ဖားကန့်၊ အောက်တိုဘာ (၃)၊၂၀၂၂ခုနှစ်။
ကချင်ပြည်နယ်၊ ဖားကန့်မှ ပုဒ်မ ၅၀၅(က)ဖြင့် ဖမ်းဆီးထိန်းသိမ်းခံခဲ့ရသည့် Voice of Milikha သတင်းဌာန၏ သတင်းထောက် ကိုနောင်ရိုးသည် ယနေ့ နံနက် (၈)နာရီက ဖားကန့် (မဇွပ်ယန်) အချုပ်ထောင်မှ လွတ်မြောက်လာသည်။
“ကျွန်တော် စကတည်းက သတင်းထောက်လုပ်တယ်၊ ဖမ်းဆီးခံရပြီး ထောင်ကျတယ်၊ ခုလည်းသတင်း ထောက်အလုပ်ပဲ ဆက်လုပ်သွားမယ်၊ ဖမ်းဆီးခံရလို့လည်း နောင်တမရဘူး၊ ကျွန်တော် မှန်တဲ့အလုပ်ကို လုပ်နေတာခြင်းသာဖြစ်တယ်” ဟု ယနေ့ လွတ်မြောက်လာသည့် သတင်းထောက် ကိုနောင်ရိုးက ပြောသည်။
RNA_ဇူလိုင် ၁၉၊၂၀၂၂ ခုနှစ်။
ဖားကန့်မြိုနယ်၊ လုံးခင်းအုပ်စု သပိတ်စစ်ကြောင်းမှ ယနေ့ ကျရောက်သည့် ၇၅ နှစ်မြောက် အာဇာနည်နေ့ ချီတက်အလေးပြုခဲ့ကြသည့် အခမ်းအနားတွင် KPDF များက ပြည်သူများနှင့်အတူ ဝန်းရံချီတက်ခဲ့ကြကြောင်း သိရသည်။
[embedyt] https://www.youtube.com/watch?v=PcVpFH-xryc[/embedyt]
Red News Agency
RNA_မတ် ၂၊၂၀၂၂ခုနှစ်။
ကချင်ပြည်နယ်၊ ဖားကန့်မြို့နယ်ရှိ သတင်းထောက် ကိုနောင်ရိုးပါအဝင် ငြိမ်းချမ်းစွာဆန္ဒပြခဲ့စဉ်က ဖမ်းဆီးထားသည့် ပြည်သူ (၅၀) ဝန်းကျင်ကို ၅၀၅ ဖြင့်တရားစွဲဆိုပြီး ရုံးထုတ်စစ်ဆေးမှုမရှိကြောင်း၊ ရဲစခန်း အချုပ်တွင် ကျန်းမာရေးဆိုးရွားမှုများ ကြုံတွေ့နေရကြောင်း သိရသည်။
“အခုက အချုပ်ထဲမှာ ကျန်းမာရေးမကောင်းကျဘူး၊ တချို့ဆို အဖမ်းခံရတာ ၁ နှစ်ပြည့်တော့မယ်၊ ရုံးထုတ်တာမရှိဘဲ ဒီလို ဖမ်းဆီးခံရ အပြစ်မရှိ အချုပ်ထဲမှာနေရတာထက် တရားရုံးက အမိန့်ချပြီး ထောင်ထဲသာ နေချင်နေကြတယ်၊ မတရားဖမ်းခံထားရပြီး ရဲအချုပ်မှာက ဆိုးဆိုးရွားရွား နေကြရတယ်၊ သန့်ရှင်းမှုမရှိဘူး၊ အခုဖျားတဲ့သူတွေပါရှိတယ်” ဟု ဖမ်းဆီးခံရသူမိသားစုနှင့် နီးစပ်သူ တဦးက ပြောသည်။
ဖားကန့်မြို့နယ်တွင် ငြိမ်းချမ်းစွာဆန္ဒပြစဉ်က ဖမ်းဆီးခံရပြီး အချုပ်ထဲ မွေးဖွားသည့် ကလေးပင် လသားအရွယ်ရောက်နေပြီဖြစ်ကြောင်း၊ ရဲအချုပ်ဖမ်းဆီးခံထားရသူများ တရားရုံးမထုတ်သည်မှာ ၄ လ ကျော်နေပြီဖြစ်ကြောင်း၊ ဖားကန့်မြို့နယ်တွင် ၅၀၅ အမှုဖြင့် တရားစွဲခံထားရသူ (၅၀) ဝန်းကျင်ရှိကြောင်း သိရသည်။
RedNewsAgency
RNA_ဒီဇင်ဘာ ၂၃ ရက်၊ ၂၀၂၁ ခုနှစ်။
ကချင်ပြည်နယ်၊ ဖားကန့်မြို့နယ်၊ လုံးခင်းအုပ်စု၊ မှော်စီစာကျေးရွာ အောင်သာယာ (၂) အနီး စိန်စိန်လုပ်ကွက် ( ဒေသအခေါ်) မြေစာပုံပြိုကျမှု ပျောက်ဆုံးနေသူ များသော်လည်း ယနေ့ နံနက်အထိ အလောင်း (၂) လောင်းသာ ဆယ်ယူနိုင်သေးကြောင်း ဒေသခံ သတင်းရင်းမြစ်က ပြောသည်။
” ပျောက်ဆုံးတာကတော့ များတယ် (၅၀) ကျော်ရှိတယ်လို့ ခန့်မှန်းပေါ့၊ အလောင်းက မနေ့က တလောင်း အခုမနက်တလောင်း ဒါပဲရှာတွေ့သေးတယ်၊ မနေ့ကတွေ့တဲ့အလောင်းက ကိုမျိုး ခွန်ဆာကုန်းကပေါ့” ဟု RNA သတင်းရင်းမြစ်က ပြောသည်။
စိန်စိန်လုပ်ကွက်အနီးက မြေစာပုံသည့် ရေကန်သည် အမြင့် ပေ ၂၀၀၊ အလျား ပေ ၂၀၀၀ ၊ အနံ ပေ ၃၀၀ ဝန်းကျင်ရှိပြီး ဒီဇင်ဘာလ ၂၂ ရက် နံနက် ၃ နာရီ ၃၀ မိနစ်ဝန်းကျင်က ပြိုကျခဲ့ခြင်းဖြစ်ကာ ရေမဆေးကျောက်ရှာဖွေသူ (၅၀) ကျော်ပျောက်ဆုံးနေပြီး အလောင်းများ မြေကြီးအောက်ပိနေပြီး ပုပ်မှသာပေါ်လာနိုင်သည့်အခြေအနေဖြစ်ကြောင်း သိရသည်။
ဖားကန့်မြို့နယ်တွင် ရေမဆေးကျောက်ရှာဖွေသူများ နှစ်စဉ်မြေစာပုံပြိုကျမှုကြောင့် သေဆုံးမှုများရှိနေပြီး၊ ၂၀၂၀ ခုနှစ် ဇူလိုင်လ ၂ ရက် နံနက် ၆ နာရီ ၃၀ မိနစ်ဝန်းကျင်က ဖားကန့်မြို့နယ်၊ ဆိပ်မူကျေးရွာအုပ်စု၊ ဝှေခါကျေးရွာ ရပ်ကွက်(၆)၊ လခူးချောင်ရှိ ကျောက်မျက်ရွှေပြည်ကုမ္ပဏီ(ဒေသအခေါ် တစ်သုံးလုံး ကုမ္ပဏီ)၌ ကျင်းကမ်းပါး မြေပြိုမှုဖြစ်ပွားခဲ့ပြီး ရေမဆေးကျောက် ရှာဖွေသူ ၁၆၉ ဦးသေဆုံးခဲ့ပြီး ၄၃ ဦးဒဏ်ရာရရှိခဲ့ကြသည်။
Red News Agency
RNA_ဒီဇင်ဘာ ၂၂ ရက်၊ ၂၀၂၁ ခုနှစ်။
ကချင်ပြည်နယ်၊ ဖားကန့်မြို့နယ်၊ လုံးခင်းအုပ်စု၊ မှော်စီစာကျေးရွာ အောင်သာယာ (၂) အနီး စိန်စိန်လုပ်ကွက် ( ဒေသအခေါ်) တွင် ယနေ့ နံနက် ၃ နာရီ မိနစ် ၃၀ ဝန်းကျင်းက ရေကန်အတွင်း မြေစာပုံပြိုကျကာ ရေမဆေးကျော်ရှာဖွေသူ (၅၀) ကျော် ပျောက်ဆုံးနေကြောင်း သိရသည်။
” အခု ၉ နာရီ မထိုးခင်လေးမှ ရှာဖွေမှုလုပ်ကြမှာ အစောပိုင်းက လှေလေးနဲ့ ရှာနေရတာ တလောင်းမှမတွေ့သေးဘူး အခုတော့ ရေငုပ်ရှာကျမှာ ရေကန်ကကျယ်တယ်၊ ပျောက်နေတဲ့သူတွေ သေဖို့များတယ်၊ ဈေးဆိုင် ၂ ဆိုင်က အမျိုးသမီး ၂ ဦးလဲ ပါသွားတယ်ကြားတယ်၊ ဘေးအနားက လူတွေပြောပုံက ၅၀ ဝန်းကျင်လောက်ပါသွားတယ်ပြောကြတယ်၊ တိတိကျကျကတော့ ပြောဖို့ခက်တယ်” ဟု မြေစာပုံပြိုကျမှုအနီးရောက်ရှိနေသူ တဦးက ပြောသည်။
စိန်စိန်လုပ်ကွက်အနီးက မြေစာပုံပြိုကျသည့် ရေကန်သည် အမြင့် ပေ ၂၀၀၊ အလျား ပေ ၂၀၀၀ ၊ အနံ ပေ ၃၀၀ ဝန်းကျင်ရှိပြီး ကန်ထိပ်က မြေစာပုံ ပြိုကျခြင်းဖြစ်ကြောင်း၊ ကုမ္ပဏီများအားလုံး စက်ယန္တရားများဖြင့် ညနေ ၆ နာရီမှ နံနက် ၄ နာရီအထိ တရားမဝင် ရတနာ တူးဖော်နေကြခြင်းဖြစ်ကြောင်း၊ ရတနာကုမ္ပဏီအားလုံး ဒေသအာဏာပိုင်နှင့်ပေါင်းပြီး တရားမလုပ်လုပ်ဆောင်နေကြောင်း၊ ၂၀၂၀ ခုနှစ် ဩဂုတ်လမှစပြီး လုပ်ငန်းလိုင်စင်အားလုံး ရပ်ထားကြောင်း၊ လိုင်စင်များ ပြန်ချကာနီး အာဏာသိမ်းခံရပြီး ယနေ့အထိ စစ်ကောင်စီက တရားဝင်ချထားမှု မရှိကြောင်း သိရသည်။
ရေမဆေးကျောက်ရှာဖွေသူများသည် ယခုအချိန် စက်ယန္တရားများဖြင့် ညပိုင်းခိုးလုပ်နေမှုသာရှိသည့်အတွက် အများစုမှာ ညပိုင်းသာရှာကြကြောင်း၊ ဒီဇင်ဘာလ ၁၉ ရက်နေ့က ဆိပ်မူအုပ်စု၊ ဆိုက်းဂျာဘွမ် ကျေးရွာအနီး မြေစာပုံပြိုကျမှုတွင် ကုမ္ပဏီဝန်ထမ်း ၂ ဦးနှင့် ရေမဆေးကျောက်ရှာဖွေသူ ၃ ဦး သေဆုံးခဲ့သည်။
၂၀၂၀ ခုနှစ် ဇူလိုင်လ ၂ ရက် နံနက် ၆ နာရီ ၃၀ မိနစ်ဝန်းကျင်က ဖားကန့်မြို့နယ်၊ ဆိပ်မူကျေးရွာအုပ်စု၊ ဝှေခါကျေးရွာ ရပ်ကွက်(၆)၊ လခူးချောင်ရှိ ကျောက်မျက်ရွှေပြည်ကုမ္ပဏီ(ဒေသအခေါ် တစ်သုံးလုံး ကုမ္ပဏီ)၌ ကျင်းကမ်းပါး မြေပြိုမှုဖြစ်ပွားခဲ့ပြီး ရေမဆေးကျောက် ရှာဖွေသူ ၁၆၉ ဦးသေဆုံးခဲ့ပြီး ၄၃ ဦးဒဏ်ရာရရှိခဲ့ကြသည်။
Red News Agency
ဖားကန့်၊ ဩဂုတ် ၁၁ ရက်။ ကချင်ပြည်နယ်၊ ဖားကန့်မြို့နယ်၊ လုံးခင်းအုပ်စုပြည်သူများက ယနေ့ ( ဩဂုတ်လ ၁၁ ရက်) နံနက်က အာဏာသိမ်းစစ်ကောင်စီအား ချီတက်ဆန္ဒပြကြရာတွင် “ပြည်သူ့တပ်မတော် KIA ဟာ ဒို့ ပြည်သူရဲ့ သူရဲကောင်းပဲ” စသည့် ကြွေးကြော်သံများဖြင့် ကြွေးကြော်ခဲ့ကြသည်။[embedyt] https://www.youtube.com/watch?v=jKNrhGgW–g[/embedyt] Red News Agency
ဖားကန့်၊ ဇူလိုင် ၃၀ ရက်။ ကချင်ပြည်နယ်၊ ဖားကန့်မြို့နယ် လုံးခင်းအုပ်စု လူငယ်တချို့က လမ်းပေါ်ထွက်ကာ ” နောင်မျိုးဆက်တွေ အနာဂတ်လှဖို့့ဒီတိုက်ပွဲကို နိုင်မှဖြစ်မယ်” ဟုဆိုကာ ယနေ့ ( ဇူလိုင်လ ၃၀ ရက်) ညနေပိုင်းက ကျေးရွာအတွင်းလှည့်လည်ကာ အာဏာသိမ်း စစ်တပ်ကို ဆန္ဒပြခဲ့ကြောင်း သိရသည်။ [embedyt] https://www.youtube.com/watch?v=Jcia7JdZ2ik[/embedyt]Red News Agency
ကိုတာ (ဖားကန့်)၊ ဖားကန့်၊ သြဂုတ် ၅ ရက်။
ဖားကန့် ဝှေခါမြေပြိုမှုတွင် သေဆုံးသူ ၂၀၀ ဝန်းကျင်ရှိခဲ့သော်လည်း စုံစမ်းစစ်ဆေးရေးအဖွဲ့ လာရောက် စစ်ဆေးခဲ့ပေမဲ့ ၁ လကြာသည်အထိ အစီရင်ခံစာ ထွက်မလာသေးဘူး ဖြစ်နေပါတယ်။ ဒီကိစ္စနှင့် ပတ်သက်ပြီးတော့ ဖားကန့်မြို့ အလင်းတန်းစာကြည့်တိုက် အတွင်းရေးမှူး ဦးမျိုးဝင်းနှင့် တွေ့ဆုံမေးမြန်းထားပါတယ်။[embedyt] https://www.youtube.com/watch?v=cVvosm8j0pk[/embedyt]
Red News Agency
ဖားကန့်မြေပြိုမှု လူ ၁၇၄ ဦးသေဆုံးမှု( ၂ဦးပျောက်နေ) စုံစမ်းစစ်ဆေးနေ၊ သေဆုံးသူ မိသားစုများကို ထောက်ပံ့ငွေပေး
ကိုတာ
ဖားကန့်၊ ဇူလိုင် ၅ ရက်။
ဖားကန့်မြို့နယ်၊ ဝှေခါကျေးရွာအနီး မြေပြိုမှုတွင် ဆယ်သူရရှိထားသည့်အလောင်းမှာ ၁၄၇ ဦးဖြစ်ပြီး ၊ စာရင်းများအရ ၂ လောင်းပျောက်နေကြောင်း၊ မြေပြို လူသေသည့် ကိစ္စနှင့် ပတ်သက်ပြီး သမ္မတဖွဲ့စည်းပေးထားသည့်အဖွဲ့က ဇူလိုင် ၄ ရက်နေ့ကစတင်ပြီး စစ်ဆေးနေပြီဖြစ်ပါတယ်။
သေဆုံးသူ ၁၇၄ ဦးအတွက် မိသားစုများကို ထောက်ပံ့ငွေ ၅ သိန်း၊ ဒဏ်ရာရရှိသူ ၅၄ ဦးကို ၂ သိန်းယနေ့ ထောက်ပံ့ခဲ့ကြောင်း၊ ယင်းကိစ္စများနှင့်ပတ်သက်ပြီး ဖားကန့်မှ သက်ဆိုင်ရာ အစိုးရအဖွဲ့အစည်းများ၊ ဒဏ်ရာရရှိသူများ၊ ဒေသခံစသည်တို့ကို စုံစမ်းစစ်ဆေးရေးအဖွဲ့က တွေ့ဆုံ မေးမြန်းခဲ့ကြပါတယ်။
ဇူလိုင်လ ၃ ရက်နေ့က သမ္မတဖွဲ့စည်းပေးထားသည့် စုံစမ်းစစ်ဆေးရေးအဖွဲ့တွင် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းက ဥက္ကဌအဖြစ်တာဝန်ယူထားပြီး၊ ပြည်ထဲရေးဝန်ကြီးဌာနမှ ဒုတိယဗိုလ်ချုပ်ကြီးစိုးထွဋ်၊ ပြည်ထောင်စုဝန်ကြီး ဒေါက်တာဝင်းမြတ်အေး၊ ကချင်ပြည်နယ်ဝန်ကြီးချုပ် ဒေါက်တာခက်အောင်စသည်တို့ ဖြစ်ပါတယ်။
ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအုပ်စု၊ ဝှေခါကျေးရွာ ရပ်ကွက် (၆) ၊ လခူချောင်ရှိ ကျောက်မျက်ရွှေပြည်ကုမ္ဗဏီ (ဒေသအခေါ် တစ်သုံးလုံး ကုမ္ဗဏီ) အတွင်း ဇူလိုင် ၂ ရက်နေ့ နံနက် ၆ နာရီခွဲဝန်းကျင်က ပေ ၁၀၀၀ ဝန်းကျင် အမြင့်မှ မြေပြိုကျမှု ဖြစ်ပွားစဉ် ကျောက်ရှာနေသူများ သေဆုံးမှု အများအပြားဖြစ်ပွားခဲ့ခြင်းဖြစ်သည်။[embedyt] https://www.youtube.com/watch?v=83yCnFVk6p8[/embedyt]
Red News Agency
ရေမဆေးကျောက်ရှာဖွေဖို့သွားသော်လည်း သေဘေးမှ လွတ်မြောက်လာသူ
တာလင်းမောင် ၊ ဖားကန့်၊ ဇွန် ၃ ရက်။
ဇွန်လ ၂ ရက်နေ့ ရေမဆေးကျောက်ရှာဖွေရန်သွားခဲ့သူ၊ သေဘေးမှ လွတ်မြောက်ခဲ့သူ တစ်ဦးဖြစ်သူက ဖြစ်စဉ်တချို့ကို ပြောပြထားပါတယ်။ ဖားကန့်မြိုကနယ် ဝှေခါကျေးရွာ ရပ်ကွက် (၆)၊ လခူးချောင်ရှိ ကျောက်မျက်ရွှေပြည်ကုမ္ဗဏီ ( ဒေသအခေါ် တစ်သုံးလုံး ကုမ္ဗဏီ) အတွင်း ကျင်းကမ်းပါး ပြိုကျမှုကြောင့် ယနေ့ နေလည်ပိုင်းအထိ သေဆုံးသူ ရုပ်အလောင်း ၁၆၈ ဦးကို ဆယ်ယူပြီးကြောင်း သိရသည်။[embedyt] https://www.youtube.com/watch?v=BfVsVfOPcq4[/embedyt]
Red News Agency