Category: သတင်း

RNA- မတ် ၁၃ ရက်။

မကွေးတိုင်းဒေသကြီး မင်းဘူးမြို့တွင် အာဏာသိမ်းစစ်ကောင်စီကို ဆန့်ကျင်ဆန္ဒပြသည့်အနေဖြင့် ညဦးပိုင်းတွင် ဖရောင်းတိုင်မီးများထွန်းကာ လမ်းလှျောက် ဆန္ဒပြခဲ့ကြသည်။ အာဏာသိမ်းစစ်ကောင်စီ အလိုမရှိသည့်အတွက် ပြည်သူများ ငြိမ်းချမ်းစွာ ဆန္ဒပြစဉ် စစ်တပ်နှင့်ရဲက သေနတ်အစစ်များအပြုပြီးပြီး ပစ်ခတ်ဖြိုခွင်းခဲ့သည့်အတွက် ယနေ့ (မတ်လ ၁၃ ရက်) တွင် ပြည်မြို၊ ချောက်မြို့၊ မန္တလေးမြို့၊ ရန်ကုန်တိုင်းတို့မှ ပြည်သူတစ်ချို့ အသက်ဆုံးရှုံးခဲ့ကြရသည်။[embedyt] https://www.youtube.com/watch?v=Q2XRi8UFzAU[/embedyt]

၂၀၂၁ ခုနှစ် ဖေဖော်ဝါရီလ ၁ ရက်နေ့မှ စတင်ကာ ပြည်သူ့အစိုးရထံမှ စစ်တပ်အာဏာသိမ်းယူခဲ့ပြီး ရက်ပေါင်း ၄၁ ရက် အတွင်း( မတ်လ ၁၃ ရက်နေ့အထိ) သေဆုံးသူ ၇၀ ကျော်ရှိပြီး၊ AAPP စာရင်းများအရ ဖမ်းဆီးခံရသူ ၁၇၀၀ ကျော်ရှိသွားပြီဖြစ်ကြောင်း သိရသည်။

Red News Agency

RNA။ ရန်ကုန်၊ ဖေဖော်ဝါရီ ၂၅ ရက်။

မြောက်ဥက္ကလာပမြို့နယ် ( ဋ ) ရပ်ကွက် သပြေခြံတွင် အာဏာသိမ်းအစိုးရ မြို့နယ်စီမံအုပ်ချုပ်ရေးအဖွဲ့က ဖွဲ့စည်းပေးလိုက်သည့် (ဋ ) ရပ်ကွက် ရပ်ကွက်လုံခြုံရေးနှင့် တရားဥပဒေစိုးမိုးရေးအဖွဲ့မှ တစ်ဦးက ဦးဆောင်ပြီး လူမိုက်များဖြင့် ဓားဖြင့်ထိုးခြင်း၊ ရပ်ကွက်စိန်ခေါ်ခြင်းများ ယနေ့ (ဖေဖော်ဝါရီလ ၂၅ ရက်) နေ့လည်ပိုင်းက ပြုလုပ်ခဲ့သည်။

စစ်အစိုးရ ဖွဲ့စည်းပေးလိုက်သည့် (ဋ ) ရပ်ကွက် ရပ်ကွက်လုံခြုံရေးနှင့် တရားဥပဒေစိုးမိုးရေးအဖွဲ့မှ တစ်ဦးကဦးဆောင်ပြီး လူမိုက်များဖြင့် ဓားကိုင်ရမ်းကားကာ ပြုလုပ်ခဲ့မှုတွင် ရပ်ကွက်အတွင်းမှ ပြည်သူတစ်ဦး ဓားထိုးခံခဲ့ရကြောင်း၊ လူမိုက်များအဖွဲ့မှလဲ ရပ်ကွက်မှ ဝိုင်းဖမ်းရာ တစ်ဦးမိထားကြောင်း သိရသည်။[embedyt] https://www.youtube.com/watch?v=Q7JlH7ik-rg[/embedyt]

ယနေ့ ရန်ကုန်မြို့တွင်းတွင်လည်း ငြိမ်းချမ်းစွာ ဆန္ဒပြနေသူများကို တပ်မတော်ထောက်ခံသူများက ဓားဖြင့်ထိုးမှု၊ ဝိုင်းဝန်းရိုက်မှုများ ဖြစ်ပေါ်ခဲ့သည်။

Red News Agency

ကိုကိုလွင်။ ပုလဲ၊ ဖေဖော်ဝါရီ ၂၂ ရက်။

စစ်ကိုင်းတိုင်းဒေသကြီး၊ ပုလဲမြို့တွင် ယနေ့ (ဖေဖော်ဝါရီလ ၂၂ ရက်) နံနက်ပိုင်းက အာဏာသိမ်းစစ်အစိုးရ ဆန့်ကျင်ရေး သပိတ်တိုက်ပွဲကို ပြည်သူလူထု တစ်သိန်းကျော်ဖြင့် ဆန္ဒထုတ်ဖော်ခဲ့သည်။

ဆန္ဒထုတ်ဖော်ပွဲတွင် သံဃာတော်များ၊ ပညာရေးဝန်ထမ်းများ၊ ကျန်းမာရေးဝန်ထမ်းများ၊ ‌ပုလဲမြို့နယ် ကျောင်းသားများ သမဂ္ဂမှ ပြည်သူများနှင့်အတူ လမ်းလျှောက်ချီတက် ဆန္ဒထုတ်ဖော်ခဲ့သည့်အပြင် ပုလဲမြို့နယ် စုပေါင်းရုံးရှေ့တွင်လည်း ထိုင်သပိတ်ပြုလုပ်၍ အာဏာသိမ်းစစ်အစိုးရ ဆန့်ကျင်ရေး ဟောပြောမှုများ ပြုလုပ်ခဲ့သည်။

ယင်းအပြင် ပုလဲမြို့နယ် တက္ကသိုလ်ကျောင်းသားများ သမဂ္ဂမှလည်း မြို့နယ် စုပေါင်းရုံးရှေ့တွင် အာဏာရှင်စနစ်ကျဆုံးရေးအတွက် ကျန်ရှိနေသည့် ပြည်သူ့ဝန်ထမ်းများမှ CDM ပါဝန်ပေးရန် တောင်းဆိုခဲ့ကြသည်။[embedyt] https://www.youtube.com/watch?v=OR6-a6_Zk6o[/embedyt] Red News Agency

RNA- ဖေဖော်ဝါရီ ၂၁ ရက်။

အာဏာသိမ်း စစ်ကောင်စီမှခန့်အပ်သည့် အုပ်ချုပ်ရေးမှူး အလိုမရှိကြောင်း မြောက်ဥက္ကလာပမြိုကနယ် (ဌ) ရပ်ကွက်နေပြည်သူများက ရပ်ကွက်အုပ်ချုပ်ရေးမှူးရုံးရှေ့တွင် ယနေ့ (ဖေဖော်ဝါရီလ ၂၁ ရက်) နံနက်ပိုင်းက ဆန္ဒပြခဲ့ကြသည်။

ဖေဖော်ဝါရီလ ၁ ရက် ၂၀၂၁ ခုနှစ် ဖေဖော်ဝါရီလ ၁ ရက်နေ့က စစ်တပ်မှ အာဏာ သိမ်းခဲ့ပြီး ရွေးကောက်ခံ အစိုးရအဖွဲ့ကို ဖျက်သိမ်းခဲ့သလို ရွေးကောက်ခံ ရပ်ကျေး အုပ်ချုပ်ရေးမှူးများကိုလည်း ဖျက်သိမ်းကာ စစ်ကောင်စီက အသစ်ထပ်မံခန့်အပ်မှုများ ပြုလုပ်နေသည့်အထဲတွင် ရန်ကုန်တိုင်းဒေသကြီး မြောက်ဥက္ကလာပမြို့နယ် ၁၉ ရပ်ကွက်ရှိရာ (ဌ) ရပ်ကွက်အုပ်ချုပ်ရေးမှူးကို စစ်ကောင်စီက ခန့်အပ်ခဲ့ကြောင်း၊ အခြားရပ်ကွက်များတွင် ယခင်အုပ်ချုပ်ရေးမှူးများကို ထပ်မံခန့်အပ်ခဲ့ကြောင်း သိရသည်။

(ဌ) ရပ်ကွက်နေပြည်သူများသည် စစ်ကောင်စီက ခန့်အပ်သည့် အုပ်ချုပ်ရေးမှူးကို အလိုမရှိကြောင်း၊ (ဌ) ရပ်ကွက်ပြည်သူများက ရွေးကောက်ခဲ့သည့် အုပ်ချုပ်ရေးမှူးသည် စစ်အာဏာသိမ်းမှုကို ဆန့်ကျင်ကွန့်ကွက်မှုပြုလုပ်ခဲ့ကြောင်း ရပ်ကွက်််နေပြည်သူများက ပြောသည်။[embedyt] https://www.youtube.com/watch?v=mVE7zhvTvEc[/embedyt]

Red News Agency