦးသေဆုံးပြီး လက်နက်ခဲယမ်းများ သိမ်းဆည်းရမိခဲ့ကြောင်း ယနေ့ ထုတ်ပြန်ထားသည်။
RNA_ဇန်နဝါရီ ၂၅ ရက်၊ ၂၀၂၂ ခုနှစ်။
ရခိုင်ရိုးမအစပ် ရခိုင်ပြည်နှင့်မကွေးတိုင်း ထိစပ်ထားဟည့် စေတုတ္တရာမြို့နယ်နှင့် ငဖဲမြို့နယ်အတွင်းက ပြည်သူများအနေဖြင့် အထူးဂရုစိုက် သွားလာနေထိုင်ကြရန် လူထုတော်လှန်ရေး မဟာမိတ် ( People’s Revolution Alliance – PRA- Magway ) အဖွဲ့က မေတ္တာရပ်ခံထားသည်။
စေတုတ္တရာမြို့နယ်အတွင်း ဇန်နဝါရီလ ၂၄ ရက်နေ့က PRA- Magway၊ ကျောင်းသားလက်ရုံးတပ်တော် နှင့် နယ်မြေရှင်းလင်းရေး လုပ်နေသည့် စစ်ကောင်စီတပ်တို့ တိုက်ပွဲဖြစ်ပွားခဲ့ရာ စစ်ကောင်စီတပ်က သေဆုံး ဒဏ်ရာရရှိခဲ့သူများရှိကြောင်း၊ စစ်ကောင်စီတပ်စစ်ကြောင်းများ ထပ်မံတိုးလာနိုင်ကြောင်း သိရသည်။
Red News Agency
RNA_ဇန်နဝါရီ ၁၂ ရက်၊ ၂၀၂၂ ခုနှစ်။
ပြည်တွင်း ပြည်ပ ပြည်သူများ ခန့်မှန်းထားသည့် နွေဦးတော်လှန်ရေးမှာ ပထမဆုံး လွတ်မြောက်နယ်မြေဖြစ်လာနိုင်သည့် စစ်ကိုင်းတိုင်းနှင့် မကွေးတိုင်သည် ပထမဆုံး ဖွတ်ဖွတ်ညတ်ညတ်ကြေသည့် နေရာ ဖြစ်လာနိုင်ကြောင်း လက်တလော အခြေအနေများကို အင်အား ( ၃) ထောင်ကျော်နှင့် စစ်ကောင်စီတပ်ကို တော်လှန်နေသည့် ပြည်သူ့တော်လှန်ရေးတပ်မတော် ( People Revolution Army – PRA)မှ ဗိုလ်ဂျပန်က ပြောပြထားသည်။
[embedyt] https://www.youtube.com/watch?v=gDbcshxuPaA[/embedyt]
Red News Agency