13
Oct
RNA_အောက်တိုဘာ(၁၃)၊၂၀၂၆ခုနှစ်။ ထိုင်းနိုင်ငံ ဘန်ကောက်မြို့၌ သံသယရှိသည့် နေအိမ်တစ်လုံးကို ထိုင်းအာဏာပိုင်များက ဝင်ရောက်စီးနင်းခဲ့ပြီးနောက် လူကုန်ကူးခံရသည့် မြန်မာကလေးငယ် (၇) ဦးကို ကယ်ဆယ်နိုင်ခဲ့ကြောင်း ထိုင်းသတင်းဌာန The Nation က ဖော်ပြထားသည်။ အရွယ်မရောက်သေးသည့် မြန်မာကလေးငယ်များအား လူကုန်ကူးခဲ့သည့် သံသယရှိသူ (၄) ဦးကိုလည်း ခရိုင်စီမံခန့်ခွဲရေးဌာန (DOPA) နှင့် အထူးရဲတပ်ဖွဲ့များက ဖမ်းဆီးထားပြီး မြန်မာကလေးငယ်များကို တရားမဝင်လမ်းကြောင်းမှတဆင့် ဘန်ကောက်သို့ ခေါ်ဆောင်လာခြင်းဖြစ်ကြောင်း ရဲတပ်ဖွဲ့က ပြောသည်။ ဘန်ကောက်နှင့် အနီးဝန်းကျင်မြို့များရှိ ကမ္ဘာလှည့်ခရီးသည် အများအပြားရှိရာနေရာများသို့ မြန်မာကလေးငယ်များကို အတင်းအဓမ္မစေလွှတ်ပြီး ပန်းရောင်းခိုင်းခြင်း၊ အစားအစာနှင့် သောက်သုံးရေများ ရောင်းခိုင်ခြင်းတို့ကို ညနေအစောပိုင်းမှစတင်ကာ နံနက် (၄) နာရီအထိ ဖိအားပေး ခိုင်းစေမှုများရှိခဲ့ကြောင်း…
